ציטיר
5
צו לייגן א דאנק דארפט איר זיין אריינגעלאגט
תגובה
דורך מאניש בנבנשתי » מאנטאג יאנואר 10, 2022 11:07 pm
מיין רייזע מיט סוחי - חלק י אין קורצן פון פריער ..מוטשע דעך. שינת צהרים מ'ענדיגט אפרוימען די פילע טעלער'ס, און אלע לעקטער'ס גייען שוין שלאפן..ס'גאנצע צימער ווערט פארוואנדעלט אין א דארמיטארי..מ'טוט זיך אויס די שיך, ממש ווי ביי זיך אינדערהיים..ס'ווערט שא שטיל, מ'גייט יעצט שלאפן יעדער איינער..ביי די אידישע געמיינדע איז אבער יעצט די צייט פאר גענעראל פארזאמלונג'ן וואס ווערט אפגעהאלטן אויף די העכסטע טענער ביי יעדע שטיקל פלאץ וואס קען אריינעמען צוויי מענטשן אדער מער..א שטייגער ווי פאר די הכנות שטיבלעך, ביי די זיצן וואס זענען פאר די עקזיט, די פאליש אין די בעק וכו'..דעמאלטס איז די זמן ווען מ'באקענט זיך איינער מיטן צווייטן, מ'ווערט קרובים דארטן, עס ווערט בע'ארבייט פארשידענע נושאים.. און פאר סוחי איז נישטא קיין בעסערע צייט ווי יעצט, ער ווערט גוט מיט יעדעם איינעם יעצט..העי ס'טוט זיך? איך הייס סוחי, וויאזוי הייסטו? פארסט אויך אויף רימענאוו? סוחי איז יעצט אויף א שפיאניר מיסיע, ער גייט אדורך דעם גאנצן דורכגאנג ביזן ערשטע קלאס, און דארטן מאכט ער שלעמאליכעמ'ס מיט יעדן צווייטן.. פרובירט ער אויס די זיצן און דאס גלייכן, ביז א דינסט כאפט אים אן ביים קארג און פירט אים ארויס בתופים ובמחולות..איצטערט מאכט ער זיין רייזע אויף צוריקוועג'ס..גייט ביז'ן פאליש ביים עק פון פליגער, און דארטן די לעצטע עטליכע זיצן האט אזא פיהרהאנג וואס איז ארומגענומען ארום די זיצן, כאילו צו ווייזן דא איז רעזאווירט..דאס ווערט גענוצט דורך די דינסטן אלץ זייער צונויפקום פלאץ ווי מ'שמועסט זיך אדורך די קומענדיגע אנטיסמיטישע פלענער..אויף רוב פליגער'ס האבן זיי אן עקסטערע שטיבעלע וואס איז ספעציעל געווידמעט פאר די הבה נתחכמה חברה ווי זיי קענען זיך אויסציען אויף א געלעגער און איינעמען זייער מיאוס'ן סוף..יעדע פליגער איז עס רעזעווירט אויף אן אנדער מקום..ס'איז אנדערקאווער, הו איז ארוינד די בעיס איז איט..אבער דא אויף מיין יעצטיגע רייזע מיט סוחי האבן זיי גענומען די בעק סיעט'ס, זעהט אויס די פליגער האט מען פארגעסן צו מאכן פאר זיי אן עקסטערע שטיבל, האבן זיי געמאכט עירובי תחומין מיט אזא מחיצה, און קונה שביתה געווען צווישן די מענטשהייט! הכלל, סוחי איז דאך יעצט אויף א שפיאניר מיסיע, ער טראכט נישט קיין צוויי, געבט אן עפן אויף די פיהרהאנג ווי די דינסטן פארברענגען אינאיינעם. און שטעקט אריין ס'קאפ זיינע און זאגט העלאוי..ווי צו זאגן, עטץ קומט'ס אודאי אויך מיט קיין רימאנאוו, עטץ פארטס מיט די זעלבע נסיעה? ביי וועם האט עטץ געבוקט די טיקעט'ס?! די דינסטן געבן אים א לעקציע אין מס' דרך ארץ, און הייסן אים גיין אויף זיין פלאץ זאפארט, און מער נישט זיך וואגן צו עפענען זייער צימער פירהאנג.. יעצט גייט סוחי צוריק צו זיין פלאץ, ער האט דאך א פענסטער, און זיין שכן דער ערל איז פארזונקן אין א טיעפ'ן שלאף..ער וויל דאך אבער אריינגיין צו זיין פלאץ, סוחי קלערט נישט קיין צוויי, ער רייסט זיך אריין מיט געוואלד, אזא חסידישע ופרצת אריין, זיך אנכאפענדיג אינעם פאדערשטן זיץ וואס איז אויך א גאסט געבער צו א לא לנו..אז מ'קען אויפוועקן צוויי מענטשן אויף איינמאל פאר די זעלבע פרייז, איז דאך ממש א שאד נישט מיטצונעמען א דריטן..דער גוי כאפט זיך אויף פון שלאף מלא כעס, ס'גייט קללות נמרצות..ער זאגט דברי כיבושין והתעוררות פאר סוחי'ן..יע, סוחי טוט זיך אן זיינע העד פאוינס און לאזט זיין שכן מסדר זיין ס'עסק מיט זיך אליינס..איך פאהר אויף רימאנאוו, דו אויך?! גענדיגט מיט סוחי, איך גרייט מיר צו גיין שלאפן..אויף מיין הענטל איז דא א קנעפל וואס מאכט מיין רוקן האלטער זאל אביסל נאכלאזן פון זיין שטייפקייט..אקעי, גיימיר זיך אויסציען..איין אינטש, דאס איז עס, מער גייט עס נישט..איך פראביר אראפצודרוקן מער אפשר וועט עס געלונגען, אבער קיינמאל..זה הוא! יעדע עטליכע מינוט צינד זיך אן מיין אוי סי די און איך קוק נאכאמאל צו די רוקן האלטער איז אראפגערוקט די ווייטסטע שייך..יע, איר קענט מיר אפשר זאגן וויאזוי דארף איך יעצט קענען שלאפן דא? חוץ מזה, וואס איך דארף מיר איינטיילן בשותפות מיין הענטל מיט מיין שכן..ווען קען איך האלטן די הענט אויף דעם און ווען דארף ער? איז דא אינסטראקשענס אויף דעם? איך שפיל מיט אים קאץ און מויז די גאנצע צייט, איך לייג ארויף מיין הענט אזוי אויף איין אינטש וואס איז ליידיג, און צוביסלעך פליעט אראפ זיין הענט אין תהום אריין..איך בין געהעריג אין ביזנעס דא מיט א גוי, איך מיט אים האמיר בשותפות איין הענטל ארויפצולייגן די הענט דערויף, איך טראכט עס צו פארדינגען פאר נאך איינעם..זאל כאטשיג אונזער אינוועסטמענט ברענגען עפעס ריוח.. יעצט איז די צייט צו מאכן די נענועים, מען דרייט ס'קאפ צו לינקס, ניין רעכטס איז בעסער..אךך צוריק צו לינקס..ארבייט נישט, לאמיר גיין רעכטס..נע, צוריק לינקס..וחוזר חלילה, אזוי דרייענדיג זעה איך מיין שכן שלאפט מיט די מויל ברייט אפן, אויף די רגע בליצט מיר א רעיון אריינצושטופן א באלי דארטן..דער מאכט מאדנע איבונגען מיט זיין קאפ, עס פאלט אראפ פארענט ווען גלייך געבט ער א שלעפ אויף צוריק מיט אזא ווילדע תנועה, דערנאך גליטשט ער עס צוריק אראפ זייער צושטייטלעך. געבט אכט צו גיין אויף ספיד איינס, עס לאזט זיך אראפ פאמעליך..און יאפס עס דערגרייכט שוין כמעט אונטן, און זוממממ ס'קאפ קומט צוריק מיט א שנעלקייט פון פופציג מייל פער שטונדע..אזוי ווילד צו פארן? רואיג, קענסט עס צוריקנעמען שטייט, וואס איז די יאגעניש? א רחמנות נעבעך..פיינעלי ערגעץ אינדערמיטן בין איך איינגעשלאפן..נעקסטע זאך איך הער, עקסיוז מי, וואלד יו לייק סאמטינג טו דרינק? זאג, דו דארפסט נאך דיינע ציינער? דו זעהסט נישט איך שלאף יעצט? זיי די דינסטן טרינקן אינמיטן שלאפן? מאדנע ברואים דאס..זיך געמוטשעט דריי שעה איינצושלאפן, ענדליך האב איך באוויזן דאס אומגלויביגע, און זי מיר איר גוט הארציגקייט האט באשלאסן מיר צו אפפערן טרינקן..ס'מוז דאך זיין אז איך בין יעצט דארשטיג, ניין? די דינסט איז נאכנישט פארטיג, הערט א מעשה, זי איז מיר מסביר אז זי האט א סטאר דא און איך קען קויפן זאכענעס, איך בין געהעריג אין חעלעם יעצט..ס'דא א סטאר דא! אויפן פליגער! ביי מיין דורכגאנג! ווייזט מיר עפעס א בראשור מיט פיקטשער'ס זי האלט א קרעדיט קארד מאשין..ס'נייעס די חברה..איך שפור מיר יעצט עכט היימיש, ממש ווי אינדערהיים, איך האלט אינמיטן מיין טיעפסטן שלאף און טררררר, טובים מאורות אויף די ליין..ס'מוראדיג דאס..אזוי אינמיטן די דורכגאנג האבן די חברה געפענט א סטאר! מ'מאכט ביזנעס דא. די עירפארט איז שוין אויסגעלאפן פון פלאץ, און די דינסטן מחמת גרויס דחקות האבן נישט געהאט קיין ברירה נאר עפענען ס'געשעפט אויפן פליגער, אינמיטן דורכגאנג. מיר האבן א מאאל דא! חברה, גייטס צו סוחי, מאכטס מיט אים ביזנעס! און וועק מיר נישט אויף נאכאמאל, ווייל איך וועל מאכן מיט ענק ביזנעס!פארזעצונג מערטצעשעם.. אייגענע עקספיריענס שטארק פארגעצויגן צו מיטטיילן. . נ.ב. די חלק האט שפעט געצייטיגט, ביטע אנטשולדיגן מאניש פארן קומען שפעט היינט, ער האט געהאט א...אקעי, סתם זייער פארנומען מיט פערזענליכע צוועקן, וועלמיר פרובירן זאל כאטש זיין איינמאל א וואך אן אפדעיט מערצעשעם..
אב''ד ור''מ קרעפלעך והגלילות יצ''ו
געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)
מיינע באקן זענען נישט פארגליווערט, ווייל איך מאך דערמיט איבונגען כסדר..
קרעפלאך והגלילות
דער שיעור שטיבל