א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

אפהאנדלונגען און דיסקוסיעס בענינים העומדים על הפרק

די אחראים: יאנאש,אחראי,געלעגער

אוועטאר
היימישער הייקער
שר האלף
תגובות: 1635
זיך איינגעשריבן אום: דינסטאג יאנואר 08, 2019 5:07 pm

א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער הייקער »

דיסקלעימער: איך בין נישט דער שרייבער. אבער עס האט מיר געפאלען. עס איז ריכטיג און וויכטיג. ענליך צו וואס ר' ישראל סאלאנטער האט געוואלט אויפטוהן בימיו. היינט איז עס נאר נאך מער וויכטיג.

איך האב געוואלט ארויפברענגן מיט אפאר שורות עפעס וואס ליגט פאר אסאך מענטשן אויפ'ן הארצן, נאר איך וויל אויסשמועסן די לעזונג צום פראבלעם, נישט בלויז 'קאמפלעינען'.
איך בין נישט וואס מען רופט א כלי קודש, איך בין א פשוט'ער הדיוט, א בעל הבית, אבער איך האב זוכה געווען צו זיין אין די פעלד פון תורת הנפש און ממילא זעה איך אביסל (אדער אסאך) וואס עס טוט זיך אין אונזערע קרייזן.

דער עולם שרייט "פירות משדפון הושענא" און מען רעדט אסאך וועגן דעם ווייטאגליכן ענין פון די וואס פאלן ארויס. איך וואלט אבער געוואלט אויסשמועסן דעם גרעסערן פראבלעם פון "נפש מבהלה הושענא", פון די וואס לעבן יא אַן אזוי גערופענעם פרומע לעבן. אמאל האט מען געזאגט אז קירוב קרובים קומט בעפאר קירוב רחוקים, היינט דארף מען שוין מאכן קירוב אויף אידן מיט לאנגע בערד.

בחורים קענען זיך פארהערן 100 בלאט גמרא אבער וואקסן אויף ווי ראבאטס וואס זענען קאלט און 'דיסקאנעקטעד' מכל דבר שבקדושה. אויפשטיין שבת אדער בין הזמנים בעפאר 10 צו 11 אזייגער איז סתם "סטופיד". זמן קריאת שמע, מעביר סדרה זיין, אדער העלפן די מאמע אין שטוב, מאן דכר שמיה. זיי זיצן אויף שווערע אלפים פון קאוויד אנעמפלוימענט, למען ה', און ביים לערנען בלאזט מען "רינגעלעך" מיט'ן אי-סיג. און מ'רעדט נישט יעצט פון "פראבלעמאטישע" בחורים. די עלטערן האבן מורא צו זאגן א ווארט "ווייל ער לערנט דאך פיין". מען קען שוין נישט בר מצוה האבן אן א תפלין בייטל וואס זעהט אויס ווי א 'פעעשן-דעזיין פאקעט-בוק.' און נאכ'ן חתונה האבן, וואס האט ער צו פארקויפן? ער וויל באלד פליפן דיעלס, אדער זיצט ער אויף קעסט, מיט א שיינע קאר א טאג נאך די חתונה, און א סמארטפאון אונטער'ן גמרא, אבער דער שווער איז צופרידן ווייל די טשאטשקע האט זיך פארהערט הלכות שבת.

ווי אזוי ערווארט מען אידישע שטיבער זאלן זיך בויען אויף אזא יסוד? ווי אזוי וועלן זייערע קינדער און אייניקלעך אויסזעהן? ווי אזוי קענען מיר ערווארטן א דור וואס זאל נישט זיין מבולבל אויב מען אדרעסירט דאס נישט?

ווען איינער זאל נעמען אן אינשורענס אדער בוק-קיפינג קורס און ער קומט ארויס אן קיין למעשה'דיגע אנווייזונגען, וועט ער דאך שרייען אז מען האט אים גארנישט אויסגעלערנט, ער וועט בעטן פאר א ריפאנד. און וואס האט א בחור צו פארקויפן ווען ער קומט ארויס פון ישיבה? אז ער קען אפאר שורות גמרא, גענוג אויף זיך צו טענה'ן מיט א מורה הוראה? לערנט ער זיך מידות? זיין א גוטער מאן? ער איז א מבין אויף אלעס חוץ אויף צו טון למעשה.

מען קען נישט באגראבן דעם פראבלעם צו לאנג. מען האט חתונה, די קינדער וואקסן אונטער, און די עלטערן זענען נאר פארנומען מיט זיך און זענען נישט אינטערעסירט צו אינוועסטירן אין חינוך הבנים. "פיקס מיין קינד" זאגט מען צום טעראפיסט. ווען די הויז פארט אויף רעדער און די עלטערן האבן פארשידנארטיגע מהלכים און שיטות, רירט עס צום סוף אן שלום בית. מען גט זיך אין גרויסן. יונגע פרויען כאפן א נערוון בראך נאך צוויי קינדער. פעמילי קאורטס באדן זיך אין אידיש בלוט. די סייקיעטריק שפיטלער זענען אנגעפילט מיט היימישע בחורים און מיידלעך. און מען רעדט נישט יעצט פון די וואס פאלן ארויס.

רוב זאכן טוט מען נאר צו געפעלן די שכנים און משפחה ארום. אבער בעצם דרייט מען זיך ארום חרוב ונחרב בשעת מען שמייכלט צו די וועלט, כאילו מען קען באהאלטן דעם פראבלעם. ביי שמחות שמייכלען מאן און ווייב ביי די מחיצה בשעת אינדערהיים הרג'עט מען זיך. א וועלט פון "פריטענד".

יעדן טאג נאכ'ן בעטן "הוא יפתח לבנו בתורתו, וישם בלבנו אהבתו ויראתו..." פירן מיר אויס מיט די ווערטער "למען לא ניגע לריק ולא נלד לבהלה", אן די תורה און אן שפירן אהבת ה' ויראת ה' אין אונזער הארץ ברענגט דאס צו ריק ובהלה, א לעבן פון דערשראקנקייט, אומזיכערקייט. מען דארף נישט מפרט זיין מער אבער ס'איז קלאר אז פאר יעדע אדווערטייזמענט פאר נאך א "מהדרין שבמהדרין וויקענד געטעוועי" איז דא נאך דריי אדווערטייזמענטס פאר שיעורים אין שלום בית, חינוך, אדער נאך א מענטל העלט קליניק. רבותי! דער פראבלעם איז נישט די ארויסגעפאלענע, דער פראבלעם איז די נייע באקוועמע "טשילד" מהלך החיים פונעם היימישן חסיד'ישן איד מיט די לאנגע פיאות.

ונפשי נבהלה מאוד, ואתה ה' עד מתי? די עלטערן שרייען אז מ'דארף איבערמאכן די חינוך "סיסטעם", די מוסדות שרייען אז מיט אזעלכע עלטערן קען מען נישט גיין צום טיש, די רבנים זענען מעורר וועגן טעכנאלאגיע, און טעראפיסטן שרייען אז ס'איז נישט דא גענוג "עווערנעס" איבער טראומא. יעדער איינער איז גערעכט. אבער למעשה וואס טוט מען?

דער בעש"ט האט געזען דעם חורבן בימיו אז די בעלי עגלה און וואסער טרעגערס וואס זענען נישט קיין בעלי כשרונות פאלן ווי פליגן, איז ער ארום געגאנגען אין די שטעט און זיי געוויזן אז עבודה שבלב איז די עיקר שפראך וואס ג-ט באגערט. היינט איז יעדער א תלמיד חכם אבער די הערצעלע איז אייז קאלט.

די לעזונג צום פראבלעם איז פיל גרינגער ווי אנדערע ווילן קלערן. ברידערלעך, איך גלייב אז מיט איין גאנץ קליינע שינוי קען מען ראטעווען דורות.

יעדער איז באקאנט מיט דעם וואס דער הייליגער חתם סופר האט געזאגט אז א טאג וואס ער לערנט נישט קיין מוסר פילט ער אן התרשלות אין עבודת ה'. אסאך ישיבות האבן א מוסר סדר אבער ס'זעהט אויס ווי צווישן די פערטע און די פינפטע הקפה. די מגידי שיעור נעמען דעמאלטס א 'ברעיק' און א בחור וואס וויל לערנען מוסר, זעהט אויס ווי דער פרימאק פון ישיבה. און דאס איז דער סך הכל פון דעם בחור'ס השקפה לעסענס און דער יסוד פון זיין עתיד.

וואס וואלט געווען ווען מוסר און השקפה זאל זיין שיעור עיון! א שעה צוויי יעדן טאג מינימום, מיט בחינות!

עס איז גרינג אוועקצומאכן דעם געדאנק מיט'ן אויסרייד אז אביי און רבא וועלן נישט מוותר זיין. ס'איז באקאנט די מעשה פונעם חסיד וואס האט געפרעגט זיין רבי'ן צו ער זאל לערנען מוסר אדער גמרא אין די קארגע האלבע שעה וואס ער איז קובע עיתים יעדן טאג. "לערן מוסר וועסטו זעהן אז די האסט מער צייט!" איז געווען די תשובה ניצחת. לאמיר זיך נישט נאריש מאכן; אז דער בחור וואקסט אויף מיט אביסל ערנסטקייט וועט ער נאך לערנען פיל מער גמרא במשך זיין לעבן. אביי און רבא זענען נאר די געווינערס דא.

איי פארוואס האט דער חתם סופר נאר געלערנט 15 מינוט מוסר? ס'איז פשוט, קודם כל, ס'איז באקאנט אז די 15 מינוט חובת הלבבות ביים חתם סופר האט אויסגעזען ווי ביי אונז תפילת נעילה אין א שנת בצורת, ס'איז פארגעקומען יללות, פשוטו כמשמעו. די תלמידים זענען געווארן ערשעפט און אויסגעשוואנקן נאך די 15 מינוט, עס האט נישט אויסגעפעלט מער. צווייטנס, אמאל זענען געווען צדיקים און קדושים וואס ווען מען האט זיך געדרייט ביי זיי האט עס אויך מגין געווען. פויערן האבן געקענט זיין יראי השם. אין דעם דור יתום איז לימוד התורה שלא על מנת לעשות ווייניג ווערד. דריטנס, לימוד הגמרא פון די דורות הראשונים איז געווען אנדערש ווי היינט. די גמרא זאגט אונז "האי מאן דבעי למהוי חסידא לקיים מילי דנזיקין" דער וואס וויל ווערן אנגערופן א חסיד זאל זיך אריינטון אין עניני נזיקין. ר' אביגדור מיללער זצ"ל וואס האט געזעהן חובת הלבבות און מסילת ישרים אין יעדע ווארט גמרא האט אמאל געגעבן א גאנצע שיעור אויף די ווערטער, וואס דאס מיינט לערנען הלכות נזיקין, מיט וואס פאר א פחד מען דארף צוגיין צו ממון חבירו. און ווי שטארק די הלכות דארפן באאיינדרוקן א מענטש אויף זיין גאנץ לעבן. היינט צו טאג קען מען זיך פארהערן אלע 3 בבא'ס און בסך הכל לערנט מען זיך צו זיין א שטערקערער "טוען" אין בית דין, צו מאכן די תורה א קרדום לחפור. עכ"פ אונזער אומשולדיגע בחורים'לעך בימי עקבתא דמשיחא דארפ'ן מאכן מוסר-השקפה-חסידות א גרויסע עיקר, נישט קיין טפל. וואוילע קינדער וואקסן אויף און ווילן זיין ערליך, ווילן זיין נארמאל, ווילן לעבן מיט סיפוק. יא ס'איז דא נסיונות אבער א גרעסערער פראבלעם איז אז מען געבט ניטאמאל פאר א בחור א שאנס.

איך זעה נישט קיין וועג ארויס פון דעם פלאנטער אן דעם וואס ראשי ישיבות זאלן נעמען ערנסט דעם ענין פון מוסר והשקפה און עס מייסד זיין אלץ די שטערקסטע חלק פון די סדרי הישיבה. לערנט עס פאר מיט געשמאק אז די בחורים זאלן הנאה האבן. פקודי ה' ישרים משמחי לב גייט נישט אן ווען א דעפרעסטער אינגערמאן וואס מוטשעט זיך מיט זיין אייגענע סיפוק לערנט פאר. מען קען דעליווערן די סחורה מיט א געשמאק.

מ'קען דערצו צולייגן וואס מען טוט אין אסאך ליטווישע ישיבות, דער ענין פון א "וועד" אדער חבורות. א קבוצה בחורים נעמען א ראש חבורה, עס קען זיין א אינגערמאן, א בחור, א מגיד שיעור, נישט קיין חילוק, און מען ארבעט צוזאמען אויף א מידה, און מען העלפט זיך איינער דעם אנדערן. (אז די ליטווישע ישיבות קענען פראווענען ל"ג בעומר טישן מעגן מיר בארגן די ועדים פון זיי). און ווער זאגט אז נאר אין חדר מעג מען לערנען פירוש המילות? פארוואס זאל עבודה שבלב נישט נישט פארנעמען קיין ארט אין א חסיד'ישע ישיבה?

גרויסע אידן וועלכע האבן אויפגעשטעלט מוסדות נאכן קריג, האבן געהאט א שיטה אז מ'קען אננעמען קינדער פון שוואכע שטיבער. זיי האבן געהאלטן אז איינס פון צוויי זאכן וועלן געשען במשך הזמן, אדער וועלן די קינדער האבן אן השפעה אויף די עלטערן און די גאנצע שטוב וועט זיך טוישן למוטב, אדער וועלן די עלטערן מיט די צייט ארויסנעמען די קינדער פון די מוסדות. (איך זאג נישט אז היינט וועט דאס ארבעטן, ווייל מענטשן זענען היינט מומחים און טאנצן אויף צוויי חתנות אויף איינמאל, אבער די פרינציפ איז א גוטער פון וועלכער מיר קענען זיך לערנען). איך גלייב אז עס איז בדוק ומנוסה אז ווען א בחור לערנט מוסר וחסידות בקביעות ובעיון, וועט געשען איינס פון צוויי זאכן, אדער וועט עס אינגאנצן טוישן דעם בחור (און ער וועט קענען האבן אן השפעה אויף זיינע סביבה אין ישיבה און אינדערהיים), אדער וועט ער אויפגעבן דעם סדר. ס'איז כמעט נישט מעגליך זיך אייצוטונקען טעגליך אין מוסר און נישט געטוישט ווערן. אויב די ישיבה איז אויסגעשטעלט אלעס ארום דעם סדר פון מוסר און השקפה וועט דער בחור זיך מוזן צושטעלן אדער וועט ער מוזן בוחר זיין צו ער וויל זיין א ישיבה בחור. גלייבטס מיר, ווייניגער בחורים וועלן ארויספאלן ווי היינט, און די קוואליטעט פון א ישיבה בחור וועט זיך הייבן. ער וועט חתונה האבן מיט סחורה צו פארקויפן.

און מען דארף נישט זיין קיין רשכבה"ג זיך "מתיר" צו זיין צו מאכן אזא שרעקעדיגע שינוי לטובה. ווען עס איז דא א צרה'לע קען מען זיך צאמזעצן, אבער ווען עס ברענט א העלישער פייער און מענטשן פאלן ווי פליגן, קען יעדער מיט צוויי הענט און פיס ווערן א פייערלעשער און א דאקטער. יעדער ראש ישיבה וואס איז דא פאר כבוד שמים און דערהערט די צער השכינה וועט טוישן זיין ציל פון וויפיל תלמידי חכמים זיין ישיבה האט ארויס געגעבן, צו וויפיל נארמאלע, באזעסענע, ערליכע איגעלייט זיין ישיבה האט ארויס געגעבן. די וועלט האט גענוג תלמידי חכמים וואס ווייקן זיך אין קנאה תאווה וכבוד, וואס עס פעלט אין כלל ישראל איז פרייליכע ערליכע נפשיות'דיגע געזונטע בעלי בתים וואס זענען קובע עיתים און ברענגן אריין א געשמאק אין זייערע קינדער לה' ולתרתו.

איך דערמאן זיך יארן צוריק ווען איך בין געווען פריש אינדרויסן פון די כותלי הישיבה האב איך צווישן אנדערע געהאט א טעגליכן סדר אין רמב"ם מדע. עס האט מיך געהויבן, געהאלטן, און געשטילט מיין דארשט. איין טאג אין ביהמ"ד האט א איד א תלמיד חכם מיך אנגעקוקט שטרענג און געזאגט "דו לערנסט רמב"ם? וועסט נאך חרטה האבן!" און מיט דעם קללה איז ער נעלם געווארן. איך זעה היינט דער איד פון דערווייטנס. ער מוטשעט זיך נעבעך מיט די קינדער, מיט געזונט—בגוף ובנפש. די תורה איז משובת נפש, אבער נישט ווען מען האט אן אייגענע אגענדע! לאמיר איינזעהן אז בלעטער גמרא אן קיין הארץ איז כמעט ווערטלאז. אמאל האט מען געקענט גיין גלייך צו די 'מעין קורס', היינט דארף מען אנווארעמען דעם בחור בעפאר מען פיטערט אים א שטיקל קצות.

עס איז שיין צו זען ווען עס שטעלט זיך אויף א אינגערמאן א בעל כשרון און עפענט א נייע ישיבה פאר מצוינים. איך גיי נישט יעצט אריין אין דעם ענין צו ער מוז עפענען א ישיבה פאר חלשים און בינונים. אבער וואס מען דארף יא דערהערן איז אז א היינטיגער מצוין האט שוואכערע יסודות היהדות ווי א חלש פאר דרייסיג יאהר צוריק. און ממילא ליגט א פליכט אויף די ראשי הישיבה צו טון עפעס למעשה. עס איז מער נישט קיין וואלוטע וויפיל בלאט מען פארהערט זיך. אלזא, לאמיר טוישן די נאמען פון ישיבה למצוינים צו ישיבה לצמאים, וואס דארשטן עפעס סיפוק אין זייער לעבן, ישיבה חברת דביקים, וואס ווילן זיך מדבק זיין אין עפעס העכערס. קינדער זענען וואויל, בחורים זענען וואויל (און מען קען די זעלבע שמועס האבן פאר די עזרת נשים) און זענען אויסגעשטעלט צו האבן נפשיותדיגע און רוחניותדיגע תענוג. דאס איז דער מהות פון א מענטש (ווי דער מסילת ישרים עפענט זיין ספר מיט דעם אז א מענטש איז אויסגעשטלעט "להתענג"), אן קיין תענוג רוחני ווערט די קאפ פארדרייט. איך זאג אייך בפה מלא, דאס מערהייט פון קעיסעס היינט צו טאג ביי היימישע טעראפיסטן האט איר שורש אין נישט האבן סיפוק אין א אידישע לעבן. דער עולם לעכצט פאר פנימיות און ווען מען טרעפט עס נישט אין א מהרש"א הייבט מען אן זוכן און זוכן סיפוק אין יעדן גארבידזש קען. די תוצאה איז שלום בית פראבלעמען, ענקזייעטי, דעפרעשאן, וכו' אבער דער שורש איז זייער אפט אז עס פעלט פשוט סיפוק פון א אידישע לעבן. שלמה המלך, דער חכם מכל אדם האט שוין געווארנט טויזענטער יארן צוריק אין קהלת "עשה האלקים את האדם ישר והמה בקשו חשבונות רבים" דער באשעפער האט דעזיינט דעם מענטשעלע גראד און סימפעל, ווי לאנג מען פארדרייט נישט קיין קאפ מיט קיין חשבונות קען מען ערווארטן א נארמאלע לעבן.

דער נביא זאגט עס וועלן קומען הונגעריגע און דורשטיגע טעג. לא רעב ללחם ולא צמא למים כי אם לשמוע את דברי ה'. רבותי! דער טאג איז דא. גלייבטס מיר, בחורים זענען דא פאר'ן דבר ה', זיי זוכן נישט קיין טראבל. זיי ווילן זיין דערהויבן. לאמיר צוריק ברענגן חסידות מימי הבעש"ט און ברענגן אידישע קינדער נענטער צו זייער טאטן. לאמיר צאמברענגן די בעסטע פון חסידות און די בעסטע פון וואלאזשין און לאמיר ראטעווען דורות.

רבותי! ס'איז פיקוח נפש ופיקוח נשמה. וואס נאך דארף געשען אז מיר זאלן זיך ערלויבן צו מאכן איין קליינע שינו לטובה. האטס רחמנות און מאכט מוסר, השקפה, חסידות דעם יסוד פון די ישיבה. לאמיר אים מיטשיקן צידה לדרך פאר זיין לעבן.


845-459-4512 [email protected]
אוועטאר
געמבלער
שר האלף
תגובות: 1277
זיך איינגעשריבן אום: דאנערשטאג יולי 02, 2020 12:02 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך געמבלער »

סאיז דא אסאך בעסערע פארמאטן זיך צו דורכרעדן מיט ראשי ישיבה ווי מיט א פאשקעוויל אין ביהמ"ד.

נ.ב. איך האב נישט קיין מיינונג איבער די תוכן
אוועטאר
היימישער הייקער
שר האלף
תגובות: 1635
זיך איינגעשריבן אום: דינסטאג יאנואר 08, 2019 5:07 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער הייקער »

לויט ווי איך פארשטיי, איז א פאשקעוויל עפעס וואס בארעדט איינעם. אפשר בינעך ראנג...
לעצט פארראכטן דורך היימישער הייקער אום זונטאג דעצעמבער 13, 2020 3:42 pm, פארראכטן געווארן 1 מאל.
אוועטאר
מאנסי'ייט
שר חמישים ומאתים
תגובות: 336
זיך איינגעשריבן אום: מאנטאג מאי 11, 2020 4:52 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנסי'ייט »

שטארק!

פאשקעוויל? :roll:
אוועטאר
געמבלער
שר האלף
תגובות: 1277
זיך איינגעשריבן אום: דאנערשטאג יולי 02, 2020 12:02 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך געמבלער »

ביזט נישט ראנג אבער "עפעס וואס בארעדט איינעם " פארקערפערט אויך אין זיך א אנונימער שרייבער וואס בארעדט א סיסטעם פאר די אויגן פון אלע תלמידים, יונגלעך און בחורים בקיצור יעדער חוץ די ר"י און די עלטערן וואס צו זיי רעדט מען
אוועטאר
היימישער הייקער
שר האלף
תגובות: 1635
זיך איינגעשריבן אום: דינסטאג יאנואר 08, 2019 5:07 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער הייקער »

איך מיין דו האסט שלעכט אפגעלערנט. עס איז גראדע געשריבן זייער רעספעקטפול. עס רייסט בכלל נישט אראפ די יעצטיגע סיסטעם. ער בעט ס"ה מען זאל לייגט מער דגוש אויף מוסר און אויף יסודי הדת.
KMW
שר האלפיים
תגובות: 2283
זיך איינגעשריבן אום: דאנערשטאג פעברואר 23, 2017 11:05 am

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך KMW »

ווי איך פארשטיי איז עס א מעסעדזש פאר די עלטערן צו אריינלייגן אין די בחורים, אדער פארלאנגען פון די ראשי ישיבות אריינלייגן אין די בחורים.
א פיינע שפראך און ליידער הונדערט פראצענט גערעכט.
מיינונג פון איין מענטש...
אוועטאר
היימישער הייקער
שר האלף
תגובות: 1635
זיך איינגעשריבן אום: דינסטאג יאנואר 08, 2019 5:07 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך היימישער הייקער »

גראדע דעם קעפל וועלט געמעגט זיין אנדערש. דאס גיבט טאקע א בליק ווי מען האט טענות. עס וואלט בעסער געווען 'א היימישע טערעפיסט בעט זיך צו לייגן מער דגוש אויף מוסר.' נאר מסתמא וואלט עס נישט געכאפט פאר אזויפיל מענטשן צו ליינען.
בעל מנוחה
שר האלף
תגובות: 1166
זיך איינגעשריבן אום: מאנטאג אוגוסט 21, 2017 5:08 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך בעל מנוחה »

געמבלער האט געשריבן:ביזט נישט ראנג אבער "עפעס וואס בארעדט איינעם " פארקערפערט אויך אין זיך א אנונימער שרייבער וואס בארעדט א סיסטעם פאר די אויגן פון אלע תלמידים, יונגלעך און בחורים בקיצור יעדער חוץ די ר"י און די עלטערן וואס צו זיי רעדט מען

בכלל נישט אנונימעס ער שרייבט ארויס זיין אימעיל וואס דו קענסט אים קאנטאקטן
וירא מנוחה כי טוב ויט שכמו לסבול
ווען מען איז זיך סובל קען מען שפירן די ריכטיגע מנוחה
אוועטאר
אידישליך פאליטיק
שר חמש מאות
תגובות: 858
זיך איינגעשריבן אום: מיטוואך נאוועמבער 18, 2020 11:57 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך אידישליך פאליטיק »

געמבלער האט געשריבן:סאיז דא אסאך בעסערע פארמאטן זיך צו דורכרעדן מיט ראשי ישיבה ווי מיט א פאשקעוויל אין ביהמ"ד.

נ.ב. איך האב נישט קיין מיינונג איבער די תוכן

מעגליך אז ווען איר האט ווען א מיינונג אויף די תוכן, וואלט איר עס נישט אנגעקוקט ווי א פאשקעוויל...
אוועטאר
געמבלער
שר האלף
תגובות: 1277
זיך איינגעשריבן אום: דאנערשטאג יולי 02, 2020 12:02 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך געמבלער »

אידישליך פאליטיק האט געשריבן:
געמבלער האט געשריבן:סאיז דא אסאך בעסערע פארמאטן זיך צו דורכרעדן מיט ראשי ישיבה ווי מיט א פאשקעוויל אין ביהמ"ד.

נ.ב. איך האב נישט קיין מיינונג איבער די תוכן

מעגליך אז ווען איר האט ווען א מיינונג אויף די תוכן, וואלט איר עס נישט אנגעקוקט ווי א פאשקעוויל...

מעגליך.

אבער די צו וואס די בריוו איז מכלומר'ש אדרעסירט הייבן ענדערש אויף די סארט גליונות? אדער זייערע תלמידים? כ'ווארט נישט אויף קיין ענטפער
אוועטאר
קאנטרי מאוד
שר האלפיים
תגובות: 2154
זיך איינגעשריבן אום: דאנערשטאג יוני 29, 2017 9:21 pm
לאקאציע: אויף די שטראזן,צווישן ביימער און גראזן,

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך קאנטרי מאוד »

אידישליך פאליטיק האט געשריבן:מעגליך אז ווען איר האט ווען א מיינונג אויף די תוכן, וואלט איר עס נישט אנגעקוקט ווי א פאשקעוויל...

אה! דברים מתוקים.

און צום עצם נושא , אלס א זייטיגע בענעפיט פון האבן א ניק קען איך אריינרעדן אין אזא האקעלע נושא וואס אין ריעל לייף וועט מיר אודאי קיינער נישט אויסהערן...

לענ"ד איז עס גאר א וויכטיגע נושא, אין בתי מדרש דארף מען אדרעסירן די עלטערן און די ראשי ישיבות דארף מען ארומגיין צי זייי פריוואט, מ'קען באמת אויפטון
אוועטאר
ממוצע
שר חמשת אלפים
תגובות: 5451
זיך איינגעשריבן אום: מאנטאג יאנואר 20, 2020 11:07 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממוצע »

זייער ריכטיגע און וויכטיגע ווערטער. עס האט בארירט מיין - שוין סיי ווי - צעשטורעמט הארץ איבער די נושא. ייש"כ!

נאר איין קליינע הערה אויב מ'מעג.

דאס מציאות ווייזט אז א גרויסע פראצענט בחורים זענען נישט מצליח מיט די לימודים. זיי קענען נישט קיין לערנען. זיי פילן נישט קיין שום אינטערעסע צו לערנען "פרק הכונס" וכדו'. און זיי גייען דעריבער ליידיג, און ערגערן זיך אויף זיך אליין. און ווערן דיסקאנעקטעד מיט אלעס וואס האט מיט אידישקייט א שייכות.

עס איז דער פאקט אז א גאר גרויסער פראצענט בחורים קומען ארויס פון ישיבה "עמי הארצים" מדאורייתא ומדרבנן. זיי האבן נישט קיין שום השגה אין די הלכות וואס איז נוגע יום יום, אפגערעדט פון א יו"ט. און וואס וויל מען נאך פון אים נאכדעם?

וואלט ווען געווען א סיסטעם אין ישיבה'ס צו לערנען פשוט'ע הלכות, מיט א גוטע מגיד שיעור. געשמאק אראפגעלייגט. מיט בחינות וכדו', וואלט געווען אן אנדערע וועלט. דער בחור וואלט געפיעלט אז ער אקאמפלישט עפעס איבערן טאג. ער טוט עפעס אויף. חוץ מאכן סאָדאָקע פאזעלס. אויטאמאטיש ווערט מען א שטיקל מענטש. אז מ'ווייסט וואס מ'האט צוטוען, איז ער א געסעטלטער מענטש. האט ער א שייכות צו אידישקייט בכלל.

(ולענ"ד נישט צו אוועקמאכן די וויכטיגקייט פון די בריוו אויבן, שטייגט די נושא איבער מיט וויכטיגקייט פי כמה)
אוועטאר
גרשון
שר חמשת אלפים
תגובות: 5072
זיך איינגעשריבן אום: מאנטאג פעברואר 18, 2019 11:01 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך גרשון »

שיינער ארטיקל.

ס'איז כדאי צו באמערקן אז "מוסר" איז שלעכט אויסגעטייטשט ביי רוב מענטשן. ווען מ'דערמאנט דאס ווארט, שפירט זיך אן אלול'דיגע אנגעצויגענקייט אין די ביינער. ס'קומט ארויף דעם מלמד'ס פארקנייטשטן שטערן און פארמעלן טאן, און דער גאנצער וועזן טרעפט זיך אין א דיקער כמארע פון וואו מ'וויל זיך זען ארויס.

מוסר מיינט נישט ארחות צדיקים אדער מסילת ישרים. דער געדאנק איז אויפצובויען דאס רוחניות'דיגע נפש ס'זאל נישט זיין אזוי אויבערפלעכליך, די תורה זאל זיין אן עכטע זאך, דאס קינד/בחור זאל זיך פירן אידיש און מענטשליך ווייל ער איז א איד און א מענטש, נישט זיין א פראגראמירטער ראבאט וואס טוט דאס וואס אלע טויזנטער ראבאטן ארום טוען.

דער משל מיט'ן רמב"ם מדע איז א גוטער. ס'ליגט געווענליך נישט אויף דער פאליצע פון די מוסר ספרים, אבער פאר טייל קען עס טוישן דאס גאנצע לעבן מער ווי פלא יועץ. דאס זעלבע איז מיט אנדערע מחשבה ספרים, פון ראשונים אדער אחרונים. נאר לעצטנס האט מיר עמיצער געזאגט אז ער האט באקומען א גענצליך נייעם בליק אויפ'ן לעבן נאכ'ן לערנען "חובת התלמידים", פונעם פיאסעצנער.

אונטערשטע שורה: ס'מוז נישט דווקא זיין א לימוד מוסר ווי דער שרייבער פון די שורות האט עס אראפגעגעבן, אבער דער עצם געדאנק איז הונדערט פראצענט א גערעכטער.
מיט אזויפיל ביכער, אויסגאבעס, גליונות, בראשורן, קאמפיינס, און ווירטואלע ארטיקלען, וואקסט דער אידישער ליטעראטור ווי אויף הייוון. וואס וועט זיין מיט א אידישן ספעל טשעקער?
לדעתי
שר חמש מאות
תגובות: 532
זיך איינגעשריבן אום: זונטאג מארטש 27, 2016 4:18 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך לדעתי »

כ'רעד נישט אריין אין די נושא, אבער [נא רעדסטעך יא אריין] אפאר ווערטער וויל איך זאגן, [למשל איך בין אויך א גליון, יא?! א גליון מעג..]

וועלכע וועג דו ווילסט נעמען, מוזטו קודם זיכער מאכן אז אזוי האט מען אלעמאל אויפגעשטעלט אידישקייט.

יעדער קען שרייען אז אויב וועסטו איינפאלנצן די סארט קערל, וועט עס וואקסן מורא'דיג, הערליך, ס'וועט נישט האבן די אלע ביז יעצטיגע פראבלעמען וכו' וכו' וכו'.
אבער אויף א קערל קען מען גארנישט זעהן, ס'איז א טריקענע זאך, אויב ווייסטו אז מיט די סארט קערל האט מען איינגעפלאנצט אידישקייט ביז יעצט, ביזטו פארזיכערט מיט א גוטע עתיד.

אויב קומט אבער איינער וואס האט א נייע מהלך, ס'זעהט אויס מורא'דיג, ס'איז אבער א נייע מהלך, דעמאלס ביזטו שוין גארנישט פארזיכערט.
קוק א משל מיט א גאנצע חסידישע קהילה קדושה בישראל, זיי האבן געהאט א רבי, וואס האט פארשטאנען בעסער ווי די פריערדיגע, בשעת מעשה האט מען געקענט מיינען אז דארט שפירט מען דעם אייבערשטן אליינס, ער האט פארקויפט מורא'דיגע זאכן, אבער יענס איז געווען בלויז א קערל.
וואס ס'איז ארויסגעוואקסן פון זיי, זאל דער אייבערשטער רחמנות האבן אויף זיי.

און יעדע שטיק צייט קומט ארויף נייע געוואלדיגע מהלכים וויאזוי די ביז יעצטיגע האבן נישט גוט מחנך געווען, און מ'גייט אונז אויסבעסערן.

כ'וויל איך אים זאגן איין זאך איידער דו ווילסט אריינברענגן א נייע מהלך, פאר אונז נערישע אנגארישע.
מיט וועמענס יסודות זענען מיר אנגעקומען ביז אהער, וועלן מיר גיין ווייטער.
וועמען זיכסטו אויסצובעסערן? מיר נערישע אנגארישער? זאג מיר ווער נאך איז אנגעקומען ביז אהער,
אדאנק די נערישע וועלכע זענען ארויס קעגן שבתי צבי ימ"ש, אדאנק די נערישע וועלכע האבן געמאכט די טיילונג, און מיט די נערישקייט וועט זיך נאך צוען א שיינע כלל ישראל.
און פון די אלע אזוי גערופענע קליגע, איז גאאאארנישט געבליבן. כן יאבדו.

כ'דארף גיין אנגרייטן חונכה לעכט, אפשר וועלמער נאך שרייבן.
הצלחה, און א פרייליכן חנוכה.


די רבי פארענטפערט מיט דעם פארוואס לשנה אחרת קבאו, ווייל אפילו מ'זעהט א מורא'דיגע זאך, ווייסטו נישט וואס דאס איז ביז דו זעהסט די פירות דערפון, נאך א יאר און מ'האט געזעהן אז ס'האט צוגעברענגט קדושה ביי כלל ישראל, איז מען געוואור געווארן למפרע אז ס'איז געווען מצד הקדושה.
אוועטאר
Graphic24
שר חמש מאות
תגובות: 719
זיך איינגעשריבן אום: דינסטאג אפריל 10, 2018 5:02 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך Graphic24 »

זייער א וויכטיגע נושא!

אבער, פאר מ׳הייבט אן עס צו דעוועלעפן אויף למעשה, וואלט מען געדארפט זיין קלארער פונעם מהות הלימוד; וועלכע ספר, דרך הלימוד וכו׳

אפשר איז כדאי אז ווער ס׳קען זאל טאקע דא מציע זיין און ארויפשטעלן סעמפל שיעורים...
Haklal
שר שלשת אלפים
תגובות: 3978
זיך איינגעשריבן אום: מיטוואך מארטש 02, 2016 11:24 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך Haklal »

דער געדאנק איז מוראדיג אין זייער וויכטיג ווי לופט צי אטעמען, וויפיל בחורים ווייסן ווען זיי קומען ארויס פונעם סיסטעם מה חובת האדם בעולמו, פארוואס בין איך דא? וואס וויל דער אייבערשטער פין מיר וכו' א נארמאלער מענטש וואס טראכט גייט דאך זיך פרעגן די קשיא פריער אדער שפעטער סוי פארוואס זאל ער נישט דאס האבן געלערנט אלס בחור וויפיל עס איז שייך

האקט
KMW
שר האלפיים
תגובות: 2283
זיך איינגעשריבן אום: דאנערשטאג פעברואר 23, 2017 11:05 am

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך KMW »

לדעתי האט געשריבן:כ'רעד נישט אריין אין די נושא, אבער [נא רעדסטעך יא אריין] אפאר ווערטער וויל איך זאגן, [למשל איך בין אויך א גליון, יא?! א גליון מעג..]

וועלכע וועג דו ווילסט נעמען, מוזטו קודם זיכער מאכן אז אזוי האט מען אלעמאל אויפגעשטעלט אידישקייט.

יעדער קען שרייען אז אויב וועסטו איינפאלנצן די סארט קערל, וועט עס וואקסן מורא'דיג, הערליך, ס'וועט נישט האבן די אלע ביז יעצטיגע פראבלעמען וכו' וכו' וכו'.
אבער אויף א קערל קען מען גארנישט זעהן, ס'איז א טריקענע זאך, אויב ווייסטו אז מיט די סארט קערל האט מען איינגעפלאנצט אידישקייט ביז יעצט, ביזטו פארזיכערט מיט א גוטע עתיד.

אויב קומט אבער איינער וואס האט א נייע מהלך, ס'זעהט אויס מורא'דיג, ס'איז אבער א נייע מהלך, דעמאלס ביזטו שוין גארנישט פארזיכערט.
קוק א משל מיט א גאנצע חסידישע קהילה קדושה בישראל, זיי האבן געהאט א רבי, וואס האט פארשטאנען בעסער ווי די פריערדיגע, בשעת מעשה האט מען געקענט מיינען אז דארט שפירט מען דעם אייבערשטן אליינס, ער האט פארקויפט מורא'דיגע זאכן, אבער יענס איז געווען בלויז א קערל.
וואס ס'איז ארויסגעוואקסן פון זיי, זאל דער אייבערשטער רחמנות האבן אויף זיי.

און יעדע שטיק צייט קומט ארויף נייע געוואלדיגע מהלכים וויאזוי די ביז יעצטיגע האבן נישט גוט מחנך געווען, און מ'גייט אונז אויסבעסערן.

כ'וויל איך אים זאגן איין זאך איידער דו ווילסט אריינברענגן א נייע מהלך, פאר אונז נערישע אנגארישע.
מיט וועמענס יסודות זענען מיר אנגעקומען ביז אהער, וועלן מיר גיין ווייטער.
וועמען זיכסטו אויסצובעסערן? מיר נערישע אנגארישער? זאג מיר ווער נאך איז אנגעקומען ביז אהער,
אדאנק די נערישע וועלכע זענען ארויס קעגן שבתי צבי ימ"ש, אדאנק די נערישע וועלכע האבן געמאכט די טיילונג, און מיט די נערישקייט וועט זיך נאך צוען א שיינע כלל ישראל.
און פון די אלע אזוי גערופענע קליגע, איז גאאאארנישט געבליבן. כן יאבדו.

כ'דארף גיין אנגרייטן חונכה לעכט, אפשר וועלמער נאך שרייבן.
הצלחה, און א פרייליכן חנוכה.


די רבי פארענטפערט מיט דעם פארוואס לשנה אחרת קבאו, ווייל אפילו מ'זעהט א מורא'דיגע זאך, ווייסטו נישט וואס דאס איז ביז דו זעהסט די פירות דערפון, נאך א יאר און מ'האט געזעהן אז ס'האט צוגעברענגט קדושה ביי כלל ישראל, איז מען געוואור געווארן למפרע אז ס'איז געווען מצד הקדושה.


טאקע דאס זאגט ער אז די יעצטיגע (ליין:די מהלך פון לעצטע 40 יאר) מצב טויג נישט, און צו דעם איז כולא עלמא מודי, ער זאגט אז עס פעלט מוסר און געשמאק/סיפוק וכו וכו, האסט א בעסערע עצה? אדרבה קום אריין קלאר!
אפענע וועלט
שר חמש מאות
תגובות: 938
זיך איינגעשריבן אום: דינסטאג פעברואר 17, 2015 3:26 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך אפענע וועלט »

די נושא איז גאר א ווייטאגליכע, עס איז נישט בלויז פשט אז מ'דארף צולייגן א מוסר ספר, די נושא פארלאנגט אז מ'זאל אנערקענען אז עס פעלט א גרויס חלק פונעם חינוך פאזעל וואס איז ליידער איגנארירט געווארן פאר אביסל צו לאנג, און יעצט קומען ארויס די תוצאות,
ליידער איז עס א חלק פונעם גאנצען מהלך החיים פון מעס פראדאקשען, אטאמאטישע אידישקייט חינוך וואס איז אקצעפטירט געווארן די לעצטע 20-30 יאר,
אנצופילן דעם לאך מוז מען צוריקגיין צו די יסודות אין חינוך פון חנוך לנער על פי דרכו, אמת'ע אגענגע-לאזע מחנכים, מנהלים ומשגיחים וואס מיינען דעם אייבערשטען און נישט די אייגענע כבוד, מענטשן וואס האבן אן השבה אין תורת הנפש, נישט קיין ברעטער אדער געפיל-לאזע מענשטן,
וה' ירחם על עמו בקרוב במהרה
די וועלט ענדיגט זיך נישט ביי אייוועלט, וואטסעפ און בחצרות. זעצט אייך לערנען וועט איר טרעפן א נייע וועלט.
אוועטאר
בשבילי נברא
שר תשעת אלפים
תגובות: 9224
זיך איינגעשריבן אום: מאנטאג יאנואר 18, 2010 10:53 am

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך בשבילי נברא »

די תוכן פונעם בריוו איז ממש לעבנס וויכטיג היינט, ווער עס איז מחולק מיטן יסוד דערפון מיינט אז ער איז בלינד צום מצב הנוער היינט, אדער דעקט ער זיך פשוט צו די אויגן מיט א דיקע שמאטע.. (לאפוקי מיט די פונקטליכע פרטים וויאזוי צו העלפן דעם פראבלעם, וואס דערצו פארשטייט זיך קען יעדער האבן אן אייגענע דעה איבער די ריכטיגע צוגאנג עס צו פאררעכטן)
מי יתן והי' אז ס'זאל ווערן גענומען ערנסט, און די אמת איז אז ס'ווערט יא לעצטענס אסאך מער דערהערט, און ישיבות פרובירן טאקע צו לייגן א היפש שטערקערע דגוש צו אריינברענגן תוכן און יר"ש אין די תלמידים


----

געמבלער האט געשריבן:סאיז דא אסאך בעסערע פארמאטן זיך צו דורכרעדן מיט ראשי ישיבה ווי מיט א פאשקעוויל אין ביהמ"ד.

נ.ב. איך האב נישט קיין מיינונג איבער די תוכן

פארוואס שיסן סתם א סטעיטמענט, און נאך מיטן ערגסטן אויסדרוק 'פאשקעוויל', נאך פארן אפילו זעהן וואס דער כותב שרייבט?

א איד רעדט צום זאך איבער א גאר וויכטיגע נושא, געשריבן זייער נארמאל און אן קיינעם קריטיקירן אדער אראפרייסן, און גלייך מוז עס ווערן אוועקגעמאכט מיטן פאשקעוויל לחש, און אוטאמאטיש שלום עלי נפשי..
---
סארקאזי
שר האלף
תגובות: 1657
זיך איינגעשריבן אום: מאנטאג פעברואר 08, 2016 8:49 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך סארקאזי »

אל כבוד הפותח האשכול, איך בין זיך משתתף מיט אייער צער, איך בין מסכים מיט יעדען ווארט מיט וואס איר שילדערט דעם פראבלעם, (איך קען פונדערנאנט דעם פעלד ודי)
אבער דער סעלושאן איז נישט אזוי פשוט ווי איר לייגט דאס אראפ, סשלאגט זייער טיפע ווארצלען אין אונזער שורש,
אודאי א שיעור מוסר בעיון איז זייער וויכטיג, מו''ר ר' מאטיל זילבער האמערט כסדר אז מדארף מאכען א לימוד מוסר והשקפה בעיון אין ישיבה'ס, אבער ער רעדט שוין אויך פון די גיטע בחורים, וואס זענען דרייסיג פערציג פראצענט פון סאסייעטי,
איך וויל אייך נישט וויי טוהן, אבער להבדיל פרעזידענט טראמפ האט אריינגעברענגט אז סאיז דא אזא זאך ווי דיעפ סטעיט אין גאווערמענט, דאס מיינט סיסטעמאטישע איינגעגעסנקייט פון א התנהגות פון יארען לאנג וואס מהאט שוין פארגעסן דעם ציל פארוואס סהאט זיך אנגעהויבען און סאיז שוין דא א שמור לי ואשמור לך אונטערעסן וכו' כמעט דאס זעלבע קומט פאר אין אונזער אידישע סיסטעם, א סוואמפ וואס איז פארפוילט כמעט ביזן שורש (אבער נישט ביזן שורש) און פאר דעם קען מען דאס נישט טוישען, אייער מעשה מיט דעם איד מיטען רמב''ם איז זייער א קלעסיק עקזעמפל,
איך דארף גיין דאווענען מנחה און צינדען די חנוכה ליכטעלעך
א פרוי, א קינד, און א נאר, פארשטייען נישט קיין סארקאזעם, וועלכע זענט איר?
אוועטאר
געמבלער
שר האלף
תגובות: 1277
זיך איינגעשריבן אום: דאנערשטאג יולי 02, 2020 12:02 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך געמבלער »

ווי געשריבן איך רעד נישט פון די תוכן המכתב (די פראבלעם ברענט און כווייס טאקע נישט אויב די לעזונג איז מער מוסר) איך האב מיך באצויגן צו די דעליווערי פונעם בריוו וואס לדעתי איז דאס געטון באופן פשקווילי.
פשוט ווייל די סארט גליונות ליינען בחורים און נישט ראשי חשיבה ומשפיעים אדער באזעסענע עלטערן.

נעם פאר א משל הייקערס ערשטע בריוו https://www.ivelt.com/forum/viewtopic.p ... 8&start=25 איז עס א פאשקעוויל? אויב ווערט דאס ארומגעשיקט אין די מידיע דורך א פראפעסיאנאל , ניין. אויב אבער בלייבט דאס אויף וואטסאפ און אייוועלט איז דאס פיין א פאשקעוויל. סעים הער, אין ביהמ"ד איז עס א פאשקעוויל אויב ווערט דאס אדרעסירט צו משפיעים און ראשי ישיבה אינדערהיים איז דא אויזיכטן עס זאל אויפטוהן
אוועטאר
פנימחדשות
שר האלפיים
תגובות: 2337
זיך איינגעשריבן אום: דינסטאג אקטאבער 06, 2020 4:33 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך פנימחדשות »

@סארקאזי, אזוינע הארבע באשולדיגונגען וואלט געמעגט קומען מיט באווייזען אד"ג.

גראדע אני כשלעצמי האלט ליידער אויך אזוי, און כעי"ז האב איך געהערט פון הרב ד. א. שליט"א פון א"י, אז הגאון האדיר ר' משה שפירא זצ"ל האט אים אמאל געזאגט אז די היינטיגע ישיבה סיסטעם איז פארפוילט דורך און דורך, און מ'קען עס נישט פארעכטען, מען דארף עס נאר אינגאנצען אויפבויען פונדאסניי, און כאטש ער האט מסתמא גערעדט פון די ליטווישע ישיבות אין א"י, זענען אבער רוב אנדערע ישיבות ליידער נישט צופיל בעסער פון דעם, און פון די ישיבות גייט עס ווייטער צו די קומענדיגע דורות פון עלטערען, און ס'גייט נאר אן דער מה יאמרו הבריות, און אלץ איז ליידער איין שטיק פאלשקייט אן א טראפ אמת און ווארעמקייט און לש"ש וכו' וכו', עכ"פ פון אייוועלט וועט מסתמא נישט ווערען די תיקון העולם, איז הנוגע לנו מכ"ז איז אז יעדער איינער דארף וויסען אז מען קען זיך נישט פארלאזען אויף די סיסטעם, נאר מען דארף אליין אריינבאקען ריכטיגע אידישקייט אין די קינדער, און די קינדער זאלען זעין אז ס'גייט באמת מער אן פאר די טאטע טאמער ער איז נישט מעביר סדרה איין וואך וועגען א מאנגעל אין יר"ש און הקפדה אויף דינא דשו"ע ווי טאמער ער האט באקומען א 70 אויף די בחינה וועגען א מאנגעל אין זיץ פלייש אד"ג, ודוק היטב היטב בכ"ז כי קיצרתי מאוד מאוד.
אוועטאר
פנימחדשות
שר האלפיים
תגובות: 2337
זיך איינגעשריבן אום: דינסטאג אקטאבער 06, 2020 4:33 pm

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך פנימחדשות »

זעי איך אז הרה"ק מקאליב שליט"א האט יעצט געשריבען א בריוו ווי ער שרייבט אויך אז מען זאל צולייגען לימודים וואס זענען מחזק אמונה און יראת שמים.
וזל"ק
אנו חיים בתקופה של נסיון הדומה לנסיון שהיה בתקופת החשמונאים, כאשר רבים מאומות העולם פועלים ביחד עם יהודים פורקי עול לקרר ולבטל את האמונה של יראי ה', כמו שהיוונים פעלו ביחד עם המתיוונים בשעתם.

בזמן כזה אי אפשר לשבת בחיבוק ידים, כי זהו זמן מלחמה, כמו שכתב זקני הקדוש, מרן רבי יצחק אייזיק מקומרנא זיע"א, שמלחמת גוג ומגוג שתהיה קודם ביאת משיח, תהיה מלחמה רוחנית. כלל ישראל יצטרכו להילחם כדי להינצל מאפיקורסות שיתרבה בעולם.

רוח האפיקורסות שבזמננו דומה למגפה נוראה המתפשטת מאיש לאיש, והרי בזמן מגפה מתאמצים אנשים ליטול תרופת חיסון כדי להינצל ממנה. ה'חיסון' המועיל ביותר נגד מחלת האפיקורסות, הוא ללמוד בכל יום דברי מוסר וחסידות, וסיפורי צדיקים המחזקים את האמונה ויראת השם.

מטעם זה, כשרואים ששלוחי היצר הרע באים בטענה שצריכים להוסיף לימודים שונים בבתי הספר של ילדינו כדי להתאימם לרוח הזמן, לא מספיק שיתנגדו המנהלים להכנסת אותם לימודים חיצוניים שעלולים לקרר את האמונה והיראה, אלא יש לבדוק אפשרות של הוספת לימודים המחזקים את האמונה ויראת ה', כדי להגן על הדור הצעיר מפני רוח האפיקורסות הנושבת ברחוב.

לצערי הרב, ראיתי במשך השנים, שבחלק מהישיבות בעולם התורה לא קובעים סדר ללימוד ספרי מוסר וכדומה. דבר זה גורם, שגם בחורים שהתעלו בלימוד התורה בין כותלי הישיבה, עלולים להתדרדר מאוד זמן קצר אחרי יציאתם ממנה. חוסר חיזוק האמונה שלהם, גורם להתרשלות במצוות שבין אדם למקום, וגם מביא להתגברות מדת הגאווה ושאר המידות הרעות ההורסות את חיי האדם.

לכן בזמננו מצוה גדולה לראות שבכל מוסדות התורה יהיו סדרים קבועים ללימוד דברי מוסר ויסודות האמונה המביאים ליראת שמים ומדות טובות, וההורים ומורים ירבו לדבר דיבורי אמונה וסיפורי צדיקים, ובזה נזכה לגדל דור שיהיה ראוי לקבל פני משיח צדקנו, במהרה בימינו אמן.
יואל שרייבער
שר שלשת אלפים
תגובות: 3677
זיך איינגעשריבן אום: דינסטאג אפריל 04, 2017 1:33 am

Re: א היימישער טעראפיסט בעט זיך צו ראשי ישיבות - געווען פארשפרייט אין די בתי מדרשים דעם שבת

  • ציטיר
  • צו לייגן א דאנק דארפט איר זיין אריינגעלאגט

תגובה דורך יואל שרייבער »

איך האלט אויך ווי דעם פותח האשכול אז עס פעלט אסאך אין יסודות פון אידישקייט, אבער איך זעה נאר נישט פארוואס די סעלושען איז צוויי שעה מוסר יעדן טאג, ביז היינט געט מען שוין אפיציעל אוועק אין רוב ישיבות מינומום א האלבע שעה א טאג פאר קביעות'דיגע שיעורים, מיט וויפיל גייען די בחורים אוועק פון די שיעורים? בערך 0.
אויב קענסטו טרעפן א וועג וויאזוי עפעס זאל אריינגיין אין די בחורים, פארוואס דארפסטו לויפן צו צוויי שעה א טאג, אויב קענסטו נישט טרעפן, וועט צוויי שעה א טאג גארנישט אויפטאן.
שרייב תגובה

צוריק צו “דעת הקהל”