בלאט 1 פון 1

נפטר לעבן, דו לאזט מיר נישט גיין צו דיין לוייה!

געשריבן: דאנערשטאג אוגוסט 29, 2019 10:11 am
דורך חוח בין השושנים
נפטר לעבן... אויך מיר א שפראך דאס...

א צייט צוריק קאללט מיר א חבר און פארציילט אז א עלטערע איד וועמען מיר קענען גוט פון אסאך יארן איז נעבעך אוועק.
היות די לוייה איז נישט דא אין שטאט לאוקעל, פרעגט ער מיר צו כ'וויל ארויספארן צום לוייה צוזאמען.
נאכן זאגן בד"ה מיט א קרעכץ, טראכט איך א רגע און כ'זאג אים: כ'קום נישט. מצוה לקיים דברי המת. כ'קען נישט גיין צו זיין לוייה, ווייל כ'בין דאך נישט געווען ביי זיין חתונה!!

דער נפטר איז געווען א פיינער איד א בעל חסד, אבער א גרויסער מויל מאכער. ער האט ליב געהאט צו זאגן זיין מיינונג ברבים, און ס'איז אים געווענליך געלונגען אז דערוילעם האט אנגענומען זיינע סברות.
מיט עטליכע צענדליגע יארן צוריק איז פארגעקומען א פדיון שבויים קאמפעין אין ביהמ"ד וואו אונז האבן געדאווענט ביינאזאם, פאר א איד וואס האט אנגעבליך אויסגעשווינדלט דעם סיסטעם און איז נעבעך געכאפט געווארן נאך זיינע דריידעלעך.
די צרה איז געווען אז יענער יושב חושך וצלמות איז נישט געווען פון 'אונזער' קהילה. האבן די עסקנים פרובירט אנצוווארעמען די הערצער אויך פון אנ"ש.

שבת האט א עסקן געהאלטן א דרשה אין שול וועגן דעם גרויסן צוועק, און נאך שבת האט מען געהאנגען פלאקאטן. געמאכט א מצב. יעדער האט געוואוסט אז דינסטאג קומען די עסקנים צו אונז אין שול צאמצונעמען דאס געלט.
דער יעצטיגער נפטר, האט דינסטאג צופרי גערוישט און געטומלט אין שול קעגן דעם קאמפעין. זיין ענדגילטיגער פסק, דעת בעל הבית, איז ארויס:
"אז ער האט מיר נישט גערופן צום חתונה - רופטס מיר נישט צום לוייה!!!!!!"
וענו כל העם יחדיו ואמרו אמן ואמן.
ס'געווען א דורכפאל פון א אקציע, אין גרויסן טייל אים צו פארדאנקען.
יהא זכרו ברוך.

געשריבן: דאנערשטאג אוגוסט 29, 2019 10:59 am
דורך לעגאו מענטשעלע
:-(

געשריבן: דאנערשטאג אוגוסט 29, 2019 11:38 am
דורך טעם וריח
:cry:
טוט עפעס ל'זיכו הרבים' לעילו נשמת.

געשריבן: דאנערשטאג אוגוסט 29, 2019 12:24 pm
דורך נו גוט נו שוין
@חוח פליז פליז לאז אים לעבן, דו ווילסט בכלל נישט מ'זאל דיר איבערחזר'ן דיינע ווערטער,- וואס דו האסט געזאגט, ביודעים ובלא יודעים, און פארשידענע מצבים און גיסטעס - נאך דיינע הונדערט און פופציג, אויף די וועלט, און אוודאי נישט אויבן...

געשריבן: דאנערשטאג אוגוסט 29, 2019 12:34 pm
דורך חוח בין השושנים
נו גוט נו שוין האט געשריבן:@חוח פליז פליז לאז אים לעבן, דו ווילסט בכלל נישט מ'זאל דיר איבערחזר'ן דיינע ווערטער,- וואס דו האסט געזאגט, ביודעים ובלא יודעים, און פארשידענע מצבים און גיסטעס - נאך דיינע הונדערט און פופציג, אויף די וועלט, און אוודאי נישט אויבן...

נאך דיינע 150% גערעכט זיין, מוז איך אבער צולייגן, אז קיינער וויל טאקע נישט הערן אויבן זיין אייגענעם אפקלאנג פון אלע נארישקייטן וואס ער האט דא אונטן צאמגערעדט יארן פריער. אבער ווען ס'קומט צו אידיש בלוט איז עס א ווייטאג.
איך האב יענעם טאג צוגעקוקט מיט קלעם ווי עולם-גוילם נעמט אן זיין מיינונג וואס ער האט אויסגעפלוישעט ברבים, און מיט דעם האט ער ליידער אפגע'שחט'ן די יגיעה וואס וואוילע עסקנים האבן אריינגעלייגט.

גראדע איז יענער געווען א גרויסער בעל צדקה און האט געטון אסאך חסד, אבער דעמאלט האט ער זיך לפענד"י פארפאטשקעט מיט זיין שטייפע דעה.
כ'בין זיכער ער האט תשובה געטון וחסד לפניו יהלוך אויף יענע וועלט, אבער ביי מיר האבן זיינע ווערטער זייער נישט גוט באנומען.
פריוואט האב איך זיך (נאך בחייו) אונטערגענומען א דבר טוב, אין ליכט פון די פאסירונג.

#טראכטן פאר מען רעדט, עכ"פ ברבים.

געשריבן: דאנערשטאג אוגוסט 29, 2019 5:15 pm
דורך שפיגליצקי
איך פארשטיי זעהר גוט די מוסר השכל פון אייער ארטיקל, אבער ס'איז לכאורה קעגן די הלכה און קעגן מענטשליכקייט צו שרייבן אזא תגובה, מיט אזויפיל קטרוג, אן קיין ברעקל לימוד זכות, מ'דארף זיך שלאגן ביי זיך אין געדאנק ניטאמאל אזוי צו טראכטן כדי מ'זאל נישט יענעם מער שמייסן, אבער אפשרייבן??!?

אמת, דאס וואס יענער האט געטון איז אויך אוממענטשליך, אבער דאס דערמאנען אזויפיל יאר שפעטער, ווייסט איר וויפיל מקטרגים איר זענט מעורר אויף זיך מיט דעם?? צי האלט איר אז דער ליבער פאטער וויל מ'זאל דערמאנען אזויפיל יאר שפעטער וואס זיינס א קינד האט שמוציג געמאכט?

אויב חס ושלום מ'דארף אביסל לייטערן די נשמה איז דא ווער ס'זארגט זיך דערפאר אויבן, ס'איז נישט אייער אויפגאבע דאס צו פארשרייבן לזכרון עולם.

זאל דער אויבערשטער העלפן אז יענע נשמה זאל גאר שנעל האבן א תיקון, תהא נשמתו צרורה בצרור החיים, און הלואי זאל מען פון הימל זיך נישט וויסנדיג מאכן פון דאס וואס איר האט דא געשריבן.

געשריבן: דאנערשטאג אוגוסט 29, 2019 5:35 pm
דורך חוח בין השושנים
צוליב די פארשידנארטיגע תגובות אויפן פאבליק פלאטפארמע און באישי, לאמיר אויסשמועסן א קלייניגקייט. מיט א טראפ אפנהארציגקייט.

ס'דא רעכטן וואס א שרייבער האט, כדי צו באזאלצן און באפעפערן זיינע ארטיקלען. ס'דא רעכטן וואס א שרייבער האט בעצם נישט, אבער טייל שרייבערס ערלויבן זיך עס יא.
איך האב זיך דא גענומען, מעגליך מיט אומרעכט, א געשוואלענע מאס רעכטן צו פאסמאקעווען מיין געדאנק. כ'האב געוואלט ארויסברענגען א פוינט ותו לא.

יא, יענער אויבער-חלום איז געשטאנען און גע'דרש'ענט אז אויב מ'טיילט מיר נישט א מוציא ביים חתונה דאן רוף מיר נישט צום לוייה. יא, יענער האט אפגעטון זייער א נישט-שיינע זאך.
אבער...
אבער די ערשטע האלב מעשה איז (נאכ)נישט געשען... לא היה ולא נברא אלא משל היה.

מ'רעדט פון א איד וואס לעבט אינגרויסן! ער איז (נאכ)נישט אלט. זאל ער דערלעבן משיח'ס טאג.
כדי ארויסצוברענגען דעם פוינט שטערקער, האב איך יענעם אוועקגעלייגט פאר געציילטע מינוטן, כדי צו שפינען די געשיכטע אין אזא ריכטונג און עס זאל זיך הערן שארפער.
די טענה אז מ'טאר נישט מקטרג זיין אויף א נפטר, איז ממילא נישט רעלאווענט דא. כ'האב דאך געשריבן 'נפטר לעבן' פאר א סיבה...
אפשר וועט ער נאך דא ליינען מיין ארטיקעלע, און אנערקענען זיין פעלער. עס איז מסתמא נישט א מעוות לא יוכל לתקון.
אלנפאלס, ברוך מחיה המתים.

געשריבן: דאנערשטאג אוגוסט 29, 2019 5:41 pm
דורך לעגאו מענטשעלע
איך קען אפשר בארגן דיין פעדער פאר עטליכע מינוט... עס רינט דאך גאלד דערפון... די פרייז פון גאלד איז ארויף לעצטנס...

געשריבן: דאנערשטאג אוגוסט 29, 2019 7:24 pm
דורך ביללער
למעשה אבער, די פוינט קומט נישט ארויס גוט, ווייל עס שטעמפלט אפ אין א געוויסע זין מער דיין פערזענליכע הנהגה מיט א מוילמאכער, ווי יענעמס פלאפלעריי, משא"כ ווען דו שרייבסט א מעשה ווי איינער האט געליטן בערך אזא סארט זאך וואס ער האט אליינס אמאל אפגעפסקנט. ודוק.

געשריבן: דאנערשטאג אוגוסט 29, 2019 9:29 pm
דורך יישר כח
חוח בין השושנים האט געשריבן:
פריוואט האב איך זיך (נאך בחייו) אונטערגענומען א דבר טוב, אין ליכט פון די פאסירונג.

#טראכטן פאר מען רעדט, עכ"פ ברבים.

דיין קבלה פון טראכטן פאר מען רעדט. איז נאר אויף רעדן אדער אויך שרייבן. :smile:

געשריבן: דאנערשטאג אוגוסט 29, 2019 10:15 pm
דורך נו גוט נו שוין
חוח בין השושנים האט געשריבן:צוליב די פארשידנארטיגע תגובות אויפן פאבליק פלאטפארמע און באישי, לאמיר אויסשמועסן א קלייניגקייט. מיט א טראפ אפנהארציגקייט.

ס'דא רעכטן וואס א שרייבער האט, כדי צו באזאלצן און באפעפערן זיינע ארטיקלען. ס'דא רעכטן וואס א שרייבער האט בעצם נישט, אבער טייל שרייבערס ערלויבן זיך עס יא.
איך האב זיך דא גענומען, מעגליך מיט אומרעכט, א געשוואלענע מאס רעכטן צו פאסמאקעווען מיין געדאנק. כ'האב געוואלט ארויסברענגען א פוינט ותו לא.

יא, יענער אויבער-חלום איז געשטאנען און גע'דרש'ענט אז אויב מ'טיילט מיר נישט א מוציא ביים חתונה דאן רוף מיר נישט צום לוייה. יא, יענער האט אפגעטון זייער א נישט-שיינע זאך.
אבער...
אבער די ערשטע האלב מעשה איז (נאכ)נישט געשען... לא היה ולא נברא אלא משל היה.

מ'רעדט פון א איד וואס לעבט אינגרויסן! ער איז (נאכ)נישט אלט. זאל ער דערלעבן משיח'ס טאג.
כדי ארויסצוברענגען דעם פוינט שטערקער, האב איך יענעם אוועקגעלייגט פאר געציילטע מינוטן, כדי צו שפינען די געשיכטע אין אזא ריכטונג און עס זאל זיך הערן שארפער.
די טענה אז מ'טאר נישט מקטרג זיין אויף א נפטר, איז ממילא נישט רעלאווענט דא. כ'האב דאך געשריבן 'נפטר לעבן' פאר א סיבה...
אפשר וועט ער נאך דא ליינען מיין ארטיקעלע, און אנערקענען זיין פעלער. עס איז מסתמא נישט א מעוות לא יוכל לתקון.
אלנפאלס, ברוך מחיה המתים.


;l;p- ;l;p- ;l;p- :lol: :lol:

געשריבן: דאנערשטאג אוגוסט 29, 2019 10:58 pm
דורך בשבילי נברא
יישר כח האט געשריבן:
חוח בין השושנים האט געשריבן:
פריוואט האב איך זיך (נאך בחייו) אונטערגענומען א דבר טוב, אין ליכט פון די פאסירונג.

#טראכטן פאר מען רעדט, עכ"פ ברבים.

דיין קבלה פון טראכטן פאר מען רעדט. איז נאר אויף רעדן אדער אויך שרייבן. :smile:

מיט אונזער חוח'ן איז בעסער ווי ווייניגער ער טראכט פארן שרייבן, זיינע סחורה קומט אזוי ארויס אסאך בעסער און שענער...

געשריבן: דאנערשטאג אוגוסט 29, 2019 11:15 pm
דורך שפיגליצקי
מחול לך מחול לך...

יעצט האט איר מיר געווינען, ווייל געווענליך האב איך נישט ליב אריין צו גיין אין אן אשכול וואס דער קעפל שרייט ארויס אז יענער האט אריין געלייגט מחשבה ווי אזוי צו שרייבן ס'קעפל אז ס'זאל כאפן מיין בליק איך זאל דאס וועלן עפענען...

געשריבן: פרייטאג אוגוסט 30, 2019 8:11 am
דורך בשעה שיש
;l;p="יישר כח"]
חוח בין השושנים האט געשריבן:
פריוואט האב איך זיך (נאך בחייו) אונטערגענומען א דבר טוב, אין ליכט פון די פאסירונג.

#טראכטן פאר מען רעדט, עכ"פ ברבים.

דיין קבלה פון טראכטן פאר מען רעדט. איז נאר אויף רעדן אדער אויך שרייבן. :smile:[/quote]
;l;p-

געשריבן: פרייטאג אוגוסט 30, 2019 8:12 am
דורך בשעה שיש
בשעה שיש האט געשריבן:;l;p="יישר כח"]
חוח בין השושנים האט געשריבן:
פריוואט האב איך זיך (נאך בחייו) אונטערגענומען א דבר טוב, אין ליכט פון די פאסירונג.

#טראכטן פאר מען רעדט, עכ"פ ברבים.

דיין קבלה פון טראכטן פאר מען רעדט. איז נאר אויף רעדן אדער אויך שרייבן. :smile:

;l;p-[/quote]
זייער גוט געשריבן,א גיטע פוינט!

געשריבן: פרייטאג אוגוסט 30, 2019 9:18 am
דורך קעדילעק
חוח, איך האב אויך זייער אסאך מעסעזשעס פאר דעם נפטר לעבן, אבער די ליסטע איז צו לאנג. דערווייל וועל איך פרואוון זיך אליין צו פאררעכטן, נישט אויסצוקוקן ווי די נפטרים זאלן לעבן און געזונט זיין.

געשריבן: פרייטאג אוגוסט 30, 2019 10:52 am
דורך בענקעל
חוח'ל,
דער נפטר זז"ג, אויב וואלט ער זיך באטייליגט ביי די חתונה וואלט ער געקענט זיין אינעם זעלבן ארון און מעגליך אויך פון די מתפידים.

געשריבן: פרייטאג אוגוסט 30, 2019 11:02 am
דורך חוח בין השושנים
פיין געזאגט חברה.
ואשרי כל חוחי לו...

געשריבן: פרייטאג אוגוסט 30, 2019 11:27 am
דורך דממה דקה
אקעי חוח האסט פארציילט די צווייטע העלפט מעשה, יעצט לייג ארויס די ערשטע העלפט, וואס איז די מעשה מיט די פדיון שבוים, אפשר איז דער נפטר גערעכט.

געשריבן: פרייטאג אוגוסט 30, 2019 11:55 am
דורך טעם וריח
חוח בין השושנים האט געשריבן:נפטר לעבן...

יהא זכרו ברוך.

בפשטות הייסט דאס לעבן געבליבענעם נפטר ״ברוך״ אזוי פארשטיי איך דעם רמז.. אה כמין כווייס ווער דאס איז.. זאכן הייבן אן שטימען..

געשריבן: פרייטאג אוגוסט 30, 2019 12:02 pm
דורך חוח בין השושנים
טעם וריח האט געשריבן:
חוח בין השושנים האט געשריבן:נפטר לעבן...

יהא זכרו ברוך.

בפשטות הייסט דאס לעבן געבליבענעם נפטר ״ברוך״ אזוי פארשטיי איך דעם רמז.. אה כמין כווייס ווער דאס איז.. זאכן הייבן אן שטימען..

אויב אזוי, טעם, מיינעך אז כ'ווייס ווער דו ביסט. רבינו תם?

געשריבן: פרייטאג אוגוסט 30, 2019 12:30 pm
דורך טעם וריח
חוח בין השושנים האט געשריבן:
טעם וריח האט געשריבן:
חוח בין השושנים האט געשריבן:נפטר לעבן...

יהא זכרו ברוך.

בפשטות הייסט דאס לעבן געבליבענעם נפטר ״ברוך״ אזוי פארשטיי איך דעם רמז.. אה כמין כווייס ווער דאס איז.. זאכן הייבן אן שטימען..

אויב אזוי, טעם, מיינעך אז כ'ווייס ווער דו ביסט. רבינו תם?

ניין ניין.. כבין א אייניקל פון לקוטי מה׳ריח

געשריבן: דאנערשטאג סעפטעמבער 05, 2019 3:09 pm
דורך היט-אפ מויל & קיפעד
דממה דקה האט געשריבן:אקעי חוח האסט פארציילט די צווייטע העלפט מעשה, יעצט לייג ארויס די ערשטע העלפט, וואס איז די מעשה מיט די פדיון שבוים, אפשר איז דער נפטר גערעכט.

The organization does not exist yet. He created it for a few minutes just to prove his point

געשריבן: דינסטאג מארטש 10, 2020 2:46 pm
דורך חוח בין השושנים
פארציילט היינט א איד אין שול אז דער שווארצער ארבעטער פרעגט אים פארוואס מ'זינגט ליהודים היתה אורה? פארוואס דערמאנט מען נאר די אידן? ס'אביסל ראסיסטיש...

האב'כ'זיך דערמאנט פון דעם אשכול'ע. ערל טייערער, ביסטו אויך געווען אזוי אנגעצויגן ווי אונז פאר די העפפי ענדינג? "ביסטע נישט געווען ביים לוייה - קום נישט צום חתונה"...