אידישע פאליציי און אירע געזעצן

[דעת בעל הבית]

גדול יהיה כבוד המעמד הזה!

א מעמד וואס איר ווילט נישט פארפאסן!!

נעקסט לעוועל!!!

[מסתמא]

גדול יהיה כבוד המעמד הזה!

א התרגשות דקדושה נעמט ארום תושבי קריתינו שטייענדיג ביים שוועל פונעם גרויסארטיגן דינער // ווי יאר יערליך וועט דער מעמד פארקומען מיט גרויס כבוד און פראכט // א רייכע מאלצייט וועט סערווירט ווערן אויפן פלאץ פאר אלע באטייליגטע // א פולער ארקעסטרא וועט מהנה זיין דעם ציבור אין שפיץ פון די סאמע העכסטע מוזיקאלישע פערזענליכקייטן // אן אינהאלטסרייכע פראגראם וועט האלטן געשפאנט דעם ציבור פאר לאנגע שעות לענגאויס די נאכט // פיבערהאפטיגע אקטיוויטעטן קומען פאר כדי צו קענען אקאמאדירן די רבבות המשתתפים // א פלאטע פון באסעס וועלן קורסירן אין אלע גאסן פון גרעיטער ניו יארק

למען אשפותינו: דער מעמד וועט געעפנט ווערן דורכן בארימטן מגיד מישרים ויושב ראש ר' מאיר משה בערקאוויטש // אוכל מתוך פסולת: שטורעמישע דברי הסברה 'א זויבער לעבן, וויאזוי?' וועט געהערט ווערן דורכן ספעציעלן גאסט רעדנער הרב מענדל טויבער // זבל תפארתך: פלאמפייערדיגע דברי ברכה והדרכת השנה ע"י אב"ד קהילתינו שליט"א // מעמד בוקע נקויים: פרקי תהילים פסוק בפסוק בהשתתפות הצדיקים הגאונים שליט"א // מאשפות ירים: מוזיקאלישע אויפטריט 'קופה של שרצים' דורך ר' שמואל זאנוויל הורוויץ מיטן ילד הפלא משה חיים גרין // מנקרים באשפה: אינפארמאטיווע פאנעל מיטן לאנגיעריגן דיספעטשער פון חברה אשפה ר' יעקב מאיר בראנדמארק // פשטו ידיהם בזבל: א מאמענט פון דאנקבארקייט און שעצונג פאר הנגידים האחים החשובים למשפחת יאנקאוויטש פאר זייער ברייטהארציגע נדבה אויף צוויי שפאגל-נייע בעזעם טראקס // תחתיים לזבלים: רירנדע פרעזנטאציע 'פארשמירט...' מיט ר' יצחק יעקב לאנגסאם // פסולת נקיה: א מזכרת נצח ווערט געשאנקען ווערן פאר די טויזנטער באטייליגטע - א געבענטשטע פלעשל מיסטער קלין

א מעמד וואס איר ווילט נישט פארפאסן!!

ליקעריש!!!

[און שוין!]

[דאונעיט]

[בערל קראקאווער]

נישנארמאל ווא דא גייט אלץ ניש פאר..

אונז האבן מיר דא ערנסטע סורסעס פון אינערהאלב די טיפע באהעלטענישן פון די סאמע סודות'פולע אגענטורן...

מ'ברויך דא אבער וויכטיג א פלעשל WD-40 פאר די מילצן. דער ליקעריש איז געהעריג שעדליך...

דאנקע שעין

[יקוש פייוויש]

יאכעס, דו ביסט עס דער יאנקעל אויף וועם דיין געשיכטע ווערט פארציילט?

חחח... דיין היינטיגע דורכפאל פארציילסטו נישט פאר קיינעם, הא?

יאפס, היינט צופרי האב איך עספיעט צו זען ווי מוישע יאכעס פירט אויס זיין קנס פון מאכן די השקה.. נאר דערמאנט דערפון האט ער זיך שוין נאכן זיך אנטון די בגדים און פארקעמען די פיאות און דרייען די בארד מיטן ראבער בענדלע צווישן די ציין... דערמאנענדיג זיך פון זיין קנס איזער אזוי אויפגעשפרונגען אזש... חחח...

אלענפאלס, ער ברויך דאך אויפמאכן דעם שטאפער, איא? נו וויאזוי גייט מען עס אצינדער מאכן? צוריק זיך אויסטון איז קיין רעדע נישט, און אריינגיין מיט די בגדים..? המממ... למעשה האטער באשלאסן אז ער קען זיך נישט ארויסדרייען פון זיין שטראף שוין דעם ערשטן טאג, איזער שנעל אריינגעלאפן אין בור מיט די בגדים... (חחח... חחח...) ארויסגעצויגן דעם שטאפער, און דאן ארויסגעקומען פון בור ווען עמערס וואסער גיסן זיך פון אים..

אוי האבעך דעמאלטס געלאכט הויך אויפן קול, ווען פלוצלינג פיל איך א שמייס אונטער מיין רוקן... איך דריי זיך אויס זע איך א נארוואס געקרוינטער פאליציאנט מיט ס'קאפעלע אויפן שפיץ קאפ, (יא, אזא טונקל בלויע קאפל וואס די בעדערענע אידן האבן, וואס די האר דערפון איז אפגעשוירן און א קאר איזעס צען מאל איבערגעטרעטן...), ס'לינקע פאה אויפן אויער (ס'קוקט אויס מער שטרענג ווען בלויז איין פאה איז אויפן אויער), רויטע אנגעבלאזענע באקן און אלטע פורפל האנטוך מיט לעכער דערינען, אלס שמייסער (יא, די אלטע לעכעריגע האנטוכער שמייסן בעסער, האסט נישט געוויסט?)

איך קוק אים אן פארוואונדערט, זאגט ער, "דאס איז פארן רעדן אין ארום לאכן אין מקוה", און דערביי געט ער מיר א געלן טיקעט, "דאס איז פאר היינט, ביסט נישט ערלויבט אריינצולייגן קאצקע ציקער און מילעך אין דיין קאווע..."

מאכשעמאם אלע ציונים

[Ban Mazel]

אידשע פאליציי

[שטויביג]

גדול יהיה כבוד המעמד הזה!

א התרגשות דקדושה נעמט ארום תושבי קריתינו שטייענדיג ביים שוועל פונעם גרויסארטיגן דינער // ווי יאר יערליך וועט דער מעמד פארקומען מיט גרויס כבוד און פראכט // א רייכע מאלצייט וועט סערווירט ווערן אויפן פלאץ פאר אלע באטייליגטע // א פולער ארקעסטרא וועט מהנה זיין דעם ציבור אין שפיץ פון די סאמע העכסטע מוזיקאלישע פערזענליכקייטן // אן אינהאלטסרייכע פראגראם וועט האלטן געשפאנט דעם ציבור פאר לאנגע שעות לענגאויס די נאכט // פיבערהאפטיגע אקטיוויטעטן קומען פאר כדי צו קענען אקאמאדירן די רבבות המשתתפים // א פלאטע פון באסעס וועלן קורסירן אין אלע גאסן פון גרעיטער ניו יארק

למען אשפותינו: דער מעמד וועט געעפנט ווערן דורכן בארימטן מגיד מישרים ויושב ראש ר' מאיר משה בערקאוויטש // אוכל מתוך פסולת: שטורעמישע דברי הסברה 'א זויבער לעבן, וויאזוי?' וועט געהערט ווערן דורכן ספעציעלן גאסט רעדנער הרב מענדל טויבער // זבל תפארתך: פלאמפייערדיגע דברי ברכה והדרכת השנה ע"י אב"ד קהילתינו שליט"א // מעמד בוקע נקויים: פרקי תהילים פסוק בפסוק בהשתתפות הצדיקים הגאונים שליט"א // מאשפות ירים: מוזיקאלישע אויפטריט 'קופה של שרצים' דורך ר' שמואל זאנוויל הורוויץ מיטן ילד הפלא משה חיים גרין // מנקרים באשפה: אינפארמאטיווע פאנעל מיטן לאנגיעריגן דיספעטשער פון חברה אשפה ר' יעקב מאיר בראנדמארק // פשטו ידיהם בזבל: א מאמענט פון דאנקבארקייט און שעצונג פאר הנגידים האחים החשובים למשפחת יאנקאוויטש פאר זייער ברייטהארציגע נדבה אויף צוויי שפאגל-נייע בעזעם טראקס // תחתיים לזבלים: רירנדע פרעזנטאציע 'פארשמירט...' מיט ר' יצחק יעקב לאנגסאם // פסולת נקיה: א מזכרת נצח ווערט געשאנקען ווערן פאר די טויזנטער באטייליגטע - א געבענטשטע פלעשל מיסטער קלין

א מעמד וואס איר ווילט נישט פארפאסן!!

פון פריי-דעך בענד האסטו פארגעסן....

(גענומען פון דא)

[נו גוט נו שוין]

יעפ דאס קומט אויפן אויבערפלאך אינעם איצטיגן חודש

[ליקעריש]

אין א צייט ווען די גאנצע וועלט פאלגט נאך מיט אנגסט די אנטוויקלונגען אין ארגענטינע ווען די אנגייענדע גואטאמאלא אגרעסיעס טוט אויפברענגען זארג און שוידער פאר יעדן, איז דער ארטיגער ראש הקהל ארויפגעקומען צווישן אנדערע אויף קול מבשר, און אין זיין רירנדע אינטערוויא געשילדערט וויאזוי עס האט אויסגעזען יענעם ביטערן נאכט ווען די גואטאמאלא בחורים האבן אנגעהויבן דעם בליץ-קריג מיטן ציל צו אינוואדירן דעם בית מדרש, און עווענטואל איבערווארפן די ראשי קהילה און אויפשטעלן אן אזויגערופענעם פאפעט-מוסדות.

געווען איז עס נאך מעריב, ווען אן קיין שום פריערדיגע ווארענונג האבן מיטאמאל א ענגע צאל באוואפנטע קאמאנדאוס פון גואטאמאלא'ס 'גבוה' איינהייט געשטורעמט דעם גרויסן בית מדרש, מיטן ציל איר צו פארכאפן מיט טעראר. צוערשט האבן זיי איבערגענומען קאנטראל פון די ווייבערשול, פון וואו זיי האבן מיט גרויס ברוטאליטעט באהאגלט דעם בית מדרש מיט מילך קעסטלעך, שטענדערס, און אנדערע שווערע ארטילעריי. און הערשט דערנאך האבן זיי פרובירט צו שטורעמען דעם בית מדרש זעלבסט.

אבער זייער שנעל זענען אלע איבערצייגט געווארן ווי שטארק זיי האבן אינטערגעשאצט די ארגענטינער.
אפילו די לאקאלע מתפללים וואס זענען געווען אנוועזנד האבן געשטעלט א העפטיגע ווידערשטאנד, און זיי צוריק באווארפן מיט פלעשער סעלצער און בריעדיגע קאווע. און אפגערעדט שפעטער, ווען די בחורי חמד בריגאדע איז אנגעקומען מיט זאפאסן פון אייער און רונדעס געפילטע פיש, האט זיך די צושטאנד שטארק געטוישט לטובת די ארגענטינער.

די שלאכטן האבן זיך פארצויגן פיל לענגער ווי יעדער האט געראכטן, אויף אזוי ווייט, אז לויט געוויסע שאצונגען האבן שוין די גואטאמאלער כמעט אויסגעליידיגט אלע זייערע קרעפטן פון ישיבה, און וועלן שוין באלד דארפן צוקומען צו די רעזיוויסטן פון כולל!


קוקנדיג אויפן מאפע, איז יעצט פארהאן צוויי אקטיווע פראנטן. איינס אין די מערב-צפון ראיאן, וואו די גואטאמאלער פרובירן צו פארכאפן קאנטראל אויף באלעמער, וואס איז פאר זיי גאר וויכטיג און סטראטעגיש. אבער דערווייל איז עס אן ערפאלג, און זיי וועלן לויט אלע ווארשיינליכקייטן דארפן מאכן א ריקצוג צום קאוט-רום און זיך ריגרופירן אין פרישע מנינים.

ווי אויך קומען פאר גארילע שלאכטן אינטן אין האלוועי, וואו זיי פארלייגן שווערע כוחות איינצונעמען די קאווע שטיבל פלענט און אזוי ארום אפהאקן די סופליי ליניעס פון הייס וואסער אריין אין מקוה, אבער זיי שטייען אויס נאכאנאנדע סאבאטאזשירונגען פון געהיימע זעלנער וואס האלטן זיך אויף אין א נעץ פון בית כסא טונעלן פון וואו זיי קניידלען ארויס נאסע-טושי האנט גראנאטן.

באריכטן אז חדר נחום דוב איז געפאלן, האבן זיך ארויסגעשטעלט צו זיין פאלש.

אין א ספעציעלע אפעראציע זענען ביידע וועגענער פון האנטוכעך ארויסגעפירט געווארן פון מקוה, כדי זיך צו באווארענען אז עס זאל נישט אריינפאלן אין פיינטליכע הענט.

דער אינטערנאציאנאלער ח.ב.ד. ארגעניזאציע האט נאך גרויס באמיאונגען ערלעדיגט אז עס זאל פארקומען א הומענאטישע קארידאר ארויס פון בית מדרש, כדי צו קענען עוועקואירן די ספרי תורה און אנדערע חפצי קודש צו א זיכערע פלאץ.


ציפערן פון די גואטאמאלא פארלוסטן לויט די באונעס איירעס אינדעפענדענט:
400 שמוציגע טליתים, 60 צובויגענע גלעזער, 250 חרוב'ע שטריימלעך, 8000 אראפגעפליקטע קנעפלעך, 7 אויסגעריסענע פיאות און בערד, און 100 פארלוירענע קאפלעך.

[בן איש חי]

[ערעב איד]

משוגע מטארע כי לעולם חסדו!

[חיים ברוך]

[דעת בעל הבית]

דער בחור איז קוקו!
מ’דארף צוריק עפענען די אשכול פולי!

[הקולמוס שלי]

@נקדימון שיינע אנאליז!
אפפסס ליקי טענקס!

[ניין דו]

די ביסט פיינע נייעס, איך קאטשקע מיך פאר געלעכטער

[דרייטצעך]

א שמייכל אין א גרויען זונטאג! טענקס!

(אלע זונטאג'ס זענען גרוי?)

[טוה א טובה]

למעשה האבן יעצט די גוואנטומאלער אויפגעגעבן דעם קאמף, און געמאכט א ריקצוג צו א מילעטערישע טענט וואס איז ספעציעל געווארן אויפגעשטעלט צו טרענירן נייע טרופן...

ע"כ פון די ערשטע גוואנטעמאלע-ארגענטינע מלחמה...

[טוה א טובה]

אומבאשטעטיגטע באריכטן אז צענדליגער פייער עקסטיגניטשער'ס זענען אויך צווישן די קרבנות...

[נקדימון]

אין א צייט ווען די גאנצע וועלט פאלגט נאך מיט אנגסט די אנטוויקלונגען אין ארגענטינע ווען די אנגייענדע גואטאמאלא אגרעסיעס טוט אויפברענגען זארג און שוידער פאר יעדן, איז דער ארטיגער ראש הקהל ארויפגעקומען צווישן אנדערע אויף קול מבשר, און אין זיין רירנדע אינטערוויא געשילדערט וויאזוי עס האט אויסגעזען יענעם ביטערן נאכט ווען די גואטאמאלא בחורים האבן אנגעהויבן דעם בליץ-קריג מיטן ציל צו אינוואדירן דעם בית מדרש, און עווענטואל איבערווארפן די ראשי קהילה און אויפשטעלן אן אזויגערופענעם פאפעט-מוסדות .

...

שיגענער דו

[די הייליגע זיידע'ס]

חדר ’ראובן יצחק’ איז געווארן דער צייטווייליגער שפיטאל.
דער ראש ישיבה’ס צימער אויבן רעכט’ס איז געווארן דעם הויפטקווארטיר וואו עס נעמען זיך צוזאם אלע אזויגערופענע ’מיליטער לייט’ צו קענען מאכן פארשריט אין דעם אינוואזיע.
עסקנים געבן איבער אין די לעצטע שעה, אז לויט ווי עס קוקט יעצט אויס גייט עס נאך אנגיין לאנגע וואכן כאטש ביז נאך שובבי”ם...

[דעת בעל הבית]

די דערנעבנדיגע בהמ”ד אראפ די גאס זאגט צו צושיקן די איבריגע שאלאסידעס און הערינג בלויז פאר ’דיפענס’ ס’איז ערווארטעט אנצוקומען גאר שנעל.

[אוראייניקל]

מלחמתה של תורה!

[הלבלר בקולמסו]

נאכאמזל רעדן פון לב טהור איז יא ערלויבט.

[ניינער]

אין אנדערע נאכנישט פארוויקעלטע נייעס קומט אריין די באשלוס דורך די פירער פון ׳גוטעמאלא ספעשאל פארסעס מלמדים גרופע׳ אז זייער בריגאדע איז קאמפס גרייט איבערצונעמען די שלאכטן אויב וועט זיך אויספעלן.
זייער פערסאנעל ציילט זיך צו דריי כיתה א׳ מלמדים, איין כיתה ב׳, איין כיתה ג׳, צוויי כיתה ד׳, כיתה ה׳ ו׳ ז׳ מלמדים בלייבן אינדערהיים צוליב די ׳גוטאמאלע שווארצע ברילן שפיאנאזש באריכטן׳ אז זיי זענען געטריי צום שונא. צוויי כיתה ח׳ מלמדים, איין כיתה ט׳, א סגן מנהל און די קאַפי רום.
די סאלדאטן זענען אנגעפאנצערט מיט דרייסיג מאל דרך ארץ קדמה לתורה.
די גרופע איז ספעציעל טרענירט קעיר צו נעמען פון ווילדע מחוצפים, נערנים, שטומפיגע קעפ, און ארויסגעשטעקטע העמעדער.
זיי ציילן זיך צו זיין פון די גוטאמאלע מערסט טרענירטע און אויליגע קעמפער, אזוי ווייט אז דער פרעזידענט האט אמאל אויסגעדריקט אויף זיי ״א קעסטעל אראנזשעס״

סטעי טונד פאר מער אפדעיטס און דאונגרעטס.