שר התורה האט געשריבן:מומחה יוחס האט געשריבן:א גוט חודש א גוט יאהר טייערע אידן
א גאר וויכטיגע פרשה, מען קען אסאך זאגן אין רעדן רש"י זאגט דאך שוין - פרשה זו יפה נדרשת... פון מחלוקת קען מען אלע מאל רעדן אין נישט מיד ווערן.. מענטשן האבן ליב צו רעדן פין יענעמ'ס מחלוקת...
אבער אין די ספה"ק איז דא א טיעפערע פשט אין די הייליגע רש"י..
וועלן מיר דא ברענגן פין די הייליגע אמרי יוסף זי"ע אין די וואכדיגע סדרה, - ווי יעדער ווייסט אז ווען נישט דער פרשה פין מרגלים וואלט מען שוין גלייך אריין אין ארץ ישראל, אין עס וואלט שוין געוועהן די תיקון השלם..
אין אר"י הק' שטייט עפ"י סוד צו מבאר זיין די פסוק אין יחזקאל הנביא, וואס שטייט "והכהנים הלוים בני צדוק".. זאגט די אר"י הק' אז לעת"ל ווען עס וועט זיין די תיקון השלם, וועלן דעמאלס אויך די לוים זיין ווי כהנים אין מאכן די עבודה..
אבער למעשה ווייל ס'איז געשעהן די מעשה פין די מרגלים איז געווארן די צייט פין די תיקון השלם אפגעשטיפט געווארן... אין קרח האט דאס געוואלט – ער האט זיך משתוקק געוועהן צו זיין א כהן אין טוהן די עבודה, האט ער געהאפט אז בקרוב קומט מען שוין אן קיין ארץ ישראל, וועט ער שוין קענען טוהן די עבודה, אבער די מעשה פין די מרגלים האט איהם פארהאקט אלע פלענער, ממילא ויקח קרח וכו'.
אין עס שטייט אין ס'איז ידוע אז יעצט איז דער שם הוי' בגימ' 26 צוזאמען מיט די שם אדנ"י בגימ' 91 אבער לעת''ל ווען ס'וועט זיין השם שלם, וואס דעמאלס וועט זיין דער שם.. י'ה י'ה וואס איז בגימ' 30 וואס צוזאמען מיט די שם אדנ''י בגימ' 95 – אין ווי עס איז באקאנט וואס די הייליגע ראשפיצער רב האט געטייטש יה''ר שהזיווג פין הוי' ואדנ''י יעלה זאל זיין בגימ' יפ''ה וואס דאס איז 95 , וואס די תכלית איז ס'זאל זיין השם שלם והכסא שלם, אין ווי דער רבי אליעזר'ל מדזיקוב האט ער מרמז געוועהן אז פין אמ''ן (בגימ' 91 ) זאל ווערן סל"ה (בגימ' 95)
ממילא פארשטייט מען שוין די הייליגע רש"י.. אז דער גאנצע נושא פין קרח איז געוועהן אויף די תיקון השלם.. פרשה זו יפ"ה נדרשת וגו'.. אז קרח האט שוין געוואלט ס'זאל זיין תיקון השלם וואס דאס איז בגימ' יפ"ה...
[align=center]**********************[/align]
הערליך מומחה, איך מיין די ווארט ווערט געברענגט פון ר' שלמה באבוב'ער,
און דער קדושת ציון לייגט צו אז סוף פון די פרשה שטייט אז די פרשת קרח האט צ''ה פסוקים,וואס דאס איז דאך 'יפה'
ווי אויך איז דער סימן איז 'דניאל' וואס ער איז דער נביא וואס זאגט אהן אויף בשורת הגאולה, און דעמאלטס וועט זיין יפה נדרשת,
(ר' אליעזר דזיקוב'ער חסידים פלעגן זאגן די נוסח ביי קידוש לבנה)
גוט שבת,
שר התורה טייערע
קען זיין אז די ווארט שטייט אויך פון הרה"ק רבי שלמה באבובער זי"ע..
אבער אין ספה"ק אמרי יוסף על הפרשה שטייט עס קלאר שווארץ אויף ווייס איך האב עס שוין געלערנט פאר כמעט 25 יאהר צוריק אין די ספר, אין איך האב עס לעצטע וואך נאכאמאל איבער געקוקט.. דארט שטייט נאך מער באריכות פין וואס יעך האב געשריבן..
עס איז נישט קיין סתירה
דער עיקר משיח זאל שוין קומען ס'זאל מקוים ווערן די יפה...
יישר כח פאר דיר פאר די שיינע רמזים וואס האט געברענגט נאכדעם..