אליעזר קרויס האט געשריבן:יישר כוחך
א גוטן.
לענ"ד איז דער ענין מבהיל על הרעיון.
ביים שמועס מיט ר' וועלוול'ען, (כ'האב נאר געהערט אן אויסצוג) דערהערט זיך טאקע ווי ר' וועלוועל איז שאקירט, כנראה אז ס'גלייבט זיך נישט אז ס'איז א טרוקענעם הלכה אין שלחן ערוך; איך פארשטיי זיין שאק, זייענדיג אן אפגעהיטענער איד מצד אחד; ומצד שני איז ער דאך דער מבין צו נגינה, און אלס אינטערוויוער (אזוי מיין איך, קארעקט מי איף איי עם ראונג) פון די בעלי מנגנים, (איך געדענק נישט יעצט וויאזוי ס'הייסט, כשרונות?, איז עס ער?), ארויפשטעלנדיג אויסצוגן פון שירה וזמרה, און עס קומט געקניפט און געבינדן מיט מוזיק והמסתעף.
און ס'איז א נארמאלע זאך צו זיין שאקירט; ס'איז באקאנט די פינף סטעפס אין מוח וואס פאסירן ווען א מענטש הערט פלוצלינג אן איבעראשענדע בשורה/נייעס, און ווען מ'רעדט ח"ו פון א שלעכטע זאך, איז די ערשטע רעקאציע: לייקענען. ניין. ס'איז נישט אמת.
ולגופו של ענין: ס'קומט ר' אליעזר'ן א ישר כוח פאר'ן ארויפברענגען דעם ענין אויפ'ן אויבערפלאך, און נאכמער א דאנק פאר'ן מאמר אינעם קובץ, ביי מיר איז דער ענין אויך געווען פארנעפלט, און ס'איז זייער קלאר דא.
איך נעם נישט קיין שום שטעלונג בנוגע אנדערע נושאים פון ר' אליעזר'ן, אבער לגבי דעם ענין פארשטיי איך בכלל נישט פארוואס מ'אטאקירט, ווען ער זאגט בלויז קליפ און און קלאר, אז ס'איז אן הלכה אין שלחן ערוך וואס ס'איז ליידער פארנאכלעסיגט משום איזה סיבה שהוא, און אז מ'זעט קלאר אין די ספרי התשובות וואס פלאגן זיך פשוט צו טרעפן היתרים דערויף. (ווידעראום אויב נעמט זיך דאס ווייל איר האלט נישט מיט אים אויף איין שטעלונג, וואס איז דער שייכות? "קבל את האמת ממי שאמרו", זאגן אונז חז"ל).
איי מ'זעט נישט רבנים מוחה זיין דערויף, - ערשטענס, ווער זאגט מ'איז טאקע נישט מוחה? (עי' לעיל, בשם כמה רבני גדולי דורינו); צווייטענס: קען מען טאג-איין-טאג-אויס מוחה זיין אויף בפירוש'ע הלכות וואס זענען ליידער נזנח? הלא אין לדבר סוף, און טאקע מזמן לזמן (בדרשות התעוררות לאור מאורע מיוחדת), הערט מען טאקע דברי התעררות אויף ענינים המוזנחים.
איך האב געליינט במושכל ראשון וואס ס'איז שוין געשריבן געווארן פריער, און קען זיין אז איך זאג איבער וואס איינער האט שוין ערווענט, און סארי אויב ווערט עמיצער עפענדעט דערפון, כ'האב בלויז געוואלט ארויסברענגען מיין געפיל איבער'ן נושא.