רבונו דעלמא כולא, אזוינע גראפישע ווידיאוס וואס עס קומען יעצט ארויס פון ליימאן איז שוין אפילו נישט געווען ביי די כארקאוו אפענסיווע.נארמאליזעם האט געשריבן:קודם איז שוין דא א קליפ פון א לאנגע רייע פארברענטע טראקס מיט סאלדאטן, רוסן וואס זענען געווען אויפן וועג ארויס פון ליימאן, אבער זענען געווארן גע'אמבושט.Jhon האט געשריבן:שוין דא בילדער פון געפאנגענע רוסן אין ליימאן?
וואס איז מיט פרישע עקוויפמענט? האט רוסיא צוגעשטעלט עקוויפמענט פאר אוקריינע?
אין כארקאוו האלט מען נאך אינאיין טרעפן טאנקן...
די ראודס זענען אנגעלייגט מיט טויטע רוסן, אסאך רוסן זענען געשטארבן פון טרעטן אויף זייער אייגענע מינעס בשעת'ן צוריקטרעטן!
ווען די רוסן האבן ענדליך אנגעהויבן מאכן א קליינטשיגע רוקציג זענען שוין די ראודס געווען אונטער אוקריינער פייער קאנטראל. דאס מיינט אז די אוקריינער האבן שוין באוואכט די ראודס מיט ארטילעריע און גאנס אן קיין ווידערשטאנד אין די געגנט. סך הכל וואס זיי האבן געדארפט טון איינמאל די רוסן האבן זיך ארויסגעלאזט אויף יענע ראוד איז שיסן. א בלוטבאד.
ס'איז אויך צום שטוינען אז אסאך האבן זיך ווען פשוט געקענט אונטערגעבן און מיט דעם פארמיידן טויט, אבער ניין זיי האבן זיך אויסגעמאטערט מיט קעמפפן ביז די לעצטע טראפ כוח אז ביים אויפגעבן האבן זיי פשוט אנגעהויבן שפאצירן/פארן אויף די אפענע ראודס און פעלדער אן קיין זארג איבער די אוקריינער וואס שיסן אויף זיי. אסאך זענען ניטאמאל געלאפן, נאר פשוט שפאצירט ווי בלינדע פארבלאנדזשעטע אן באוואוסטזיין. אלעס פאר דעם בלוטדארשטיגן צאר פוטין.
אין די טעג פירנדיג צום עווענטועלע צוזאמענפאל פון ליימאן האבן די אוקריינער אויך געליטן שווערע פארלוסטן. זייער א בלוטיגע שלאכט געווען.
איך האב געזען א טראנסקריפט פון אן אויסלענדישע זעלנער וואס קעמפפט אין ליימאן (הגם וואס די אויטענטישקייט איז נישט מעגליך צו באשטעטיגן הונדערט פראצענט, זעט עס אבער אויס קראנט וויבאלד די טראנסקריפט איז ארויסגעקומען בעפאר די עמטליכע צוזאמענפאל און די ווידיאוס וואס באשטעטיגן וואס ער שרייבט). ער לייגט דארט אראפ ווי ער און זיין יוניט זענען אין די גרויסע צעמישעניש אפגעטיילט געווארן פון די מעין יוניט בשעת די בהלה פון די רוסן האט זיך אנגעהויבן. ער שרייבט אז זיי האבן געשאסן און געשאסן רוסן ביז זיי זענען (כמעט) אויסגעלאפן פון אמוניציע, האבן זיי אריינגעצויגן אין א וועלדל כדי זיך אפצורוען בעפאר'ן צוריקגיין צום צענטראלן קאמאנד צו באקומען פרישע אמוניציע.
ווען זיי זיצן אזוי אינ'ם וועלדל האלב פארשלאפן רוקן זיך אריין 6-7 רוסן וואס פרובירן צו זוכן אביסעלע שיץ פון אוקריינער פייער, אבער בעפאר וואס וואו ווען זענען זיי געווארן אראפגעמאלן דורך דעם אוקריינער יוניט.
ער שרייבט זייער שטארקע ווערטער "איך בין אויסגעמוטשעט.... איך בין קראנק פון הרג'נען אזויפיל מענטשן"
וויפיל מענטשן דארפן נעבעך שטארבן פאר'ן בלוטדארשטיגן פוטין און זיין זינלאזע רציחה?
וועגן איבערגעלאזטע עקוויפמענט און געפאנגענע איז נאכנישט דא קיין דאטא אדער ווידיאו, וועמיר מוזן ווארטן.
די טבע פון די רוסן איז בולט עד הסוף. אין די ווידיאוס זעט מען געוויסע וואס האבן געהאלטן אינמיטן אוועקפארן (בעפאר'ן ווערן אראפגעשאסן) מיט גע'גנב'טע ציווילע ווענס אנגעפאקט מיט פריוואטע נכסים פון ארטיגע איינוואוינער. אפילו זעקלעך פון אשר יצר פאפיר האבן זיי ארויפגעלאדנט.
עס איז מעגליך אז די שרעקליכע דורכפאל און בלוטבאד וועט האבן אן ענליכע אפעקט ווי מיר האבן געזען אין כארקאוו ווען די רוסן האבן אנגעהויבן אנטלויפן נאכפאר די אוקריינער זענען אנגעקומען צו זייערע פאזיציעס. לאמיר האפן.
