שמואל בארג האט געשריבן:אריין אין ביבי אשכול
אזויווי איך בין א דרויסענדיגער (איך בין נישט א סאטמערער, אדער ווי מ'רופט עס דא א טעגלאשער צי הודו-טעגלאשער.., ווי אויך וואוין איך נישט היינט צו טאגס אין ניו יארק, און איך ווייס בכלל נישט ווער די עסקנים -וואס מען דעבאטירט דא וועגען זיי- זענען), און איך האב דא נישט קיין שום נגיעות, און איך האב נאר געעפענט דער אשכול זעענדיג ווי די תגובות הייבען זיך דא אין גרויסען, וואס דאס ווייזט בדרך כלל אז מען ברויך שנעל אריינלויפען איידער מען טרעפט זיך ביים צענזור אשכול, ממילא וועל איך שרייבען מיין אבזערוואציע אלס א דרויסענדיגער, בבחינת א גאסט אויף א ווייל זעהט א מייל.
איז אזוי, ס'זעהט טאקע אויס גאר גאר גאר מאדנע צו טוישען דער פאר וועמען מען זאל וואויטען, ווען פארן גאס זעהט קלאר אויס אז די סיבה איז נאר צוליב די פאולס [און דאס איז מסתמא די ריכטיגע סיבה, ווייל וואס דען האט זיך געטוישט די לעצטע פאר טעג?], נאר איך קען דערהערן אז ווייל ס'זעהט אויס ווי עדעמס גייט געווינען, וויל מען האבען א אפענער אויער ביי אים, און דערפאר אינדארסירט מען אים (און די סיבה קען מען פארשטייט זיך נישט אויספויקען בקול רעש גדול, נאר מען דארף עס אליין פארשטיין), אבער צו מיר זעהט עס טאקע נישט אויס ריכטיג, אזויווי די עולם האט ארויסגעברענגט, אז דאס וועט לכאורה גורם זיין אז די פאליטיקאנטען וועלען וויסען אז מען דארף זיך נישט רעכענען מיט אונז ווייל מיר וועלען אייביג גיין מיטן געווינער, הגם אז מען קען מדחה זיין אז טאמער וועלען אונז אויסמאכען אין ווער ס'וועט געווינען (ד. ה. אז מען וועט זעהן אין די פאולס אז סיז א גאר טייט רעיס, און אונז זענען דיע וואס וועלען אפמאכען ווער זאל ווערען ערוועלט) וועט מען אודאי יא גיין צו דער וואס האט בעסערע פאליסי'ס אא"וו, איז דערפאר וועלען די פאליטישענ'ס אויך אזוי זיך רעכענען מיט אונז, אלס חשש פון אזא סיניריע, אבער די קשיא הערט זיך בעסער פונעם תירוץ.
יעצט לגבי די ניק'ס וואס איך האב באמערקט זייערע נעמען, צי ווייל זיי האבען געשריבען דא גאר אסאך, צי ווייל זיי זענען סתם אזוי באקאנטערע ניק'ס.
@פופציגער, שרייבט גאנץ שיין איינגעהאלטען, נאר אביסל שארף, און פון ליינען אויבערפלעכליך זעהט אויס אז טאמער וואלט ער באלאנגט פאר די אנדערע סאטמער וואלט ער נישט געשריבען אזוי, איז ממילא דאכט זיך אז דאס הייסט אז ער שרייבט פארטייאיש, נאר דאס יא, עס זעהט נישט אויס אז ער איז ממש פארקויפט פאר זיין פארטיי, נאר פארטייאיש געשטימט, און ווי מען קען זיי פארענטפערן, כאטש היפש בדוחק, וועט ער זיי פארענטפערען.
@צל עובר, שרייבט זייער שיין, מיט קלארע סברות, און איך האב נישט געכאפט פון זיינע תגובות צו וועלכע פארטיי ער באלאנגט, איז דאס ווייזט לכאורה אז ער שרייבט נישט פארטייאיש (לכה"פ דא).
@סטאוו יא פיטא, זעהט מען קלאר אז ער שרייבט זיינע אייגענע סברות, נישט פארטייאיש, אבער ער שרייבט כדרכו מיט צו שארפע און פערזענליכע לשונות, און דאס מעג זיך אויפהערען, היות מען רעדט דא נישט פון קיין השכלה אד"ג..
@אורח הכבוד, שרייבט סיי גאר פארטייאיש, און סיי גאר שארף און פערזענליך, א זאך וואס איך געדענק נישט אז ער זאל זיך אזוי פירען אנדערע מאל, וואס מיינט אז אויך זיינע שארפע לשונות זענען פארטייאיש.
און אזויווי @עומד מן הצד שרייבט אין זיין "ניק פראפייל" אשכול, אלץ וואס איך האב געשריבען איז דמיונות, וואס קען זיין האט גארנישט מיטן מציאות.