טישטוך האט געשריבן:איך מעג שרייבן מיין מיינונג? איך וועל ממילא דאס טון, ביטע נישט פערזענליך אטאקירן.
די שארפע זענען שולדיג אין די ווילדע אויפפירונג פון די פאליציי. וואס?! ביסט נארמאל?! די לוחמי מלחמת ה׳ זענען שולדיג? נעמסט זיך אן פאר די רשעים?!
ניין אבער יא.
שוין יארן וואס עס גייט פאר א לאנגע מערכה איבער דאס בעלות אין מירון, ווער עס וועט זיין בעה״ב אויפן ציון פון רשב״י. די שלטון ווילן געוועלטיגן דערויף האלטנדיג אז דאס קען ציען טוריסטן, אבער די ערליכע אידן ווילן בשום אופן נישט אויפגעבן דערויף וויבאלד זיי ווייסן גוט וואס פארא מכשולות עס קענען ארויסקומען ווען די מדינה וועט זיך משתלט זיין אויפן ארט. קבר שמואל הנביא און כותל המערבי יוכיחו, וואו די מדינה שטעקט אריין די הענט ווערט דאס באלד א מקום פאר פריצות און טוריזם.
אבער, עס איז דא א וועג וויאזוי מען שלאגט זיך. נעמט א ביישפיל פון קבר רחל, דאס איז אן ארט וואו מייסטנס שארפע קומען נישט אן, און מיט דעם אלעם איז דאס נישט אונטער די שלטון פון די מדינה און זיי קענען נישט טון גארנישט דערמיט. זיי האבן דארטן זייער פאליציי אפיס, זיי האבן דארטן חיילים, אבער דאס בעלות האבן זיי נישט. הרב קלוגער שליט״א רייסט זיך ארום מיט זיי אויף א קלוגער אופן, און אפילו אין די הארבסטע טעג פונעם סגר איז דער כולל קבר רחל אנגעגאנגען פארנט פון זייערע נעזער.
אין מירון דאגעגן שלאגט מען זיך פאר די זעלבע זאך, אבער דארטן געפינען זיך אויך די שארפע וועלכע מאכן אן געוואלדעס און איבערקערענישן וואו אימער זיי קערן זיך נאר. אנשטאט איגנארירן א פאליציאנט, אדער זיך ארויסרוקן פון וועג ווען ער גייט אריבער, טוען זיי ווארפן חפצים, שפריצן וואסער, קראכן לעקטער, און דאס מאכט אז די פאליציי דעפארטמענט זאל שוין נישט שיקן קיין תמימות׳דיגע ספרדישע אפיצירן, נאר זיי שיקן די גרויזאמע אוקריינישע גוים וועלכע טוען די ארבעט אן רחמנות, און דער ציון ווערט פארוואנדלט אין א שלאכטפעלד אין נאמען פון פאלשע קנאות.
עס איז צייט צו אנערקענען אז די שארפע זענען די וועלכע זענען שולדיג אינעם כאאס, עס איז פארהאנען וועגן צו פארהאנדלען אויף וואס מען וויל אויספירן, אבער די הויפט אורזאך צו די בארבאריזם פון די פאליציי איז, אז מען שיקט זיי קאמפסגרייט און זיי רעכענען זיך אויף מלחמה. מען זאגט זיי אן אז עס איז מעגליך אז זיי וועלן כאפן שלעק, און זיי מאכן שוין נישט קיין חילוק צווישן א סיקריק און א בעלזא׳ער.
קומט אויס אז אלע ליידן בזכות די שארפע.
איך דיסאגרי מיט דיר לחלוטין. אבער לשיטתך זענען די שווארצע שולדיג אויף די א.ג. "סיסטעמאטישע ראסיזם" אין אמעריקע, דענק איך נישט פון דיר אזאלכע ווערטער, פארקעט גאר, די וואס וואגן זיך אזוי צו זאגן ווען עס קומט צו שחורים, זענען דורך דיר אפגעסטעמעלט געווארן אלס "פרימיטיווע - פארנאטישע- אומוויסענדע ראסיסטן".
עס איז דיין פליכט אויסצוקלארן פארוואס זענען די שחורים נישט פונקט אזוי שולדיג ווי להבדיל די שארפע, און פארוואס די פאליציי אין אמעריקע זענען גרעסערע רשעים ווי די משטרת ישראל, און פארוואס דו -מיט דיין מסקנא לגבי מירון- פאלסט נישט אריין אין די קאטאגאריע פון "פרימיטיוו און אומוויסענדער שונא ישראל".
איך האב נאך וואס צו זאגן, אבער איך וויל נישט גיין פרעזענליך.