שרייבעריי פארמעסט תש"פ - #18 - דער אידישער אונטערוועלט
די אחראים: יאנאש,אחראי,געלעגער
- נקדימון
- ק.נ.א. פאליטישע קארעספאנדאנט
- תגובות: 16822
- זיך איינגעשריבן אום: זונטאג נאוועמבער 03, 2019 7:05 pm
שרייבעריי פארמעסט תש"פ - #18 - דער אידישער אונטערוועלט
[align=center][/align]
געווען איז עס א הייסער זומער אווענט, ענדע אויגוסט 1939. אלבערט אנאסטאזיע איז ארויס פון זיין דירה אויף 101-טירד סטריט אין ברוקלין, און האט געוואנדן זיינע טריט צו זיין פארקירטער אויטא. אנאסטאזיע האט זיך פלינק אריינגעזעצט אין אויטא, און געשווינד זיך ארויסגעלאזט איבער די ברוקלינער גאסן, גאלאפירענדיג אריבער דעם מאנהאטען בריק אויפן ריכטונג קיין מאנהאטען.
אנאסטאזיע איז צוגעפארן צו די פיפציגער גאסן אין דעם דריטן עוועניו, און האט אנגעהויבן פארן פאמעליכער. ער האט פארזיכטיג ארויסגעקוקט, באטראכטענדיג דעם ארום. ביים 54'סטער גאס האבן זיינע אנגעשפיצטע אויגן באמערקט א פארקירטער קאר, און נאכן זיך גוט איינקוקן אין די לייסענס פלעיטס, האט ער אנגעהויבן אראפגעדריקן דעם סטאפ ברעיק.
"דאס איז עס, לואי." האט ער זיך אנגערופן צום מאן וואס איז געזיצן צוזאמען מיט אים אין נעקסטן זיץ, און האט האסטיג אפגעשטעלט דעם אויטא.
לואיס, דארטשיק און מיטלגעוויקסיג, אבער גאר איינפאך געקליידעט, איז ארויס פון אויטא. ער האט נישט געזאגט א ווארט צו זיין פרוי, וואס איז געזיצן אין די אינטערשטע זיץ, און האט ניטאמאל געווארפן א בליק אויף דער קליינטשיג קינד, וואס זי האט געהאלטן אויף איר שויס. בלויז א קורצער דאנק פארן דרייווער; "סא לאנג, פעל, טענקס". אנאסטאזיע׳ס קורצע ענטפער האט נישט פארפעלט צו קומען; "גוד לאק לואיס".
מיט די ווערטער איז לואיס צוגעגאנגען צום פארקירטן אויטא, אין וועלכער עס איז געזיצן א צווייטער מאן, מיט עטוואס א פולערן פנים ווי אים. "העללא וואלטער", האט ער אים געגריסט, עפענענדיג די טיר, און האט זיך באקוועם אריינגעזעצט אינעווענדיג.
א סעקונדע נאך לואיס האט זיך אריינגעזעצט אין די אויטא פון וואלטער ווינטשעל, האט זיך דער טיר פריש צועפנט. עס האט זיך באוויזן א געבויטער מאן מיט ברייטע אקסלען, וואס האט אקורשט אהין שפאצירט פונעם קארנער, און האט זיך אריינגעזעצט אינעם זעלבן אויטא.
"עדגאר, דאס איז לואיס בוכהאלטער, און לואיס, דאס איז עדגאר האווער", האט וואלטער זיי פארגעשטעלט איינע צום צווייטן.
נאך א קורצע שמועס אויסטויש, האט האווער איינגעמאלדן פאר בוכהאלטער: "דער איז נא דיעל!״
דער קאלאמניסט וואלטער ווינטשעל, וואס האט אראנדזשירט דעם ארעסט, פון לואיס לעפקע בוכהאלטער
די קורצע ווערטער האט געלאנדעט אויף לואיס ווי א בארג שטיינער.
לואיס האט אראפ געשמיסן זיינע ברילן צום ערד. ער האט געפילט ווי ער פאלט צוזאם. לואיס האט פרובירט געשווינד ארויסצוטאנצן, אבער האט תיקף איינגעזען אז עס איז דערנאך.
אט אזוי, מיט דער הילף פונעם קאלאמניסט וואלטער ווינטשעל, האט דער לעגענדארער עף בי איי דירעקטאר דזשעי עדגאר האווער, געלייגט זיין האנט אויף לואיס לעפקע בוכהאלטער, דער אידישער גענגסטער, וואס האט באוויזן אריין צו ווארפן גאנץ ניו יארק אין גרויס שרעק. לעפקע בוכהאלטער, דער מענטש וועלכער האווער האט געהאט באצייכנט אלץ, "דער געפערליכסטער פארברעכער אין גאנץ אמעריקא".
לעפקע בוכהאלטער געזוכט דורך די FBI
לואיס איז געבוירן געווארן אלץ לעפקע אדער ווי זיין מאמע פלעגט אים רופן; לעפקעלע בוכהאלטער. לואיס איז געבוירן אן יאר 1897 אין וויליאמסבורג און פון גאר קליין פלעגט ער מיט גיין מיט זיין טאטע אריבער די וויליאמסבורג בריק ארויס העלפן זיין פאטער אין זיין געשעפטל אין די לאוער איסט סייד.
געציילטע יאר שפעטער איז זיין טאטע נפטר געווארן אין דער אינגער לעפקעלע האט זיך גאנץ שנעל געטראפן וואנדערן איבער די גאסן זוכן פאר פרנסה. לואיס האט אנגעהויבן זיין קאריערע אלץ קליינער גנב. לעפקע פלעגט לקח'נען פון די פושקארט סוחרים און פון די פעדלערס.
עס האט נישט גענומען לאנג ביז לעפקע'ס נאמען האט דערגרייכט צו ארנאלד ראטשטיין. ראטשטיין ווערט באצייכנט לויט אסאך היסטאריקער אלץ דער גרעסטער אידישער גענגסטער אין די אמעריקאנער היסטאריע.
ראטשטיין האט אויפגענומען לעפקע בוכהאלטער זאל ארבעטן ביי אים. פון דא און ווייטער האט לעפקע זיך גענומען פארברייטערן זיינע קרימינאלע אקטיוועטעטן אויף אן אבנערמאלער פארנעם. מיט די צייט האט לעפקע אויפגעשטעלט זיין אייגן מאפיע גרופע גערופן "מערדער אינקארפארעיטעד" א גרופע וואס איז שולדיג אין די טויט פון שווערע צענדליגער אויב נישט הונדערטער אומשילדיגע מענטשן.
טויט איז געווען דער איינציגסטער און ערשטער ענטפער פארן זינד פון נישט מסכים זיין צו צאלן די שטייער לעפקע האט פארלאנגט פונעם געשעפטס אייגענטומער.
נאכן טעראריזירן די ניו יארקער געמיינדע פאר צענדליגער יארן, האט די עף בי איי ענדליך באוויזן צו לייגן א האנט אויף לעפקע בוכהאלטער און אראפנעמען דעם שלאנג פון די ניו יארקער גאסן.
[align=center]*[/align]
געווען איז עס נאך א היציגער וואל טאג אין ניו יארק. טאמעני האלל, (דער פאליטישער מאשין פון די דעמאקראטישער פארטיי אין ניו יארק), האט געארבעט איבערמידלעך צו פארזיכערן א געוואונס אין די וואלן. האלל האט פארארבעט א פייער-שטילשטאנד צווישן די "פינעוו פוינט גענג" און די "איסטמאן גענג", אויף כאטש 1 טאג. זיי האבן געדינגען ביידע גרופעס ארויס צו העלפן די דעמאקראטישע פארטיי געוואונען די וואלן, מיט גוטן אדער בייזן.
די ״הילף״ פלעגט געווענליך נישט קומען דורך געלט, אדער פאליטישע עדווייס. די צוויי גרופעס האבן זיך אויסגעצייכנט מיטן העלפן באשאפן פאלשע שטומעס, שטעלענדיג זיך איין מאל, און נאכאמאל, אין די רייעס צו וויילן. זיי פלעגן באראבעווען די שטים קעסטלעך, און פלעגן אפט אנברעכן די ביינער פון די מענטשן וואס האבן זיך דערוואגט צו שטימען פאר די אנדערע קאנדידאטן.
די שטעגן אויף מאלבעררי סטריט, וואו די פינעוו פוינטערס גענג פלעגן ברוטאל קאמאנדעווען
דער נאכט פון סעפטעמבער 15, 1903, איז שוין צוגעפאלן. ווי עס פארשטייט זיך, האבן די דעמאקראטישער קאנדידאטן באשיצט דורך די ׳5 פוינטס/איסטמאן גענג׳ געוואונען.
א גרופע פון די אויסגעמוטשעטע איסטמאן אינגאטשעס, אידישע בויעס פון די איסט סייד, זענען אריין אין א שענק אויף ערשטע עוועניו קארנער ערשטע סטריט, כאפן א טרינק נאך א פולער טאג ארבעט. ביז מינוטן האט א געשלעג אויסגעבראכן.
די 40 ׳איסטמאן שטארקערס׳ (אזוי האט מען גערופן די אידישע שלעגערס), האבן זיך געטראפן מיט א חברה פון די ׳5 פוינטס גענג׳. אויפן פלאץ, האט א רונדע קוילן דורכגעשמיסן אין די לופטן. א שטויס קוילן האט אנגעטראפן אנטען בערענהאוער, און די ציינער זענען אים אלע ארויסגעפלויגן פון מויל, בשעת׳ן לויפן פון דארט קיין בעלוויא האספיטאל.
די געשלעג האט זיך פארשפרייט ארויס אויף די גאסן. מער און מער שלעגערס פון ביידע גרופעס זענען אנגעקומען צום סצענע, און האבן אויסגעטוישט הייס פייער.
ארום עלעווע צייט איז דער געשלעג ארויף א שטאפל, ווען א גרופע פון 6 ׳איסטמאן גענגסטערס׳, האבן אנגעטראפן עטליכע גענגסטערס פון די ׳פינעוו פוינט באנדע׳, וועלכע האבן זיך געגרייט צו באראבעווען א פויקער קארטל שפיל, אונטער די אללען סטריט סאבוועי, וואס איז געווארן קאנטראלירט דורך די איסטמאן באנדע.
דאס ערגסטע איז הערשט געקומען עטליכע שעה שפעטער, נאך האלב נאכט.
עללען סטריט באן שינעס
עללען סטריט האט געהייסן דאן "דער טונקעלער גאס", נישט נאר צוליב די געדעכטקייט און טונקעלער שאטן וואס די רעילראודס האבן געשאפן, נאר אויך צוליב די טונקעלע געשעפטן אירע, וועלכע פלעגן דארט פארקומען.
אוועק נעמען טעריטאריע פון א צווייטע גרופע, האט געמיינט פייער און פארניכטונג. טויט אן קיין פראגעס.
די רגע די צוויי גרופעס האבן זיך באגעגנט האט אנגעהויבן שפריצן פייער. ביידע זייטן האבן ארויסגעשלעפט די פיסטאלעטן, און האבן אנגעהויבן שיסן אויף רעכטס און אויף לינקס.
די איסטמאנס האבן אראפ געקנוילט איינע פון די פינעוו פוינטערס, און האבן פארוואונדעט נאך א פארשוין.
די גרופעס האבן ביידע ארויסגעשיקט א רוף פאר הילף, און פרישע קרעפטן האבן נישט געשפעטיגט צו קומען. פון ביידע זייטן זענען אנגעקומען נייע כוחות, וואס האבן זיך גלייך געשטעלט אויפן פראנט.
ביז די ערשטע פאליציי זענען אנגעקומען צום סצענע, אונטער די באן שינעס אויף עללען און ריווינגטאן סטריט, זענען שוין ארום 50 מענטשן געווען פארמישט אין די העפטיגע שיסערייען. די שיסערייען האבן פאר א רגע נישט גענומען קיין אפשטעל, מיט איין אויסנאם: ווען ביידע גרופעס האבן אויסגעדרייט די געווער, און באשאסן די ערשטע צוויי פאליציאנטן.
מאנק איסטמאן, פירער פון די איסטמאן באנדע
די איירישע גענגסטערס פון די פינעוו פוינט גענג, און די אידישע אינגאטשעס פון די איסטמאן גרופע, האבן געשווינד ארויסגעדרייט די באלבס פון די שטאנג לאמפען. אין די טיפע נאכט טינקלקייט, האבן זיי זיך פריש פאבריקארדירט אין בעסערע פאזיציעס, נעמענדיג שוץ אינטער די אייזערנע באן שטאנגען.
די איינציגסטער ליכטיגקייט וואס האט זיך באוויזן, איז געווען די נאכאנאנדע פייער פונקען, וועלכע האבן געשפריצט אויף די באן שינעס פון די פליענדע קוילן.
פאליציי איז צוריק געקומען מיט א פארשטערקערטע קראפט, אבער האבן בליץ שנעל געמאכט א ריקצוג, קומענדיג אונטער א פלייץ פון הייס פייער.
מיטלנאכט, זענען שוין געווען איבער א הונדערט שלעגער וואס האבן זיך געראנגלט אונטער די באן שינעס, און זיך פארצויגן אויך אויף די ארומיגע גאסן. ערגעץ אינמיטן, האט מאנק איסטמאן אליינס, דער פירער פון די איסטמאן גרופע- וואס האט אריינגעווארפן די לאוער איסט סייד אין א שרעק- זיך באוויזן.
איסטמאן איז געקומען צו לויפן ציפיסנס פון זיין העדקווארטער אויף קריסטי סטריט, און האט זיך אריינגערוקט ביז אינדערמיט, און אזויווי א גענעראל דירעקטירט; וואו, און אויף וועם, צו שיסן.
די לאוער איסד סייד האט געדינערט פון קוילן. א יעדע מינוט זענען גלאז און שויבן געבראכן געווארן, פון די פארבייפליענדע קוילן. די דערשראקענע איינוואוינער האבן זיך פארשלאסן אינדערהיים, און די געשעפטן אייגענטומער האבן זיך אלע אראפגעלייגט אויף דער ערד.
די דערשראקענע פאליציאנטן וואס זענען פריער אנטלאפן פאר זייער לעבנס, זענען צוריק געקומען מיט אן ארמיי פון פאליציאנטן. מען האט צוזאם געשלעפט פאליצייאישע קרעפטן פון אלע ארומיגע סטאנציעס.
די פאליציי האט געשטורעמט ריווינגטאן סטריט. פאר גאנצע 15 מינוט, האט מען נישט געהערט עפעס אנדערש ווי רונדעס קוילן וואס זענען געפלויגן אנע אפשטעל, פון די דריי קעגנערישע גרופעס, די איסטמאנס, די פינעוו פוינטערס, און די פאליציי.
ווי נאר די פאליציאנטן האבן זיך איינגערוקט נענטער, האבן אנגעהויבן פליען שטיקער ציגל פון די דעכער, אין זייער ריכטונג.
ריווינגטאן סטריט, ווי קוילן זענען געפלויגן פון איין זייט צו די אנדערע
צוביסלעכווייז זענען די שלעגערס זיך צולאפן. זיי זענען אנטרינען צווישן די שמאלע דורכגענג, און שטעגן אין די איסט סייד געסלעך, צוריק צו זייערע מאמעס, אדער היימקווארטירן. די פאליציי האט באוויזן צו ארעסטירן 20 חברה, צווישן זיי דער פירער מאנק איסטמאן.
אין די טיפע נאכט שעות ווען די שטילקייט האט זיך ענדליך צוריק געקערט, האבן די פאליציי הערשט דאן געקענט אפיר זוכן די טויטע און פארוואנדעטע. די לייכט פארוואונדעטע, האבן די גענגסטערס מיטגעשלעפט מיט זיך ביים אנטלויפן, אבער די ערנסט צומזיק׳טע און טויטע, זענען געבליבן ליגן אויפן גאס פאר לאנגע שעות.
איסטמאן האט געלייקנט שטיין און ביין, אז נישט ער איז מאנק איסטמאן דער קעניג פון די איסט סייד. "איך הייס יוסל מארריס, איך בין פשוט דורכגעגאנגען און זיך אפגעשטעלט זעהן וואס גייט פאר", האט מאנק ערקלערט פאר די פאליציי די מיספארשטענדעניש...
דער קומענדיגער אינדערפרי, איז איסטמאן ערשינען פאר א ריכטער. די טאמעני האלל אדוואקאטן האבן ערקלערט די אומשולד פון איסטמאן, און ביז עטליכע שעה איז מאנק איסטמאן געווען צוריק אויף די פריי.
די ריווינגטאן סטריט געשלעג איז באקאנט געווארן, אלץ דער גרעסטער געשלעג צווישן צוויי קאנקורירנדיקע גרופעס, אין די היסטאריע פון די אמעריקאנער אונטערוועלט.
איסטמאן מיט זיין באנדע, זענען געווען די איינציגסטער אנדערע גרופע, וואס האט באוויזן צו קאנקורירן מיט די איירישע "5 פוינט גענג" אין ניו יארק. די 5 פוינט גענג, איז געווען די מאכטפולסטער גרופע יענע יארן אין ניו יארק. זיי זענען באשטאנען בעיקר פון איירישע גענגסטערס, אבער האבן אויך פארמאגט א טייל איטאליענישער, און אידישע מעמבערס. א טייל פון זיי זענען געווען, על קאפאון, מאיר לאנסקי, און באגסי סיגעל.
מאנק איסטמאן, מיט זיין אידישע ארמיי פון 1500 באנדיטן, איז מיט רעכט דערקלערט געווארן, אלץ "דער קעניג פון דער ניו יארקער אונטערוועלט".
די לוויה פון מאנק איסטמאן
[align=center]*[/align]
עס דרייען זיך פילע לעגענדעס פון די אונטערוועלט, און כאטש זייערע כוחות זענען שוין היפש שוואכער היינט צוטאגס, זענען פארהאן מעשים נוראים איבער זייערע לאנגע הענט, און בארבארישע מיטלען, מיט וואס זיי באנוצן זיך אפצורעכענען אויף זייערע קרבנות.
די מערסט באקאנטע זענען פון די איטאליענישע מאפיע, און די רוסישע מאפיע.
א צעמענטענע פאס, וואו דער ערמארדעטער פלעגט זינקען צו די טיפענישן פונעם האדסאן
דא אין אמעריקא, האט אויך עקזיסטירט "די אידישע מאפיא".
צווישן די 1890'ער יארן אין די 1950'ער יארן, זענען געווען צענדליגער אידישע גענגס וואס האבן אפערירט איבער פולע שטעט אין אמעריקא. צווישן די אידישע באנדעס זענען געווען אזאנע מאכטפולע פירער, אזש גאנץ ניו יארק האט געטרייסלט אין שרעק, בלויז פון הערן זייערע נעמען.
אנגעהויבן פון ארנאלד ראטשטיין, דער גרעסטער אידישער מאפיאנער אין אמעריקאנער היסטאריע- בעסער באקאנט אלץ דער מח. מאיר לאנסקי, לעפקע בוכהאלטער (ווי געשילדערט אנהייב ארטיקל), אבנר זאווילמאן, זעליג לעפקאוויטש, העררי לוי האראוויץ, ארטער פלעגנהיימער- "דער קעניג פון הארלעם", טשארלס סאלאמאן- דער גרעסטער פון באסטאן, דער שומר שבת- שמואל לעווין דער רויטער, (ער פלעגט נישט דורכפירן קיין שום מארדן אום שבת), יענקל שאפירא, און נאך.
א חלק אידישע גענגסטערס האבן געארבעט פאר אנדערע גרופעס, און א חלק האבן געהאט זייערע אייגענע אידישע באנדעס.
די אידישע אונטערוועלט איז געווען אן אינטעגראלער טייל פון די פארברעכערישע גייסט, וואס האט דאן געהערשט אין די לאוער איסט סייד.
הונדערטע טויזנטער אידישע אימיגראנטן האבן געשטראמט קיין אמעריקע, אנטלויפנדיג פון די בלוטיגער פאגראמען אין אייראפע. די אורחים מיט זייער קאלירפולע טרוימען, רייך צו ווערן פון די גאלד-אויסגעפלאסטערטע שאסייען אין אמעריקא, האבן גאנץ שנעל איינגעזען אז מען עסט שטרוי פאר א יעדן פענני, און גאל פאר א יעדן דאללער, ביז מען האט ענדליך דערווארבן א חיונה-קוואל, אלץ פעדלער, שניידער, אדער קוילן גרעבער.
אינגע קינדער אימיגראנטן, אדער קינדער פון אימיגראנטן, האבן קיין נארמאלער עדיוקאציע נישט באקומען. ברויט אין שטוב איז נישט געווען. מען האט זיך געהאלטן פארנומען, דורך באגנב׳ענען צוויי עפל און דריי פעטרישקעס, צו עטליכע שמאנצקעס פון די פושקארט סוחרים אויף די געסלעך. פון דארט ביזן ווערן אריינגעדרייט אלץ א גענג מעמבער, איז נישט געווען זייער ווייט.
אינעם ווייטערדיגן פארזעצונג, וועלן מיר אויסברייטערן איבער די אידישע אונטערוועלט גרופעס.
צווישן זיי ציילט זיך; די "אידישע שווארצע האנט", געפירט דורך יענקל לעווינסקי, און יוסל טאפלינסיקי (מער באקאנט אלץ יאסקי ניגער), "די פורפעל גענג" דורך די פיר בערענשטיין ברודער, "די קאשער נאסטרא", "די איסטמאן גענג" געפירט דורך מאנק איסטמאן, "אונדזער שטיק", "די קארנער לענאקס גרופע", און די אויפשטייג און אונטערגאנג פון "מערדער אינקארפארעיטעד", דורך לעפקע בוכהאלטער און יענקל שאפירא.
[align=center]דער שרייבער ווארט אויף אייער פידבעק! גיבט אפ אייער רעיטינג אויפ'ן ארטיקל, און לאזט אייך הערן דא אינעם אשכול.[/align]
געווען איז עס א הייסער זומער אווענט, ענדע אויגוסט 1939. אלבערט אנאסטאזיע איז ארויס פון זיין דירה אויף 101-טירד סטריט אין ברוקלין, און האט געוואנדן זיינע טריט צו זיין פארקירטער אויטא. אנאסטאזיע האט זיך פלינק אריינגעזעצט אין אויטא, און געשווינד זיך ארויסגעלאזט איבער די ברוקלינער גאסן, גאלאפירענדיג אריבער דעם מאנהאטען בריק אויפן ריכטונג קיין מאנהאטען.
אנאסטאזיע איז צוגעפארן צו די פיפציגער גאסן אין דעם דריטן עוועניו, און האט אנגעהויבן פארן פאמעליכער. ער האט פארזיכטיג ארויסגעקוקט, באטראכטענדיג דעם ארום. ביים 54'סטער גאס האבן זיינע אנגעשפיצטע אויגן באמערקט א פארקירטער קאר, און נאכן זיך גוט איינקוקן אין די לייסענס פלעיטס, האט ער אנגעהויבן אראפגעדריקן דעם סטאפ ברעיק.
"דאס איז עס, לואי." האט ער זיך אנגערופן צום מאן וואס איז געזיצן צוזאמען מיט אים אין נעקסטן זיץ, און האט האסטיג אפגעשטעלט דעם אויטא.
לואיס, דארטשיק און מיטלגעוויקסיג, אבער גאר איינפאך געקליידעט, איז ארויס פון אויטא. ער האט נישט געזאגט א ווארט צו זיין פרוי, וואס איז געזיצן אין די אינטערשטע זיץ, און האט ניטאמאל געווארפן א בליק אויף דער קליינטשיג קינד, וואס זי האט געהאלטן אויף איר שויס. בלויז א קורצער דאנק פארן דרייווער; "סא לאנג, פעל, טענקס". אנאסטאזיע׳ס קורצע ענטפער האט נישט פארפעלט צו קומען; "גוד לאק לואיס".
מיט די ווערטער איז לואיס צוגעגאנגען צום פארקירטן אויטא, אין וועלכער עס איז געזיצן א צווייטער מאן, מיט עטוואס א פולערן פנים ווי אים. "העללא וואלטער", האט ער אים געגריסט, עפענענדיג די טיר, און האט זיך באקוועם אריינגעזעצט אינעווענדיג.
א סעקונדע נאך לואיס האט זיך אריינגעזעצט אין די אויטא פון וואלטער ווינטשעל, האט זיך דער טיר פריש צועפנט. עס האט זיך באוויזן א געבויטער מאן מיט ברייטע אקסלען, וואס האט אקורשט אהין שפאצירט פונעם קארנער, און האט זיך אריינגעזעצט אינעם זעלבן אויטא.
"עדגאר, דאס איז לואיס בוכהאלטער, און לואיס, דאס איז עדגאר האווער", האט וואלטער זיי פארגעשטעלט איינע צום צווייטן.
נאך א קורצע שמועס אויסטויש, האט האווער איינגעמאלדן פאר בוכהאלטער: "דער איז נא דיעל!״
דער קאלאמניסט וואלטער ווינטשעל, וואס האט אראנדזשירט דעם ארעסט, פון לואיס לעפקע בוכהאלטער
די קורצע ווערטער האט געלאנדעט אויף לואיס ווי א בארג שטיינער.
לואיס האט אראפ געשמיסן זיינע ברילן צום ערד. ער האט געפילט ווי ער פאלט צוזאם. לואיס האט פרובירט געשווינד ארויסצוטאנצן, אבער האט תיקף איינגעזען אז עס איז דערנאך.
אט אזוי, מיט דער הילף פונעם קאלאמניסט וואלטער ווינטשעל, האט דער לעגענדארער עף בי איי דירעקטאר דזשעי עדגאר האווער, געלייגט זיין האנט אויף לואיס לעפקע בוכהאלטער, דער אידישער גענגסטער, וואס האט באוויזן אריין צו ווארפן גאנץ ניו יארק אין גרויס שרעק. לעפקע בוכהאלטער, דער מענטש וועלכער האווער האט געהאט באצייכנט אלץ, "דער געפערליכסטער פארברעכער אין גאנץ אמעריקא".
לעפקע בוכהאלטער געזוכט דורך די FBI
לואיס איז געבוירן געווארן אלץ לעפקע אדער ווי זיין מאמע פלעגט אים רופן; לעפקעלע בוכהאלטער. לואיס איז געבוירן אן יאר 1897 אין וויליאמסבורג און פון גאר קליין פלעגט ער מיט גיין מיט זיין טאטע אריבער די וויליאמסבורג בריק ארויס העלפן זיין פאטער אין זיין געשעפטל אין די לאוער איסט סייד.
געציילטע יאר שפעטער איז זיין טאטע נפטר געווארן אין דער אינגער לעפקעלע האט זיך גאנץ שנעל געטראפן וואנדערן איבער די גאסן זוכן פאר פרנסה. לואיס האט אנגעהויבן זיין קאריערע אלץ קליינער גנב. לעפקע פלעגט לקח'נען פון די פושקארט סוחרים און פון די פעדלערס.
עס האט נישט גענומען לאנג ביז לעפקע'ס נאמען האט דערגרייכט צו ארנאלד ראטשטיין. ראטשטיין ווערט באצייכנט לויט אסאך היסטאריקער אלץ דער גרעסטער אידישער גענגסטער אין די אמעריקאנער היסטאריע.
ראטשטיין האט אויפגענומען לעפקע בוכהאלטער זאל ארבעטן ביי אים. פון דא און ווייטער האט לעפקע זיך גענומען פארברייטערן זיינע קרימינאלע אקטיוועטעטן אויף אן אבנערמאלער פארנעם. מיט די צייט האט לעפקע אויפגעשטעלט זיין אייגן מאפיע גרופע גערופן "מערדער אינקארפארעיטעד" א גרופע וואס איז שולדיג אין די טויט פון שווערע צענדליגער אויב נישט הונדערטער אומשילדיגע מענטשן.
טויט איז געווען דער איינציגסטער און ערשטער ענטפער פארן זינד פון נישט מסכים זיין צו צאלן די שטייער לעפקע האט פארלאנגט פונעם געשעפטס אייגענטומער.
נאכן טעראריזירן די ניו יארקער געמיינדע פאר צענדליגער יארן, האט די עף בי איי ענדליך באוויזן צו לייגן א האנט אויף לעפקע בוכהאלטער און אראפנעמען דעם שלאנג פון די ניו יארקער גאסן.
[align=center]*[/align]
געווען איז עס נאך א היציגער וואל טאג אין ניו יארק. טאמעני האלל, (דער פאליטישער מאשין פון די דעמאקראטישער פארטיי אין ניו יארק), האט געארבעט איבערמידלעך צו פארזיכערן א געוואונס אין די וואלן. האלל האט פארארבעט א פייער-שטילשטאנד צווישן די "פינעוו פוינט גענג" און די "איסטמאן גענג", אויף כאטש 1 טאג. זיי האבן געדינגען ביידע גרופעס ארויס צו העלפן די דעמאקראטישע פארטיי געוואונען די וואלן, מיט גוטן אדער בייזן.
די ״הילף״ פלעגט געווענליך נישט קומען דורך געלט, אדער פאליטישע עדווייס. די צוויי גרופעס האבן זיך אויסגעצייכנט מיטן העלפן באשאפן פאלשע שטומעס, שטעלענדיג זיך איין מאל, און נאכאמאל, אין די רייעס צו וויילן. זיי פלעגן באראבעווען די שטים קעסטלעך, און פלעגן אפט אנברעכן די ביינער פון די מענטשן וואס האבן זיך דערוואגט צו שטימען פאר די אנדערע קאנדידאטן.
די שטעגן אויף מאלבעררי סטריט, וואו די פינעוו פוינטערס גענג פלעגן ברוטאל קאמאנדעווען
דער נאכט פון סעפטעמבער 15, 1903, איז שוין צוגעפאלן. ווי עס פארשטייט זיך, האבן די דעמאקראטישער קאנדידאטן באשיצט דורך די ׳5 פוינטס/איסטמאן גענג׳ געוואונען.
א גרופע פון די אויסגעמוטשעטע איסטמאן אינגאטשעס, אידישע בויעס פון די איסט סייד, זענען אריין אין א שענק אויף ערשטע עוועניו קארנער ערשטע סטריט, כאפן א טרינק נאך א פולער טאג ארבעט. ביז מינוטן האט א געשלעג אויסגעבראכן.
די 40 ׳איסטמאן שטארקערס׳ (אזוי האט מען גערופן די אידישע שלעגערס), האבן זיך געטראפן מיט א חברה פון די ׳5 פוינטס גענג׳. אויפן פלאץ, האט א רונדע קוילן דורכגעשמיסן אין די לופטן. א שטויס קוילן האט אנגעטראפן אנטען בערענהאוער, און די ציינער זענען אים אלע ארויסגעפלויגן פון מויל, בשעת׳ן לויפן פון דארט קיין בעלוויא האספיטאל.
די געשלעג האט זיך פארשפרייט ארויס אויף די גאסן. מער און מער שלעגערס פון ביידע גרופעס זענען אנגעקומען צום סצענע, און האבן אויסגעטוישט הייס פייער.
ארום עלעווע צייט איז דער געשלעג ארויף א שטאפל, ווען א גרופע פון 6 ׳איסטמאן גענגסטערס׳, האבן אנגעטראפן עטליכע גענגסטערס פון די ׳פינעוו פוינט באנדע׳, וועלכע האבן זיך געגרייט צו באראבעווען א פויקער קארטל שפיל, אונטער די אללען סטריט סאבוועי, וואס איז געווארן קאנטראלירט דורך די איסטמאן באנדע.
דאס ערגסטע איז הערשט געקומען עטליכע שעה שפעטער, נאך האלב נאכט.
עללען סטריט באן שינעס
עללען סטריט האט געהייסן דאן "דער טונקעלער גאס", נישט נאר צוליב די געדעכטקייט און טונקעלער שאטן וואס די רעילראודס האבן געשאפן, נאר אויך צוליב די טונקעלע געשעפטן אירע, וועלכע פלעגן דארט פארקומען.
אוועק נעמען טעריטאריע פון א צווייטע גרופע, האט געמיינט פייער און פארניכטונג. טויט אן קיין פראגעס.
די רגע די צוויי גרופעס האבן זיך באגעגנט האט אנגעהויבן שפריצן פייער. ביידע זייטן האבן ארויסגעשלעפט די פיסטאלעטן, און האבן אנגעהויבן שיסן אויף רעכטס און אויף לינקס.
די איסטמאנס האבן אראפ געקנוילט איינע פון די פינעוו פוינטערס, און האבן פארוואונדעט נאך א פארשוין.
די גרופעס האבן ביידע ארויסגעשיקט א רוף פאר הילף, און פרישע קרעפטן האבן נישט געשפעטיגט צו קומען. פון ביידע זייטן זענען אנגעקומען נייע כוחות, וואס האבן זיך גלייך געשטעלט אויפן פראנט.
ביז די ערשטע פאליציי זענען אנגעקומען צום סצענע, אונטער די באן שינעס אויף עללען און ריווינגטאן סטריט, זענען שוין ארום 50 מענטשן געווען פארמישט אין די העפטיגע שיסערייען. די שיסערייען האבן פאר א רגע נישט גענומען קיין אפשטעל, מיט איין אויסנאם: ווען ביידע גרופעס האבן אויסגעדרייט די געווער, און באשאסן די ערשטע צוויי פאליציאנטן.
מאנק איסטמאן, פירער פון די איסטמאן באנדע
די איירישע גענגסטערס פון די פינעוו פוינט גענג, און די אידישע אינגאטשעס פון די איסטמאן גרופע, האבן געשווינד ארויסגעדרייט די באלבס פון די שטאנג לאמפען. אין די טיפע נאכט טינקלקייט, האבן זיי זיך פריש פאבריקארדירט אין בעסערע פאזיציעס, נעמענדיג שוץ אינטער די אייזערנע באן שטאנגען.
די איינציגסטער ליכטיגקייט וואס האט זיך באוויזן, איז געווען די נאכאנאנדע פייער פונקען, וועלכע האבן געשפריצט אויף די באן שינעס פון די פליענדע קוילן.
פאליציי איז צוריק געקומען מיט א פארשטערקערטע קראפט, אבער האבן בליץ שנעל געמאכט א ריקצוג, קומענדיג אונטער א פלייץ פון הייס פייער.
מיטלנאכט, זענען שוין געווען איבער א הונדערט שלעגער וואס האבן זיך געראנגלט אונטער די באן שינעס, און זיך פארצויגן אויך אויף די ארומיגע גאסן. ערגעץ אינמיטן, האט מאנק איסטמאן אליינס, דער פירער פון די איסטמאן גרופע- וואס האט אריינגעווארפן די לאוער איסט סייד אין א שרעק- זיך באוויזן.
איסטמאן איז געקומען צו לויפן ציפיסנס פון זיין העדקווארטער אויף קריסטי סטריט, און האט זיך אריינגערוקט ביז אינדערמיט, און אזויווי א גענעראל דירעקטירט; וואו, און אויף וועם, צו שיסן.
די לאוער איסד סייד האט געדינערט פון קוילן. א יעדע מינוט זענען גלאז און שויבן געבראכן געווארן, פון די פארבייפליענדע קוילן. די דערשראקענע איינוואוינער האבן זיך פארשלאסן אינדערהיים, און די געשעפטן אייגענטומער האבן זיך אלע אראפגעלייגט אויף דער ערד.
די דערשראקענע פאליציאנטן וואס זענען פריער אנטלאפן פאר זייער לעבנס, זענען צוריק געקומען מיט אן ארמיי פון פאליציאנטן. מען האט צוזאם געשלעפט פאליצייאישע קרעפטן פון אלע ארומיגע סטאנציעס.
די פאליציי האט געשטורעמט ריווינגטאן סטריט. פאר גאנצע 15 מינוט, האט מען נישט געהערט עפעס אנדערש ווי רונדעס קוילן וואס זענען געפלויגן אנע אפשטעל, פון די דריי קעגנערישע גרופעס, די איסטמאנס, די פינעוו פוינטערס, און די פאליציי.
ווי נאר די פאליציאנטן האבן זיך איינגערוקט נענטער, האבן אנגעהויבן פליען שטיקער ציגל פון די דעכער, אין זייער ריכטונג.
ריווינגטאן סטריט, ווי קוילן זענען געפלויגן פון איין זייט צו די אנדערע
צוביסלעכווייז זענען די שלעגערס זיך צולאפן. זיי זענען אנטרינען צווישן די שמאלע דורכגענג, און שטעגן אין די איסט סייד געסלעך, צוריק צו זייערע מאמעס, אדער היימקווארטירן. די פאליציי האט באוויזן צו ארעסטירן 20 חברה, צווישן זיי דער פירער מאנק איסטמאן.
אין די טיפע נאכט שעות ווען די שטילקייט האט זיך ענדליך צוריק געקערט, האבן די פאליציי הערשט דאן געקענט אפיר זוכן די טויטע און פארוואנדעטע. די לייכט פארוואונדעטע, האבן די גענגסטערס מיטגעשלעפט מיט זיך ביים אנטלויפן, אבער די ערנסט צומזיק׳טע און טויטע, זענען געבליבן ליגן אויפן גאס פאר לאנגע שעות.
איסטמאן האט געלייקנט שטיין און ביין, אז נישט ער איז מאנק איסטמאן דער קעניג פון די איסט סייד. "איך הייס יוסל מארריס, איך בין פשוט דורכגעגאנגען און זיך אפגעשטעלט זעהן וואס גייט פאר", האט מאנק ערקלערט פאר די פאליציי די מיספארשטענדעניש...
דער קומענדיגער אינדערפרי, איז איסטמאן ערשינען פאר א ריכטער. די טאמעני האלל אדוואקאטן האבן ערקלערט די אומשולד פון איסטמאן, און ביז עטליכע שעה איז מאנק איסטמאן געווען צוריק אויף די פריי.
די ריווינגטאן סטריט געשלעג איז באקאנט געווארן, אלץ דער גרעסטער געשלעג צווישן צוויי קאנקורירנדיקע גרופעס, אין די היסטאריע פון די אמעריקאנער אונטערוועלט.
איסטמאן מיט זיין באנדע, זענען געווען די איינציגסטער אנדערע גרופע, וואס האט באוויזן צו קאנקורירן מיט די איירישע "5 פוינט גענג" אין ניו יארק. די 5 פוינט גענג, איז געווען די מאכטפולסטער גרופע יענע יארן אין ניו יארק. זיי זענען באשטאנען בעיקר פון איירישע גענגסטערס, אבער האבן אויך פארמאגט א טייל איטאליענישער, און אידישע מעמבערס. א טייל פון זיי זענען געווען, על קאפאון, מאיר לאנסקי, און באגסי סיגעל.
מאנק איסטמאן, מיט זיין אידישע ארמיי פון 1500 באנדיטן, איז מיט רעכט דערקלערט געווארן, אלץ "דער קעניג פון דער ניו יארקער אונטערוועלט".
די לוויה פון מאנק איסטמאן
[align=center]*[/align]
עס דרייען זיך פילע לעגענדעס פון די אונטערוועלט, און כאטש זייערע כוחות זענען שוין היפש שוואכער היינט צוטאגס, זענען פארהאן מעשים נוראים איבער זייערע לאנגע הענט, און בארבארישע מיטלען, מיט וואס זיי באנוצן זיך אפצורעכענען אויף זייערע קרבנות.
די מערסט באקאנטע זענען פון די איטאליענישע מאפיע, און די רוסישע מאפיע.
א צעמענטענע פאס, וואו דער ערמארדעטער פלעגט זינקען צו די טיפענישן פונעם האדסאן
דא אין אמעריקא, האט אויך עקזיסטירט "די אידישע מאפיא".
צווישן די 1890'ער יארן אין די 1950'ער יארן, זענען געווען צענדליגער אידישע גענגס וואס האבן אפערירט איבער פולע שטעט אין אמעריקא. צווישן די אידישע באנדעס זענען געווען אזאנע מאכטפולע פירער, אזש גאנץ ניו יארק האט געטרייסלט אין שרעק, בלויז פון הערן זייערע נעמען.
אנגעהויבן פון ארנאלד ראטשטיין, דער גרעסטער אידישער מאפיאנער אין אמעריקאנער היסטאריע- בעסער באקאנט אלץ דער מח. מאיר לאנסקי, לעפקע בוכהאלטער (ווי געשילדערט אנהייב ארטיקל), אבנר זאווילמאן, זעליג לעפקאוויטש, העררי לוי האראוויץ, ארטער פלעגנהיימער- "דער קעניג פון הארלעם", טשארלס סאלאמאן- דער גרעסטער פון באסטאן, דער שומר שבת- שמואל לעווין דער רויטער, (ער פלעגט נישט דורכפירן קיין שום מארדן אום שבת), יענקל שאפירא, און נאך.
א חלק אידישע גענגסטערס האבן געארבעט פאר אנדערע גרופעס, און א חלק האבן געהאט זייערע אייגענע אידישע באנדעס.
די אידישע אונטערוועלט איז געווען אן אינטעגראלער טייל פון די פארברעכערישע גייסט, וואס האט דאן געהערשט אין די לאוער איסט סייד.
הונדערטע טויזנטער אידישע אימיגראנטן האבן געשטראמט קיין אמעריקע, אנטלויפנדיג פון די בלוטיגער פאגראמען אין אייראפע. די אורחים מיט זייער קאלירפולע טרוימען, רייך צו ווערן פון די גאלד-אויסגעפלאסטערטע שאסייען אין אמעריקא, האבן גאנץ שנעל איינגעזען אז מען עסט שטרוי פאר א יעדן פענני, און גאל פאר א יעדן דאללער, ביז מען האט ענדליך דערווארבן א חיונה-קוואל, אלץ פעדלער, שניידער, אדער קוילן גרעבער.
אינגע קינדער אימיגראנטן, אדער קינדער פון אימיגראנטן, האבן קיין נארמאלער עדיוקאציע נישט באקומען. ברויט אין שטוב איז נישט געווען. מען האט זיך געהאלטן פארנומען, דורך באגנב׳ענען צוויי עפל און דריי פעטרישקעס, צו עטליכע שמאנצקעס פון די פושקארט סוחרים אויף די געסלעך. פון דארט ביזן ווערן אריינגעדרייט אלץ א גענג מעמבער, איז נישט געווען זייער ווייט.
אינעם ווייטערדיגן פארזעצונג, וועלן מיר אויסברייטערן איבער די אידישע אונטערוועלט גרופעס.
צווישן זיי ציילט זיך; די "אידישע שווארצע האנט", געפירט דורך יענקל לעווינסקי, און יוסל טאפלינסיקי (מער באקאנט אלץ יאסקי ניגער), "די פורפעל גענג" דורך די פיר בערענשטיין ברודער, "די קאשער נאסטרא", "די איסטמאן גענג" געפירט דורך מאנק איסטמאן, "אונדזער שטיק", "די קארנער לענאקס גרופע", און די אויפשטייג און אונטערגאנג פון "מערדער אינקארפארעיטעד", דורך לעפקע בוכהאלטער און יענקל שאפירא.
[align=center]דער שרייבער ווארט אויף אייער פידבעק! גיבט אפ אייער רעיטינג אויפ'ן ארטיקל, און לאזט אייך הערן דא אינעם אשכול.[/align]
לעצט פארראכטן דורך בלעכענער פנים אום דינסטאג יוני 16, 2020 3:39 pm, פארראכטן געווארן 1 מאל.
Re: שרייבעריי פארמעסט תש"פ - #18 - דער אידישער אונטערוועלט
העכסט אינטערעסאנט!
קעמיר קוים ווארטן פאר'ן פארזעצונג
קעמיר קוים ווארטן פאר'ן פארזעצונג
-
- שר האלף
- תגובות: 1858
- זיך איינגעשריבן אום: דינסטאג יאנואר 31, 2017 12:41 pm
Re: שרייבעריי פארמעסט תש"פ - #18 - דער אידישער אונטערוועלט
זייער הנאה געהאט!
איך האב בכלל נישט קיין מיינונג איבער די נושא, ס'איז זשאסט געשריבן אין די וועלט אריין.
- פרישע קוגל
- שר שלשת אלפים
- תגובות: 3014
- זיך איינגעשריבן אום: מאנטאג יאנואר 13, 2020 1:14 pm
- לאקאציע: און עוד מלבדו - דענווער קאלאראדא
Re: שרייבעריי פארמעסט תש"פ - #18 - דער אידישער אונטערוועלט
מהאט געדארפט ווארטן ביז בלעכי האט געמאכט א פארמעסט צו קענען ליינען אזא אינטערעסאנטע ארטיקל? ווי וואנט מאר...
Re: שרייבעריי פארמעסט תש"פ - #18 - דער אידישער אונטערוועלט
זייער אינטערסאנט קיינמאל געוויסט וואסארא מאכטפולע אידישע מאפיע באנדעס האבן געהערשט דא
Re: שרייבעריי פארמעסט תש"פ - #18 - דער אידישער אונטערוועלט
זייער אינטרעסאנטע, און גענצליך אומבאקאנטע (פאר מיר), (אידישע?) היסטאריע, באשריבען גאר פראפעסיאנאל (מען קען אבער דערקענען אז עס איז אויסגעשניטען פון א פיל לענגערע ארטיקעל וואס דער שרייבער האט פארשריבען אדער כאטש די סקריפט פון דעם).
אגב, איז עס א שטיקעל אקטועל, מען זעט אז אויך דעמאלטס זענען די דעמאקראטען געגאנגען מיט די פארברעכער, און פראבירט דורך זיי צו געווינען די וואלען.
אגב, איז עס א שטיקעל אקטועל, מען זעט אז אויך דעמאלטס זענען די דעמאקראטען געגאנגען מיט די פארברעכער, און פראבירט דורך זיי צו געווינען די וואלען.
- קלמן יאסעלע
- שר חמש מאות
- תגובות: 961
- זיך איינגעשריבן אום: דינסטאג נאוועמבער 19, 2019 9:33 am
- לאקאציע: ערגעצוואו
Re: שרייבעריי פארמעסט תש"פ - #18 - דער אידישער אונטערוועלט
אט אזוי!
א קאפיטל אינטרעסאנטע היסטאריע גאר גוט אראפגעלייגט [הגם נישט אזוי פראפעסיאנאל] אבער דער עיקר אז ס'דא עפעס גוט צו ליינען!
ייש"כ!
א קאפיטל אינטרעסאנטע היסטאריע גאר גוט אראפגעלייגט [הגם נישט אזוי פראפעסיאנאל] אבער דער עיקר אז ס'דא עפעס גוט צו ליינען!
ייש"כ!
!Vox Populi, Vox Dei
Re: שרייבעריי פארמעסט תש"פ - #18 - דער אידישער אונטערוועלט
דער איז א געוואלדיגער שרייבער! ער האט די זאך אין די האנט.
ס'איז שפאנענד געשריבן, שרייבעריש, און ער האט גוט אויסגעארבעט די נושא פארן זיך זעצן שרייבן, וואס דאס איז זייער א וויכטיגע זאך וואס א שרייבער דארף קענען.
עטליכע מאל האב איך געשפירט אז עס איז אביסל קורץ געשריבן, און קען ווען זיין אביסל לענגער, עס פעלט א געוויסע פלאו אריינצושלעפן די ליינער אין די מעשה. אנפאנג שפירט זיך עס אביסל אומקלאר, כ'האב געדארפט איבערליינען צוויי מאל צו כאפן וואס דא טוט זיך, ס'האט א מעלה צו געבן א געוויסע אומקלארקייט, אבער דא האב איך געשפירט אז עס איז געווען טאָ מאָטש...
סך הכל, דער איז א גוטער שרייבער, און אז ער איז מחולק מיט מיינע הערות, קען גאָר זיין אז ער איז גערעכט...
ס'איז שפאנענד געשריבן, שרייבעריש, און ער האט גוט אויסגעארבעט די נושא פארן זיך זעצן שרייבן, וואס דאס איז זייער א וויכטיגע זאך וואס א שרייבער דארף קענען.
עטליכע מאל האב איך געשפירט אז עס איז אביסל קורץ געשריבן, און קען ווען זיין אביסל לענגער, עס פעלט א געוויסע פלאו אריינצושלעפן די ליינער אין די מעשה. אנפאנג שפירט זיך עס אביסל אומקלאר, כ'האב געדארפט איבערליינען צוויי מאל צו כאפן וואס דא טוט זיך, ס'האט א מעלה צו געבן א געוויסע אומקלארקייט, אבער דא האב איך געשפירט אז עס איז געווען טאָ מאָטש...
סך הכל, דער איז א גוטער שרייבער, און אז ער איז מחולק מיט מיינע הערות, קען גאָר זיין אז ער איז גערעכט...
- נו גוט נו שוין
- שר עשרת אלפים
- תגובות: 12236
- זיך איינגעשריבן אום: דינסטאג אוגוסט 07, 2018 12:33 pm
Re: שרייבעריי פארמעסט תש"פ - #18 - דער אידישער אונטערוועלט
זייער הנאה געהאט צו ליינען
אבער דער איד אינדערצווישן שטעכט....
אבער דער איד אינדערצווישן שטעכט....
ווער איז צמח???? ערשט האנטיגע באריכטן פונעם שפיאנאזש הויפטקוואטיר
- חוח בין השושנים
- שר ארבעת האלפים
- תגובות: 4136
- זיך איינגעשריבן אום: זונטאג מאי 19, 2019 12:30 pm
Re: שרייבעריי פארמעסט תש"פ - #18 - דער אידישער אונטערוועלט
מלא חידושים, ומלא תוכן. קלארע און פליסיגע שפראך!
א געשמאק געווען צו לייענען!
א באזונדערן דאנק פאר די בילדער וואס האסט אהערגעשטעלט.
א געשמאק געווען צו לייענען!
א באזונדערן דאנק פאר די בילדער וואס האסט אהערגעשטעלט.
- פרוביר אויך
- שר האלפיים
- תגובות: 2565
- זיך איינגעשריבן אום: דינסטאג יולי 09, 2013 11:02 pm
Re: שרייבעריי פארמעסט תש"פ - #18 - דער אידישער אונטערוועלט
זייער גוט געשריבען
בד"וו מאנק איסטמאן, איז געווען א גוי. לויט פארשער
בד"וו מאנק איסטמאן, איז געווען א גוי. לויט פארשער
אז יענער קען קענסטו אויך
- כאניש וואס צו טון
- שר עשרים אלף
- תגובות: 22317
- זיך איינגעשריבן אום: מאנטאג סעפטעמבער 04, 2017 6:18 pm
- לאקאציע: אפן וועג צום ארבייט
- פארבינד זיך:
Re: שרייבעריי פארמעסט תש"פ - #18 - דער אידישער אונטערוועלט
שיינע שריפט, אינטערעסאנטע טאפיק, אבער די אינהטלט איז 2 זאכן, 1 ס'שמעקט מיר נישט צו הערן אז ס'געווען אזא זאך ווי א יודישע מאפיא, סוי כ'קעניש צו שטארק הנאה האבן, אבער ס'איז מיין פראבלעם..
2 אטראפ צו דראמאטיש געוויסע פונקטן
2 אטראפ צו דראמאטיש געוויסע פונקטן
די לעכטיגע טעג זענען שוין נענטער ווי ווייטער!
-
- שר שבעת אלפים
- תגובות: 7274
- זיך איינגעשריבן אום: זונטאג מארטש 31, 2019 5:38 pm
- לאקאציע: איינע פון די באהאלטענע סאב פארומס
Re: שרייבעריי פארמעסט תש"פ - #18 - דער אידישער אונטערוועלט
וואס קען איך שרייבען?
פון איין זייט א גוטע שטיקל היסטאריע, פון די אנדערע זייט זייער אומקלאר.
ער וואלט ענדערש געדארפט באשרייבען נאר איין (אדער צוויי) גענג(ס), אבער סאאך מער באריכות קלארער מ'זאל קענען בעסער פארשטייען.
אינהאלט איז גוט אבער נישט גוט, ד.ה. די טאפיק איז א גוטע אבער ס'נישט גענוג גוט באשריבען, געב איך עס א דריי.
שריפט איז א צוויי.
אוועראלל איז א דריי.
פון איין זייט א גוטע שטיקל היסטאריע, פון די אנדערע זייט זייער אומקלאר.
ער וואלט ענדערש געדארפט באשרייבען נאר איין (אדער צוויי) גענג(ס), אבער סאאך מער באריכות קלארער מ'זאל קענען בעסער פארשטייען.
אינהאלט איז גוט אבער נישט גוט, ד.ה. די טאפיק איז א גוטע אבער ס'נישט גענוג גוט באשריבען, געב איך עס א דריי.
שריפט איז א צוויי.
אוועראלל איז א דריי.
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
-
- שר חמשת אלפים
- תגובות: 5430
- זיך איינגעשריבן אום: דינסטאג מארטש 06, 2018 2:32 pm
Re: שרייבעריי פארמעסט תש"פ - #18 - דער אידישער אונטערוועלט
וואס טוט זיך האט געשריבן:וואס קען איך שרייבען?
פון איין זייט א גוטע שטיקל היסטאריע, פון די אנדערע זייט זייער אומקלאר.
ער וואלט ענדערש געדארפט באשרייבען נאר איין (אדער צוויי) גענג(ס), אבער סאאך מער באריכות קלארער מ'זאל קענען בעסער פארשטייען.
אינהאלט איז גוט אבער נישט גוט, ד.ה. די טאפיק איז א גוטע אבער ס'נישט גענוג גוט באשריבען, געב איך עס א דריי.
שריפט איז א צוויי.
אוועראלל איז א דריי.
זייער א שיינע שפראך. זייער אינטערעסאנט בכלל. איך מיין עס דעזערווט העכער. דער שרייבער האט קענטיג אזוי פיל ידיעות וואס ער פראבירט צו מיטטיילן אין די ראמען פון אזא קורצן ארטיקל
שויתי ה' לנגדי תמיד
- א נייער
- שר האלפיים
- תגובות: 2074
- זיך איינגעשריבן אום: מאנטאג דעצעמבער 18, 2017 4:05 pm
- לאקאציע: ניי מאשין
Re: שרייבעריי פארמעסט תש"פ - #18 - דער אידישער אונטערוועלט
שטארק הנאה געהאט, ווארט מיר אויף די פארזעצונגען.
איך ווייס נישט וואס
Re: שרייבעריי פארמעסט תש"פ - #18 - דער אידישער אונטערוועלט
זייער אינטערעסאנט ווארט מיר אויף די פארזעצונגען
אויב די ווילסט מיר עפעס זאגן ציטיר מיר
[email protected]- ארחיקה נדד
- שר חמשת אלפים
- תגובות: 5912
- זיך איינגעשריבן אום: זונטאג נאוועמבער 24, 2019 9:11 pm
- לאקאציע: מ'וואנדערט
Re: שרייבעריי פארמעסט תש"פ - #18 - דער אידישער אונטערוועלט
שטארק הנאה געהאט.
אודאי וואלט מיר ענדערש געשמעקט מ'זאל רעדן פון גוים, אבער דאן וואלט עס מער געווען אזא שפאקטיוו ארטיקל
אודאי וואלט מיר ענדערש געשמעקט מ'זאל רעדן פון גוים, אבער דאן וואלט עס מער געווען אזא שפאקטיוו ארטיקל
כבוד המנהל, ווען פאהר מיר?
Re: שרייבעריי פארמעסט תש"פ - #18 - דער אידישער אונטערוועלט
אן אינטערעסאנטע און מערסטענס או באקאנטע נושא. א געזונטע פעדער און א זאפטיגע שפראך.
זיך באלעקט
זיך באלעקט
Re: שרייבעריי פארמעסט תש"פ - #18 - דער אידישער אונטערוועלט
זייער אינטערעסאנט, היסטאריש, און גוט געשריבן. דער פיינער שרייבער מאכט דער ליינער זאל הונגערן פאר נאך.
Re: שרייבעריי פארמעסט תש"פ - #18 - דער אידישער אונטערוועלט
וואלט ווען געדארפט זיין באזונדערע וואלן פאר די וואס ווייסן שוין פון די נושא, און שטימען בלויז אויפן שרייבארבעט...
נישט אז עס איז שלעכט געשריבן בכלל. אבער דל מהכא די אינטערעסאנטע טאפיק און גראפישע סצענעס, פאר די וואס האבן שוין געוואוסט דערפון צייגן זיך צופיל לויזע פעדימער. (וואס הייסט "דער איז נא דיעל"? וועלכע דיעל וואלט געדארפט זיין? וואו קומט אריין דאס גרויסע געשלעג אינעם גרעסערן בילד פון אידישע מאפיא? אא"וו). דאס, צוזאמען מיט די פילע גראמאטיק טעותים (מאנהאטען, תיקף, איבערמידלעך, און נאך), צייגט אז די אינטערעסאנטע טאפיק האט גוט געכאפט דעם עולם.
נאכאמאל, דער איז א פיינער שרייבער, דאס פעדערל שטייט אים גוט צווישן די פינגערס, און ער האט גוט דורכגעטון וואס ער שרייבט. אז ער וועט זיך נאר אביסעלע צולערנען נישט צו לאזן אזויפיל זאכן אומפארענדיגט און ארויס פון קאנטעקסט, אביסעלע מער צורייבן אין גראמאטיק, וועט עס זיין א דבר השלם.
נישט אז עס איז שלעכט געשריבן בכלל. אבער דל מהכא די אינטערעסאנטע טאפיק און גראפישע סצענעס, פאר די וואס האבן שוין געוואוסט דערפון צייגן זיך צופיל לויזע פעדימער. (וואס הייסט "דער איז נא דיעל"? וועלכע דיעל וואלט געדארפט זיין? וואו קומט אריין דאס גרויסע געשלעג אינעם גרעסערן בילד פון אידישע מאפיא? אא"וו). דאס, צוזאמען מיט די פילע גראמאטיק טעותים (מאנהאטען, תיקף, איבערמידלעך, און נאך), צייגט אז די אינטערעסאנטע טאפיק האט גוט געכאפט דעם עולם.
נאכאמאל, דער איז א פיינער שרייבער, דאס פעדערל שטייט אים גוט צווישן די פינגערס, און ער האט גוט דורכגעטון וואס ער שרייבט. אז ער וועט זיך נאר אביסעלע צולערנען נישט צו לאזן אזויפיל זאכן אומפארענדיגט און ארויס פון קאנטעקסט, אביסעלע מער צורייבן אין גראמאטיק, וועט עס זיין א דבר השלם.
All you need is self-driving cars to destabilize society. -- Andrew Yang
- פעיק ניוז
- שר עשרים אלף
- תגובות: 24206
- זיך איינגעשריבן אום: דינסטאג יוני 13, 2017 8:49 pm
- לאקאציע: אנאנימע סאורסעס
Re: שרייבעריי פארמעסט תש"פ - #18 - דער אידישער אונטערוועלט
Yang2020 האט געשריבן:צייגן זיך צופיל לויזע פעדימער. (וואס הייסט "דער איז נא דיעל"? וועלכע דיעל וואלט געדארפט זיין?
מיר האט דאס אויך געבאדערט. נארמאל וואלט געקומען נאכדעם אזא צוריק-דריי מיט עטליכע וואכן, חדשים אדער יארן, דורך וועלכע ער וואלט אונז אריינגעפירט צעביסלעך אין דמעשה ביז'ן צוריקקומען - מיט פארשטענדענישט - צו דעם "דער איז נאו דיעל" פראזע.
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
- וואוילע שעפעלע
- שר ששת אלפים
- תגובות: 6345
- זיך איינגעשריבן אום: דאנערשטאג דעצעמבער 24, 2015 2:17 pm
- לאקאציע: אין שטאל
Re: שרייבעריי פארמעסט תש"פ - #18 - דער אידישער אונטערוועלט
ווי איינער האט שוין אנגעמערקט, און ווי דער שרייבער אליינס איז לכאורה מרמז ביים סוף איז דאס איין קאפיטל אין די 'אידישע אונטערוועלט' בוך.
אלענפאלס; כ'האב שוין דא דארט געהערט פון אזא פענאמען אבער דער האט מיר גוט אריין געשלעפט אין די דראמאטישע געפעכטן און קלענערע דעטאלן איבער די באנדעס. פיינע דזשאב! פינף שטערנדלעך פון מיר.
אלענפאלס; כ'האב שוין דא דארט געהערט פון אזא פענאמען אבער דער האט מיר גוט אריין געשלעפט אין די דראמאטישע געפעכטן און קלענערע דעטאלן איבער די באנדעס. פיינע דזשאב! פינף שטערנדלעך פון מיר.
-
- שר האלפיים
- תגובות: 2660
- זיך איינגעשריבן אום: דאנערשטאג אפריל 04, 2019 12:51 pm
Re: שרייבעריי פארמעסט תש"פ - #18 - דער אידישער אונטערוועלט
זייער אינטערסאנט, קיינמאל געהערט פון דעם, און ווי אנדערע האבן שוין ערווענט מ'קען זעהן אז דאס איז נאר א חלק פון א לענגערע ארטיקל, כ'ווארט מיט שפאנונג פאר די פארזעצאנג.
- איינס
- שר עשרת אלפים
- תגובות: 18803
- זיך איינגעשריבן אום: דינסטאג סעפטעמבער 26, 2017 9:16 am
- פארבינד זיך:
Re: שרייבעריי פארמעסט תש"פ - #18 - דער אידישער אונטערוועלט
געליינט שבת נאכן טשולנט...
געווענליך אין אזא מצב ווען דער שרייבער איז נישט צו גוט טרעף איך מיר נאכמיטאג אז איך האלט נאכן שלאף און נישט געענדיגט די ארטיקל...
דאסמאל האב איך מיר געטראפן ביים סוף ארטיקל, און יא ער איז געווען שטערקער. סא קודם זעה איך אז ער שרייבט גוט, ער האלט דיר מיט איהם אויפן גאנצן וועג, כאטש וואס איך האב נישט געפילט אז סאיז עפעס עקסטער א אינטערסאנטע נושא, אבער זעהט נישט אויס אז ער זאל האבן א פראבלעם צו אראפלייגן עני אנדער היסטארישע נישט באוויסטע שטיקל.
געווענליך אין אזא מצב ווען דער שרייבער איז נישט צו גוט טרעף איך מיר נאכמיטאג אז איך האלט נאכן שלאף און נישט געענדיגט די ארטיקל...
דאסמאל האב איך מיר געטראפן ביים סוף ארטיקל, און יא ער איז געווען שטערקער. סא קודם זעה איך אז ער שרייבט גוט, ער האלט דיר מיט איהם אויפן גאנצן וועג, כאטש וואס איך האב נישט געפילט אז סאיז עפעס עקסטער א אינטערסאנטע נושא, אבער זעהט נישט אויס אז ער זאל האבן א פראבלעם צו אראפלייגן עני אנדער היסטארישע נישט באוויסטע שטיקל.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
- שמארטיקל
- שר האלף
- תגובות: 1419
- זיך איינגעשריבן אום: מיטוואך מאי 29, 2019 8:50 pm
- לאקאציע: אונטערן קאפל
- פארבינד זיך:
Re: שרייבעריי פארמעסט תש"פ - #18 - דער אידישער אונטערוועלט
זייער הנאה געהאט! זייער איטערסאנט, קיינמאל נישט געוויסט וויפיל די אידן האבן אלס געבונטעוועט דא,
יישר כח!
יישר כח!