עוד הם מדברים האט געשריבן:לאמיר האפן אז ס'וועט נישט קומען צו א מצב ווי מענטשן מיט אזעלכע סארט גערעדעכטצער וועלן נישט קענען זאגן ידינו לא שפכו... דאס איז אין פולסטן זין פון ווארט א מגיפה... ווי קליין? ווי גרויס? קען שוין ווערן דעבאטירט. יש סברות לכאן ולכאן...
עטליכע פאקטן וואס ווייזט אויף די ערנסטקייט פון די זאך:
1. טשיינע איז די צווייט גרעסטע עקאנאמיע אין די וועלט, זיי האבן דאס אלעס אפגעשטעלט און זיי פארלירן טריליאנען דאלארן, וואס עקספערטן זאגן אז זיי גייען זייער שווער זיך קענען אינגאנצן אויסקורירן דערפון. פארוואס? ווייל ס'איז דא עפעס א פלו'לעכל???
2. איטאליע האט צוגעמאכט די דריי גרויסע סיטי'ס אין יוצא ואין נכנס, שטעלנדיג זייער גאנצע עקאנאמיע אין ערנסטן געפאר פון אינגאנצן צוזאמפאלן... פארוואס? ווייל ס'איז דא עפעס א נארישע פלו סיטואציע???
3. מדינת ישראל שטעלט אין געפאר גרויסע חלקים פון זייער עקאנאמיע. אויך נאר ווייל זיי ווילן נישט קיין פלו אין לאנד. הא?
4. ספארטס טימס ארום די וועלט וואס מאכן מיליאנען דאלארן פון יעדעס איינציגע שפיל, שפילן יעצט צו ליידיגע סטעדיומ'ס... אויך נאר ווייל זיי ווילן נישט קיין פארקילעכטס דארט??
5. הערט דאס: איטאליע האט גאר א גרויסע נאמבער אנגעשטעקטע און דערווייל האבן זיי די בעסטע סיסטעם פון רעקארדירן אנגעשטעקטע, קראנקע און ל"ע געהרג'טע. לפי זייערע נומבערס דארפן צען פראצענט פאציענטן באקומען באהאנדלונג אין שפיטאל, דאס הייסט אז יעדע טויזענט אנגעשטעקטע דארפן הונדערט ווערן שפיטאליזירט, אמעריקע האט 2.8 שפיטאל בעטן פער טויזענט מענטשן און צו יעדע צייט איז ארום 65% שפיטאל בעטן פול, וואס דאס לאזט איבער ארום איין בעט פער טויזענט אנגעשטעקטע... יעצט טראכט אריין חלילה אויב ווערן די שפיטאל בעטלעך פול (וואס איז א פאקט אין אלע אנגעשטעקטע געגנטער) און דער לויער פון וועסטשעסטער באקומט דעם וויירוס, ווייטער פון דעם וויל איך נישט זאגן... די אלע נומבערס קענט איר נאכקוקן, גלייבט מיר נישט בלינדערהייט.
6. אין וואשינגטאן זענען אין א האום געשטראבן 12 עלטערע מענטשן, און עולם גולם זאגט יא ס'זענען געווען עלטערע מענטשן... (וואס דרך אגב זענען זיי נישט געווען אין קיין שום וועג שטערבליך קראנק, פשוט עלטערע לייט) רבותי.. איר האט א אהנונג וויפיל אזעלכע אידן דרייען, וואוינען צווישן אונז בלי עין הרע??? אין די טויזענטער! איז עמיצער גרייט צו זאגן ס' איז אקעי.. נאר די עלטערע שטארבן דערפון? יעדע גאס, שוהל, האום האט קע"ה פול מיט אזעלכע אידן. מיר באזוכן זיי, קומען אין בארירונג מיט זיי וכו' וכו'
7. יעצט צום פלו, די העכסטע ראטע פון די וואס ווילן זאגן אז די פלו איז טויטליך איז ביי ארום 0.7 פראצענט, דאגעגן די אלגעמיינע ראטע פון טויטע ביי קאראנע איז יעצט ביי ארום 3.4%... יבא הקהל וישפוט..
דאס זענען נאר אפאר פאקטן וואס גיבט אביסל א שיין אויף די ערנסטקייט פון די זאך...
איך זאג עס בכלל נישט אפצושרעקן דעם עולם, מ'טאר נישט פאניקן און מ'זאל נישט פאניקן, מ'דארף טוהן וואס מ'דארף, אבער זיך אויסלאכן דערפון איז א שאלה פון פארגיסן בלוט...
במחילת כבודך צו זאגן אזוי ווייזט אז אונז זענען זייער פארגוי'אישט געווארן און אונז האבן נישט קיין בטחון און אמונה, די גוי לעבט ליידער א לעבן אז ער האלט אז ער קען יעדע זאך פראטעקטען און ער דארף האבן א סאלושען פאר יעדע פראבלעם, און ער רעדט זיך איין אז מען קען זיך באשיצן פונעם אייבערשטען'ס הענט, למעשה וואס האבן זיי דא געטוען, געהרגט בידים די בעסטע עקאנאמיע וואס איז געווען די שטערקסטע פון יארן אין א רייע, די דזשאב מארקעט האלט ביי א 50 יאר לאו, און וואס קענען זיי ווייזן פארדעם? זילטש.
אוודאי איז דא א חיוב ונשמרתם מאוד לנפשותיכם, און יא א מענטש מיט א שוואכע אימיון סיסטעם זאל וואטשען ווי מער נישט אריינצואטעמען פון אנדערע, וואס דאס איז אגב גוט אייביג און פאר יעדעם כ"ש יעצט. די זאגסט וועגן די נורסינג האום, די האסט אן אנונג וואס עס טוט זיך אין אזא האום? זיי פארברענגען א גאנצע טאג צוזאמען און איינער בטעות שפייט אויף א צווייטען, און עס רינט פון אלע זייטן וכו' אוודאי איז דא מער טשענסעס זיי זאלן עס כאפן. און איך גלייב און האף אז יעדע האום און האספיטאל האט איינגעשטעלט מער באווארענונגען יעצט, אבער גיין אפשפארן די וועלט?, ווען עס גייט סיי ווי נישט העלפן גארנישט, אזוי ווי עס איז געפראווט געווארן.
אמעריקע האט פאר בע' דריי חדשים אפגעשפארט די טירן פאר טשיינע, וואס האט עס אויפגעטוען? ס"ה אפגעשטופט אויף אביסל.
איך זאג נישט, די רגע עס איז דא א וואקסין וואס ארבעט, וועט מען דארפן עס נעמען אלץ ונשמרתם מאד.
ביי די שווארצע מגיפה ווען די וועלט איז נישט געווען אזוי קאנעקטעד און פארגעשריטען זענען לויט טייל געשטארבן כמעט א דריטל וועלט, אויב רעדט זיך דא איינער איין אז אויב דער רבוש"ע וויל עס טוען היינט קען ער נישט? לאמיר זען צי די אלע וואס אידישע קוועלער וואס זייען אן פאניק, האבן געזאגט אן עקסטערע צען קאפיטלעך תהילים היינט.
אוודאי, וויל איך נישט דא זאגן אז מען דארף נישט טוען נארמאלע השתדלות, יא מען דארף טוישן צו פעפער טאועל אנשטאט האנטוכער אין די שולן, וואס אגב איז אייביג עס גוט נאר עס קאסט אסאך געלט. מען דארף ארבעטען נישט צו רירן מיט הענט פון גאס די מויל, נאז, אויגן פאר אפוואשן עס מיט זייף/וואסער. אבער נישט לעבן אין א פאניק, און זיך פארלאזן אויף די רבוש"ע, אז ער ווייסט וואס ער טוט און עס קומט פון אים, און טוען מער תפילה צו אים און תשובה טוען.