פארדרייט האט געשריבן:איך ווינדער מיך??? און איך טריי צו פארשטיין !!!
דו האסט אביסל א וואלידע נקודה אבער ביסט נישט אינגאנצן גערעכט, לאמיר פראבירן צו מסביר זיין מיין בליק אויף די נושא.
לאמיר געבן א משל, חיים, א בחור, קומט אריין אין בית המדרש, ער גייט אריין אין קאווע צימער, און זעהט א קופקע און ער גייט צו און הערט זיך צו, מ'טענה'ט זיך אויף געוויסע נושא, ברוך זאגט אזוי, בערל זאגט אזוי, פאר וואס ווען ווי הייבט חיים אן שרייען זיין מיינוג אפי' נאך פאר ער האט געכאפט פונקטליך וואס די נושא איז, יעדער און די קופקע הייבט די ברעמען אויף חיים, נישט ווייל ער איז א בחור, נאר ווייל ער האט נישט קיין שכל ווען זיך יא אדער נישט צו אנרופן.
ווען דו וואלסט געווען אין די קופקע וואלטסו זיך אנגערופן, איז טאקע א חילוק די עידזש?
ניין נישט די יארגאנג איז די זאך וואס מאכט מ'זאל אראפ קוקן א ניק, ס'איז די בעהווער, אויב א ניק שרייבט קלוג און באזעצן וועט ער נאך א קורצע צייט ווערן פון די 'עליטע', נישט קיין חילוק ווען ער האט זיך איינגעשריבן.
קוק אן אייוועלט ווי א בית המדרש, עס דא מעמבער'ס, קומט א נייע איד אין שול, די פריינטליכע מענטש געבט אים א שלום עליכם, אנדערע 'באמערקן' אים נישט, א.א.וו., אויב ער הייבט אן דאווענען אין די שול, נאך שטיק צייט וועט ער אויך ווערן א מעמבער, און זיין שטאנד ביים עולם וועט זיך ווענדן ווי אזוי ער פירט זיך אויף, אויב זיצט און לערנט א גאנצע טאג וכו' וועט מען אים מכבד זיין, אויב פירט ער זיך אויף נאריש וועט מען אים אראפ קוקן, עס קען זיין אז א איד זאל קומען אין א נייע שול און נאך א האלבע יאר זאל ער אנהויבן צו געבן א שיעור, און א צווייטער וואס דרייט זיך שוין דארט דריי יאר און קיינער האט נישט עפעס צפעציעל מיט אים.
די זעלבע איז מיט אייוועלט, די באנוצער דא קענען זיך, מען פארברענגט, מ'שמוסט, מ'טענה'ט זיך.
ווען עס קומט אן א נייע ניק קיינער קען אים נישט, ער האט די אפציע אדער זיך צו נעמען שיסן תגובות, זיך לאזן הערן א גאנצע צייט מיט נארישע קאמענט'ס פשוט ווייל ער וויל אויך האבן אזוי סאך תגובות ווי די עליטע האבן, גייט עס האבן די פארקערטע עפעקט, די קופקע גייט זיך צוגיין, און איין שארפע ניק גייט אים פשוט אויפמערקזאם מאכן, בחור דו באלאנגסט נישט דא.
אדער קען ער זיך לאזן הערן נאר ווען ער האט אמת'דיג אונטערסאנט עפעס צו זאגן, עס גייט טאקע נעמען לענגער ביז ער גייט ווערן א שר המאה, אבער ווען ער גייט ווערן א שר המאה גייט ער שוין זיין פון די ארויפגעקוטע ניקים, נישט ווייל ער נישט קיין בחור נאר ווייל ער איז באזצען.
דו נקודה איז, א בחור איז געווענטליך נישט צו באזעצן, ספציעל אינגע בוחרים'לעך, אין בית המדרש ווייסט יעדע בחור'ל אז מ'גייט נישט צו צו א קופקע פון טאטע'ס, יעדער האט זיך זיין עידזש מיט וועם ער פארברענגט, דא אויף אייוועלט זעט מען נישט די יארגאנג אויפן פנים מ'זעט עס דורך די תגובות.
סאו צום קעפל "איז טאקע די עידזש א חילוק?" יא און ניין, אויב א בחור קען שרייבן געשמאקע קלוגע תגובות, דאמאלס קען מען זאגן קבל את האמת ממי שאמרו, אויב נישט גייט מען אים זאגן אז מ'זעט עס איז דיין ערשטע ניק, און די באלאנגטסט עכט נישט דא.
עס קען אסאך מאל נעמען א שטיק צייט ביז א ניק כאפט ווי אזוי אייוועלט ארבעט, און זיך נעמען שרייבן צום זאך, אין פאקט, איך האב געעפענט מיין ערשטע ניק דא נאך א יאר אדער מער זיך דרייען דא אלס גאסט, און דערנאך געדראפט יענע ניק ווייל איך האב זיך געשעמט מיט מיין תגובות, איך האב געפענט די ניק מיט וואס איך שרייב יעצט, און איך בין אויך נישט פון די עליטע כאטש וואס איך האב זיך איינגעשריבן פאר דריי יאר צוריק, פשוט ווייל איך האב נישט די טאלאנט פון זיין א שרייבער, קומט א בחור וואס הערט פון זיין חבר וועגן אייוועלט, שרייבט זיך איין, און הייבט אן שיסן תגובות, גייט ער באקומען א נעגעטיווע אויפנאמע.
איך ווייס נישט פונקטליך די סיבה, אבער לעצטענס דרייען זיך אסאך מער בחורים אויף אייוועלט, ס'קען זיין ס'האט מיט די 4G סעלפאון, קען זיין אז עס איז ווייל עס איז דא אסאך קאמפיוטער קיאסקען, אזוי צו אזוי, די איבערפלוס פון קינדערישע ניקים מאכט זייער נארוועז פאר באזעצנע ניקים, נאכדערצו ווען זיין ווייסן נישט וואו איין און וואו אויס, און אין וועלעכע פארום צו שרייבן וואס.
נאך א נוקדה וואס דארף ארויס געברענגט ווערן, אזוי ווי אייוועלט איז א פארום ווי מ'שרייבט, שרייבן נעמט אריין אסאך זאכן אין זיך, קודם כל איז שרייבן א טאלאנט, נישט יעדער האט די טאלאנט, ס'איז נישט קיין חסרון און ס'מיינט נישט אז מ'איז נישט קלוג, יעדער האט זיך זייער טאלאנט. נאכדעם איז דא ספעלינג, גרעמער, וכדומה, איינער וואס איז נישט קיין שרייבער קען נישט די אלע כללים, אבער ווען א שרייבער ליינט עפעס מיט סיי וועלעכע טעיתם אין אויסלייג אדער אין ספעלינג אדער אין גערמער קרענקט עס אים, אזוי ווי דער וואס פארשטייט צו נגינה הערט איינעם זינגען אףף טאָן, ווען עס קומט א ניק און שרייבט אסאך מיט טעיתם גייט ארויף די בלוט דרוק פון געוויסע ניקים.
אמאל איז אייוועלט בעיקר באשטאנען פון שרייבער און קאמענטירער,יעדער האט זיך געוויסט זיין פלאץ ווי ער באלאנגט, היינט מיט די גרינגע צוטריט צו אינטערנעט, און די פלייץ פון ניקים, ווערט א שטיקל צומישעניש, איינער וויל באריכטן נייעס אזוי ווי @הבל כאשט וואס ער פארשטייט נישט צו דעם, איינער וויל שרייבן געשמאקע תגובות אזוי ווי @מעכי כאטש וואס ער האט נישט די טאלאנט, און די רייץ צו האבן אסאך תגובות, ווייל ער רעדט זיך איין אז אזוי גייט ער ווערן פון די עליטע, מאכט אים שרייבן אסאך נארישע תגובות, און דאס ברענגט אז מ'זאל אים אראפ קוקן. איך האב נישט די טאלאנט פון שרייבעריי במילא טריי איך נישט צו איינעמען די וועלט, אויב איך האב עפעס צו שרייבן שרייב איך עס אבער איך ווייס נישט צו איבעררייסן, דו דאפסט נישט שרייבן די בעסטע תגובות די עיקר דו זאלסט וויסן ווי דו שטייסט.
ס'איז דא אידן וואס זענען בעצם זייער קלוג, זיי האבן אויך וואס צו זאגן, אבער וויבאלד זיי האבן נישט די טאלאנט פון שרייבן, איז זיי שווער זיך צו ארויס ברענגן געהעריג אויפן וועלטל, אבער זיי ווילן זיך אויך אויסגעבן און זיי שרייבן לויט וויפיל זיי קענען, פונקט ווי אין ריעל לייף איז דא געוויסע מענטשן וואס האבן מער סבלונת און דולדן יענעם'ס חסרונת, און ס'איז דא וואס שרייען גלייך אויף אנדערע אין פנים אריין, די זעלבע איז אויף אייוועלט, יעדער קען זיך אנטרעפן אין די גרימצארן פון איינעם, סיי אויף אייוועלט און סיי אויף די עכטע וועלט, ס'איז נישט גערעכט אבער דאס איז די סדר העולם, קיינער געבוירט נישט מיט גוטע מידות, און ליידער נישט יעדער ארבעט זיך אויס.
א ערוואקסענע מענטש דארף וויסן זיך נישט צו צוטהן מאכן פון אעלעכע קאמענטס, און עס איז טאקע נישט קיין שיינע זאך צו אראפ רייסן נייע ניקים, די וועג איז צו גיין מיט קאָנסטרוקטיווע קריטיק, און אזוי קען זיין אז ער וועט זיך פארבעסערן, אבער געווענטליך, מ'שרייט אויף א ניק בחור וכדומה קומט עס ווייל די ניק האט זיך אנגעטוהן גרויסע שיך וואס פאסט נישט פר אים, איך האב אויך אמאל באקומען א פסק פון א ניק 'בחור', טראץ וואס עס קען זיין איך בין עלטער פון אים, איך בין נישט געווארן באליידיגט וויל איך האב געוויסט אז ס'איז נישט אמת, די סיבה פארוואס געוויסע ניקים שטערט עס יא זייער שטארק איז ווייל די אמת שטעכט..
צום שלוס (נישט זיך פארמישן מיט נושא געשלאסן...), צו יעדע נייע ניק, נישט קיין חילוק דיין עלטער אדער מערידש סטאַטאָס, שרייב טאקע שרייב, אבער מיט א מאָס, און מיט די צייט וועסטו זיך פארבעסערן און אויסשארפן און דו וועסט אויך ווערן פון די עליטע, און אויב האסטו נישט די טאלאנט קענסטו אויך שרייבן 'אבער מיט א מאָס', און ווארטן צו באקומען א גרינע און עס וועט קומען דיין צייט ווען דו וועסט אויך שיינען.
איך זעה פון ווען איך האב אנגעהויבן שרייבן האט די עולם אסאך געהאקט, שיק עניווע
"אייוועלט איז זייער א פיינע פלעטפאורם, ס'איז אויסגעהאלטן, ס'איז כשר." (וועלוועל פעלדמאן)