אוודאי האט געשריבן:שנאפס האט געשריבן:ייש"כ פארן ברענגען, מיר האבן הנאה!
אז אידן האבן הנאה, וועל איך ברענגען נאך.
בעפארן גיין ווייטער מיט ברענדס וואס האבן געמאכט א טריט אויף פאראויס מיטען איבערמאכן זייער לאגא צו עפעס ניי און פריש, איז אינטערעסאנט צו ברענגען א גרויסע טשעין סטאר וואס האט געמאכט נישט איינס נאר צוויי טריט אויף צוריק.
JCPenney איז געגרינדעט געווארען דורך דשעימס קעש פעני מיט איבער 100 יאר צוריק למספרם 1902 אלס א לאקאלע דריי-גודס געשעפט מיט די נאמען ׳גאלדען רול׳ , פון וועלכע עס איז אויסגעוואקסן דער ריזיגע קאמפאני JCPenny אויף די נאמען פון דער גרינדער, מיט 11,000 דעפארטמענט געשעפטן אויף די לענג פון די פאראייניגטע שטאטן און פארטא ריקא.
אום 2011 האט די קאמפאני מיט רעוועניא פון $17.8 ביליאן רעדעזיינט זייער לאגא ביי לוק לענגהוס (Luke Langhus) א גרעפיק דעזיין סטודענט. דער לאגא וואס האט ביז דאן געהאט די ר״ת פון די גרינדער׳ס נאמען אין קעפס איז געטוישט געווארן פאר א בלויז לאוער קעיס לאגא מיט א קעסטל ארום די אותיות jcp.
גייט נישט דורך א לאנגע צייט, און די לאגא (וואס איז לויט מאנכע אריין אין די קאטאגאריע פון די 10 ערגסטע לאגאס אום 2011) איז אויפגעטוישט געווארן פאר א מער ׳אמעריקאנעזירטע׳ לאגא. אנשטאט האבן נאר איין קעסטל ארום די jcp איז די לאגא צוזעמגעשטעלט געווארן פון 2 קעסטלעך, אויסגעשטעלט לויט די קאלירן פון די אמעריקאנע פאן.
די אויסזען פון די לאגא איז גענצליך געענדערט געווארן מיטן צוברענגן די קאליר בלוי, און מיטן אוועקווארפען די גאנצע Penny בלייבענדיג בלויז מיט jcp.
די ערשטע טויש האט פאסירט ווען מייק אולמאן איז געווען די סי אי או פון jcpenny, די צווייטע טויש איז געקומען מיטן אויפנאם פון א נייע סי אי או אין די קאמפאני, ראן דשאנסאן וועלכע ווערט קרעדיטירט אלס דער פיאנער פון די עפעל ריטעיל געשעפטען ארבעטענדיג ביי עפעל. דשאנסאן האט נישט מאריך ימים געווען ביי jcp, און מ׳האט אים פארגאנגענעם אפריל גע׳פייערט, כידוע ליודעים.
מייק אולמאן איז צוריק געשטעלט געווארן אויף די פאזיציע פון סי אי או, און די רעזאלט: פארגאנגענע וואך איז צום דריטען מאל אין בלויז 3 יאר געטוישט געווארן די פירמעס לאגא. דא זענען זיי געגאנגען 2 טריט צוריק! צוריק נעמענדיג די בעפאר-2011 לאגא.
- די לאגא היסטאריע
אום מאי 2013 האט די פירמע ארויסגעשטעלט אן 30 סעקונדע אנאנס אויף די טעלעוויזיע אונטערן נאמען ׳עס איז נישט קיין סוד׳ ״It’s No Secret״, ווי די פירמע אנטשולדיגט זיך פאר די קאסטומערס אויף די אומאנגעמליכקייטן וואס עס איז געשאפן געווארן א דאנק דשאנסאן׳ס טשעינדשעס צו די געשעפטן. די אנאנס ענדיגט זיך מיט די ווערטער come back to jcpenny. צו באמערקען אז אויף די אנאנאס ווערט גענוצט אן אנדערע ווערסיע פון די לאגא וואס זיי האבן לעצטע וואך באשטימט.
- עס איז נישט קיין סוד
- Come Back.png (65.67 KiB) געזען 3718 מאל
אויף די סאושעל סייטס איז jcpenny יא געבליבן מיט די עלטערע ווערסיע, קען זיין אז עס איז נאר ביזדערווייל.
- סאושעל
ביים דורכפאלן דריי מאל דערלייגט מען ווייניגער ווי ביים פרובירן קיין מאל.
