זענען די בלאגס (היינטיגע משכילים) א סכנה פאר כלל ישראל?

געשמאקע ארטיקלן און בילדער וכדו'

די אחראים: אחראי, געלעגער

יוסעלע_גולם
שר העשר
תגובות: 39
זיך איינגעשריבען אום: מאנטאג יולי 03, 2006 11:47 pm

תגובהדורך יוסעלע_גולם » דינסטאג נובעמבער 06, 2012 7:48 am

שאץ מאץ האט געשריבן:איך סטראשע????...
מיין פוינט איז אז אין די נישט ווייטע פארגאנגענהייט איז געוועהן געוויסע פורם'ס ווי מ'האט געשריבן דברים שלא כהוגן און ס'איז נתגלה געווארן,
איך מיין פשוט די טובה פון די שרייבער'ס, אין פאקט ווער ס'איז אביסל שארף און וויל באמת וויסן קען דערגיין אין נאו טיים ווער א געוויסע ניק איז, ס'איז בכלל נישט שווער....
סאו, דעריבער זאג איך אז די מנוולישע שרייבער'ס וועלכע וועלן אמאל נתגלה ווערן, זיי וועלן אליין מוזן עסן די קאנסיקווענסן דערפון, איך סטראשע נישט, איך רעד פון פאקטן וועלכע וועט זיך אויסשטעלן נישט לטובתם,

למשל, דער ניק וואקסט אונטער, און זיין זון (א בחור פון 14 יאר) האט אמאל ציטריט צו זיין טאטנס געצייג און זעהט עפעס זיין טאטע רופט זיך א געוויסע ניק, און שפעטער זעהט ער אנדערע תגובות פון דעם זעלבן ניק (וואס איצט ווייסט ער שוין אז דער שרייבער איז זיין טאטע אליין) וואס פארא פנים וועט ער טראגן קעגן זיינע קינדער, לאמיר פרעגן אפן די אלע ניק'ס (יושבי חושך) זענט איר 100 פראצענט באקוועם אז ענקערע קינדער זאלן ליינען אטע דאס וואס איר שרייבט?.....
זייט'ס ריאליסטיש!


די תגובה דערמאנט מיך עפעס פון קים יונג-איל.

ר׳ שאץ, איך פארשטיי אז די האלטסט אז די אנדערע בלאגס/פורום׳ס זענען נישט אויסגעהאלטן און ״אנעים״ האלט אפילו, אז מען טאר ״גארנישט״ ליינען א חוץ אייוועלט, אבער פארוואס דארף עס אראפ גייען צו קינדערישע סטראשענען (סארי, איך פארגעסן די מיינסט זייער טובה) פארוואס זאל מען נישט האלטן די דעבאטע ציוויל?

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דינסטאג נובעמבער 06, 2012 8:16 am

ווייל די פראבלעם איז עס נישט שייך צו דעבאטירען אויב די צווייטע צד איז אפענע אדער באהאלטענע אפיקורסות און שמוץ....
חכלילי עינים מיין ולבן שנים מחלב

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דינסטאג נובעמבער 06, 2012 9:26 am

דרך אגב
איין זאך קען מען מיר נישט באשולדיגען
אז איך בין מצומצם...
כבין געווען אין היי סקול און אוניווערזיטעט....
חכלילי עינים מיין ולבן שנים מחלב

אוועטאר
מאנ-יימער
שר עשרת אלפים
תגובות: 10552
זיך איינגעשריבען אום: מיטוואך דעצמבער 14, 2011 10:36 am
לאקאציע: אויפן וועג ארויף

תגובהדורך מאנ-יימער » דינסטאג נובעמבער 06, 2012 9:31 am

פלעטבוש האט געשריבן:
מחותן האט געשריבן:שמעתי אז אין די בלאג׳ס האבן באהאלטענע לינק׳ס ווי נאר א טייל מעמבער קענענן ליינען און דארט איז דא שמוץ דאס הייסט אז חוץ די מינות וואס זיי שרייבען אפן איז אויך דא שמוץ מיט וואס זיי שעמען זיך נאך,

שמעתי שאין זה נכון. סזענען דא באהאלטענע חלקים אבער נישט וייל דארט זענען דא שמוץ נאר וייל סזענען דא נושאים וואס מטאר נישט רעדן אין דער עפנטליכקייט משום צניעות כמובן לכל בר דעת און אעפ"כ האט דאס נישט מיט שמוץ.
אויך מינות האב איך נישט געטראפן, על כל פנים לויטן פסק פונם רמב"ם וואס הייסט מינות. לויט אנדערע שיטות וייס איך נישט.

שמעת שאין זה נכון?? בעיני ראיתי שזה נכון!
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?

אוועטאר
DotCom
שר חמש מאות
תגובות: 682
זיך איינגעשריבען אום: זונטאג נובעמבער 23, 2008 10:29 pm
לאקאציע: אין גלות

תגובהדורך DotCom » דינסטאג נובעמבער 06, 2012 10:14 am

געמעקט די 'מינות' פון דארט איז אויך איבערגעטריבן, די הויפט פראבלעם דארט זענען די ניק'ס מיט א אגענדע, ס'דא וואס זענען גענוג כיטערע צו באהאלטן זייער אמת'דיג ציל אין כלומר'שטע השקפה און מוסר ארטיקלעך, ובו בזמן זענען זיי גענוג שעדליך אריינצוברענגען זייער קלות אין אנדערן'ס הערצער, און ס'דא וואס זאגן אפן אז זיי זענען נישט קיין שומרי תורה רח"ל, זיי מאכן אפילו דעם ניק צו דעמאנסטרירן זייער פרייהייט, אבער זיי שרייבן דארט ווייל זיי ווילן נאר רעדן מיט היימישע אידן וואס זענען יא שומרי תורה, מסתמא ווייל זיי קענען נישט גוט ענגליש, אידער וועי זענען זיי די וואס מאכן א פלאץ אומאיינגענעם פאר היימישע אינגעלייט.

די הנהלה דארט זאגן אז זיי קענען נישט קיין סאך טהון דערוועגן, איך בין נישט קיין מנהל אבער אויב איז עס טאקע אזוי איז עס א גרויסער פראבלעם, ומה שלה יעשה השכל יעשה הזמן.
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).

שאהן הענניטי
שר האלפיים
תגובות: 2654
זיך איינגעשריבען אום: פרייטאג יוני 15, 2012 12:07 pm

תגובהדורך שאהן הענניטי » דינסטאג נובעמבער 06, 2012 10:36 am

איך ווייס נישט וואס די מנהלים זאגן אליינס, אבער איך האב געזעהן אין....אז זיי שרייבן בערך אזוי ".........איז געגרינדעט מיטן חשבון אז די באנוצער זענען אליינס גענוג אחריות'דיג צו שרייבן בנימוס און מ'זאל נישט דארפן אריינקומען מגיה זיין". נישט ממש אזוי אבער בערך אזוי, וואס מיינט צו זאגן, איך גיי מיר נישט צוטוהן מאכן ווען עפעס איז נישט אין ארדענונג ווייל איך פארלאז מיר אז אלעס איז אקעי.

בנוגע דעי וואס זענען מפקפק אין שאץ'ס ווערטער וועגן דעם אז איין טאג וועט מען געוואויר ווערן ווער זיי זענען, איז א פשוט'ע מאמר פונעם חכם מכל אדם "סוף דבר הכל נשמע", און די מציאות און היסטאריע ווייזט אז דער פסוק איז אקוראט (כיהודא ועוד לקרא).
די ווארט סטראשע קומט נישט דא אריין, ס'איז בלויז אן עצה פאר די שרייבערס וואס שרייבן אזאנע תגובות וואס זיי וואלטן נישט געוואלט מ'זאל וואוסען ווער זיי זענען, וואס רוב דערפון איז די סיבה ווייל ס'איז מלא ליצנות און ניבול ר"ל.

שאהן הענניטי
שר האלפיים
תגובות: 2654
זיך איינגעשריבען אום: פרייטאג יוני 15, 2012 12:07 pm

תגובהדורך שאהן הענניטי » דינסטאג נובעמבער 06, 2012 10:38 am

איך באציה זיך אויף די ווערטער וואס איינער האט געשריבן אז די מנהלים דארט זאגן אז זיי קענען גארנישט טוהן דערצו.
ס'קוקט אויס ווי די תגובה איז שוין נישטא.

אוועטאר
אנעים זמירות
שר שלשת אלפים
תגובות: 3833
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג נובעמבער 06, 2012 10:48 am

שאץ מאץ האט געשריבן:איינער שיקט מיר א אישי, מיט א לינק אהער דא האסטו א אשכול דיין סטייל,
איך ליין און ליין, ניין ס'איז בכלל נישט מיין סטייל, איך בין קיינמאל נישט געפארן אויף אזא ליניע בלויז אנצופאטשן אנדערע, איין זאך, אויפקלערן אפשר יא,

1.מיר גייען בכלל נישט אויפטון ווען מ'האקט און מ'ברויזט אויף אנדערע בלאג'ס, איך קוק בכלל נישט אן די דארטיגע זיצער'ס פאר משכילים, אדער אפיקורסים, זיי זענען ענדערשט "טפשים" מ'זעהט בחוש ווי פון יעדע שורה אין יעדע אשכול גיסט זיך עמער'ס מיט טפשות אזש מ'קען נתטפש ווערן פאר 10 יאר ליינענדיג דארט....

2.מיר דארפן פשוט וויסן צום ערשטן די מעלות פון דא, זיך אליין שעצן, זיך אליין קלאפן אין רוקן, יא, מיר זענען פעסט אהער געשטעלט, פאקטיש אז דער אייוועלט א מקום ווי ס'ווערט אדורך געטון יעדע נושא אויף די וועלט "נארמאל" אן קיין זייטיגע מאטיוו'ן, קיינער זיכט נישט דא צו זיין קלוג, און צו שטופן א געוויסע זייט אין פאלטיק, מ'זיכט נאר לתועלת הענין יעדע זאך אדורך צו שמועסן און דאס איז דער סך הכל.

3.סכנה?, אפשר פאר א טיפש וועלכע מיינט אז דער אויבער האט זיך מתגבר געוועהן אויף זיין חכמה, און איצט איז ער א אויבער חכם, דהיינו ער איז זיך מתגבר אויף די חכמה און גייט אריין אינעם מדריגה פון "אויבער" וועלכע איז זייער ווייט פון חכמה..., קיין סכנה זענען זיי נישט, וואס יא, עוברי עבירה, זיי טרעטן אויף די תורה, אויפ'ן שו"ע, און אויף אמונה בד', פון שרייבן לשה"ר, לצנות, ניוול פה, יעדע מיאוס'ע מעשה ווערט דיטעילט אויף פיצלעך כאילו ס'איז א שטיקל קצות, אטע דאס מיינט עכטע עוברי עבירה, וואס זענען מחלל שם שמים בסתר, וואס דער סוף דערפון וועט זיין נפרעין ממנו בגלוי,

4.ווי געשריבן אין מיין אלטן אשכול, גארנישט בלייבט נישט קיין סוד, די אלע מנהיגים פון די בלאג'ס מיט די שריייבער'ס וועלן אמאל נתגלה ווערן לעיני השמש, און דאן וועלן די בושות זיין גרויס, אויף צוריק איז שוין נישטא קיין וועג, די אלע ניוול מיט לצנות וואס ווערט געשריבן זענען פארצייכנט און דאקאמענטירט לדורות עולם, און אויף אייביג וועט מען קענען אנצייגן זעהסטו אט די מנוולישע תגובה דאס האט יענער און יענער געשריבן..., כאטש היינט איז ער זיך מוחל די עוונות, און שפילט שיינע איד צוליב שידוכים,

און נאכמאת חברי הנהלת אייוועלט, תחזקנה ידיכם, אייער זכות איז גרויס, בלייבט'ס פעסט, און זעהט'ס הצלחה במעשי ידיכם.


ראשית כל א יש"כ פאר ר' שאץ פארן אריינוועגן מיט זיינע צוויי צענט בלע"ז. איך האב עטליכע הערות ואומר על ראשון ראשון:

1. שוין ערווענט דאס מיין כונה איז קיינמאל געוועהן צו האקען אויף יענעם לשם האקען. אויב זוכט איינער בלויז צו טיידלען מיטען פינגער אז יענער איז א רשע איז ליידער רוב כלל ישראל אין דעם גדר. מיין ציהל מיט דעם אשכול איז געוועהן צו רופען צו די ערליכע יודען וואס פאלען אמאל אריין אין טריפה'נע מקומות אויס נייגער וכדומה, און זיי כאפען זיך נישט עד היכן הדברים מגיעים. אין דעם אשכול האב איך פראבירט ארויסברענגען סיי ווי געפארפול דאס איז, און סיי זיי זאלען נישט נתפעל ווערן ווען זיי זעהן אפיקורסים חכמים בעיניהם ווייל כבר היה לעולמים אומצעליגע כתות אויבער-חכמים און עס איז פון זיי גארנישט געבליבען.*

2. 'נארמאל' איז רעלאטיוו, און אויפען באהויפטונג אז 'קיינער זוכט נישט דא צו זיין קלוג' בין איך זיכער עס וועלן זיין חולקים. אונזער עיקר (און אפשר איינציגסטע) שטאלץ איז דאס מיר זענען א פלאץ וואס איז גענצליך ריין פון יעדן חשש לשה"ר, מחלוקת, ניבול פה, כפירה און ליצנות. ויגבה לבו בדרכי ה' - מיר דארםען שטאלצירען אז מיר זענען ערליך און אויסגעהאלטען.

3. במחכ"ת ולענ"ד איז דאס נישט ריכטיג. צו כאפען א בליק אין א מקום ווי מען רעדט אפיקורסות - אפילו ווען עס איז בלויז איינער (הלואי...), און אפילו ווען אנדערע פארשרייען איהם (הלואי...) - איז סכנת 'נפשות'. אונזערע הייליגע חז"ל, שכל דבריהם אמת וצדק, זאגען שאני מינות דמשכי - אפיקורסות ציהט, און אין אן אויגענבליק קען מען ווערן נאכגעשלעפט. כש"כ וכש"כ ווען די כפירה קומט באגלייט מיט ליצנות איז דאס כארס של עכנאי וואס פון איין קליינע ציפ ווערט חלילה דער גאנצע קערפער פארגיפטעט. ובכלל ווייסען מיר אז יעדעס מאל ווען מען זעהט נאר אן עבירה ווערט די נשמה נפגם, עאכו"כ ווען מען ליינט ווי עוברי עבירה גרויסען זיך נאך דערמיט און שעמען זיך נישט צו שרייבען בריש גלי וואו זיי האלטען.
א יונגערמאן פאלט אריין בלויז אויף צו ליינען א פאליטיק וואס ווערט אביסעל ברייטער אויסגעשמועסט אדער אפילו צו זעהן עפעס אן אומאיידעלע אשכול (וואס איז זאגאר נישט ניבול פה ממש, נאר גובל דערמיט), און ער קלערט דאס ווי-נישט-ווי איז דאס נישט ערגער פון דער נייעס וואס ער שמועסט אין מקוה וכדו', דערפאר פארשטייט ער נישט מיט וואס ער שפילט זיך.
כי שמעתי מאחורי הפרגוד כי בזאת אתם נלכדים - מיט איין קוק קען מען ח"ו פארפאלען ווערן. די ליצנות און כפירה פארלעשט יעדן פונק פון קדושה אזש ווען מען וויל יא זיך אומקערן האט מען נישט די כלים מיט וואס. נישט בלויז די עבירה אליין נאר דער גאנצע רוחניות'דיגע 'אימיון סיסטעם' פונעם מענטש ווערט קאליע. עס לוינט זיך נישט איינצושטעלן דער גאנצע עוה"ב און צוקונפטיגע דורות פאר דעם ביסעל (בד"כ ממילא נישט אויסגעהאלטענע) ליין-מאטעריאל. [כאמור, מיינע ווערטער זענען נאר געוואנדען צו ערליכע יודען וואס דערגיין נישט דעם געפאר פון די מקומות. מיט איינער וואס איז הציץ ונפגע טאר מען בכלל נישט מתוכח זיין ווייל כש"כ דפקר טפי.]

4. איך פארשטיי נישט פונקטליך צו וועמען אייערע ווערטער זענען געוואנדען. אויב פאר דער וואס שרייבט דארט כפירה - ער גלייבט דאך נישט אין שכר ועונש, און אויב פאר דער וואס ליינט נאר וואס אנדערע שרייבען אבער ער זעלבסט איז ערליך (עכ"פ אזוי רעדט ער זיך איין) - קלערט ער דאך אז ער איז נישט אליין דער מחלל שם שמים. עכ"ז, האמת ניתן להאמר, מיר יודען וואס גלייבען אז אית דין ואית דיין ווייסען אז עס וועט טאקע אזוי זיין.


*דאס וואס איך האב געשריבען אז פון די אלע כתות (נוצרים, צדוקים, קראים וכו') איז גארנישט פארבליבען מיין איך צו זאגען עס איז נישט פארבליבען פון זיי קיין נין ונכד משליך חבלו בקהל ה'. בשעתם זענען זיי כמעט נישט געוועהן אונטערשיידבאר פון די ערליכע יודען און איינער וואלט זיך נאך געקענט איינרעדן אז די חכמים להרע זענען אפשר גערעכט. קוקט מען אבער מיט געציילטע דורות שפעטער און זיי זענען גענצליך אפגעשיידט פון כלל ישראל.
ווען מען קוקט אהן צ.ב.ש. דעם דעסויער רשע שר"י וואלט זיך געקענט דאכטען אז ער איז אומשעדליך, און אדרבה, אפשר גאר א טובה פאר כלל ישראל. וואס האט ער דעם געוואלט? ס"ה מען זאל ארויס פון דעם אלט-מאדישען גלות טראגע און עטוואס זיך אויסברייטערען, ומה בכך? אבער די הייליגע צדיקים, ווי למשל דער חת"ס, מיט זייערע אויסגעארבעטע חושים האבען דערשפירט וואספארא חורבן עס קען ארויסקומען ווען מען גייט נאך זיינע וועגן און זיי זענען ארויס בחרב ובחנית קעגן די השכלה. די חכמים זענען געגאגנען אזוי ווייט אז ווען מען האט געוואלט אסר'ען דעם 'ביעור' האט מען זיך אנגעכאפט אויף וואס איז פארגעבליך 'אויסגעקראצטע' און 'אויסגעטראפענע' חסרונות, און גענוג אירע זענען טאקע נישט דערגאנגען סוף דעתם הקדושה פון די אוסרים.
מאי הוה עלה? למעשה ווען מען קוקט היינט זעהט מען אז פון די וואס זענען נאכעגעגאנגען די השכלה איז נישט פארבליבען קיין שם ושארית צווישען יודען. ווען מען זאל בעטען סיי וועמען, "צייג מיר א פרומע יוד", וועט קיינער נישט אנווייזען אויף א קריסט, א קראי אדער א משכיל. יעדער פארשטייט אז יודען שומרי תומ"צ זענען טאקע די וועמענ'ס אבות האבען געפאלגט די חכמים. אזוי אויך מיט די היינטיגע חוקרים, כופרים און ליצים. זיי קענען פארקויפען אז זיי זענען די אמת'ע ערליכע יודען, זייערע דרך איז דער ריכטיגע, און די וועלכע גיין נאך די חכמים זענען..., אבער מיר שרעקען זיך נישט פאר זיי. מיר ערליכע יודען וועלן זיך ווייטער האלטען אויפען דרך המסורה לנו מאבותינו, און מיר וועלן בעזהשי"ת דאס ווייטער איבערגעבן פאר אונזערע צוקונפטיגע דורות ביז משיח'ס טאג.
צוגעלייגטע
ענטפער וועגן בלאגס.pdf
(231.84 KiB) דאונלאודעד 177 מאל
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דינסטאג נובעמבער 06, 2012 11:03 am

שאהן הענניטי האט געשריבן:איך באציה זיך אויף די ווערטער וואס איינער האט געשריבן אז די מנהלים דארט זאגן אז זיי קענען גארנישט טוהן דערצו.
ס'קוקט אויס ווי די תגובה איז שוין נישטא.


ווייל ברוך השם אז די מנהלים דא ווייזען אז זיי קענען יא טוהן דערצו....
אשריכם מה טוב חלקכם!
שכוח מנהלים!
חכלילי עינים מיין ולבן שנים מחלב

אוועטאר
מחותן
שר תשעת אלפים
תגובות: 9999
זיך איינגעשריבען אום: דינסטאג נובעמבער 09, 2010 11:39 am

תגובהדורך מחותן » דינסטאג נובעמבער 06, 2012 11:20 am

מיר באדערט איין איין זאך,

פארוואס האבן נאך נישט די היימישע פילטער קאמפאניס נישט געבלאקט די אלע בלאג'ס?? מיר צאלן גראב געלט פאר פילטערס און עס איז יושר אז זיי זאלן זיך צושטעלן און בלאקן אלע מינות און כפירה בלאג'ס.

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דינסטאג נובעמבער 06, 2012 11:26 am

גערעכט, מחותן
קען זיין אז די פילטערס ארבעטען נישט אויף געשריבענע זאכען וואס איז אין זיי באהאלטען אזא סם המות...
חכלילי עינים מיין ולבן שנים מחלב

קאמפיוטער
אנשי שלומינו
תגובות: 5
זיך איינגעשריבען אום: מאנטאג אוגוסט 15, 2011 9:55 am

תגובהדורך קאמפיוטער » דינסטאג נובעמבער 06, 2012 11:28 am

אינטערעסאנט וויאזוי מ'קען לייקענען שמש בצהרים. שרייבט א כופר דארט אז ער גלייבט נישט אין שמע ישראל, און דאס גאנצע וואס מ'האט געטון איז פאראכטן זיין תגובה. אבער רשות כתיבה איז געבליבן. און אויב אטאקירט מען אים פארן שרייבן אים שבת ווערן די מנהלים דארט ברוגז.

די סיבה פון די שטורעם איז וועגן די באשעפער האט געוואלט שטראפן די אינטערנעט אסיפה אידן, די רבנים וואס אסר'ן ברית'ן אן מציצה זענען יושבי חושך, ווען עס קומט פאר א שאבאטאן פאר משכ"ז קומט מען עס עדווערטייזן דארט. זיך באלעקן מיט א שטיקל קטלא קניא -וואס די פארווערטס האט אים שוין באטיטעלט אלס די שלום עליכם פון אונזער יאר הונדערט- איז נארמאל. לשון הרע אין פארום פון א רומער איז מותר לגמרי נאכדערצו אויב נחום פאוסט עס אויף זיין בלאג מיט א לינק אהין. און דאס איז נאר א מיליאנסטעל וואס דארט גייט אלס פאר. פון אפן אפלאכן פון זוהר הקדוש ווייל נישט ר' שמעון האט עס געשריבן ביזן טרעטן אויף די הארבסטע עבירות ווייל ס'איז סך הכל א פרעשור. לאכן פון מסורה, אפלאכן פון אונזער לבוש, זיך אננעמען פאר פורקי עול ווייל זיי זענען נעבעך רחמניות'ער. די טשולענט קלאב ווערט ארויסגעהויבן, שקצים ווערן פארענפערט אבער רבנים אייביג אראפגעריסן. ענד די ליסט גאוז אן ענד אן. און איך האב נאכנישט בארריט די באהאלטענע פארום'ס וואס וואס דארט טוט זיך איז נישט שייך אראפצושרייבן.


די פוינט איז, יעדער זאל וויסן ביי זיך ווען ער דרייט זיך דארט אז דאס איז א מקום זימה וכפירה. איך קען ברענגען דעקונג אויף יעדע ווארט און איך בין גרייט זיך מתווכח צו זיין מיט יעדן וואס זאגט אנדערש.

אוועטאר
זייער נייגעריג
שר האלף
תגובות: 1916
זיך איינגעשריבען אום: מוצ"ש ינואר 30, 2010 7:04 pm

תגובהדורך זייער נייגעריג » דינסטאג נובעמבער 06, 2012 11:40 am

די אשכול איז ארויסגעפארן פון די ראמען. אונזער פלאץ איז נישט פארדעם געמאכט נאכדערצו אויב וועט עס אנקומען זיך צו טענה'ן און אויפווייזן און נאכברענגען חלילה.

בנוהג שבעולם אז בשעת מען רייניגט דאס באדע צימער פירט מען נישט אריין די אומריינע כלים און ראגס אין דיינונג רום מפני טעמים מובנים, והנמשל מובן פאר א יעדן וואס האלט דעם של ראש אויפן ריכטיגן ארט.

אוועטאר
אנעים זמירות
שר שלשת אלפים
תגובות: 3833
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » מוצ"ש יולי 06, 2013 11:02 pm

בעזה"י האף איך צו שרייבען נאך א מאמר\תגובה אין די קומענדיגע טעג. ביים איבערליינענדיג אצינד ווער איך אלץ מער איבערצייגט אין די סכנה פון קוקען דארט ווי מען מאכט ליצנות פון קדושה. דער הויפט פראבלעם אז עס ברענגט אריין א קרירות אינעם מענטש, בבחינת עס פאר'הרג'עט דעם אימיון סיסטעם, און דאן קען מען חלילה אנקומען אין שאול תחתית.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

פאמיליעמירעלס
שר האלף
תגובות: 1162
זיך איינגעשריבען אום: דאנארשטאג אוגוסט 30, 2012 2:31 am

תגובהדורך פאמיליעמירעלס » זונטאג יולי 07, 2013 12:10 am

איינער האט אמאל געזאגט ער קען נישט זיצן אין כנסת המינים ווייל ער האט נישט גענוג בגדים...

והנמשל מובן מאיליו, זייט וויסן אידן אז מען דארף בעוה״ר זיך קריעה רייסן אויף רוב דיבורים.

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » זונטאג יולי 07, 2013 11:56 am

דאס איז געווען ביים פאנעוויזשער רב זצ"ל אז ער וואלט געמוזט רייסען קריעה אויף אלע דברי בלע
חכלילי עינים מיין ולבן שנים מחלב

אוועטאר
שמעלקא טויב
שר חמשת אלפים
תגובות: 5328
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » זונטאג יולי 07, 2013 3:05 pm

msp האט געשריבן:דאס איז געווען ביים פאנעוויזשער רב זצ"ל אז ער וואלט געמוזט רייסען קריעה אויף אלע דברי בלע


מ'האט אים געפרעגט פארוואס ער ווערט נישט קיין ח"כ, האט ער געזאגט ווייל ער האט נישט קיין געלט. האט מען געפרעגט וואס האט דאס מיט געלט, האט געענטפערט כהנ"ל, און ער האט נישט קיין געלד צו קויפן אזויפיל בגדים.

--

אנעים, כ'האב די ערשטע מאל געליינט דיין תגובה (נישט געהאט קיין צייט אודרוכצוליינען אלע תגובות) מער ווייניגער האב איך געשריבן די זעלבע אינעם אשכול אונזער עתיד איז לעכטיג. נצח ישראל לא ישקר, נאר יעדער יחיד האט א מלחמה צו בלייבן פונעם נצח ישראל.
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

אוועטאר
אנעים זמירות
שר שלשת אלפים
תגובות: 3833
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

הרואה סוטה בקלקולה יזיר עצמו מן היין

תגובהדורך אנעים זמירות » זונטאג יולי 07, 2013 11:37 pm

איך בין נתעורר געווארען צו שרייבען דעם מאמר (עטליכע חלקים) נאכען שמועה לא טובה אז איינער פון אונזערע חבורה הקדיח תבשילו ברבים ויצא לתרבות רעות רח"ל. ער איז ליידער געוועהן הציץ ונפגע אין פארשידענע ערטער אויפען אינטערנעט, און פון כהן לא-ל עליון נעבעך געווארען כהן מדין.
איך וויל מקדים זיין דער מאמר אז דער יעניגער איז טאקע דער וואס האט מיר לכתחילה פארציילט וועגן אייוועלט, און אדאנק איהם האב איך געטראפען דעם ארט. ער האט מיר אויך פארציילט וועגן דעם אנדערען אזוי-גערופענעם היימישע פארום, וואו איך האב תחילת דרכי אנגעהויבען שרייבען, נאר ווען איך האב מיר איבערצייגט אז מען רעדט דארט דברי כפירה ומינות האב איך מיר אויסגעשפארט פון דארט.
אצינד קען איך שוין מגלה זיין אז דער מערסטע טייל שטופ צו עפענען דעם גאנצען אשכול און ארויסברענגען די סכנה פון באזוכען אין מקומות האסורים, איז טאקע געוועהן א תוכחת מגולה צו מיין געוועזענע חבר. איך האב געוואוסט ער דרייט זיך אין פלעצער וואס טויגען נישט, נאר איך האב נישט געוואלט בפירוש מוסר'ן בדרך מוסר אויס מורא ער וועט זיך בלויז פראבירען צו פארטיידיגען און נישט וועלן אננעמען וואס איך שרייב. דערפאר האב איך געשריבען א מאמר כללי פאר יעדן (און פארשטייט זיך אויך איך בתוך עמי אנכי ישבת), אפשר אזוי וועלן מיינע ווערטער ווערן אויפגענומען.
[איך וויל עס זאל זיין קלאר דאס כאטש מיינע ווערטער אין דעם יעצטיגען מאמר זענען מער געצילט אקעגן א געוויסען באקאנטען וועבסייט, מיין איך נישט נאר יענע פלאץ, נאר אומעטום ווי מען שרייבט ליצנות און מינות. ווי אויך זאג איך נישט אז דארט איז בלויז ליצנות, מינות און ניבול פה, און אז יעדער וואס שרייבט דארט איז מנוגע מכף רגליו ועד ראשו, ווייל געוויס איז דא פון אלעס און פון אלעמען. איך וויל נישט מער ווי ארויסברענגען קלאר די געפאר אונעם חורבן פון באזוכען און ליינען אויפען אן ארט וואו מען רעדט דברים האסורים.
ווייטער בין איך מבהיר אז די מטרה פון דעם ארטיקעל איז נישט צו באשולדיגען דעם אדער יענעם וועבסייט, ווי כאילו וועגן זיי איז פלוני אפגעפארען. אדרבה, איך גיי אינגאנצען נישט אריין אין קיין סברות פארוואס און פארווען, ווייל זיי זענען סתם הבל ורעות רוח. ואחרון פון די הבהרות אז איך וויל מיר נישט פאטשען אין בייכעל ווי כאילו מיר זענען בתכלית השלימות און אלעס טויג ביי אונז, ווייל דאס איז אויך נישט ריכטיג. מיין גאנצע מטרה איז טאקע ווי אינעם קעפל – הרואה סוטה בקלקולה מוזען מיר זיך מחזק זיין אין די ענינים פון אמונה, און מוסף זיין גדרים נישט צו פארקריכען.]

דער חינוך אין מצוה שפ"ו (סוף פרשת שלח) – שלא לתור אחרי מחשבת הלב וראיית העיניים, שרייבט ווי פאלגענד:
ענין לאו זה שנמנענו שלא ניחד מחשבותינו לחשוב בדעות שהם היפך הדעת שהתורה בנויה עליו, לפי שאפשר לבוא מתוך כך למינות.
דער חינוך שרייבט נישט אז מען טאר זיך נישט אוועקשטעלן טראכטען בדברי כפירה, נאר אפילו אזעלכע זאכען וועלכע זענען פארקערט פונעם תורה'דיגען זין. מען טאר נישט טראכטען אנדערש ווי די תורה הקדושה! מען טאר נישט האבען קיין מחשבות פיגול פון ענינים וואס די תוה"ק האט פארווערט! יעדע זאך וואס איז היפך הדעת שהתורה בנויה עליו איז אסור בלאו, שאפשר לבוא מתוך כך למינות.
איך האב נאר געברענגט איין שורה, אבער עס איז ראוי ונכון פאר יעדן דורכצולערנען דעם חינוך און כסדר חזר'ן ווייל יעדע ווארט פון א ראשון איז קודש קדשים, און עס ליגט דערין גאר אסאך. עמוק עמוק מי ימצאנו.

עס איז דא א געוויסע פאלשע דעה ביי מאנכע, בפרט ביי אזעלכע וואס האבען שוין טועם געוועהן מים גנובים און זוכען צו שטילען זייער דארשט און געוויסען, אז מען מעג אלעס אויסשמועסען און פרעגן. היינטיגע צייטען איז דאס איבערהויפט נפרץ געווארען אויך ביי די גוים, מיטען freedom of information act, וואס דייט אז יעדער מעג וויסען אלעס. נישט נאר יעדער מעג וויסען אלעס נאר עס איז פאסענד פאר סיי וועמען צו רעדן און דיסקוטירען אלעס. די שיטה איז היפך דעת תורתינו הקדושה און איז א געפערליכע סכנה מען זאל נישט פארכאפט ווערן במחשבת מינות חלילה.
די משנה אין חגיגה (ב' א') לערנט אונז אין דורשין...ולא במעשה בראשית בשנים ולא במרכבה ביחיד – מעשה בראשית מעג נאר ווערן איבערגעגעבן פון א רבי צו א תלמיד one to one, אבער נישט פאר א חבורה, און אודאי נישט אין א שיעור ברבים אדער א שמועס אויפען נעץ. מעשה מרכבה איז נאך העכער (עיי"ש כמה פירושים וואס יעדע זאך באדייט), און דאס טאר מען בכלל נישט אויסלערנען ברחל בתך הקטנה, נאר אויב א רבי זעהט אז זיין תלמיד איז דעתו רחבה און ער איז א בר הכי צו קענען משיג זיין די הויכע ענינים, קען ער איהם איבערגעבן די ראשי פרקים און דער תלמיד טוט פון זיך אליין אויסברייטערען דער זאך.
דא האט מען שוין די נקודה אז עס זענען פארהאנען אזוינע זאכען וואס מען טאר נישט לערנען ברבים. כאטש געוויס איז דאס תורה וללמוד אני צריך, אומגעקערט, עס איז גאר פון די סודות עליונים פונעם תוה"ק, מוז מען אבער וויסען וואו אויס און וואו איין, און מען לערנט דאס נאר מיטען פולען ערנסטקייט אהנע שום distractions.
עס גייט אבער ווייטער. די זעלבע משנה טוט אנבאטען אז טייל זאכען האט א יוד נישט קיין רשות צו פרעגן און נאך קלערן. כל המסתכל בארבעה דברים ראוי לו כאילו לא בא לעולם. מה למעלה, מה למטה, מה לפנים מה לאחור. מען האט בפירוש נישט קיין רעכט אלעס צו פרעגן און פארשטיין. געוויסע זאכען דארף מען שטייט ווייט פון זיי, און בכלל נישט אריינגיין. ווען איינער האט קשיות צ.ב.ש. וועגן גיל העולם דארף ער וויסען דאס לכאורה גייט עס אריין בגדר מה לפנים וואס איז גענצליך אסור צו פרעגן, און עכ"פ איז עס נכלל אין מעשה בראשית וואס מען טאר נישט אויסשמועסען ברבים.
צו באזוכען אין מקומות וואו אזעלכע סארט פראגעס קענען יא אויסגעשמועסט ווערן ברבים איז היפך הדעת שהתורה בנויה עליו, און אחריתם רעה וכדי בזיון וקצף. עס קען טאקע זיין א גרויס נסיון אבער לכך נוצרנו.
המשך יבא בעזה"י.
צוגעלייגטע
יזיר עצמו א.pdf
(99.36 KiB) דאונלאודעד 151 מאל
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
לכאורה
שר עשרת אלפים
תגובות: 11695
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » זונטאג יולי 07, 2013 11:42 pm

יפה דברת ובזמנו דברת ;l;p-
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
לכתחילה אריבער
שר עשרת אלפים
תגובות: 19991
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » זונטאג יולי 07, 2013 11:47 pm

מיר ווארטן אויפן המשך, דערוויילע איז כה לחי.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש

אוועטאר
לוי יצחק
שר ארבעת האלפים
תגובות: 4263
זיך איינגעשריבען אום: מוצ"ש דעצמבער 01, 2012 11:20 pm
לאקאציע: זאג אמר רבי בנימין...

תגובהדורך לוי יצחק » מאנטאג יולי 08, 2013 12:00 am

ריכטיגע ווערטער.
ליידער.
א דאנק פאר אלע וואס טוען אונז אפדעיטן כסדר.

אוועטאר
שמעלקא טויב
שר חמשת אלפים
תגובות: 5328
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » מאנטאג יולי 08, 2013 9:05 am

ישר כח הרב אנעים. עס ווייטאגט דאס הארץ אז מ'דארף שרייבן און ליינען אזאליכע ווערטער.
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

אוועטאר
עקבי הצאן
שר האלפיים
תגובות: 2719
זיך איינגעשריבען אום: דאנארשטאג מארטש 14, 2013 11:44 am

תגובהדורך עקבי הצאן » מאנטאג יולי 08, 2013 12:08 pm

מורא'דיגע דיבורים הרב אנעים, כה לחי
כ'וועל נאר מוסיף זיין נאך א שטיקעל פון חינוך בענין זה

מצוה תס"ז שלא לשמוע ממתנבא בשם עבודה זרה
משרשי המצוה, לפי שהטעות נמצא אצל בני אדם תמיד ושכלם איננו בריא לבוא עד תכלית האמת בדברים. ותחוש התורה כי אולי מתוך הטענות המכזיבות ואריכות הדיבור והויכוח עם הזר דובר שקרים המתנבא בשם עבודה זרה יתפתה האדם לדבריו, ואף כי לא יתפתה אליו אולי יפקפק בלבבו אפילו שעה אחת להיות שום סרך בכזביו, ואף על פי שידענו שאין תקומה לדבריו רק לשעה כי האמת יורה דרכו ויעיד על דברי הנביא ההוא כי שקר בפיו. אף על פי כן חסה התורה עלינו לבל נאבד אפילו שעה אחת מכל ימינו בפקפוק המחשבה הרעה ההיא.

און באמת דארף מען וויסן אז דאס איז א לאו פון די תרי"ג מצוות, פונקט ווי די לאו פון אכילת חזיר.

ס'ליגט מיר נאך דעם געשמאק פון מקיים זיין די מצוה בקום ועשה.
ס'איז אמאל אנגעקומען אויף פאסט א מיסיאנערישע ביכל, זייענדיג בטבעי זייער א נייגעריגער, און אויך זייער איינגערעדט אין מיין קלארקייט אין די יסודות האמונה והדת, האב איך דאס גע'חשק'ט צו ליינען, אבער פונקט האב איךמיך דערמאנט פון דעם חינוך, און תיכף האב איך די זכיה געהאט מקיים צו זיין בא דבר עבירה לידו ונזהר בה נחשב לו כאילו קיים מצוה מקיים געווען בקום ועשה, עס ארויסגעטראסקעט פון הויז תיכף ומיד, פאר דער יצה"ר דרייט מיר א קאפ.

ס'רינט מיר נאך יעצט די שפייאכץ פון דעם גוטן טעם דאן, דער באשעפער זאל אונז ווייטער אלע אפהיטן.

ר' אנעים זיי ממשיך אין דעם ענין און אין אלע דיינע אשכולות, לא רעב ללחם ולא צמא למים כי אם לשמוע דבר ה' ....
כ'בין בטבעי א פוילער שרייבער באדאנק איך מיך שוין דא פאר אלעם
אם לא תדעי לך היפה בנשים צאי לך בעקבי הצאן: התבונני בדרכי אבותיך הראשונים שקבלו תורתי ושמרו משמרתי ומצותי ולכי בדרכיהם, (רש"י שיר השירים).

אוועטאר
זאלץוואסער
שר האלף
תגובות: 1790
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » מאנטאג יולי 08, 2013 12:14 pm

ישר כח ר' אנעים.

אוועטאר
אנעים זמירות
שר שלשת אלפים
תגובות: 3833
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

יזיר עצמו מן היין חלק ב'

תגובהדורך אנעים זמירות » מאנטאג יולי 08, 2013 8:11 pm

ייש"כ פאר אלע תגובות, ובפרט פאר ר' עקבי הצאן מיט זיינע הוספת נופך.
-----

די צווייטע נקודה וואס איך האב געוואלט ארויסברענגען האט שוין באמת ר' עקבי הצאן דערמאנט אין בלויז געציילטע שורות פונעם הייליגען חינוך (מצוה תס"ז), עכ"ז דאכט זיך עס איז כדאי אויסצושמועסען באריכות.

איינע פון די כלי זין וואס די מסכילים נוצען כדי אריינצושלעפן אין אמונה שמועסן אויף אופנים אדער ענינים וואס טויגען נישט (וכנ"ל), איז צו פרעגן מיט ביטול, "איז דיין אמונה דען אזוי שוואך אז טאמער קלערסטו אריין אין עפעס גייסטו שוין ווערן אן אפיקורוס?"

פארן געפרעגטען פאסט נישט צו זאגען אז ער האט טאקע מורא פון ספיקות אין אמונה, ע"כ לאזט ער זיך ווערן אריינגעשלעפט, און אויף מינות זאגען חז"ל כל באיה לא ישובון. מען דארף אבער וויסען ווי דער חינוך שרייבט לפי שהטעות נמצא אצל בני אדם תמיד ושכלם איננו בריא לבוא עד תכלית האמת בדברים. נישט אונזערע אמונה איז 'אזוי שוואך', נישט אונזערע חינוך איז פעלערהאפטיג (אין דעם פרט), און נישט דער סיסטעם טויג נישט ווייל מען לערנט אויס אמונה פשוטה.

אין ווארהייט זענען אונז אליין שוואך און אונזערע מוחות זענען קנאפ. מיר האבען נישט דער מעגליכטקייט זיך אריינצולאזען אין קיין חקירה אהן עס זאל חלילה שאטען. אפשר אחד מני אלף קען גריבלען און חוקר זיין פארשידענע ענינים (אויך נישט ברבים, און אודאי נישט מה לפנים וכו'), אבער פאר רוב מענטשען איז עס א סכנה רוחנית.

דער פראבלעם איז אבער אז רוב מענטשען באטראכטען זיך אליין ווי וועלט'ס חכמים. יעדער פאר זיך מיינט אז ער איז דער חכם בעיניו וואס קען יא פרעגן און דורכטוהן אלערליי ענינים. בכגון דא האבען אונז חז"ל געלערנט מוטב שיהא שוטה כל ימיו – ענדערש דורכצוגיין דעם גאנצען לעבן מיטען מהלך אז מען איז טאקע נישט גענוג קלוג עוסק צו זיין אין חקירה, און אזוי ארום נישט חלילה אנקומען צו הייסען א רשע אפילו שעה אחת.


כל זה כתבתי בנוגע לערנען צ.ב.ש. דער מורה נבוּכים א.ד.ג., וואס בד"א אינעם נאמען אליין ליגט שוין די אדרעסע פאר וועמען עס איז געצילט – פאר נבוכים, בלאנדזשענדע. דער וואס גייט אינעם דרך המלך, אויסגעטרויטען דורך אבותיו ורבותיו, דער בלאנדזשעט נישט, און דער דארף נישט צוקומען צו קיין מורה.

ווען מען דרייווט אינעם גראדען, גלייכען וועג, אין וועלכע מען איז צוגעוואוינט צו דרייווען שוין יארען, מוז מען נישט נוצען קיין דזשי.פי.עס. נעוויגעיטאר. און טאמער ברענט יא פאר איינעם זיך מדבק צו זיין אינעם קודש הקדשים דער הייליגע רמב"ם זצ"ל, האט ער אונז ב"ה מזכה געוועהן מיטען י"ד החזקה. ברוך המקום ברוך הוא אז ער האט אונז געשענקט דעם הייךליגען רמב"ם, און ער ווידעראום האט איבערגעלאזט א מתנה טובה פאר יודישע קינדער, דער משנה תורה, איבער וועלכע מען קען הארעווען יארען און נאך אלץ נישט פארטיג ווערן.

ווען מען רעדט אבער לגבי באזוכען אין מקומות ווי היינטיגע קלים ורקים זענען דן אין חמורות שבחמורות, ווי דער פרעגט, דער צווייטע לייגט צו א ליצנות און דער דריטע פראבירט צו מאכען פשרות (עס פאסט איהם דאך נישט צו זאגען 'איך ווייס נישט און איך פארשטיי נישט אבער איך גלייב פארט באמונה שלימה'), דאס איז שוין סם המות ממש, און פון בלויז איין ווארט און איין באזוך קען מען חלילה ווערן פארשלעפט אינעם טיפסטען תהום.

די קשיות און ליצנות דרינגען אריין כארס שלח עכנאי און לאזען נישט נאך ביז דער יצה"ר הוא המלאך המות ערפילט זיין ציהל פון אראפשלעפן דעם יוד אין שאול תחתית רח"ל. אפשר קען מען זאגען בדרך צחות פארוואס חז"ל באנוצען זיך כסדר מיטען לשון 'נזרקה' בו מינות, ווייל עס איז ווי אן איינשפריץ – א lethal injection, און בלויז עטליכע ml (מילין – שלעכטע רייד), קענען חלילה גורם זיין דעם טויט – רשעים בחייהם קרואים מתים.

ע"כ שומר נפשו ירחק מהם, פון אלערליי מקומות וואו מען שרייבט מינות אדער זאגאר 'נאר' ליצנות אויף כל הקודש, ווייל חושבנא דדין כחושבנא דדין. הצד השוה פון חקירה, כפירה און ליצנות איז דרכם להזיק.

[בפרט ביי די מעשה וואס האט פאסירט דארף מען זיין געווארענט נישט צו באזוכען אויף סיי וועלכע פלאץ וואו דער יעניגער געבט ארויס זיין גיפט, ווייל יעדער ווארט מאכט א רושם. מיר האבען שוין דערמאנט דעם ווארט אויפען פסוק אין פרשת נצבים, אז אין אנהייב איז די ע"ז טאקע שיקוציהם וגלליהם, פירש"י מאוסים כשקצים וגללים, אבער ווען עס גייט פארביי א צייט וואס מען באקענט זיך פון דער נאנט ווערט עס שוין 'עץ ואבן' – נאריש אבער נישט עקלדיג. א צייט ארום, טאמער דרייט מען זיך ווייטער צוזאמען מיט די ע"ז, ווערן זיי פארוואנדעלט אין 'כסף וזהב', און מען מוז שוין פירען א מלחמת היצר נישט צו ווערן נאכגעשלעפט.]

המשך יבוא בעזה"י
צוגעלייגטע
יזיר עצמו ב.pdf
(95.12 KiB) דאונלאודעד 143 מאל
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: צייטווייליגע ניק, ר' יום טוב און 15 געסט