מיללער האט געשריבן:איז דאך ווייטער גוט, גיימיר אהינציהר, ווער איז דער רב נכבד פון אמעריקא וואס איז שפעטער ארויף קיין ארץ ישראל ושם נפטר בשנת תרפ"ה
הרב דוב בער אבראמאוויץ
גערעכט, א שיינער הדרת פנים, ר' דוב בער [אריה] אבראמאוויץ אב"ד ק"ק משכן ישראל - אנשי סובאלק בניו יארק ומלפנים רב בעיר סט. לואיס, מיזורי, מראשוני ראשי ישיבת רי"א בניו יארק.
בן בוזי האט געשריבן:די רעדע איז טאקע פון דעם וועלכע מאניימר האט דעשיפרירט, הגאון ר' שלמה נתן קאטלער מחבר ספרים בית שלמה (נישטא אויף היברו בוקס) און כרם שלמה.
געבוירן אין קאוונע, און געלערנט אין טעלז ביי ר' אליעזר גארדאן, און ביי ר' יעקב חריף (דער שפעטערדיגע רב הכולל דנוא יארק), און געקריגן סמיכה האט ער צווישן אנדערע פון הגאון ר' יצחק אלחנן מקאוונע.
ביי די צוואנציג איז ער געווארן ראש ישיבה און לאמזא, און דערנאך איז ער געווען דער ערשטע ראש ישיבה פון די בארימטע סלאבאדקע ישיבה, און דערנאך איז ער געווארן רב און אוזשווענט. ווען דער רב הכולל איז קראנק געווארן דאן איז ער פאררופען געווארן זיך צו פארנעמען אלס דומ"ץ בבית רב הכולל, און אלס רב בביהכ"נ כנסת ישראל (?), אזוי אויך איז ער געווען פון די ערשטע ראשי ישיבות אין רי"א וועלכע האט זיך געגרינדעט גלייך ביי זיין אנקומען אהער.
הרב קאטלער איז שפעטער צוריק געפארן קיין אייראפע ווי ער איז אויפגענומען געווארן משמש צו זיין ברבנות אין דער שטאט לוקניק, פון ווי ער איז בעת די ערשטע וועלטס קריג צוריק געקומען קיין אמעריקא און משמש געווען ברבנות אין דעטרויט-מישיגען, פון דארט איז ער שפעטער ארויף קיין ארה"ק ווי ער איז דארט געשטארבן.
איז פארהאן אייניקלעך פון ר' שלמה נתן? בייגעלייגט דריי צייטונגס אויסשניטן, איינס פון המליץ שנת תרנ"ח נאך אין אוזשווענט וואו עס ווערט דערמאנט די שידוך פון זיין זון יצחק אהרן מיט די טאכטער פון ר' נחמן גרשון קאלאמבוס פון טעלז.
דאס צווייטע איז א מודעה פון הגאון ר' יעקב יוסף דער רב הכולל אינעם זעלבן יאר מיט עטליכע חדשים פריער, ווי ער מעלדט אז ר' שלמה נתן איז זיין דיין און צו אים זאל מען זיך מעלדן בעניני יהדות, עס איזמסתבר אז די ערשטע מודעה איז נאר אז דער חתן האט געוואונט אין אוזשווענט און דער פאטער איז שוין געווען דא אין ניו יארק.
דאס דריטע איז שוין פון יאר תרע"ג ווען ער איז שוין געווען צוריק אין אייראפא אלס רב אין לקוניק, דער רב שענקט א ברכת מז"ט פארן פילאדעלפיא רב ר' דוב בער לעווענטאהל צום שידוך שליסן פון זיין טאכטער מיטן חתן חיים (ווער?)
מצבת הגרש"נ קאלטער ז"ל בהר הזיתים:
פ"נ הרב הגאון הגדול הצדיק מו"ה שלמה נתן זצ"ל קוטלר זצ"ל בהרב ר' יצחק אהרן ז"ל בעה"מ בית שלמה וכרם שלמה ר"מ הראשון בסלבודקה ובטלז רב בכמה מקומות בליקניק ובאה"ב נלב"ע כ"ה שבט תש"ה תנצב"ה
דאס איז א זעלטן היסטאריש בילד פון די גאר פריע יארן אין די שפעטער תר"מ - אנהויב תר"ן יארן, רעכטס אויפן בילד איז הג"ר דובער אבראמאוויץ ז"ל בעמח"ס דת ישראל וועם מיר האבן פריער דערמאנט, דער לינקס אויפן בילד איז נישט אידענטיפירצט במקור: http://jewishgen.blogspot.com/2013/04/l ... ction.html עס וואלט געווען אינטעראסאנט צו וויסן במי המדובר, לויט ווי עס שטייט דארט איז דער איד אויף לינקס געקומען פון פאריז קיין אר"י, וואו ר' דובער האט געלערנט מיט אים (דער ספר שיינט צו זיין א 'תלמוד ירושלמי').
דער בילד האט דער זון פון ר' דובער 'ראביי' אברהם אבראמאוויץ פון שיקאגא - א קאנסערוואטיווער ראביי און ציוניסטישער אקטיוויסט פון די קק"ל - ערהאלטן פון דעם איד אויפן בילד ביי איינע פון זיינע נסיעות קיין פאריז אין יאר תרפ"ה אויפצוטרייבן געלט פאר די קק"ל.
מגידולי בראנזוויל ראש־ישיבה פון בני־תורה מיט א זעלטען כוח צו געווינען די הערצער פון א גאר גרויסע צאל תינוקות שנשבו רבו המובהק שוין דערמאנט אויף דער וועלט לכה"פ 17 מאל, לעצטענס אגבדיג אפשר בין איך פארבלאנשזעט? פאסט ניט אריין אין דעם אשכול? ג'בוירען אין די תרצ יארען
קיקיון האט געשריבן:מגידולי בראנזוויל ראש־ישיבה פון בני־תורה מיט א זעלטען כוח צו געווינען די הערצער פון א גאר גרויסע צאל תינוקות שנשבו רבו המובהק שוין דערמאנט אויף דער וועלט לכה"פ 17 מאל, לעצטענס אגבדיג אפשר בין איך פארבלאנשזעט? פאסט ניט אריין אין דעם אשכול? ג'בוירען אין די תרצ יארען
shmooz.jpg
הרה"ג ר' שלמה פרייפעלד זצ"ל תלמיד הרה"ג ר' יצחק הוטנער זצ"ל.
מייסד ישיבת שאר יישוב ב(וועסט) לורענס (-פאר-ראקוועי) אשר בהפייוו טאונס (למי שמכיר קצת הפוליטיקה שמה ציינתי חצאי עיגול).
נלב"ע יום א' דחוה"מ סוכות תשנ"א
כמדומה שר' שלמה זצ"ל הי' לובש שטריימל בהיותו תלמיד הרב הוטנער שהי' פולישער חסיד - אבל רק בסעודות שבת.
כ'האב נישט געמיינט ח"ו געשמאקע פוליטיק, פשוט די ישיבה איז באמת אין לארענס וואס איז גאר א מאדערנע געגנט, נאר די ישיבה איז אויף די זעלבע זייט הויפט גאס ווי די פרומערע פאר-ראקאוועי, ממילא די פרומע ווילן דאס רופן ע"ש פאר-ראקאוועי און די מער מאדערענע ע"ש לארענס - הטילו כעין פשרה ביניהם "וועסט לארענס"
בן בוזי האט געשריבן:ווער איז דער בארימטער מגיד? כאטש וואס ער איז נישט אפיציעל געווען אפיציעל פון די אמעריקאנער רבנים, ווייזט זיך אויס אז דורכאויס די תר"נ יאהרן האט ער זיך פאר א אומבאשטומטע וויילע אויפגעהאלטן אין פילאדעלפיע פא.
הלא זהו המגיד "צדיקוב" כמדומה שהי' ליטאי אדוק וציוני נאמן, כפי זכרוני נקרא "מגיד" על שם דרשותיו הנפלאות (יש דרשה נפלאה שדרש ברבים בעת שמעו שבנו נהרג בקרב מי שיש בידו יהנה את החברים).
איר האט רעכט דאס המגיד המפורסם ר' שלום בצלאל צאדיקאוו מליטא, און גענוי ווי "אלע" אנדערע מגידים (כמבואר בספרו של הר' שמריהו ליב הורוויץ אשר מקומו הנכון איז מיר פארלוירן געווארן) אויסגענוצט זיין ברעטעל אנצואוורעמען דעם עולם צום רעיון פון חיבת ציון. הרב צאדיקאוו ווי עס ווייזט זיך אויס פון די פרענומעראנטן צום ספר דרך אבות איז געווען דא אין פילאדעלפיא.
רעוו. אהרן הירשקאוויטץ, מסדר קידושין דעיר סיראקיוז והגלילית: [email protected] מורשת חכמי אמעריקא
קיינע גרויסע רמזים ווייס איך נישט צו דערציילן, נאר אויף אזויפיל אז ס'זענען פארבליבן פון איהם צוויי ספרים (וואס אגב האט מיללער עס ציטירט אויף קברים.קאם ביי ערכו פון דעם רב זצ"ל), אונזער שכינות'דיגער שטאט מיין איך דערמיט צו זאגן, קאנעקטיקוט. ואידך זיל גמור
רעוו. אהרן הירשקאוויטץ, מסדר קידושין דעיר סיראקיוז והגלילית: [email protected] מורשת חכמי אמעריקא