עלעקטראל וואוטס

באריכטן און אנאליזן

די אחראים: אחראי, געלעגער

אוועטאר
דעת זקנים
שר חמש מאות
תגובות: 617
זיך איינגעשריבען אום: זונטאג מאי 20, 2012 7:39 pm

תגובהדורך דעת זקנים » דינסטאג אוקטובער 23, 2012 7:19 pm

ש'כח פאר מיינע חשוב'ע מלמדים.

ריק, האסט נישט געליינט די פיין פרינט בסוגריים.

אוועטאר
דעת זקנים
שר חמש מאות
תגובות: 617
זיך איינגעשריבען אום: זונטאג מאי 20, 2012 7:39 pm

תגובהדורך דעת זקנים » דינסטאג אוקטובער 23, 2012 7:22 pm

מידער האט געשריבן:ווען די אמעריקאנער טאטעס האבן געשריבן די וואהל סיסטעם אין די קאנסטיטוציע, האבן [אמר המצטט: צ"ל זענען] די פארטרעטער פון די קלענערע שטאטן געקומען מיט א טענה: ווען ס'גייט קומען צו די פרעזידענט וואלן, גייען די קאנדידאטן ארומגיין קאמפיינען אין די גרויסע שטאטן, און נאכן צוזאגן פיתום ורעמסס וועלן יענע וויילער באשליסן פאר צו שטימען, אבער אויף די קליינע שטאטן וועט זיך קיינער קומערן צו זיכן צו געפעלן יענע געגנטער מיט נישטיגע באפעלקערונג.

אלעס פיין און וואויל, אבער מיט די יעצטיגע סיסטעם וועלן דאך די קאנדידאטן ווייטער לויפן צו די גרעסערע סטעיטס, ווייל יענע סטעיט ברענגט זיי מער עלעקטארעל וואוטס? בין איך ערגעץ ראָנג?

אוועטאר
ריק פערי
שר האלף
תגובות: 1756
זיך איינגעשריבען אום: מוצ"ש אוגוסט 13, 2011 11:42 pm
לאקאציע: מיט איין פיס אין וואשינגטאן

תגובהדורך ריק פערי » דינסטאג אוקטובער 23, 2012 9:07 pm

אוודאי ברענגט עס 'מער' וואוטס, אבער נאך אלס נישט די 270 וואס ער מוז האבן צו געווינען, מיט ניו יארק און קאליפארניע געווינט מען נאכנישט ער 'מוז' קאמפיינען אויך אין די קליינע שטאטן צו געווינען, און דאס איז די אויפטוה.
ישראל סלקין מגו גלותא בנגונא (תיקו"ז ת' כ"א נא:)

אוועטאר
ריק פערי
שר האלף
תגובות: 1756
זיך איינגעשריבען אום: מוצ"ש אוגוסט 13, 2011 11:42 pm
לאקאציע: מיט איין פיס אין וואשינגטאן

תגובהדורך ריק פערי » דינסטאג אוקטובער 23, 2012 9:10 pm

דעת זקנים האט געשריבן:ש'כח פאר מיינע חשוב'ע מלמדים.

ריק, האסט נישט געליינט די פיין פרינט בסוגריים.


אוודאי האב איך געליינט, נאר איך האב נאר געוואלט ארויסברענגען למען האמת (באמת דארף א משל אויך זיין כאטש קרוב לדבר און נישט אףף מיט צוואנציג מיליאן מענטשן)
ישראל סלקין מגו גלותא בנגונא (תיקו"ז ת' כ"א נא:)

מי חכם
שר ארבעת האלפים
תגובות: 4080
זיך איינגעשריבען אום: זונטאג מארטש 13, 2011 2:02 pm

תגובהדורך מי חכם » מיטוואך אוקטובער 24, 2012 12:50 am

דעת זקנים האט געשריבן:דאנקע פאטאקי און שנאפס פארן אונז אביסל קלארער מאכן.

אבער דער עיקר איז נאך אומקלאר, וואס איז/האט געדארפט זיין די אויפטוה פון אזא סיסטעם?
וואס זענען די טשענסעס אז א דעלעגעיט זאל מאכן קונצן?
אויסער דורך מאכן קונצן, איז דא נאך עפעס א וועג אז א קאנדידאט זאל געווינען די פאפולער אבער נישט די עלעקטאורעל קאלעדזש?

יישר כח פון פאראויס.


דער עיקר אויפטו פון דעם סיסטעם איז געווען, וויבאלד אמעריקע איז געווען די ערשטע לאנד מיט א גענצליך דעמאקראטישע סיסטעם, אן קיין שום קעניג אדער רעליגיעזע אויטאריטעט העכערן רעפרעזענטאטן הויז, און דעם פרעזידענט, ממילא איז אויסגעקומען אז אמעריקאנער וויילער - אזוי פראסט און אומוויסנד ווי זיי זענען דאן געווען, און אזוי דום ווי זיי זענען נאך היינט אויכעט - וועלן האבן די מעגליכקייט אליינס צו ערוועלן די העכסטע אויטאריטעט אין לאנד. און ווי וועט זיין אז רוב אמעריקע וועט מחליט זיין אריין צו וואוטן אזא שיכור ווי ראמני.. איך מיין צו זאגן מר. גרין דער דעמאקראטישער סענאט קאנדידאט פון די קאראליינעס, צי גאר אויב דער רענט איז טו דעם היי קאנדידאט וועט באיזה אופן אנציען א רוב שטימעס? (סוכ"ס זיין מעסעזש קאנעקט זיך די מערסטע מיט די וויילער, על כל פנים דאהי אין ניו יארק...)?

איז כאטש די אמעריקאנער גרינדער זענען אין טעאריע טאקע געווען שיכור פאר דעמאקראטיע, אבער אין פראקטיק האבן זיי געהאט ערנסטע חששות אז דאס וועט נישט ארבעטן. (עס דארף באמערקט ווערן, אז מיט די היינטיגע סיסטעם פון 2 גרויסע פארטייען און אינערליכע פריימעריס, איז כמעט נישט שייך אזא סינעריא זאל פאסירן, הגם טייל עולם דא האלט אז אין 08' האט פאקטיש פאסירט ענליכס... על כל פנים אזוי האט מען דאן געהאלטן).

איז דערפאר האבן זיי איינגעשטעלט דעם סיסיטעם פון עלעקטארעלס, וואס דאס מיינט אין אנדערע ווערטער אז אונזערע שטימען אין עלעקשאן דעי זענען נישט מער ווי א רעקאמענדאציע צו די הויכבאשפריצטע עלעקטארס פאר וועם אונז די פשוטע המון עם וואלטן ווען געוואלט די עלעקטארס זאלן שענקן זייער שטימע. אויב זעען זיי דאס איין פאר ריכטיג, וועלן זיי אזוי טון, און אויב נישט, וועלן זיי נישט. דאס הייסט דער סיסטעם קומט דירעקט אזוי אז די דעלעגאטן זאלן מאכן קונצן.

ווידער די סיבה פארוואס די עלעקטארעלס ווערן צוטיילט לויט די סטעיט, און נישט בסך הכל פון גאנץ אמעריקע, איז פשוט ווייל אמעריקע איז בסך הכל א יוניאן, א פארבאנד פון אסאך לענדער. אזוי ווי די אי יו וויל אביסל אוסקוקן. איזח זעלבסט פארשטענדליך אז ווען מען זאל וועלן א פרעזידענט אויף גאנץ אייראפע וואס זאל האבן א פאקטישע פעדעראלע רעגירונג אווי אין אמעריקע, וואלט אויך יעדע לאנד געוואלט ענדערש האבן אן עקסטערע מיינונג לויט זיין לאנדס מצב און צושטאנד, ווי איידער סתם א פאפולערע וואוט אפשיטומונג.
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃

אוועטאר
לכתחילה אריבער
שר עשרת אלפים
תגובות: 19988
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מיטוואך אוקטובער 24, 2012 3:00 am

(אקעי דא בינעך, איינער איז נאך דא? כ'בין געווען ביזי היינט, סא ביענעך נישט אנגעקומען צו שרייבן ביז יעצט)

ווען מען האט געגרינדעט אמעריקע, איז געווען א גרויסע מחלוקה ווי אזוי מען זאל ערוועלען די פרעזידענט.

צו פארשטיין די יסוד המחלוקה דארף מען פארשטיין ווי אזוי אמעריקע ארבייט.

אמעריקע - ווי מן הסתם באוואוסט ביי געוויסע - איז נישט איין גרויסע לאנד, נאר ענדערשט 50 עקסטערע שטאטען (לייען לענדער, שטאטען-סטעיטס מיינט נישט - וואס מיר זענען צוגעוואונט צו רופן א "שטאט", א "סטעיט" מיינט מער ווייניגער א לאנד, למשל "סטעיט אוו איזריעל", אדער אמעריקע איז א "מעמבער סטעיט" אין די יו-ען אא"וו) אמעריקע איז 50 עקסטערע שטאטען מיט א געמיינזאמע פעדעראלע רעגירונג, איבער איר.

דאס הייסט אזוי:

אמעריקע איז 50 עקסטערע שטאטען - סטעיטס -, וואס האבן אוין א געוויסע זין א שייכות איינס מיטן אנדערען, דאס הייסט בעצם איז יעדע שטאט א לאנד פאר זיך. א עקסטער קונסטעטוציע, און עקסטערע געזעצען, און א עקסטערע רעגירונג, און א עקסטערע מיליטער (יא, יעדע סטעיט האט א מיליטער, דאס איז די נעשענעל גארד, וואס דער גאווערנער פון די סטעיט - וואס ער איז אין די סטעיט, במקום די פרעזידענט אינעם לאנד - איז די קאמענדער אין טשיף (מיליטערישע פירער)) אבער אויך זענען די 50 שטאטען צוזאמען אויף געוויסע זאכן, ווי איין וואלוטע (מין געלט), איין מיליטער (חוץ די פרייוואטע נעשענעל גארדס פון יעדע סטעיט) צו דיפענדען פון א שונא (עס איז כאילו א אפמאך ווי נאטא, אז דו אטעקירסט איין שטאט, האסטו אטעקירט אלע 50 שטאטען).

און וויבאלד מען האט די גרויסע שייכות, איז אויך דא געזעצען, וואס זענען נוגע איין שטאט צו די צווייטע, און דאס איז די פעדעראלע געזעצען, לעומת די סטעיט געזעצען, וואס זענען נאר נוגע אין א סטעיט. אבער די געזעצען איז נישט ממש נאר צווישען איין שטאט מיטן צווייטען, ווייל בעל כורחך, אז א שטאט האט א שייכות און וויל ניצן למשל די מיליטער פון די לאנד, מוז ער באצאלען, און אז ער וויל ניצן א פעדעראלע אגענטור, מוז ער באצאלען, דאס ווערט געטאן אין א פארום פון פעדערעל טעקס, און ממילא מוז מען דאך מאכן געזעצען אין א שטאט גופא, אויב איינער צאלט נישט למשל די טעקס, אא"וו, און וויבאלד דאס איז נוגע צו פעדעראלע געלט, איז עס א פעדערעל פארברעך, קומט אריין פעדערעל געזעץ.

דאס איז נאר איין משל, דערנאך איז דא געוועסע זאכן ווי די "פאסט אפיס" וואס וויבאלד פונקט ווי מען שיקט פאסט פון איין געגענט צום אנדערען אין איין שטאט, שיקט מען אויך פון איין שטאט צום אנדערען אין די לאנד, איז מער פראקטיש אז די "פאסט אגענטור" זאל זיין א פעדעראלע אינסטעטוציע.

אזוי איז דא זייער אסאך זאכן. די שפיץ איז, אז עס זענען דא צוויי רעגירונגען, איין סטעיט רעגירונג - פאר יעדע שטאט-סטעיט - און איין פעדעראל רעגירונג - פאר אלע 50 שטאטען אינאיינעם -.

די סיבה פארוואס מען האט אזוי געמאכט - אין איין ווארט - איז, ווייל די גרינדונג טאטעס האבן נישט געוואלט א "שטארקע" רעגירונג, נאר ווי מער רעכטען פאר די מענטשען, און אזוי אז מען האט עס צובראכען אויף עקסטערע שטאטען, נאר געוויסע זאכן צוזאמען, האבן זיי געהאלטען אז עס געט מער כח פאר יעדע מענטש באזונדער, אז ער זאל קענען האבן א השפעה אויף די געזעצען וואס אפעקטירט אים די מערסטע, וויבאלד זיין שטומע פארמעסט זיך נאר מיט די שטומען פון זיין שטאט, און נישט מיט די שטומען פונעם גאנצען לאנד, עכ"פ ביי אזעלעכע געזעצען וואס אפעקטיערט אים די מערסטע טעגליך. (אזוי ווי יעדער האט מיטגעהאלטען יעצט ביי "רעסלער קעגן האלעקאבסקי" אין וויליאמסבורג, וואס וויבאלד מען האט געוואוט ממש נאר אין די געגענט, איז די שטימען פון די חסידישע אידן געווען זייער שטארק, און דאס האט אויסגעמאכט די חילוק, פשט איז אז ווי קלענער די עולם, אלס מער "וואג" טראגט יעדע שטימע, איז די שטימע פון "איין מענשט" קעגען א סטעיט, סאאאך שטערקער, ווי די שטימע פון די זעלבע מענטש קעגן די גאנצע לאנד)

ווי שטארק די פעדעראל זאל זיין איז א גרויסע מחלוקה, עס איז איינס פון די עיקר חילוקים צווישען די פארטייען, און עס איז שוין א פייט פון ווען מען האט געגרינדעט אמעריקע, די ערשטע פאר רעגירונגט לייט גראד נאך וואשינגטאן האבן זיך שוין געריסען אויף דעם (אבער דאס איז אויך א עקסטערע שמועס, כ'מיין מען האט שוין אמאל געשריבן דערפון ערגעץ דא)

דאס ווערט גערופן אז מיר זענען א "פעדעראלע ריפאבליק", און נישט קיין "דירעקטע דעמאקראטיע" (דאס זענען די נעמען פאר די סארט רעגירונגען, עס זענען דא אסאך סארט רעגירונגען, און אין יעדע סארט איז דא פרטים, אבער דאס איז א שמועס פאר זיך, אבער אזויפיל אז איר וועט ערגעץ זעהן די ווערטער "פעדערעל ריפאבליק" וועט איר וויסען אז דאס מיינט די רעגירונג סיסטעם פון אמעריקע)

דאס איז נאר אויפן שפיץ גאפל, עס איז א סאך לענגערע שמועס בעצם.

גיימער צוריק צו אונזער שמועס, איבער די סיסטעם פון שטימען אין אמעריקע.

אז מען האט זיך צוזאם גענומען ווען מען האט געגרינדעט אמעריקע, איז געווען דריי פלענער ווי אזוי מען זאל וועלען פאר פרעזידענט.

אפשען איינס:

וואס איז אויבן-אויף די גראדסטע וועג, אז יעדער אין אמעריקע - דעמאלס די דרייצען שטאטען - זאל שטימען פאר א קאנדידאט, און די קאנדידאט וואס האט די רוב, האט די פרעזענדענסי.

האבן די קליינע שטאטען אנגעהויבן פארפירן, אז עס איז נישט קיין יושר, ווייל זיי זענען פונקט אזוי א שותף אין די פעדעראלע רעגירונג, און אז מען וועט גיין נאך רוב, וועלן די גרויסע שטאטען אלס האבן זייער מענטש אלס פרעזידענט.

אויך האבן די גרויסע שטעט מסכים געווען אז עס האט נאך א חיסרון. יענע צייט האט מען נישט געקענט פארן פון איין פלאץ צום צווייטען אזוי גרינג, און מען האט נישט געהאט קיין וועג צו צושפרייטען קיין אינפארמאציע אזוי שנעל, וואלט אויסגעקומען אז נאר איינער וואס איז שוין גוט באוואוסט ביי די המון עם, און האט גוטע פריינט אין די סטעיטס, וועט קענען ווערן פרעזידענט.

אויך האבן די 13 שטאטען געוואלט א סיסטעם, אז די "סטעיטס" וועלן פארן פרעזידענט, און אז מען וועט מאכן אז מען גייט נאך רוב, וועט אויסקומען אז "די לאנד" האט געוועלט נישט די סטעיט, און דאס האט געמיינט א "שטארקע" פעדעראלע רעגירונג, און זיי האבן דווקא געוואלט א "שוואכע" רעגירונג.

אפשען צוויי און דריי: קאנגרעס - וואס ווערן געשיקט צו די הויפט שטאט בשליחות פון די סטעיטס זאלן וועלן פאר פרעזידענט, אדער אז די "לעגעסלאטור" פון די שטאטען זאלן וועלען, און ווער עס האט רוב, געווינט.

דאס האט אוועק גענומען אסאך פראבלעמען.

איינס, די סטעיטס וועלן, און נישט די לאנד, אויב מען רעדט פון די לעגעסלאטור איז פשוט, ווייל זיי זענען דאך אין די סטעיט רעגירונג, און אז מען רעדט פון "קאנגרעס" איז אויך נישט קיין פראבלעם, ווייל זיי זענען דאך סוף כל סוף שלוחים פון די סטעיטס.

און די אנדערע פראבלעמען למשל אז נאר די וואס זענען אינפאמירט וועלן וויסען פאר וועם צו וועלען, נא, אז מען רעדט פון קאנגרעס, זיי זיצען דאך אין הויפט שטאט, און זיי קענען גוט די קאנדידאטען. און אפי' די לעגעסלאטור, זיי זענען טאקע נישט אין די הויפט שטאט, אבער זיי זענען געווענדליך אזעלעכע מענטשען וואס זענען עטוואס באקאנט וואס טוט זיך.

און דאס וועט געבן פאר די קליינע שטאטען כאטש א קליינע כח, ווייל יעדע שטאט האט דאך מינימום צוויי סענעטערס, און איין קאנגרעסמאן, קענען עטליכע קליינע שטעט צוזאמען, גיין אין קונקורענץ מיט א גרעסערע שטאט.

וואלט דאס ווען געקענט ארבייטען, אבער למעשה האבן אנדערע געטענה'ט אז דאס וועט ברענגען קרופציע, אז עטליכע מאכטפולע מענטשען וועלן זאגן ווער עס איז פרעזידענט, און די מענטשען - וואס זיי זענען באמת בעה"ב אין אמעריקע, "ווי דע פיפל" - וועלן נישט קענען אריינרעדען, ווייל איינמאל א רעגירונגס מאן איז ערוועלט, איז ער אליינס בעה"ב.

האט מען געמאכט א פשרה:

יעדע שטאט וועט עקסטער וועלן פאר מענטשען, וואס זיי וועלן הייסן "עלעקטעראלס", און זייער ציל וועט זיין איין זאך צו וועלן פאר פרעזידענט.

ממילא האסטו אלע מעלות! עס איז די סטעיט נישט די לאנד, און עס וועט נישט זיין קיין קארופציע ווייל זיי ווערן ערוועלט נאר פאר דעם, און זיי מוזן צוזאגן אז זיי גייען וועלן פאר וועם מען גייט אים הייסן, און די קליינע שטאטען קענען האבן א שטערקערן כח.

און זיי "די לאקאלע" עלעקטעראלס, האבן די מענטשען יא געקענט, סא האבן מענטעשן אפי' מיט ווייניגער קאנעקשאנס צו די הויפט שטאט געקענט האבן א ווארט.

און דאס איז געווארן די קאנסטעטוציע, אז אזוי ערוועלט מען א פרעזידענט.

וויפיל באקומט יעדע שטאט, - האבן די טייערע חבירים דא שוין געזאגט -, איינס פאר יעדע קאנגרעסמאן, און איינס פאר יעדע סענעטאר. דאס מיינט אז יעדע סטעיט האט מינימום דריי שטימען, און די גרויסע שטאטען האבן מער, למשל קאלעפארניע האט 55 שטימען, ווייל יעדע סטעיט האט קאנגרעסלייט לויט וויפיל מענטשען וואונען אין די סטעיט, וואס דאס ווייסט מען ווייל מען ציילט דעם עולם איינמאל אין צען יאר - די צענזוס - און מען נעמט די 435 קאנגרעסלייט וואס אמעריקע פארמאגט און מען צוטיילט עס צווישען די שטאטען, לויט וויפל מענטשען וואואנען דארט, ממילא האבן די גרעסע שטאטען מער (גרעסער, נישט אין שטח, נאר אין באפעלקערונג) , און די קלענערע שטאטען ווייניגער.

(אגב, פארוואס 435? בעצם שטייט אין די קאנסטעטוציע נאר אז עס טאר נישט זיין מער ווי איין קאנגרעסמאן פאר יעדע 30 טויזענט מענטעשן, און מען פלעגט כסדר צולייגען קאנגרעסלייט לויט ווי דער עולם איז געוואקסען, ביז 1911 האט מען עס באשטעטיגט פאר א פיקסט נומער פון 435.)

יעצט קומט נאך צו סענעטערס, וואס דאס האבן אלע שטאטען אייניג, צוויי פער שטאט, - נישט קיין חילוק די באפעלקערונג - 50 שטאטען 100 סענעטארס האמער צוזאמען 535 קאנגרעסלייט און סענעטערס, און דאס מיינט 535 עלעקטארעלס.

דערנאך האט מען געגעבן פאר וואשינגטאן די. סי. - וואס איז נישט קיין סטעיט, נאר א דיסטריקט, און האט נישט קיין סענעטערס אדער קאנגרעסמאן אין וואשינגטאן (און עס איז טאקע א גרויסע מלחמה שוין יארן, אז זיי זאלן יא האבן ווייל זיי צאלן שטייער פונקט ווי די סטעיטס, אבער דאס איז א שמועס פאר זיך)- האמער 538 שטימען צוזאמען.

האלב פון דעם איז 269, און ווער עס האט 270 האט די רוב, און ער ווערט פרעזידענט.

ווי אזוי באקומט מען די עלעקטארל שטימען?

איז אזוי, יעדע סטעיט האלט - כאילו - עקסטערע עלעקשאנס, און היינט אז עס איז שוין דא גוטע קומיוניקאציע, האט מען געטוישט, אז נישט מען וואוט פאר עלעקטעראלס, און זיי וועלן פאר פרעזידענט, נאר יעדער וואוט פאר פרעזידענט, און ווער עס באקומט די רוב פון די סטעיט, פאר יענעם וועלן די עלעקטעראלס פון די סטעיט שטימען.

און דאס איז געוואנדען אין די סטעיט, איז דא אזעלעכע סטעיטס, ווי עס איז פשוט א ציזאג, אז זיי גייען טאקע וועלן פאר דעם וואס האט געהאט די רוב, און א קליינע נארישע שטראף אויב מען פאלגט נישט (און עס האט שוין פאסירט אז איין דעלעגאט האט זיך אויסגעפיפן, אבער עס האט ביי די פעלער נישט געמאכט קיין נפק"מ ווייל עס איז נאר געווען איינער, סך הכל איז עס געשען אינגאנצען פינעף מאל דורכאויס די יארן) און אין געוויסט שטאטען איז עס יא א ערענסטע פארברעך צו שטימען אנדערשט ווי די סטעיט האט געשטימט.

דאס האט געוויסע מעלות, און געוויסע חסרונות.

די מעלות זענען, אלעס ווי אויבן דערמאנט:

עס איז די סטעיטס וואס וועלט, און נישט די לאנד.

די קלענערע שטאטען האבן א ווארט עכ"פ עפעס א ווארט, ווייל דריי שטימען האט יעדער, און עטליכע מאל דריי, איז פרוטה לפרוטה מצטרפות, און ווי מען זעהט טאקע אז מען ארבייט אריין אויף געוויסע קליינע שטאטען נאך מער ווי די גרויסע.

און דערנאך קומט צו נאך מעלות:

למשל אז אויב עס איז דא א "דריטע פארטיי קאנדידאט", קען אויסקומען - ווי ביי קליטאן - אז מען זאל נישט האבן דעם רוב שטימען פונעם לאנד, ווייל אז די דריטע קאנדידאט נעמט אוועק למשט 15 פראצענט - ווי ביי ראס פערו, ביי די קלינטאן-טאטע בוש פארמעסט - בלייבט איבער נאר 85 פראצענט צו צוטיילן, און אז איינער מאכט רוב פון 85 פראצענט למשל 45 פראצענט, קומט אויס אז מען האט א פרעזידענט, וואס האט נישט געהאט קיין "רוב שטימען"! (כאטש אז אן א דריטע קאנדידאט קען עס אויך זיין ווי ביי גאור-בוש, איז אבער די חילוק אין שטימען פון איינעם צום צווייטען זייער ווייניג, אזוי ווי עס איז טאקע געווען דעמאלס, (נאך איבער בוש-גאור שפעטער)) אבער אז מען קוקט אויף די "עלעקטארעלס" קען אזא דריטע קאנדידאט נישט אנציען געווענדליך גענוג אויף צו נעמען קיין עלעקטעראלס, - עכ"פ נישט אזוי סאך - האט דער פרעזידענט למעשה יא טעכניש "רוב לאנד" ווייל מען קוקט אויף די עלעקטעראלס, און נישט אויף די מענטעשן".

נאך א וויכטיגע זאך: אויב מען דארף מאכן א ריקאנט - ווי מען האט געזען ביי גאור-בוש - שטעלט אייך פאר אז מען דארף איבער ציילן דעם גאנצען לאנד!! ר"ל וואס וואלט ווען געווען! אז ביי איין שטאט פלארידא האט גענומען אזוי לאנג, שטעלט אייך פאר וואס וואלט ווען געווען ביים גאנצען לאנד.

עס פארמיידט אז עס זאל קענען זיין א שטארקע דריטע פארטיי, ווייל אז די געווינער נעמט אלע שטימען, און עס איז נישט קיין דירעקטע שטימע, איז כמעט נישט מעגליך אז ער זאל באקומען עלעקטעראלס. (דאס איז לויט געוויס א חיסרון, מער איבער דעם שפעטער).

דאס זענען די מעלות (עכ"פ לויט די וואס האבן עס ליעב, ווי מען וועט שוין זעהן ווייטער).

די חסרונות?

מיטן ציל צו פארמיידען די קליינע שטאטען פון נישט האבן קיין שטימע, האט מען גורם געווען אז שטארק פארטיישע שטאטען האבן יעצט נישט קיין שטימע, ווייל וויבאלד אלע עלעקטערעלס גייען צום געווינער פון די סטעיט - אפי' עס איז נאר א קליינע רוב אין די סטעיט - קומט אויס אז אין שטארק לינק אדער רעכט גענוגטע שטאטען, האט דער צווייטער נישט וואס צו זיכען. און עס האט זיך אזוי אויסגעשטעלט, אז מען האט טאקע פראטעקטעד די קליינע שטאטען, אבער אין די זעלבע צייט האט מען באגראבן די גרעסטע שטאטען, וואס האבן זיך אויסגעשטעלט צו זיין מער פארטייאיש, דאס מאכט אויס אז ווייניג מענטשען גייען שטימען, און וויכטיגע אנדערע פאזיציעס וואס מען וועילט אין די זעלבע צייט, ווערן ערוועלט פון די ווייניג מענטשען וואס גייען יא ארויס, און די זעלבע זאך קען מען "אריינשווערצען" א וויכטיגע רעפערענדום, ווייל עס קומען ארויס ווייניג מענטשען, און אזוי אויך איז עס א גרויסע געלט שאדן, ווייל די אלע געלטער פון די קאמפעין, ווי פאר עדס, זאלן פאר צוזאמקומען פאר ראליס, האטעלען פאר ריפארטערס, און מענטשען וואס פארן מיטן קאנדידאט, אלעס בלייבט אינדרויסען פין די שטאטען.

דערנאך איז דא די פראבלעם פון "איין מענטש - איין שטימע", אזוי דארף דאך זיין א פרייע לאנד, אבער עס קומט אויס אז ווי קלענער די סטעיט איז, ווערט יעדע שטמע "מער ווערט". ווייל די צוויי סענעטערס האט יעדער, און אויך איין קאנגרעסמאן, און ביי די גרויסע שטאטען זענען זיי צוטיילט צווישען א גרעסערע עולם, ווי ביי די גאר קליינע שטעט, קומט אויס אז אין וויאמינג למשל - וואס האט בערך 568,158 מענטשען (לויט די לעצטע שאצונג) און זיי האבן דריי עלעקטארעל שטימען, צוויי פאר סענאט און איינס פאר קאנגרעס, איז יעדע שטימע במקום 189.386 מענטעשן, און אין קאלעפארניע וואס האט 37,691,912מענטעשן און האט 55 עלעקטעראלס, איז יעדע שטימע במקום 685,305 מענטשען!!! דאס הייסט אז א מענטש אין וויאמינג, איז שטערקער פון א מענטש אין קאלעפארניע! הזאת דעמאקרעסי?

ווי פריער דערמאנט, עס מאכט א דריטע פארטיי כמעט אומעגליך, און דאס איז א חיסרון לויט געוויסע.

נאך מער, לאמיר זאגן אז עס וועט יא זיין א שטארקע דריטע פארטיי, און ער וועט אראפציפן אפי' איין עלעקטארל וואט, וועט אויסקומען אז קיינער וועט נישט האבן די רוב "עלעקטארן וואוט" און דאן דארף די קאנגרעס שטימען! (אזוי ווי שוין אויסגעשמיסט אויב עס איז א טיי) דאס מיינט אז איינמאל עס איז דא א שטארקע דריטע פארטיי, וועט אלס קאנגרעס שטימען ווער עס זאל זיין די פרעזידענט!!!! נא נא, נאך דאס פעלט אונז אויס!

און לאמיר נישט פארגעסען פון די קריזיס פון בוש-גאור ווען גאור האט געהאט רוב, און בוש איז געווארן פרעזידענט ווייל ער האט געהאט רוב עלעקטעראלס, ווייל מען קען איין קאנדידאט קען געווינען געוויסע שטאטען מיט א פיצעלע רוב, און באקומען אלע דעלעגאטען, און דער אנדערער קען געווינען "זיינע" סטעיטס 99 פראצענט, און ווייטער סך הכל נאר באקומען די סטעיטס דעלעגאטען, און עס קומט אויס אז איינער קען האבן סאך מער שטימען פון מענטשען, און וויינגער עלעקטעראל שטימען. למשל אין 04' האט בוש געווינען אהייא מיט נישטיגע 66,000 שטימען, און באקומען די סטעיט וואס האט 11,544,951 שטימען, און אירע 18 עלעקטארעלס. און דאס מיינט טעכניש, אז א קאנדידאט וואס האט נישט באקומען רוב עולם, קען ווערן פרעזידענט! (אגב אין די פאל פון 04' האט קערי געהאט 3 מיליאן שטימען ווייניגער, און ווען ער האט ווען די 66,000 שטימען אין אהייא, איז ער ווען פרעזידענט! אפי' מיט ווייניגער שטימען ווי בוש, סא באמת איז יענע יאר געווען פארקערט, אז די 66,000 האבן געראטעוועט אז דער וואס האט געהאט די רוב האט געווינען, נאר כ'האב עס געגעבן פאר א משל, אז מען קען געווינען א סטעיט זייער שמאל)

שווינדלען ווערט גרינגער, ווייל שווינדלען עס זאל מאכן א חילוק, איז גרינגער אין איין סטעיט אויף א מאל, ווייל אינעם גאנצען לאנד אינאיינעם, איז צופיל שטימען, אז א שווינדעל זאל מאכן א חילוק.

אזוי אויך איז אלס דא די חשש אז א גרופע עלעקטעראלס, וועלן ווילען מאכן לעבעדיג, און טוישען די שטימען לויט זייער גיסטע, און דאן וועט זיין כאאס אין לאנד.

און עס איז באמת דא נאך טענות לכאן ולכאן, אבער כ'מיין אז עס איז שוין גענוג.

איז למעשה וואס טוט מען דא פאר א תיקון????

איז אזוי, די עיקר חלק שוועריקייט פון טוישען די סיסטעם אז, אז עס איז אין די קאנסטעטושען אז מען דארף אזוי שטימען, נישט דירעקט, נאר דורך א שליח, די עלעקטארעלס.

צו טוישען די קאנסטעטושען, איז בכלל זייער א שווערע זאך, פון די איבער 10,000 אמענדמענטס, וואס מען האט פארגעשלאגען צו טוישען די קאנסטעטושען, זענען אינגאנצען 23 געווארן געזעץ!!!

דאס איז דערפאר, ווייל צו טוישען די קאנסטעטושען דארף מען האבן א "סופער רוב" - 67 פראצענט - אין די צוויי הייזער פון קאנגרעס, די סענאט און - וואס אונז רוף מער - קאנגרעס, און דערנאך דארף מען נאך א גרעסערע רוב - בעסער געזאגט דריי-פערטל פון די סטעיטס, זאלן אלע שטימען דערפאר, און דאס איז זייער שווער.

און ווער רעדט נאך ביי אונזער פאל, ווער קען אפי' חלומ'ן אז א סטעיט ווי פלארידע, ווי עס גיסט אריין ביליאנען דאלארען ממש יעדע קאמפיין סיזען - עכ"פ לעצטענס - זאל מסכים זיין צו אזא טויש, כ'מיין זיי דארפען דאך זיין צודרייט, צו טאן אזא זאך!

און פאקט איז שוין געווארן פארגעשלאגען 700 מאל אין קאנגרעס אז מען זאל טוישען די קונסטעטושען ווי אזוי צו שטימען!! מער ווי סיי וואספארא זאך!! און געגאנגען איז עס נאך אין ערגעץ נישט.

סא פארגעס פון א טויש אין די קאנסטעטושען, דאס איז ארויס.


וואס יא?

איז דא א גרויסע באוועגונג, אין לאנד, אז מען זאל אנהייבן טיילן די עלעקטעארל שטימען לויט די קאנגרעשענעל דיסטריקטס!

דאס הייסט אזוי: מען האט דאך עלעקטארעלס, לויט די קאנגרעסלייט (איין רגע, מען וועט שוין רעדן פון די צוויי פון די סענאט), נא, זאל יעדע דיסטריקט, שיקן זיין עלעקטארל, לויט ווער עס געווינט יענע דיסטריקט, וואס עפעס גייט די גאנצע סטעיט צוזאמען?

און די צוויי פון סענאט, אקעי, די צוויי וועלן יא גיין פאר דער וואס האט רוב סטעיט.

דאס וועט עלעמענירן כמעט אלע אויבן דערמאנטע פראבלעמען, מען וועט קאמפיינען אין יעדע לעכעל, ביי אונז אין וויליאמסבורג וועט יעדע איינציגסע רעכטע קאנדידאט קומען שרייען אז ער איז קעגן חוקי תועבה, ער וועט געבן וואטשערס פאר שכר לימוד אא"וו, און יעדע לינקע וועט שרייען אז ער וועט טיילן, גרויס פארציאנען פראגראמען! ראן פאול וועט קומען העפטיג קאמפיינעם ביי די נטורי קרתא, און פערי וועט האמערען ביי הייקינד, ס'וועט זיי ששון ושמחה, און דער עולם וועט האבן פרנסה ברוח, קול מבשר וועט מאכן גראב געלט, און די אידישע צווטונגען וועט מען דעליווערען צו יעדעמ'ס הויז מיט א היילא, אזוי דיק וועט עס זיין (אנעים, זאלצי, עטץ זענטץ מכובד צו שרייבן ווייטער דעם חלק!)!!!

אזוי אויך וועט עס מאכן אז עס זאל קענען זיין א דריטע פארטיי, וואס וועט קענען באקומען פאקטישע עלעקטארעלס, און פאר די וואס האבן מורא אז קאנגרעס וועט דארפן באשליסן אלע עלעקשאנס, ווייל מען וועט נישט האבן קיין "רוב", נא העססטענס וועט מען מאכן א "ראן-אפ" די צוויי העכסטע, וועלן לויפן נאכאמאל!

עס קען נאך אלץ זיין אז איינער וועט געווינען 270 פון די קלענסטע דיסטריקטס, און נישט האבן רוב עולם, אבער עס מאכט אזא זאך סאך ווייניגער מעגליך ווי די סטעיטס, און אפי' ביי די סטעיטס, איז עס נישט געשען נאר דריי מאל.

און די גרעסטע מעלה, מען דארף נישט טוישען די קאנסטעטוציע, ווייל די קאנסטעטוציע זאגט סך הכל, אז מען דארף שטימען מיט עלעקטארעלס, אין שליחוח פון די שטאטען, אבער ווי אזוי די שליחות זאל גיין, דאס קען יעדע סטעיט באשליסען פאר זיך, דורך א וואוט אין די סטעיט לעדזשעסלעיטאר, און א שטאט וואס שפירט אז זי ווערט איגראנירט דארף נאר מעלדען אז זיי טוישען דעם סיסטען פון "ווינער טעקס אלל", צו "פראפארשען" און די פאליטיקאנטען וועלן קומען צו לויפן.

און כ'וועל אייך זאגן א סוד! צוויי שטאטען - נאברעסקע און מעין - טיען טאקע אזוי!!

נא איז דאך שלום על ישראל?

אבער וועל איך עפעס מגלה זיין, אזא סטעיט ווי ניו יארק, וואס ווערט געפירט פון די לינקע, אדער אזא שטאט ווי טעקסעס, וואס ווערט געפירט פון די שטארק רעכטע, וועלן קיינמאל נישט ווילען איינגיין אויף דעם!! פארוואס זאלן זיי איינשטעלן א חלק פון זייערע עלעקטארעלס! אזוי באקומט זייער חברה מאן דאס גאנצער פעקל, און אזוי וועלן די געגענטער וואס זענען פארקערט ווי רוב שטאט, גיין פארן קעגנער!

עכ"פ מען האלט ביי מפטירין כדאתמול!! זייטס מער געזונט אין שטארק.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
פאטאקי08
שר עשרת אלפים
תגובות: 11169
זיך איינגעשריבען אום: דאנארשטאג אוגוסט 09, 2007 1:30 pm
לאקאציע: בקרוב אין וואשינגטאן

תגובהדורך פאטאקי08 » מיטוואך אוקטובער 24, 2012 7:20 am

ישר כח מי חכם!!!
און עקסטער ישר כח אייך לכתחילה שבלכתחילה!!!!!!!

אוועטאר
מייקראסאפט
שר האלף
תגובות: 1056
זיך איינגעשריבען אום: מאנטאג מאי 07, 2012 10:09 am

תגובהדורך מייקראסאפט » מיטוואך אוקטובער 24, 2012 9:07 am

לכתחילה!!!!! Wow נאך נישט געענדיגט אבער עס איז מורא'דיג,

אוועטאר
ידיד
שר שלשת אלפים
תגובות: 3816
זיך איינגעשריבען אום: מאנטאג יולי 16, 2012 6:37 pm

תגובהדורך ידיד » מיטוואך אוקטובער 24, 2012 9:21 am

איך האב מיך ערענסט איינגערעדט ביז היינט אז איך פארשטיי ווי אזוי די סיסטעם ארבעט, אבער נאך אזא לכתיחילה מעסטער פיעס ווער איך געוואויר אז איך האב נישט אנגעהויבן צו וויסן קיין כי הוא זה.

יישר כח לכתחילה פארן עס אראפלייגן מיט אזא קלארקייט אזש ס'צוגייט אין מויל.

אויפריכטיג
שר שלשת אלפים
תגובות: 3345
זיך איינגעשריבען אום: דינסטאג דעצמבער 16, 2008 8:10 pm
לאקאציע: ביים געפילטערטן קאמפיוטער

תגובהדורך אויפריכטיג » מיטוואך אוקטובער 24, 2012 10:17 am

לכתחילה, דו ביזט געוואלדיג!! אזוי קלאר און זאפטיג צו אראפשרייבן אזא פארוויקלטע נושא, צו דעם דארף מען זיין "לכתחילה שבלכתחילה"!!!!!!!!!!!
נאדיר עטליכע גרינע ;l;p- ;l;p- ;l;p-
לעצט פאראכטן דורך אויפריכטיג אום מיטוואך אוקטובער 24, 2012 10:55 am, מאל פאראכטן געווארן 1 סך הכל.

אוועטאר
למעלה משבעים
שר תשעת אלפים
תגובות: 9622
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » מיטוואך אוקטובער 24, 2012 10:40 am

וואוי!!! ווואוי!!! דאס איז עפעס עקסטער ספעשל.
א ריזן דאנק אייך לכתחילה.

אוועטאר
לכאורה
שר עשרת אלפים
תגובות: 11369
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » מיטוואך אוקטובער 24, 2012 11:05 am

איך געב אריין א פעטיציע צו די באהערדע אז מען זאל צולייגן א געוויסע טיטל צו לכתחילה-אריבער, עפעס וואס זאל באצייכענען זיין איבערגעגעבנקייט צו די חברי איי-וועלט, אזש ביזן אויפזיין ביז דריי אזייגער פארטאגס [ווען אבאמא באקומט זיינע רופונגען אויף די רויטע טעלעפאן, און עס גייט גלייך צו וואויס-מעיל] כדי צו ערקלערן בטוב טעם ודעת אן ענין וואס די חברים האבן אנגעפרעגט.

דערווייל קען איך נישט אויפקומען מיט א טיטל וואס זאל ארויסברענגן זיין געניטע כח הסברה און זיין הלל'ס געדולד און ענווה, אדרבה, ווער קען צוהעלפן דערמיט. דערנאך וועלן מיר זיך אינאיינעם ווענדן צו די הנהלה.
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
שנאפס
שר עשרת אלפים
תגובות: 15203
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מיטוואך אוקטובער 24, 2012 11:33 am

למעלה משבעים האט געשריבן:וואוי!!! ווואוי!!! דאס איז עפעס עקסטער ספעשל.
א ריזן דאנק אייך לכתחילה.
kraitchmah עט גימעיל

אוועטאר
פאטאקי08
שר עשרת אלפים
תגובות: 11169
זיך איינגעשריבען אום: דאנארשטאג אוגוסט 09, 2007 1:30 pm
לאקאציע: בקרוב אין וואשינגטאן

תגובהדורך פאטאקי08 » מיטוואך אוקטובער 24, 2012 11:35 am

לכאורה האט געשריבן:איך געב אריין א פעטיציע צו די באהערדע אז מען זאל צולייגן א געוויסע טיטל צו לכתחילה-אריבער, עפעס וואס זאל באצייכענען זיין איבערגעגעבנקייט צו די חברי איי-וועלט, אזש ביזן אויפזיין ביז דריי אזייגער פארטאגס [ווען אבאמא באקומט זיינע רופונגען אויף די רויטע טעלעפאן, און עס גייט גלייך צו וואויס-מעיל] כדי צו ערקלערן בטוב טעם ודעת אן ענין וואס די חברים האבן אנגעפרעגט.

דערווייל קען איך נישט אויפקומען מיט א טיטל וואס זאל ארויסברענגן זיין געניטע כח הסברה און זיין הלל'ס געדולד און ענווה, אדרבה, ווער קען צוהעלפן דערמיט. דערנאך וועלן מיר זיך אינאיינעם ווענדן צו די הנהלה.

;l;p- ;l;p-
מעגסט ווען באזוכן אפטער דו ביסט גוט......

אוועטאר
שנאפס
שר עשרת אלפים
תגובות: 15203
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מיטוואך אוקטובער 24, 2012 11:39 am

ריק פערי האט געשריבן:
דעת זקנים האט געשריבן:ש'כח פאר מיינע חשוב'ע מלמדים.

ריק, האסט נישט געליינט די פיין פרינט בסוגריים.


אוודאי האב איך געליינט, נאר איך האב נאר געוואלט ארויסברענגען למען האמת (באמת דארף א משל אויך זיין כאטש קרוב לדבר און נישט אףף מיט צוואנציג מיליאן מענטשן)


למען האמת קען געשען אז עס זאל זיין מער ווי א מיליאן א חילוק, למשל אויב אלע 37 מיליאן מענטשן אין קאליפארניע וואויטן פאר אבאמא, און אלע 8 מיליאן פון ניו יארק אויך, דאן געוואונט אבאמא נישט מער ווי די עלעקטארעלס, אבער ראמני קען געוואונען אלע קליינע סטעיטס מיט איין שטימע פער סטעיט און האבן אפאר מיליאן שטימען ווייניגער
kraitchmah עט גימעיל

אוועטאר
שנאפס
שר עשרת אלפים
תגובות: 15203
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מיטוואך אוקטובער 24, 2012 11:40 am

אגב, איך וויל פארלאנגען צו טוישן די קאנסטוטוציע.. עם די די נאמען פון די אשכול צו וואוטס, נישט וואטס
kraitchmah עט גימעיל

אוועטאר
פאטאקי08
שר עשרת אלפים
תגובות: 11169
זיך איינגעשריבען אום: דאנארשטאג אוגוסט 09, 2007 1:30 pm
לאקאציע: בקרוב אין וואשינגטאן

תגובהדורך פאטאקי08 » מיטוואך אוקטובער 24, 2012 11:44 am


אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מיטוואך אוקטובער 24, 2012 12:07 pm

דריי אזייגער פארטאגס האט לכתחילה אריינגעוואקט מיט זיין לאאאאאאאאאאאאאאאאנגע מגילה!

WWOWOWOWO

איבערמעכטיג!

אוועטאר
גוגל
שר האלף
תגובות: 1878
זיך איינגעשריבען אום: דינסטאג יוני 19, 2012 2:35 pm
לאקאציע: אויף אייוועלט

תגובהדורך גוגל » מיטוואך אוקטובער 24, 2012 12:08 pm

לכתחילה אין מילים!!!!!!!!!

אוועטאר
דעת זקנים
שר חמש מאות
תגובות: 617
זיך איינגעשריבען אום: זונטאג מאי 20, 2012 7:39 pm

תגובהדורך דעת זקנים » מיטוואך אוקטובער 24, 2012 12:15 pm

קודם א דאנק פאר הרב מי חכם, דיין הסבר ליינט זיך זייער שיין, געשמאק און מסתבר, ייש"כ.

און לכתחילה... WOW איז נישט דאס ווארט, כ'האב פארלוירן מיין שפראך, נישט ווייל כ'האב עס שוין דורכגעליינט, כ'וויל עס דורכליינען שפעטער מיט יישוב הדעת, אבער קודם פארן עצם נעמען די מיה, צייט און געדולד (און שלאף...) זיך אראפצולאזן צו אונז פשוט'ע בשר ודגים, כ'מיין אומוויסענדע בירגער און שיין צולייגן עומק כוונתם ורוחב בינתם פון די גרינדונג טאטעס איז ווערט ס'העכסטע באגריסונג!

כ'האף צו זיין צירוק שפעטער מיט מיינע קאממענטס אויפן עצם ארטיקל (אויב כ'וועל נאך האבן בכלל).

אוועטאר
יוסף שרייבער
שר ארבעת האלפים
תגובות: 4571
זיך איינגעשריבען אום: מוצ"ש אוקטובער 23, 2010 4:24 pm

תגובהדורך יוסף שרייבער » מיטוואך אוקטובער 24, 2012 12:51 pm

לכאורה האט געשריבן:איך געב אריין א פעטיציע צו די באהערדע אז מען זאל צולייגן א געוויסע טיטל צו לכתחילה-אריבער, עפעס וואס זאל באצייכענען זיין איבערגעגעבנקייט צו די חברי איי-וועלט, אזש ביזן אויפזיין ביז דריי אזייגער פארטאגס [ווען אבאמא באקומט זיינע רופונגען אויף די רויטע טעלעפאן, און עס גייט גלייך צו וואויס-מעיל] כדי צו ערקלערן בטוב טעם ודעת אן ענין וואס די חברים האבן אנגעפרעגט.

דערווייל קען איך נישט אויפקומען מיט א טיטל וואס זאל ארויסברענגן זיין געניטע כח הסברה און זיין הלל'ס געדולד און ענווה, אדרבה, ווער קען צוהעלפן דערמיט. דערנאך וועלן מיר זיך אינאיינעם ווענדן צו די הנהלה.

אוועטאר
לכתחילה אריבער
שר עשרת אלפים
תגובות: 19988
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מיטוואך אוקטובער 24, 2012 1:32 pm

א גרויסער ישר כח, פאר אלע וואס דאנקען, עס געט גרויס מוט.

יעצט וועגן די 3:00 אזייגער. כ'וועל ענק זאגן, נעכטען בין איך געווען שטארק פארנימען, און כ'האב שוין געוואלט שרייבן אין "נארמאלע" שעות, אבער כ'בין נישט אנגעקומען. און כ'ווייס נישט צו ביי אנדערע איז אזוי, אבער ביי מיר דארף איך זיין אין די גיסטע צו שרייבן, אז נישט איז נישט דא צו וועם צו רעדן. און אז כ'האב נעכטען געהאט אפעטיט צו שרייבן, האט איך נישט געוואלט ווארטן אויף היינט, מ'גען קיינמאל נישט וויסען, וואס וועט זיין מיט די גיסטע.

האבעך מעך אראפ געשריבן שרייבן, און כ'ווייס נישט צו דער עולם פארשטייט, אזא ארטיקל גליטשט זיך נישט ארויס פון ארבל אזוי גיך, עס נעמט אסאך צייט צו טייפן, און נאך מער צייט צו נאכקוקען די אינפארמאציע, כאטש מ'קען עס ווען אפשרייבן פון קאפ, איז עס סאך רייכער, און מער פונקטליך אז מ'קוקט נאכאמאל נאך אלע מקורות, מאכן זיכער אז אלס איז ריכטיג, און אז ס'שטימט, אויך מיינעך אלס פאר כ'פאנג אן שרייבן, אז ס'וועט נישט נעמען צו לאנג, אבער אז מ'פאנגט אן קומען אלס אריין זייטיגע זאכן וואס מען דארף אויסשמיעסן, און עס פארציט זיך אלס די צייט.

כ'האבמעך געזעצט שרייבן בערך 12:30, מיטן פלאן אז ס'וועט נעמען בערך א שעה, און אזוי האט זיך עס פארשלעפט, כ'האב צום סוף גענדיגט מיט אפליינען אפשר צוואנציג ארטיקלען, איבער די עלעקטעראלס, און איבער די אנדערע זאכן וואס כ'האב געשריבן, אזוי האט זיך עס פארשלעפט ביז בערך 2:30צוויי שעה אנשטאט איין שעה, און נאכן איבערקוקען און מגיה זיין, האבעך מעך געזען ביי 3:00 אזייגער!!

עניוועי נאכאמאל א ישר כח פאר אלע וואס באדאנקען זיך.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
ידיד
שר שלשת אלפים
תגובות: 3816
זיך איינגעשריבען אום: מאנטאג יולי 16, 2012 6:37 pm

תגובהדורך ידיד » מיטוואך אוקטובער 24, 2012 1:52 pm

OW! אפילו די גאנצע השתלשלת ווי אזוי די האסט עס געשריבן ביסטו אויך אזוי שיין מסביר יעדער זאל פארשטיין...

איך האף נאר אז די הנהלה באצאלט דיר אויף די שעה...

אוועטאר
קאר אינשורענס
שר חמישים ומאתים
תגובות: 320
זיך איינגעשריבען אום: מיטוואך יוני 04, 2008 5:48 pm

תגובהדורך קאר אינשורענס » מיטוואך אוקטובער 24, 2012 2:06 pm

wow thanks a million
;l;p- ;l;p- ;l;p-

אוועטאר
דעת זקנים
שר חמש מאות
תגובות: 617
זיך איינגעשריבען אום: זונטאג מאי 20, 2012 7:39 pm

תגובהדורך דעת זקנים » מיטוואך אוקטובער 24, 2012 2:12 pm

ס'סאונד ווי דער לכתחילה פארענטפערט זיך נאך...

גילוי דעת:
לכתחילה, אויב הערסטו נישט מיין יישר כח איז עס פשוט ווייל כ'בין שוין הייזעריג פון שרייען (גוזמא קתני) דעם פארדינטן הילכיגן שר'כח פארן זיך אראפלאזן 'למטה מעשרה' און אזוי שיין צולייגן אויף קליינע טעלערלעך דעם גאנצן נושא.


צוריק צו “אידישע און וועלטליכע נייעס”

ווער איז אונליין

באנוצערס וואס דרייען זיך דא: Google [Bot], אברהם אלבוים און 36 געסט