יוסף שרייבער האט געשריבן:הרב שויתיניק, איר ווייסט אפשר ווער דער פארשוין 'הרב אליהו קויפמאן' איז?, איך האב עם געזעהן נישט לאנג צוריק שטיין אינמיטען גאס און פרעסען א פאלאפעל.
אינמיטן וועלכע גאס? כ'קען אים בכלל נישט, כ'האב נאר באקומען אין מעיל...
יוסף שרייבער האט געשריבן:הרב שויתיניק, איר ווייסט אפשר ווער דער פארשוין 'הרב אליהו קויפמאן' איז?, איך האב עם געזעהן נישט לאנג צוריק שטיין אינמיטען גאס און פרעסען א פאלאפעל.
אינמיטן וועלכע גאס? כ'קען אים בכלל נישט, כ'האב נאר באקומען אין מעיל...
אז איך וועל דיר זאגען פונקלעך וועלכע גאס וועסטו מיר שוין גלייבען? אז איר לייגט ארויף א מאמר איז כדי איר זאלט זיך אביסעל נאכפרעגען ווער דער צודרייטער איז.
יש אומרים אז ער לעבט מיט א פוילישע גויטע וועם ער האט אליינס מגייר געווען לשם אישות, איך האב דאס נישט מברר געווען און למען האמת אינטרעסירט עס מיר גאנץ ווייניג, אזויפיל קען איך דיר זאגען אז אליהו קויפמאן איז אזוי 'רב הראשי לרומניה' אזוי ווי רעביי נ. איז 'אב"ד וויליאמסבורג' ואידך זיל גמור.
איך זיך נישט צו פארוואנדלען די אשכול אין א שמועס איבער דעים פערזאן אבער אז איר פרעגט עלעך ענטפרען.
יא צדיק כתמר יפרח, קענסט די דעקל דערפון ? מיט די בילד פון ר' שמעלקא זצ"ל אזוי מיט די טעלעפון אין איין האנט און א ציגאר אין די צווייטע? אין לאנדאן האט מען בכלל נישט געקענט קויפען דעים בוך, ר' שמעלקא'ס קינדער האבען געבעטען די געשעפטען עס נישט אריינצונעמען, כ'האב געהערט פון 1 דיסטריביוטאר אז ער האט עס שוין געהאט אויף א קאנטעינער גרייט ארויצולייגען אויפען שיף קיין לאנדאן און די משפחה האט עם געבעטען ברחמים ער זאל עס אראפנעמען.
איך האב דעמאלס געפרעגט איינע פון ר שמעלקעס קינדער פארוואס זענען זיי אנטקעגען די בוך סוכ''ס באשרייבט ער עם גאנץ פיין, זאגט ער מיר אז די חלק אויף זיין טאטע איז גאנץ גוט אבער דער פראבלעם איז אז דריי פערטל פונעם בוך קויפמאן רעדט דארט פאר פייער און פאר וואסער אלע זיינע בויכווייען , זאכען וואס האבען מיט ר' שמעלקע קיין שום שייכות ניט (למשל ער איז זייער מאריך איבער פרשת יאסעלע מיט אלעס ארום די פרשה וואס האט מיט ר' שמעלקא גארנישט) און צו דעים זענען זיי נישט מסכים.
מ'האט עס דערמאנט דא בקיצור אבער היות עס איז לעצטענס נתפרסם געווארן א מעשה (זעה ווייטער) וועל איך פרובירען מרחיב צו זיין בדיבור אביסל איבער דעם איידעם פון הגרי"ח זאנענפעלד, ר' שמואל הלל שיינקער זצ"ל.
ר' שמואל הלל איז געבוירען בשנת תרל"ה אין קאוונא צו זיין פאטער ר' אברהם טאניס-שיינקער (נאך א זון פון ר' אברהם איז געווען ר' אהרן בהגר"א) ר' אברהם טאניס איז געווען רב אין שטאט אלעקסט אין די ליטא און שפעטער איז ער געווען פון די מייסדים פון די ישיבה 'כנסת ישראל' אין סלאבאדקא. אין די ליטא איז ר' שמואל הלל געווען א תלמיד פונעם אלטן פון קעלם, ר' שמחה זיסל זיו ז"ל מגדולי תלמיד ר' ישראל סאלאנטער און פון די מייסדים פונעם 'תנועת המוסר', שפעטער ער איז ארויף אויף ארץ ישראל און כשהגיע לפרקו האט ער חותנה געהאט מיט לאה גינענדל די טאכטער פון הגאון ר' יוסף חיים זאנענפעלד זצ"ל דער דעמאלסדיגער ירושלימער רב.
אין אר"י האט ער עפ"י הדרכת רבו דער אלטער פון קעלם, מייסד געווען אינאיינעם מיט ר' ברוך מארקוס (שפעטערדיגער רב פון חיפה) א ישיבה אין אלט-שטאט י-ם בשם 'בית המוסר', זיי האבן אויך געגרינדעט א ישיבה אויף דעם זעלבן דרך אין די מוסררה געגענט בשם 'אור חדש', פון די ישיבות זענען ארויסגעקומען עטליכע גדולי ארץ ישראל צווישען זיי דער באקאנטער גדול ר' יחיאל מיכל טיקוצינסקי ז"ל, אויך איז ער געשטאנען בראש פון די ארגענעזאציע 'אגודת הקודש' העולמי לתיקון הדת.
ר' שמואל הלל איז געווען באקאנט אלס א פרייליכער מענטש אין קאנטראסט צו זיין אנהענגערשאפט אינעם תנועת המוסר, במיוחד פלעגט ער פראווען א גרויסע עבודה ביו"ט סוכות ביי די שמחת בית השואבה און שמחת תורה ווי ער פלעגט טאנצן ממש עד כלות, דעם מנהג האט ער אנגעהאלטן ביז זיין לעצטע יאר שוין זייענדיג א זקן פון אריבער די אכציג, דורכאויס זיין גאנת לעבן מיט פארשידענע שווערע מצבים פון פרנסה און דאס פארלירען זיין אשת נעורים און עטליכע קינדער בחייו ל"ע.
ר' שמואל הלל איז נפטר געווארן בשיבה טובה ביום כ"ז טבת תשט"ז, איבערלאזנדיג נאך זיך א הערליכע משפחה פון בנים ובני בנים עוסקים בתורה ובמצוות, צווישען זיי רבנים ודיינים ואנשי שם עד ימינו אלה, זיינע קינדער ווערן אויסגערעכנט ווי פאלגענד (איך בין נישט זיכער צו אלע זענען אייניקלעך פון הגרי"ח).
1. באשה אשת ר' יהושע בערגער 2. חיה אשת ר' צבי הכהן קויפשיץ ר"מ בבית היתומים דיסקין (דער שווער פון הגאון ר' נסים קרליץ פון ב"ב און פאטער פון האחים קופשיץ דיינים ומרביצי תורה בארץ ישראל) 3. ר' שמעון שיינקער 4. ר' מנחם מנדל שיינקער (זוגתו צבי' לאה נכדת רי"ז סאלאנט) 5. ר' יהושע לייב שיינקער 6. אסתר אשת ר' שמואל לייב קליינערמאן 7. ר' ישראל שיינקער
(לעצטענס איז נתפרסם געווארן אז ר' שמואל הלל איז געקומען אין חלום צו זיינע אייניקלעך מחזק צו זיין בעניני צניעות, לויט א הוראה פונעם סקולענער רבי שליט"א פון 'מצוה לפרסם' האבן די אייניקלעך דאס מפרסם געווען אויף די טעלעפאן ליניע 'חזק' פאר נשים צדקניות, זכותו יגן עליהם ועלינו עכי"א)
בייגעלייגט א חתונה איינלאדענונג פון איינע פון זיינע קינדער און א בילד פון ר' שמואל הלל ז"ל.
שכוח הרב מיללער שליט"א מיין ברודערקע איז אן איידעם ביי א זאנענפעלד האביך אים געפרעגט מברר צו זיין די מעשה אין לעיקוואוד דערווייל האט ער מיר נאך נישט געענטפערט
אינטערסאנט צו מערקן אז אין די הסכמה אויף ספר ציונים לתורה האט רבי יוסף חיים צוגעשריבן "ציונים ישובו לתורה", און אין א מהדורה שפעטער האט מען דאס צענזורירט...
.. . התבטאות דומה אנו מוצאים בהסכמה שנתן מורנו לספרו . . . והינה קריאת שם , של רבי יעקב דידווסקי ׳ציונים לתורה׳: ספרו ׳ציונים לתורה׳ כנראה שיש בו הבטחה כי גם הקוראים עצמם ׳ציונים׳ ישובו לתורה, כי האיש אשר הוא מבלי תורה אי אפשר לקרותו ציוני, אבל ישובו כאשר הבטיחנו בתורתו ׳באחרית הימים ושבת׳ וכו׳ ו׳מציון תצא תורה׳ וכר״ (״האיש על החומה״, ח״ב, עמ׳ 140).