חלק ד'שלום עליכם חבירים!
שוין לאנג נישט געשריבן... דאס איז ווייל איך האב פשוט נישט געהאט קיין צייט, אזויווי מען בעט מיר כסדר און אישי איך זאל ווייטער פארזעצן האב איך מיר געמאכט אביסל צייט און מיר וועלן ווייטער שרייבן.
---
"שאטטער ספיד"
יעצט אז מיר ווייסן שוין וואס "שאטטער ספיד" און "Aperture" איז וועלן מיר יעצט א דורך גיין וואספארא עפעקט דאס געט צום בילד.
שאטער ספיד מיינט די לענג וואס די שאטער איז אפען.
דאס הייסט אז א לאנגע שאטטער ספיד וועט אויפכאפן א לענגערע צייט פון די סצענע,
דאס מיינט אז אויב מען וועט כאפן א בילד ווי א קאר פליט מיט א שטייטע שאטטער ספיד וועט מען זעהן די קאר "בלארי" (פארווישט) ווייל ווען מען האט אנגעפאנגען צו כאפן די בילד איז ער געווען איין פלאץ און ווען מען האט גענדיגט איז עס שוין געווען א צווייטע ממילא ווערט עס פארווישט.
אבער אויב כאפט מען די זעלבע בילד מיט א שנעלע שאטטער ספיד וועט מען ניטאמאל קענען זעהן אז עס פארט ווייל עס כאפט נאר אויף איין רגע און עס וועט זיין שיין שארף.
יעצט שטעלט זיך די פראגע
"פארוואס דארף מען בכלל א שטייטע שאטטער ספיד?"שתי תשובות בדבר.
1. לייט2. עפעקטלייט: אויב די סצענע איז נישט גענוג ליכטיג, צי עס איז אינדרויסן ביינאכט, אדער אין שטוב מיט שוואכע לעקטער דארף מען האלטן לענגער די שאטטער אפן אז עס זאל צוקומען מער ליכטיגקייט צום סענסער.
עפעקט: אויב איר ווילט אז מען ווען איינער גייט קוקן אויף די בילד זאל ער פארשטיין אז די אביעקט אדער סצענע איז געווען ריקעדיג.
דא האט איר בילדער ווי איר קענט זעהן די חילק פון די עפעקטס.
- fast shutter speed.jpg (94.13 KiB) געזען 5841 מאל
שנעלע שאטטער ספיד
- Fast Shutter_speed_waterfall.jpg (80.24 KiB) געזען 5841 מאל
שטייטע שאטטער ספיד
מען דארף דא אנמערקן אז נישט מיט יעדע שאטטער ספיד קען מען כאפן בילדער מיט די הענט (הענד העלד), אויב וויל מען כאפן א בילד מיט א שטייטע שאטטער ספיד מוז מען נוצן א "טריי פאד", ווייל עס איז אומעגליך צו האלטן א קעמערע און די האנט גראד מער ווי עטליכע סקונדעס, און אויב ריקט זיך עס ווערט די בילד בלורי.
ווי שטייט קען מען גיין מיט די שאטטער ספיד אן דארפן נוצן א טריי פאד?
דאס איז א שווער צו זאגן א כלל, ווייל יעדער מענטש איז אנדערש. אבער די אנגענומענע נומבער איז אז ביי א זעכציגסטל פון א סקונדע איז שוין זייער נידריג צו האלטן און די האנט .
יעצט וועט איר פארשטיין פארוואס זייער אסאך מאל ווען מען כאפט אין שטוב בילדער פון די קליינע איז דאס בלורי, דאס איז ווייל אין רוב שטובער זענען דא שוואכע לעקטערס (פאר די קעמערע) ממילא ריקט זיך אראפ די שאטטער ספיד און ווייל די קינדער רוקן זיך ווערט דאס בילד פארווישט.
די עצה דערצו איז אז מען זאל זיכער מאכן אז די קעמערע איז אנגעשטעלט אויף א שנעלע שאטטער ספיד
(ביי די פשוטע קעמערעס איז דא א ספעציעלע סעטינג "קידס ענד פעטס").