ביהמ"ד זרע אברהם טריסק בדענווער קאלאראדא

[טהור-עיניים]

אין דענווער, קאלאראדא, געפונט זיך א שול מיטן נאמען זרע אברהם.

לויט ווי איך האב געהערט איז דער שול געגרינדעט געווארן בברכתו ובעידודו פון הרה"ק דער טריסקער מגיד, דורך זיינע חסידים וועלכע האבן דאהי געוואוינט. עפעס האב איך אמאל געהערט אז מען האט אפילו געשיקט די בלו פרינטס קיין אייראפע צו אים עס צו זען און געבן זיין ברכה.

דאס ווייס איך אז אין די שפעטערע יארן (איך געדענקט נישט פונקטליך ווען, אבער איך מיין אז נאך פאר תש"י) איז ארויסגערופן געווארן אהין הרה"צ ר' שלמה טווערסקי זצוק"ל בן הרה"צ ר' יעקב ישראל טווערסקי מ'הארנאסטייפל - מילוואקי (נעכטן געווען די יארצייט) צו דינען דארט אלס רב.

איך וויל וויסן אביסל מער איבער די היסטאריע פון דעם ביהמ"ד, ובפרט ווער עס זענען געווען די רבנים וועלכע האבן דארט משמש געווען ברבנות אין די יארן פון איר גרינדונג ביז ווען ר' שלמה איז אנגעקומען אהין. אויב איינער פון אונזערע היסאריקער ווייסן עפעס מער איבער דעם, וואלט איך זייער דאנקבאר געווען אויב ער קען דאס מוחל זיין און דא אראפשרייבן.

ויישר כח למפרע

[טהור-עיניים]

קיינער ווייסט טאקע גארנישט?

[farshlufen]

רב טהור, מ'ווייסט יא, גיב עס עטליכע טעג.

[טהור-עיניים]

בסדר, מיר גיבן עטליכע טעג און איר גיבט אונז די (וועלט) היסטאריע פון ביהמ"ד זרע אברהם...

[מומחה יוחס]

דאכט זיך מיך אז אין די גליון אורות שע"י חסידי סקווירא בחודש סיון ווערט דערמאנט דערפין איך דארף נאך זוכן..

[farshlufen]

דא קענט איר אביסעלע לעזן איבער די קהילה און שול:
http://www.stevens.edu/golem/llevine/ch ... merica.pdf

----

א בילד פון ר' שאול דוב מילשטיין ע"ה פון די מייסדים:

[farshlufen]

א בילד פון ר' אליהו הילקאוויץ א רב אין דענווער.

[אלף בית]

איך האב אמאל געהערט פון ר' יונה לאנדא אז אין דענווער האבן געוואוינט גאר אסאך אידן און אסאך טריסקער חסידים.
אויב איך געדענק גוט האט ער געזאגט אז סאיז געווען דארט עטליכע טריסקע שטיבלעך, געבויעט לויט די אנווייזונגען פונעם טריסקער מגיד.
אלע טריסקער שטיבלער זענען געווען געבויעט מיט זיבן טרעפ ביים אריינגאנג, מיט נאך זאכן וואס דער רבי האט אנגעזאגט.

[msp]

דאכטזיך עס זענען דא ווידיאויס פון דענווער רבי ביי מלוה-מלכה

[farshlufen]

אחד הרבנים בדענווער הי' הרב ר' דוד ראדינסקי ב"ר אברהם ז"ל נולד באיישישאק בשנת תרי״ז ולמד תורה בישיבות שונות בליטא קיבל סמיכה מרבי יצחק אלחנן מקאווונא זצ"ל.

בשנת תרנ"א בא לסט. לואיס ובתרנ"ב לאחת הקהילות הארטאדאקסיות בדענווער קאלאראדא ואח"כ בא לניו יארק והי' רב שנים אחדות בביהמ״ד הגדול דבראנזוויל, ולבסוף עזב את רבנותו ויהי לסוחר, נפטר פתאום ח' אדר תרע״ז בניו יארק ובצוואתו השאיר סכומים הגונים לישיבות שבניו יארק, מנוח"כ בביה"ח מאונט כרמל בניו יארק
http://kevarim.com/rabbi-dovid-rodinsky/

שם אשתו רייזא לאה ב"ר משה בנדר ע"ה

[בן בוזי]

נאך איינע פון די רבנים זענען געווען הגאון ר' אפרים זלמן היילפרין, בן ר' אלחנן דוב נכד ר' יעקב שלמה היילפרין אב"ד פרעמישלאן. וועלכע האט אויך קודם משמש געווען ברבנות אין די קהלות פון פרעמישלאן און בערזאן, שפעטער האט ער בפקודת האדמור הרה"ק ר' ישראל מטשארטקוב אנגענומען דאס רבנות אין דענווער ווי ער האט משמש געווען אין דער זרע אברהם שוהל, ער איז שפעטער געקומען אהער קיין נוא יארק ווי ער האט אנגענומען דאס רבנות אין די לאוער איסט סייד אין ביהמ"ד אנשי בראד.

אין די שפעטערע יאהרן איז ער געווארן שטארק מקושר צו אדמורי ראחמסטריווקא וועלכע האבן געוואוינט אין ארץ הקודש, און ער איז שפעטער ארויף געפארן זיך באזעצן דארט לחסות בצל הקודש, ער האט זיך שטארק אפגעגעבן מיט מעורר זיין בענין ענטפערן אמן יהא שמי' רבה און אויך ארויס געגעבן דערוועגן א ספר שומר אמונים, אזוי אויך האט ער פארארבעט מעשים פאר טהרת בנות ישראל און מייסד געווען דארט דעם מרכז הארצי למען טהרת המשפחה.

[farshlufen]

צוויי בילדער פון דעם ביהמ"ד בשנות התר"פ:

[קרעדיט גליון אורות - סקווירא]

[בן בוזי]

נאך איינער פון די זרע אברהם גרינדער טשארלס פריזאנט, וועלכע איז ווי די אנדערע אויך געווען פון די קאטאפאקסי קאלאניסטן.

[בן בוזי]

1) אייזיק לייב שעימס ברודער פון ר' שאול בער מילשטיין, ער איז געווארן אדאפטעט ביי א משפחה מיטן נאמען שעימס בכדי זיך ארויס צו דרייען פון ווערן פארכאפט אלס קאנטאניסט פארן צאר'ס מיליטער.

2) א בילד גענומען אינדרויסן פונעם זרע אברהם שוהל, ווי מען מערקט הגה"צ ר' בן-ציון חיים-שלמה-משולם-זוסיא-טווערסקי-מהורנסטייפאל-דענווער, ר' שלמה'לע האט ווי דערמאנט געדינט ברבנות אין דעם שוהל.

3) ר' משה יוסף אלטמאן חתן ר' אייזיק לייב שעימס, ביי איהם אין שטוב האט זיך פארמירט דער ערשטער מנין פונעם זרע אברהם שוהל.

[בן בוזי]

א דרוק סארט אויף א זמנים קארטל

[נחום וואהלינער]

זרע אברהם איז גיווען א שם כללי פאר די טריסקער שטיבלעך מ'טרעפט אויך א ביהמ"ד זרע אברהם אין קענזעס סיטי וואס האט זיך שפעטער מאחד גיווען מיט קהל אנשי וואהלין און נאך שפעטער מיט א דריטער און די קהילה המשולשת איז נאך קיים. הרב בערגער זז"ג כהיום און הר נוף איז דארט גיווען רב פאר לאנגע יארן