כ"ה סיון - יאסעלע ראזענבלאט'ס יארצייט

ניגונים און זינגערס

אחראי: אחראי

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » זונטאג ינואר 23, 2011 9:22 pm

טאבאקא האט געשריבן:לויט ווי איך ווייס, הייסט זיין ספר "שירי יוסף" אדער "תפלות יוסף" זמירות זיכער נישט.


במחילת כבודו, זייט וויסן אז עס איז יא דא.

איך וועל ציטירן פון יאסעלע'ס זון שמואל, וואו ער באשרייבט זיין טאטע אין פרעשבורג:

תקופת פרעשבורג היתה אחד מפרקי חייו הפוריים ביותר גם מבחינת תרומתו לשדה הליטורגיה היהודית. נייר ועיפרון מונחים היו תמיד על שלחן-הלילה שליד מטתו, כדי שאם יקרה ואיזה רעיון מוסיקלי ינצנץ במוחו בעצם הלילה, יוכל להעלותו מיד על הכתב, בלא חשש שמא ישתכח ממנו עד בוקר.
בפרק זמן זה פירסם את ספרו "שירי יוסף" – אוסף של מאה וחמישים רציטטיבים ופרקי מקהלה, שהיה בידו לבצע עם אנשי מקהלתו, מקהלה נבחרת בעלה רמה גבוהה.
ספר זה נתקבל בהתלהבות ע"י מוסיקאים בני-סמכא ומומחים לליטורגיה היהודית, כגון בלה גוטמאן מווינה, ויעקב באכמאן ואדולף לאצארוס מבודאפעסט.

און דאס פאלגענדע שרייבט ער שפעטער, ווען ער איז שוין געווען אין האמבורג:

הוא חגג בהאמבורג את יום הולדתו העשרים-וחמשה ע"י הוצאת קובץ המכיל עשרים וחמשה רציטאטיבים ופרקי תפלה אחרים, שהוא קרא לו בשם "תפילות יוסף". לאחר זמן נוספו עליו שני קבצי אחרים: "זמירות יוסף" ו"שבעה אופני הקידוש".

טאבאקא
שר חמש מאות
תגובות: 665
זיך איינגעשריבען אום: זונטאג יוני 20, 2010 1:29 am

תגובהדורך טאבאקא » מאנטאג ינואר 31, 2011 12:28 pm

פארשריבן האט געשריבן:ער האט אבער אויך געפונען צייט צו לערנען און אין דער צייט ווען זיין שטימע האט זיך געביטן, איז ר' יאסעלע געזעסן על התורה ועל העבודה.

ר' בערל שרייבט גראדע פארקערט אז ער האט געזינגען אין זיינע יונגע יארן אן קיין הפסקות.


פארשריבן האט געשריבן:ער וואלט אליין געקענט דורכפירן א גאנצע אפערא, ווייל ער פארמאגט א באריטאן-טענאר-סאפראנא-קאלאראטור-פאלצעט שטימע...

אינטרעסאנט אז ער רעכנט נישט אויס "באַס", וואס דאס איינע פון די גרויסע קונצן פון יאסעלע.
ווייל זייער ווינציג חזנים קענען באווייזן צו גיין סיי אזוי נידריג ווי ער, און אויך אזוי הויעך.

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מיטוואך פאברואר 02, 2011 10:40 pm

טאבאקא האט געשריבן:
פארשריבן האט געשריבן:ער האט אבער אויך געפונען צייט צו לערנען און אין דער צייט ווען זיין שטימע האט זיך געביטן, איז ר' יאסעלע געזעסן על התורה ועל העבודה.

ר' בערל שרייבט גראדע פארקערט אז ער האט געזינגען אין זיינע יונגע יארן אן קיין הפסקות.

ס'איז נישט ר' בערל'ס חידוש. ער האט בלויז נאכגעשריבן אקוראט וואס הרב ד"ר שמואל האט געשריבן.

אוועטאר
יודל מענדלזאהן
שר שלשת אלפים
תגובות: 3082
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

תגובהדורך יודל מענדלזאהן » מאנטאג פאברואר 07, 2011 4:14 pm

טאבאקא האט געשריבן:אינטרעסאנט אז ער רעכנט נישט אויס "באַס", וואס דאס איינע פון די גרויסע קונצן פון יאסעלע.
ווייל זייער ווינציג חזנים קענען באווייזן צו גיין סיי אזוי נידריג ווי ער, און אויך אזוי הויעך.


אפשר ווייל פון קענען זינגען נידריגע טענער ביז זינגען בּאַס איז נאך א שטיקל מהלך.

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מאנטאג פאברואר 07, 2011 10:37 pm

ר' יודל אפשר זענט איר מסביר?
איך האב אייביג געמיינט אז זיינע נידריגע טענער צב"ש ביי "ונא אל תחייבם" פון הנני, און "המקום ירחם" פון אחינו, ווערן אנגערופן באַס.
גלייך ווי קאפ-שטימע ווערט גערופן פאלסעטאו אין מוזיקלישע שפראך. אצינד ווער איך געוואויר אז עס איז גאר אן אנדערע זאך.

ד"א, דאס אז ער האט פארמאגט עטליכע סארטן קולות דערמאנט הרב ד"ר שמואל כסדר אין זיין ביכל, וואו ער ברענגט עס נאך פון מוזיקאלישע צייטונגען. אט האט איר איין ביישפיל:
מבקרו המוסקלי של ה"סנט לואיס רפבליק" סבור היה שיש לו שלושה קולות. לעומתו הביע חברו ב"שיקאגו איוונינג אמעריקען" את דעתו, כי קולותיו ארבעה הם במספר.

אוועטאר
יודל מענדלזאהן
שר שלשת אלפים
תגובות: 3082
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

תגובהדורך יודל מענדלזאהן » דינסטאג פאברואר 08, 2011 10:49 am

דאס וועט פאדערן א לענגערע הסבר, אבער איך וועל אנהייבן און איך האף ממשיך צו זיין אין א קומענדיגע געלעגענהייט בל"נ.

קודם א הקדמה. פאלסעטאו איז נישט דער נאמען פון א סארט שטימע, נאר די נאמען פון א רעדזשיסטער - register. פארהאן 4 רעדזשיסטערס. יעדע פון די רעדזשיסטערס האבן זייער אייגענע וועג ווי אזוי די שטים-בענדער שאקלען זיך vibration, אן אייגענע פיטש געגענט, כאטש זיי טוען צודעקן - overlap - איינע דעם אנדערן אין פיטש, און אייגענע כאראקאריסטישע קלאנג - sound. די נידריגסטע רעדזשיסטער הייסט אויף ענגליש vocal fry, די נעקסטע וועלכע מיר נוצן אלע אין רעדן און זינגען איז modal voice, דאן פאלסעטאו falsetto, און דאן די פייפער רעדזשיסטער whistle register.

מענער שטימעס ווערן קלאסיפיצירט אין 4 סארט, פון אונטן ארויף: באס, באריטאן, טענאר און קאנטער-טענאר. פארשטייט זיך אז דערין איז נאך פארהאן געוויסע סוב-קלאסיפיקאציעס. ווי אזוי מען באשטימט וועמענס קול איז וואס איז א לענגערע שמועס. בקיצור וועלמער זאגן אז עס ווענדט זיך אין:
1. די רעינדזש פון שטימע vocal range, ווי הויך און נידריג ער קען זינגען.
2. די טעסיטורא, אדער texture פון קול, ד.ה. וואו זיין קול קלינגט שיין (אסאך מענטשן קענען גרייכן גאר הויך, אבער ס'האט נישט קיין טעם).
3. די וואג פון זיין שטימע, א לייכטע אדער שווערע. א גרויסער דגוש ווערט געלייגט דערויף. דאס ווארט "ליריש" ווערט גענוצט צו באשרייבן א קול וואס איז געווענליכע לייכטער און מער בויגזאם. דער לירישע טענאר קען געווענליך גרינגער דרייען און האט א בעסערע קאלעראטור ווי דער "דראמאטישער" שטימע, וואס איז געווענליכע מעכטיגער, רייכער און טונקעלער. (כ'האף מ'פארשטייט מיך.)
4. טימבער: די קאליר פונעם שטימע.
5. וואקעל טרענזישאן פאונטס: ביי וועלכע פונקטן די שטימע ברעכט זיך, גייט ארויף אדער אראפ א טרעפל, און מ'דערקענט א באדייטענדער חילוק פון איין נאוט צום צווייטן. פארשטייט זיך אז דער ציל פון יעדער שטימע לעהרער איז אז זיין סטודענט זאל זיין לעגאטא, צוזאמגעבינדן, smooth, דורכאויס דעם גאנצן פאסאדזשיאו. ס'זאל זיך נישט אפהאקן אין ערגעץ.

געווענליך וועט א זינגער אין א כאר קלאסיפיצירט ווערן לויט נומער 1, די רעינדזש פון זיין קול, ווי ווייט ארויף און אראפ ער גרייכט. א סאלא זינגער וועט זיך אבער ווענדן אין נומער 2, די טעסיטורא -tessitura

נאך איין נקודה. א קאנטער-טענאר זינגט געווענליך אין דעם פאלסעטאו רעדזשיסטער און נוצט דעם מאדעל רעדזשיסטער פאר זיינע נידריגע נאטן.

אבער נאכאמאל, פאלסעטאו איז נישט דער נאמען פון א קאטעגאריע אין שטימע. וואס איז דאס א פאלסעטאו?

פאלסעטאו איז טייטש "פאלש" אויף איטאליעניש. פארוואס קענט איר זיך אליין משער זיין, און אסאך האבן טאקע קריטיקירט יאסעלע פאר'ן נוצן אפט זיין פאלסעטאו, ד.ה. זינגען אינעם פאלסעטאו רעדזשיסטער ווען ער האט זיך נישט געוואלט אנשטרענגען, אדער געהאלטן אז ס'איז גאר שענער (אני הקטן האלט אויך אזוי...). איך האב אמאל געזעהן ווי חזן העלפגוט זאגט פינטשיק'ס ספירת העומר, און ווען ער קומט אן צום פזמון, נו, ווי אזוי זאל איך עס שרייבן, א תנועה אן קיין ווערטער, די מוזיק אינטראו הייבט אן מיט דעם און ס'לויפט דורכאויס דעם שטיקל, א הא א הא אויף ארויף, און דערנאך דריי מאל נידריגער און נידריגער א הההה, אהההה, אהההה, און נאכאמאל א הההה. (אהין וואו מ'טאר נישט לינקען קען מען עס הערן ביי watch?v=9NHChlgHRaA) . איינמאל אינמיטן ניגון חזר'ט זיך איבער דער תנועה איינמאל נאכ'ן אנדערן נאר דער צווייטער מאל מיט איין אקטאווע העכער. דארט האב איך געזעהן ווי העלפגוט זינגט עס נישט מיט קיין קאפ שטימע, אזוי ווי פינטשיק זינגט עס, נאר מיט'ן געהעריגן שטימע. אבער דאס איז ווייל העלפגוט, וועלכער איז ענדערש א קאנטער-טענאר ווי א געווענליכער טענאר, זינגט שוין לכתחילה אין זיין פאלסעטאו רעדזשיסטער.

פארשטייט איר? ווען איינער זאגט אייך "ער זינגט א קאפ-שטימע" אדער "פאלסעטאו", מיינט ער צו זאגן אז דער זינגער מאניפולירט די שטים-בענדער אויף אן אופן וואס ערמעגליכט אים צו זינגען העכער די רעינדזש פון די געווענליכע אדער "מאודעל" שטימע.

אגב, איך האב עס נישט באטראכט אויפ'ן פיאנא, אבער דאכצעך מיר אז יעדער גוטער באריטאן דארף קענען זינגען דעם "ונא אל תפשיעם" און נידריגע פאל פון "המקום ירחם" אן קיין פראבלעמען.

איך ווייס אויך אז יאסעלע האט געהאט גאר א ברייטע רעינדזש. אבער צו זאגן אז ער האט געהאט דריי אדער פיר סארטן שטימעס, איז א רעזולטאט פון איין שטימע קריטיק וואס פרובירט איבערצושטייגן זיין קאנקורענט אין א צווייטע צייטונג אין לויב פון דעם קעניג פון חזנות. איך האב נישט קיין טענות צו זיי, אבער ס'איז נארישקייטן גערעדט.

אין פריערדיגן בלאט האב איך זיך שוין באצויגן דערצו אין רעאקציע צו א באשרייבונג אין עולמו של אבא וועגן יאסעלע'ס שחרית און מוסף:
מעגליך אז דער עולמו של אבא מיינט צו זאגן אז ווען יאסעלע האט געזינגען די נידריגערע טענער האט זיך זיין שטימע געהערט אזוי נאטירליך ווי דאס וואלט געווען זיין שטימע, א באריטאן. ווידער ווען ער איז ארויף האט זיך עס געהערט ווי זיין וואוינארט האט זיך אריבערצויגן צום טענאר געגענט און דייקא דא איז ער אינדערהיים. טאמער דאס איז וואס ער מיינט, נו, אויף דעם בין איך נישט מחולק.


ד.ה. קען טאקע זיין אז עס איז געווען שווער צו קאטעגאריזירן זיין טעסיטורא, ווייל עס האט געקלינגען גוט סיי אלס באריטאן און סיי אלס טענאר. אבער אלס בּאַס? נו, באמת, האט איר אמאל געהערט א ריכטיגע בּאַס זינגען? דאס האב איך געמיינט מיט די ווערטער:
פון קענען זינגען נידריגע טענער ביז זינגען בּאַס איז נאך א שטיקל מהלך.


ודי בזה.

אוועטאר
זייער נייגעריג
שר האלף
תגובות: 1916
זיך איינגעשריבען אום: מוצ"ש ינואר 30, 2010 7:04 pm

תגובהדורך זייער נייגעריג » דינסטאג פאברואר 08, 2011 1:38 pm

יודל מענדלזאהן האט געשריבן: אבער אויך ווען מ'זאגט בלויז "איך האב געליינט און שטארק הנאה געהאט!", גיבט דאס שוין א שטופ פאראויס און דינט אלס אויפפרישענדער חיזוק געטראנק ווי א גלעזל לחיים (גרעי גוס בלע"ז) נאך א לאנגע שבת'דיגע דאווענען.

יא דאס איך טאקע, זייט ביטע ממשך.

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » זונטאג פאברואר 20, 2011 8:29 pm

ר' יודל! איך האב באמת נישט די ווערטער אייך צו באדאנקען... אפי' א גרינע וועט זיין צו ארים פאר אזא שיינע ערקלערונג...

אבער וויבאלד איך בין נישט אזוי באהאוונט אין שטימעס, און איך האב נאך נישט געהערט אזויפיל חזנים, קען איך נישט רעאגירן אויף אייערע ווערטער זעלבסט.

איין זאך יא, איך זעה אז עס איז דא פארשידענע מיינונגס-פארשידנהייטן אין די דאזיגע נושא. צב"ש ביי לייבעלע וואלדמאן ווי איך האב שוין געשריבן viewtopic.php?f=18&t=12976&hilit=%D7%9C%D7%99%D7%99%D7%91%D7%A2%D7%9C%D7%A2+%D7%95%D7%95%D7%90%D7%9C%D7%93%D7%9E%D7%90%D7%9F, אויך האב איך מיטגעהאלטן ווי מען טענה'ט זיך אויב "יאן פירס" איז א טענאר אדער באריטאן. אויך ווילן מאנכע זאגן אז "משה אוישער" איז א לירישע באריטאן.

אלענפאלס איז כדאי צו פירן ווייטער דעם שמועס דא viewtopic.php?f=18&t=4871.

אוועטאר
בחורהזעצער
שר חמש מאות
תגובות: 866
זיך איינגעשריבען אום: זונטאג ינואר 16, 2011 9:54 am
לאקאציע: צווישן זשאווא און זשאווא סקריפט...

תגובהדורך בחורהזעצער » דאנארשטאג פאברואר 24, 2011 3:39 pm

יודל מענדלזאהן האט געשריבן:
מענער שטימעס ווערן קלאסיפיצירט אין 4 סארט, פון אונטן ארויף: באס, באריטאן, טענאר און קאנטער-טענאר. פארשטייט זיך אז דערין איז נאך פארהאן געוויסע סוב-קלאסיפיקאציעס. ווי אזוי מען באשטימט וועמענס קול איז וואס איז א לענגערע שמועס. בקיצור וועלמער זאגן אז עס ווענדט זיך אין:
1. די רעינדזש פון שטימע vocal range, ווי הויך און נידריג ער קען זינגען.
2. די טעסיטורא, אדער texture פון קול, ד.ה. וואו זיין קול קלינגט שיין (אסאך מענטשן קענען גרייכן גאר הויך, אבער ס'האט נישט קיין טעם).
3. די וואג פון זיין שטימע, א לייכטע אדער שווערע. א גרויסער דגוש ווערט געלייגט דערויף. דאס ווארט "ליריש" ווערט גענוצט צו באשרייבן א קול וואס איז געווענליכע לייכטער און מער בויגזאם. דער לירישע טענאר קען געווענליך גרינגער דרייען און האט א בעסערע קאלעראטור ווי דער "דראמאטישער" שטימע, וואס איז געווענליכע מעכטיגער, רייכער און טונקעלער. (כ'האף מ'פארשטייט מיך.)
4. טימבער: די קאליר פונעם שטימע.
5. וואקעל טרענזישאן פאונטס: ביי וועלכע פונקטן די שטימע ברעכט זיך, גייט ארויף אדער אראפ א טרעפל, און מ'דערקענט א באדייטענדער חילוק פון איין נאוט צום צווייטן. פארשטייט זיך אז דער ציל פון יעדער שטימע לעהרער איז אז זיין סטודענט זאל זיין לעגאטא, צוזאמגעבינדן, smooth, דורכאויס דעם גאנצן פאסאדזשיאו. ס'זאל זיך נישט אפהאקן אין ערגעץ.

ר' יודעלע איך האב נישט געוואוסט אז וואס דו נעמסט אין די הענט אריין ביזטו א מומחה, אמאל האב איך געמיינט אז דו פארשטייסט נאר פאליטיק און נייעס, דא ווער איך געוואר אז דאס קענסטו אויך...
יעצט צום ענין האסט דאס זייער שיין מסביר געווען מסודר און קלאר, אבער דאס איז נאר געאייגנט פאר חזרה, א גרינער וועט נישט צופיל קלוגער ווערן, לדעתי העני' וואלט גוט געווען צצולייגן סעמפלס (ביישפילן בלע"ז) אז אזעלכע ע"ה ווי מיר זאלן פארשטיין וואס די זאכן באדייטן, למשל גיי פארשטיי ווי זעהט מען די קאליר פון די שטימע (אפשר מיטן רואים את הקולות...)
נאך אין זאך כהאב אמאל געהערט פון א יוד א חזן אז יאסעלע האט געהאט א גלאנציגע שטימע האט דאס עפעס א שייכות להנ"ל.
עפטער אלל א גרויסע שקויאח פאר אלע ארטיקלען !

אוועטאר
ים רויבער
שר האלף
תגובות: 1927
זיך איינגעשריבען אום: דאנארשטאג פאברואר 03, 2011 2:13 pm

תגובהדורך ים רויבער » דאנארשטאג פאברואר 24, 2011 4:44 pm

כאב אמאל געהערט אז יאסעלע האט געהאט א דין תורה מיט רויטמאן איבער צוויי ניגונים וואס יאסעלע האט נאכגעזונגען פון אים
קול ברמה נשמה און אשמנו מכל עם
ווייסט איינער די מעשה?
כא כא כא האבן זיך די רויבער צולאכט (מנחם מענדל)
pirate.ivelt@gmail.com

טאבאקא
שר חמש מאות
תגובות: 665
זיך איינגעשריבען אום: זונטאג יוני 20, 2010 1:29 am

תגובהדורך טאבאקא » זונטאג פאברואר 27, 2011 12:48 pm

ר' בערל שווארץ באשרייבט עס אין "זמירות ישראל", ומשם תדרשנו לטובה.

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מיטוואך מארטש 16, 2011 10:14 pm

יאסעלע ווערט אויסגערעכנט די ערשטע
צוגעלייגטע
racord.png

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » זונטאג אפריל 03, 2011 7:14 pm

די פארגאנגענע וואך איז ערשינען א ארטיקל אין המבשר - קהלות, אין די סעריע כנגן המנגן געשריבן דורך ר' פינחס ביכלר
pinchasb@etrog.net.il 052-764-5882
מיט דעם קעפל עונג שבת עם מלך החזנים.
ועמך כולם צדיקים

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » זונטאג מאי 01, 2011 9:38 pm

הרה"ח ר' שלום יוסף גראס ז"ל מזקני חסידי מונקאטש האט דערציילט די פאלגנדע עפיזאד וואס ער איז אליינס געווען דערביי.
ער איז אמאל מיטגעפארן מיטן הייליגן מנחת אלעזר זצ"ל באשיינען א בר מצוה ביי א חסיד, א גביר, אין דערפל פלאנקע נאנט צו מונקאטש.
אין יענע צייט איז באקאנט געווארן די "רעקארד פלאטע" מיטן בארימטן ניגון "אלקי נשמה" וואס באצויבערט יעדן מיט זיין נעימות (און איז ארויסגעקומען ווען יאסעלע איז שוין געווען אין אמעריקע).
אזוי ווי א פלאטע א רעקארד שפילער, איז דאן געווען א דבר חידוש, האט מען געפרעגט דעם רבי'ן זצ"ל רשות עס אויפצושפילן. האט דער מנחת אלעזר געפרעגט אויב דער אינהאלט האט דעם נאמען פון השי"ת, האט מען געזאגט ניין. האט דאן דער מנח"א געזאגט "נו, תא שמע".
נאכן הערן דעם ניגון האט דער מנח"א זיך אנגערופן בדרך מליצה: "יוסף האט עומד בנסיון געווען", און פארגעזעצט: "איך קען מעיד זיין אז 'נשמתו טהורה'; ער איז טהור פון כל מיני נסיונות. ער איז בייגעשטאנען די נסיונות מונקאטש, נסיונות פרעשבורג און געבליבן בדרך המסורה. אבער אמעריקע האט אויף אים אויך געהאט א ווירקונג".

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מאנטאג מאי 30, 2011 7:39 pm

אין א געוויסע אמעריקאנער שטעטל האט זיך אויסגעפעלט צו מאכן אן עירוב פאר די ארטיגע וואקסנדע אידישע באפעלקערונג. זיי האבן זיך נאכגעפרעגט אויף א פאסיגן פערזאן, צום ענדע האבן זיי אראפגערופן הג"ר יחיאל שטיינמעץ שליט"א - וועלכער איז אחראי אויפן עירוב אין מאנסי - אויפצושטעלן דארט אן עירוב בכל פרטיה ודקדוקיה.
ער איז ארומגעגאנגען מיטן ארטיגן רב אויסצומעסטן און זעהן וואו מען דארף אלס לייגן זוילן און שטריק. שטייענדיג אונטער א געוויסע הויף, קומט ארויס א פרייער איד און פרעגט וואס זיי ווילן.
מיט שיינע ווערטער האבן זיי פרובירט צו מסביר זיין, וואס אן עירוב איז, צו וואס נוצט דאס – און אז עס וועט דארפן דא דורכלויפן.
ווערנדיג אביסל נאנט מיט זיי, האט זיך דער איד געעפנט דאס הארץ און פארציילט אז ער איז געבוירן דא אין שטעטל, געלערנט אין אידישן חדר און גייט אפילו פון צייט-צו-צייט אין שול.
"איך האב שטארק ליב חזנות, בפרט פון יאסעלע'ן!" האט ער פארענדיגט.
הג"ר יחיאל האט אים אויפן ארט געזינגן א שטיקל פונעם וועלט-בארימטן חזן, בשעת יענער ווערט גערירט ביז טרערן. פארשטייט זיך אז ער האט גערן איינגעשטימט מען זאל נוצן זיין הויף פאר די געברויכן פונעם עירוב.

דעם פאלגענדן זונטאג איז דער איד געווען ביים רב פון שטעטל און פארציילט מיט גרויס פרייד, אז ער און זיין פרוי האבן אפגעמאכט פון היינט און ווייטער צו היטן שבת!

שוטה
שר האלף
תגובות: 1238
זיך איינגעשריבען אום: פרייטאג אוגוסט 29, 2008 2:21 am

תגובהדורך שוטה » מאנטאג מאי 30, 2011 11:20 pm

וועלקאם בעק.
ונפשי יודעת מאד ידיעה ברורה שאין ביצת הנמלה כנגד הגלגל העליון צעירה כאשר חכמתי קטנה ודעתי קצרה (הקדמת הרמב"ן לפירושו עה"ת)

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » דינסטאג מאי 31, 2011 10:49 pm

בעק טו וואט?...

--------

דאס פאלגענדע סיפור האט שלמה חפץ פון לאס אנדזשעלעס געהערט פון ר' מענדל יאזעפאוויטש ע"ה וואס ער האט אים אליין דערציילט.
ר' מענדל האט געשטאמט פון א דערפל שטאַנקאוויטש קאשויער געגנט. ער האט געלערנט אלס בחור אין פרעשבורג בעת ר' יאסעלע איז אויפגענומען געווארן דארט אלס חזן, בסוף ימיו איז ער געווען א מתפלל אין ביהמ"ד עצי חיים סיגוט אין ב"פ, און ער איז געווען א עד ראי' צו די מעשה.
ער האט דערציילט אז ר' יוסף האט מיט זיין גרויסן כוח הנגינה געקענט און פארשטאנען דאס זינגען פון די פייגעלעך, זייערע ציפצען מיט די לעפצן.
אין א שיינעם טאג האט ר' יאסעלע זיך אראפגעלייגט אויף דער ערד מיטן פנים אויף אראפ. מען האט נישט געזעהן זיין געזיכט און ער האט זיך נישט גערירט פון ארט, און ער האט אנגעהויבן צו זינגען און טשיפטשען ווי א פייגל.
עס גייט נישט דורך לאנג און דורכפליענדע פייגלעך האבן געהערט דאס טשיפשען און האבן באלאגערט זיין גוף (ר' מענדל האט דאס אראפגעלייגט זייער זיס: די פויגל האבן געמיינט אז דאס איז זייער אויסלייזער, א גרויסער פויגל, זיי וועלן שוין געהאלפן ווערן און מער נישט זיין נע ונד לעולם ועד, אין א בחינה פון "גם צפור מצאה בית ודרור קן לה"...).
זאגט מיר ר' מענדל: וואס זאל איך אייך זאגן, עס האט אויסגעקוקט ווי א קאנווענשן פון פייגל פון ארבע רוחות העולם. יעדער צפור האט געטראפן מרגוע לנפשו. עס איז געווען א מחזה אשר לא הי' מעולם, הונדערטער, און אפשר טויזענטער פייגל האבן באלאגערט דעם גאנצן שטח, און ר' יאסעלע האט געזינגען געטשיפשעט וקולו לא פסק.
מען האט געקענט זעהן אויף יעדן פייגל א צופרידנהייט צו זיין דארט.
אבער די שמחה האט נישט לאנג אנגעהאלטן, ווייל דער בעל אכסניא ר' יאסעלע, וועלכער האט צוגעפירט צו די דרגה פון "יונה מצאה בו מנוח", האט שוין מער קיין כח נישט געהאט צו פארנעמען די שווערע געוויכט און דעם ריח הטוב פון זיינע אורחים, האט ער געמוזט "מגלה פנים"זיין. און אין די רגע פונעם התגלות, ווען די פויגל האבן געזעהן אז דא האנדלט זיך פון א "ילוד אשה", איז דארט געווארן ממש א קאטאסטראפע... יעדער איז זיך צעלאפן אין איילעניש און געזוכט זיך צו ראטעווען דאס לעבן.
די פויגל האבן הפנים איינגעזעהן אז עס איז נישט געווען "עוף השמים יוליך את הקול"...

(ר' בערל שווארץ אין "זמירות ישראל" באשרייבט אויך די מעשה מיט קליינע שינויים).

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מאנטאג יוני 13, 2011 6:33 pm

ר' יקתואל הערש ווצ"ב ע"ה האט דערציילט:
אמאל בין איך געווען מיטן רבי'ן אויף שבת אין די איסט-סייד – איך געדענק שוין נישט אין וועלכע שול דער רבי האט דאן געדאווענט – דער רבי האט מיך מכבד געווען מיט כל מקדש, האב איך דאס געזינגען מיט יאסעלע ראזענבלאט'ס 'טל' ניגון.

אוועטאר
בחורהזעצער
שר חמש מאות
תגובות: 866
זיך איינגעשריבען אום: זונטאג ינואר 16, 2011 9:54 am
לאקאציע: צווישן זשאווא און זשאווא סקריפט...

תגובהדורך בחורהזעצער » פרייטאג אוגוסט 05, 2011 12:39 am

איך בין בכלל נישט זיכער אז עס קומט דא, איך וואלט דאס ליבערשט אריינגעלייגט אין א בין המצרים אשכול, נאר אזוי ווי עס איז גאנץ מעגליך אז עס איז נישט אינטערעסאנט נאר פאר חובבי חזנות, האב איך דאס דא אריינגעשטעלט. (מנהלים ביטע פלאצירט דאס אינעם ריכטיגען פלאץ).

היינט האט מאסטלי מוזיק ריעליסט א ווידעא ווי יאסעלע זינגט צדיק רבי אלעזר, (פאר ווער ס'ווייסט נישט, דאס איז א שטיקל פון קינות ארזי הלבנון ווי מען איז מספיד די עשרה הרוגי מלכות), זיי האבן דאס צולייגט מיט אזוינע צוגעפאסטע בילדער אז עס האט מיר געקאסט אפאר טרערן ביים מיטהאלטן. אנגעפאנגן מיט בילדער פון יאסעלע זעלבסט, צ. ב. ש. א בילד ווי ער איז אנגעטוהן מיט טלית ותפילין, וואס איך האב דאס נאך קיינמאל נישט געזעהן, אינמיטן פארט מען אריבער דעם אטלאנטיק קיין אייראפע ביים צווייטען וועלט מלחמה, ווי מען פייניגט די אידן, און אזוי ווייטער קיין ארץ ישראל די טעראר אטאקעס, און ווייטער קיין מומביי, וכו'.

דא האט איר דעם לינק

פארשריבן
שר האלף
תגובות: 1438
זיך איינגעשריבען אום: דינסטאג אוגוסט 03, 2010 6:58 am
לאקאציע: אין די העכערע ספערן...

תגובהדורך פארשריבן » מיטוואך סעפטעמבער 07, 2011 7:23 pm

ערשט יעצט באמערקט.

יישר כוח בחור-הזעצער פאר דעם לינק, עס האט מיר געקאסט אפאר טרערן.

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » דאנארשטאג סעפטעמבער 08, 2011 4:45 am

שכוח ר׳ יודל מענדלזאהן פאר׳ן אזוי ריכטיג אראפשרייבן אין קלאר ארויסברענגן יסודות פון שטימע. עס איז אמאל שוין געווען דא אן אשכול ווי מאנכע האבן ארומגערעדט אין די נושא, אבער אזוי ווי מען האט דארט געקייט מיסאינפארמאציע געבויעט אויף חלומות האב איך ניטאמאל געוואלט עס אפפרעגן.

איבער יאסעלעס רעדזשיסער וואלט איך געהאלטן אז ער איז ענדערש אין דער באריטאן געגנט ווי אין טענאר. בעסער געזאגט, בין החומות. איך האב כמעט נישט געהערט ביי יאסעלען ער זאל גרייכן די ריכטיגע טענאר נאטן אין זיין פולער שטימע, געווענליך גייט ער אריין אין זיין זיסער פולעסאטא ווען מען דארף קריכן גאר הויך. און מען דארף געדענקן אז אונזערע קאסעטעס אין סידיס זענען בדרך כלל אביסל העכער אין פיטש ווי דער אריגינעל און אויף עטוואס א שנעלערן טעמפא. 
What's your MO? mine is
8373
-the KOLBE index
Know - Go - Show - GROW

טאבאקא
שר חמש מאות
תגובות: 665
זיך איינגעשריבען אום: זונטאג יוני 20, 2010 1:29 am

תגובהדורך טאבאקא » דאנארשטאג סעפטעמבער 08, 2011 9:56 pm

שטארק זיך האט געשריבן:געווענליך גייט ער אריין אין זיין זיסער פולעסאטא ווען מען דארף קריכן גאר הויך.

געווענליך יא, אבער ס'איז דא גענוג מאל וואס נישט. איין דוגמא: "והרחבה" ביי "רחם נא".

כ'שעם מיך
שר מאה
תגובות: 196
זיך איינגעשריבען אום: מיטוואך יוני 15, 2011 4:24 pm

תגובהדורך כ'שעם מיך » פרייטאג סעפטעמבער 09, 2011 10:10 am

דער לויבאוויטשער האט זייער געגליכן יאסעלע, האט איר געוויסט?
http://www.shturem.net/index.php?section=news&id=51572

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » פרייטאג סעפטעמבער 09, 2011 10:12 am

כ'שעם מיך האט געשריבן:דער לויבאוויטשער האט זייער געגליכן יאסעלע, האט איר געוויסט?
http://www.shturem.net/index.php?section=news&id=51572

מיין באבע אויך
What's your MO? mine is
8373
-the KOLBE index
Know - Go - Show - GROW

כ'שעם מיך
שר מאה
תגובות: 196
זיך איינגעשריבען אום: מיטוואך יוני 15, 2011 4:24 pm

תגובהדורך כ'שעם מיך » פרייטאג סעפטעמבער 09, 2011 10:18 am

"כאשר ישב כ"ק אדמו"ר נשיא דורינו ללמוד בספרי' ביקש שישימו לו ברקע את שירתו של יוסלה"...


צוריק צו “היכל הנגינה”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 13 געסט