קרעמער האט געשריבן:יישר כח אלע מגיבים, ובפרט מאטקע. ביטע זוך אפיר יענעם ספר און לאז מיך וויסן.
אין ספר נשמת שבת חלק ו' שרייבט ער אז דער מנהג דאהי איז אז א קינד וואס ווערט געבוירן שבת פארנאכטס צווישן די שקיעה און צאת הכוכבים מל'ט מען נישט אום שבת.
דאס איז שוין א צווייטע זאך.
דער קול קורא רעדט פון צינדען לעכט ערש"ק, איסור עשית מלאכה ערב שבת, הייבט זיך אן לויט שיטת רבינו תם ביים צווייטן שקיעה (13.5 מינוט פאר 72), און ערב שבת איז מען מחמיר לשיטת רבינו תם, כדעת המנחת כהן, וואס לפי דעם קען מען רוהיגער הייט מאכן א מלאכה ביז עטליסט א גוטע דרייאפערטל שעה נאכ'ן לעכט צינדען.
לגבי מילה, ווייסיך נישט, אבער אויב מאכט מען נאך א מלאכה נאכן ערשטען שקיעה (אין די גאליציאנער קרייזן) איז דאך נאך פרייטאג, ווי קען מען מל זיין אין שבת?
יעצט דער מעשה מיט'ן שינאווא רב איז אזוי.
אין רוב ערי גאליציא האט מען געהאלטן שי' רבינו תם כמנהג המנחת כהן (וואס איז גאנץ ענדליך צום נארמאלע שטאט זמן), צו האלטן גענוי 72 איז אפי' אין גאליציא נישט געווען אזוי אנגענומען. איז לגבי מילה, אפי' לויט שי' רבינו תם דארף מען מחמיר זיין לשי' המנחת כהן בדעת ר"ת.