eller האט געשריבן:שלמה הילדעסהיימער האט געשריבן:ששש, נישט אויסזאגן פאר קיינעם, דער בלאזעראו קען נאך געוואר ווערן.
ס'נישט מסיג צו זיין ווי שטארק שלמה גייט פארענטפערן די ליבערלען..
וואס פונקטליך וויל ער דא לייקענען ווען יעדער פו ןאונז זעהט עס יעדן טאג, + באריכטן יעדע פאר טעג ווי שטארק די קריים איז ארויף אבער ניין ער גייט זיכן און אלע לינקע צייטונגען אפשר איז דא עפעס צו פארווישן...
#שמעק די קאפי
איך פארענטפער נישט קיינעם און איך לייקן נישט גארנישט.
איך וויל פשוט אפשלאגן די דורכאויס פאלשע בליק וואס שרייענדיגע ניו יארק פאוסט דעקלעך און קאנטעקסט-לאזע סאציאלע מידיע מיעמס געבן אז ניו יארק סיטי האט א הויכע פארברעכנס ראטע און אז פארברעכנס אין די סיטי איז געשטיגן מער ווי אין אנדערע סיטיס צוליב די ליבעראלע דיבלאזירא פירערשאפט.
ס'איז ריכטיג אז פארברעכן אין די סיטי, מיטן אויסנאם פון מארדן, זענען געשטיגן דאס יאר, עפעס וואס איך האב שוין "מודא" געווען אין דאזיגן שנירל א האלב מנין מאל איבער די לעצטע חדשים. אבער עס איז אויך ריכטיג אז א גרויסע טייל פון די וואוקס איז צו פארדאנקן די עפידעמיע-פארבינדענע טראסק אין פארברעכנס אין די סיטי אין 2020. (מארדן, ווי שוין געשריבן דא עטליכע מאל, איז געפאלן דאס יאר אין פארגלייך צו 2020, אבער אויך נאר צו פארדאנקן די שטארקע אויפשטייג אין מארדן אין 2020).
סך הכל, ניו יארק סיטי איז פון די סאמע פארזיכערסטע גרויסע סיטיס אין די פאראייניגטע שטאטן. דאס איז די מציאות יעצט, איז שוין אזוי פאר לאנגע יארן און וועט האפנטליך ווייטער זיין אזוי אונטער דעם נייעם מעיאר עדעמס, אי"ה.
אויב מיינט איר אז דאס איז פשוט ווייל מען באריכט נישט קיין קריים אין די סיטי, דאן קען מען קוקן אויף מארדן, וואס דאס ווערט זיכער באריכטעט, און פארגלייכן ניו יארק סיטי צו סיי וועלכע גרויסע סיטי איבער די פאראייניגטע שטאטן.