מיטוואך לך
קאנגרעס האט באשטעטיגט מיט 206-219 די חוות דאך העכערונג פון 480 ביליאן דאלער אויף ביז דעצעמבער 3 למספרם
*
ווייסע הויז פרעע סעקרעטארשע דזשען סאקי האט ווידערהאלט אז די קומענדיגע דאך העכערונג וועט אויף קיין פאל נישט גיין דורך רעקאנסיליאציע
*
דו האסט אן אנונג וואס סינעמא וויל?
הויז בודזשעט קאמיטע פארזיצער קאנגרעסמאן דזשאן יארמאט: קיין השגה וואס זי וויל
*
קאנגרעס מאיאריטעט פירער סטעני האיער זאגט אז לויט אים דארף מען עלימינירן אמעריקא'ס חובות דאך
*
מייקל אוואנאטי האט געבעטן פון א פעדעראלע ריכטער אין קאליפארניע אפצושטופן זיין פרישע ווייער שווינדל פראצעס
*
קאנגרעסמאן ווען דרו וועלכע האט געטוישט פארטיי צו רעפובליקאנער בעפאר די פארלאפענע וואלן זאגט אז ער גייט נישט מאכן די באשלוס אויב פרעזידענט ביידען איז געווארן לעגיטים ערוועלט
*
געוויסע האבן אנגעפרעגט פארוואס די פראגע צו מען זאל דיעטירן די בודזשעלוציע טארט פון אויבן אראפ (לאזן אלע פראגראמען אבער פארקורצן זייערע יארן) אדער אין די ברייט (אראפשניידן עטליכע שיכטן און פראגראמען אבער דעקן די איבריגע פאר א לאנגע יארן) האט זיך אנטוויקלט צו א מעסיגע/ליבעראלן שטרייט
די ענטפער מוז נישט זיין אבסאלוט אבער אויף צו שפעקולירן קען עס זיין נוצבאר
צו ערשט איז דא די סימבאלישע פאקטאר ווען ליבעראלן שפורן זיך שוין אזוי אויך באטראפן אז די ציפער פון די ביל גייט זיין נידריגער ווי זיי וואלטן געוואלט און ווילן כאטש אז זיי זאלן קענען פארקויפן וואס מער א רייכע אינהאלט פון פראגראמען פאר זייערע וויילער
מען דארף געדענקן אז וועלן פאליטיקאנטן פראפאגאנדירן בילס וועלכע זיי האבן געהאלפן באשטעטיגן רעדן זיי נישט פון וויפיל געלט עס האט אפגעקאסט נאר קאנצעטרירן זיך אויף וואס די ביל שטעלט אלץ צו פאר די בירגער און צוליב דעם ווילן זיי אז עס זאל ארייננעמען וואס מער אינציאטיוון
און טאקע אט דא העלפט פארשטיין פארוואס די מעסיגע זוכן דוקא צו גיין מיט ווייניגער פראגראמען זינט טייל פון די געדאנקן ווערן לויט זיי אנגעקוקט עקסטרעם און זיי זוכן זיך נישט צו אידענטיפיצירן דערמיט
דאן איז דא די פראקטישע פראגע ווען ליבעראלן וועלכע זענען געווענליך מער אמביציעז זענען מער איבערצייגט א אפילו אויב די פראגראמען וועלן לויפן פאר א קורצע צייט וועלן די בירגער פארלאנגען ווען זיי לויפן אויס אז מען זאל זיי ווידער פינאנצירן אבער די מעסיגע זענען מער סקעפטיש איבער וואשינגטאן'ס פונקאציאנירן מעגליכקייט און גלייבן שווערער אז אין די שטאט פון גרידלאק וועט מען רעפינאנצירן פראגראמען וועלכע זענען געלאפן פאר א קורצע וויילע און ווילן כאטש אז די מער פאפולערע פראגראמען זאלן לויפן פאר לאנגע יארן און ווערן באפעסטיגט
*
הכל הבל האט געשריבן:דאנערשטאג נצבים
פעיפאל קאו פאונדער ביליאנער פיטער טהיעל גרייט זיך אריינצוגיסן מיליאנען דאלארן אין א רייע 2022 למספרם פארמעסטן אונטערצושטיצן קאמפיינס פון נאנטע פריינט
ער פלאנט פאראויסצוגיין מיט א מאסיווע 10 מיליאן דאלער טשעק וועלכע ער פלאנט אויסצושרייבן פאר בלעיק מעסטער וועלכע איז דער פרעזידענט פון זיין פאנדעישאן און פלאנט מעגליך אריינצושפרונגען אין די רעפובליקאנע סענאט פריימערי אין אריזאנא צו קענען לויפן אקעגן אמטירנדער דעמאקראט מארק קעלי
דאס קומט נאך וואס ער האט שוין בייגעשטייערט די זעלבע סומע צו א סופערפעק וועלכע שטיצט די קאנדידאטור פון דזשעימס דעיוויד ווענס וועלכע פארמעסט זיך אין די סענאט פריימערי אין אהייא
ער האט שוין אין די פארגאנגנהייט געשטיצט מערערע קאנדידאטן אריינגערעכנטענדי ביגס וועלכע קלערט אויך צו לויפן אין די אריזאנא סענאט פריימערי
זיין שטיצע פאר קאנדידאטן האט נישט אלץ געברענגט רעזולטאטן ווי צום ביישפיל האט ער אריינגעגאסן 20 מיליאן דאלער אין די קאמפיין פון קריס קאבאך אין קענסאס וועלכע איז עווענטועל געווארן באזיגט דורך סענאטאר מארשאל
מעסטערס האט שוין געהאט באטראכט צו לויפן אין 2020 למספרם אקעגן דאן מארטא מקסעלי אבער האט עווענטועל אפגעטרעטן פון זיינע פלענער
די סופערפעק איז אצינד ארויס מיט א רעקלאמע בליץ אקעגן אין שטיצע פון מעסטערס אקעגן דעם אמטירנדע אטוירני דזשענעראל בראנאוויטש
[/quote]
טהיעל ריכטעט זיינע שפאקטיוון קיין ווייאמינג און קומט אריין מיט ערנסטע ביישטייערונגען פאר ליז טשעיני'ס פיימערי אפאנענט
ער שטרעקט אויך אויס א האנט צו העלפן דזשאו קענט וועלכע לויפט אין א פריימערי אקעגן הערערא באטלער וועלכע האט אויך געשטימט צו אימפיטשן טראמפ
*
די מעקאליף פאר גאווערנאר קאמפיין אין ווירדזשיניע האט ארומגעלייגט "יאנגקין=טראמפ" טעוועלעך ארום די וואל לאקאל וואו מעקאליף האט אפגעגעבן זיין שטימע
*
מערערע קאנדידאטן פארמעסטן זיך צו ערזעצן דעם פארשטארבענעם קאנגרעמאן עלסי העסטינגס אין פלארידא'ס 20'סטע דיסטריקט אין די ספעשל עלעקשאנס וועלכע איז באשטימט אויף קומענדיגע מיטוואך אבער געוויסע צייגן אן אז אויפן קאמפיין שטראז איז מערקבאר אן ערנסטע טויש פון די אטמאספערע וועלכע מען האט געזעהן ביי די היציגע פריימערי אין אהייא'ס עלפטע דיסטרקיט ווען דער לינקע נינא טורנער איז באזיגט געווארן אין א צייט וואס די די ביידען לאיאליטעט און פארטריאטיזם איז געווען גאר שטארק
אצינד זענען מערערע קאנדידאטן זייער אפן מיט קריטיק אינעם פרעזידענט'ס ריכטונג און שוינען נישט קיין ווערטער ביים אויסדרוקן זייער אנטריסונג מיט טייל פון זיינע פאליסיס איבערהויפט ווען עס קומט צו די אישו פון די האיטי אימיגראנטן
*
מיט מער ווי א יאר ביז צו די מידטורמס הויבט מען שוין אן צו זעהן קאמפיין אטאקע רעקלאמעס פון די רעפובליקאנער און פילע פון זיי איבער די גרויסע קאסטן פון די דעמאקראטישע בילס
מעסיגע דעמאקראט געווען א טייל פון פרעזידענט ביידען'ס מאטארקאדע און אריבערגעפארן גאסן באצירט מיט אזעלכע קאמפיין שילדן
*
ווי נעכטן באריכטעט האט דעמאקראטישע קאנגרעסמאן פון קענטאקי דזשאן יארמאט געצאלדן זיינע רעטייערמענט פלענער
ווערנדיג געפרעגט איבער א מעגליכע קראמפיין פון זיין זוהן זאגט יארמאט אז עס איז ווייניגער ווארשיינליך ווי ווארשיינליך אבער ער האט קלאר אן אינטערעסע דערין
*
קענטאקי האט מיט מער ווי צוויי יאר צוריק געהאט באשטעטיגט אן אנטי רציחה געזעץ וועלכע פארבאט די מערסט באנוצטע מעטאד גענוצט ביים דורכפירן רציחה פראצעדורן אבער די איינצגסטע רציחה קליניק האט זאפארט אריינגעטראגן אן אנקלאגע דערקעגן אין געריכט און די סטעיט'ס העלט און פאמיליע סעקרעטאר האט אויפן פארארדענונג פון דאן רעפובליקאנע גאווערנאר מעט בעווין זיך ארויסגעשטעלט אלץ רעפרעזענטאט פון די סטעיט צו פארטיידיגן די געזעץ אין געריכט
דער סעקרעטאר האט זיך פאר דעם צוועק באנוצט מיט אדוואקאטן פונעם סטעיט אטוירני דזשענעראל'ס אפיס אבער די דיסטריקט געריכט האט בלאקירט די געזעץ און נאכן עס אפעלירן האט די זעקסטע קרייז געריכט באשטעטיגט אז מען קען נישט פאראויסגיין מיט די געזעץ
אינצווישן האט דער איצטיגער דעמאקראטישער גאווערנאר ענדי באשאר באזיגט בעווין און די נייע אדמיניסטראציע האט באשלאסן און פארארדנט זיין נייע העלט סעקרעטאר עריק פרידלענדער מער נישט צו אפעלירן די קעיס
אן אויסנאם איז אבער געווען דער אפריקאנער אמעריקאנער אטוירני דזשענעראל דעניעל קעמעראן וועלכע איז א רעפובליקאנער און ערוועלט געווארן אינאיינעם מיטן דעמאקראטישן באשאר און ער האט באשלאסן אז זיין אפיס וועט אפעלירן די קעיס און איבערנעמען די קעיס דארט ווי די העלט סעקרעטאר האט עס איבערגעלאזט
מאכן אריינגעבן א ביטע צו אינטערווענירן אין די קעיס האט א פאנעל אויף די זעקסטע קרייז געריכט געאורטיילט אז טראץ וואס דער אטוירני דזשענעראל קען אין אלגעמיין איבערנעמען א קעיס האט ער זיך דאסמאל דערמאנט צי שפעט און וואלט זך געדארפט פריער אריינמישן איידער א פעדעראלע סירקוט אורטיילט אקעגן די סטעיט געזעץ טראץ וואס אדוואקאטן פון זיין אפיס זענען טעכניש געוועון פארמישט אין די קעיס פון די ערשטע מינוט
קעמעראן האט אפעלירט די באשלוס סופרים קאורט און געבעטן אז זיי זאלן אים לאזן איבערנעמען די קעיס און צוגעלייגט אז אויב זיי ערפולן טאקע זיין וואונטש בעהט ער זיי גלייכצייטיג אז זיי זאלן פארארדענען די נידריגע געריכט איבערצוקוקן זייער באשלוס אין ליכט פון א סופרים קאורט
אורטייל אין די פריערדיגע סעסיע וועלכע האט בלאקירט אן ליוזיאנא אנטי רציחה ביל וועלכע איז געווען שארפער פון די קענטאקי געזעץ אבער טוט לויט קעמעראן אונטערשטרייכן אז א געזעץ נוסח קענטאקי וואלט יא געווען אויסגעהאלטן
זיין בקשה עשה מחצה און די געריכט איז איינגעגאנגען אויסצוהערן די ערשטע פראגע צו ער איז בכלל א מאן דאמר אין די קעיס אבער אפגעווארפן זיין צווייטע פארלאנג אז אין פאל זיי אורטיילן לטובתו זאלן זיי גראד באשליסן אויב די אונטערשטע געריכט מוז איבערקוקן זייער אורטייל נאר ליבערשט וועט קעמעראן אין אזא פאל צו ערשט דארפן זעלבסט אפעלירן זיין קעיס צום נידיריגן געריכט און אויב די אויסגאנג געעפעלט אים נישט קען ער דאן פרובירן זיך צו ווענדן צום העכסטן געריכט
די געריכט האט טאקע נעכטן דינסטאג אויסגעהערט די ערשטע פראגע אין די מונדליכע ארגומענטן און עס האט אויסגעקוקט ווי א מאיאריטעט וועט אורטיילן אין שטיצע פונעם אטוירני דזשענעראל
מעטיו קאהן איז דער קענטאקי דעפיוטי סאליסיטאר דזשענעראל וועלכע ארבעט אונטער די אפיס פונעם אטוירני דזשענעראל און ער האט רעפרעזענטירט קעמעראן און איז בעיקר אויסגעשטאנען פראגן דורך ריכטערין סאטאמאיאר
סאטאמאיאר האט ערווענט אז אן אונטערשפריט פון קעמעראן אין די צייט ווען די סטעיט אונטער די העלט סעקרעטאר האט געקעמפט אקעגן די געזעץ און דער אטוירני דזשענעראל האט זיך דאן שריפטליך פארפליכטעט אז ער איז דיסמיסד פונעם קעיס און וועט אקצעפטירן סיי וועלכע אורטייל
סאטאמאיאר האט געפרעגט פארוואס די סירקוט קאורט קען נישט איינפאך זאגן אז זיי קימערן זיך נישט איבער וואס פאסירט אויף די פאליטישע ארענע און די טויש פונעם גאווערנאר שטוהל נאר רעכנט זיך מיט די אונטערשפריט פון קעמעראן צו אקצעפטירן די יורידישע באשלוס?!
אלעקסא קאלבי-מאלינאס האט רעפרעזענטירט די קליניק און געמאכט אן ענליכע ארגומענט זאגנדי אז אז טראץ וואס זי אנערקענט אז יענע אונטערשפריט טוט אים מעגליך נישט שטרענג פארבאן פון שפעטערע אינטערווענץ קען ער אבער פראסט זיך פארפליכטן נישט צו זיין פארמישט, זיין שטיל נאך די דיסטריקט געריכט אורטייל, פארפעלן עס צו אפעלירן און ערשט יעצט נאך וואס די קרייז געריכט האט שוין באשטעטיגט די אורטייל זיך צוריק אריינבאקומען אין די קעיס מיטן איבערנעמען די קעיס אין די פאזע וואו זי האלט
ברייער איז נישט געווען אזוי סימפאטיש מיט די סאטאמאיאר פונקט און געזאגט אז ער רעכנט זיך יא מיט דעם וואס אדמיניסטראציעס האבן זיך געטוישט און מיט דעם די רעגירונג שטעלונג איבער רציחה וואס דאס ערקלערט פארוואס קעמעראן זוכט ערשט איצט אריינצוקומען אין בילד און צוליב וואס די סטעיט געזעץ ערלויבט דעם אטוירני דזשענעראל צו אינטערווענירן אין א קעיס און זיין אינטערווענץ (פאר זיך, אין א זייט געלייגט די אפעקט וואס פאסירט אויב ער וועט עוועטועל זיגן אין די קעיס גופא) שאפט נישט קיין ספעציעלע שאדן פאר קיינעם פארשטייט ער נישט פארוואס מען קען אים נישט לאזן איבערנעמען די קעיס
ריכטערין קעיגען האט אויך ארויסגעברענגט איר וואונדער פארוואס מען זאל נישט ערלויבן קעמעראן צו פארטיידיגן א געזעץ וועלכע די סטעיט האט באשטעטיגט און בלויז צוליב אדמיניסטראציע טויש איז טעכניש נישט פארהאן עמיציער וואס איז באפולמעכטיגט וואס זאל פארטיידיגן די געזעץ טראץ וואס אסאך אין די סטעיט און אין די רעגירונג וואלטן עס געוואלט טוהן (אנדערש איז ווען די נייע אדמיניסטראציע איז גענוג מאכטפול צו איבערצייגן געזעצגעבער צו טוישן די געזעץ איז אין דעם פאל פשוט נישטא ווער עס זאל פארטיידיגן די געזעץ וועלכע די סטעיט האט באשטעטיגט)
דער קליניק אדוואקאט אלעקסא קאלבי-מאלינאס איז אויך אויסגעשטאנען פראגן פון הויפט ריכטער ראבערטס וועלכע האט ערווענט אז ביי א צווייטע אומפארבונדעטע קעיס פארנט פון די זעקסטע סירקוט אויך געפירט דורך די העלט סעקרעטאר האט קעמעראן אויך געזוכט צו אינטערווענירן און טאקע נאך איידער די זעקסטע סירקוט האט געאורטיילט אבער דאן האט די קליניק גע'טענה'ט אז די אורזאכן פארוואס זיין אינטערווענץ איז נויטיג איז צו שפעקולירנד און אז ער האט נישט איבערצייגט פארוואס עס איז נויטיג
זאגט ראבערטס, אז איצט ווען ער האט יא אויסגעוווארט ביז נאך זייער אורטייל ווען יעדער זעהט אז דער העלט סעקרעטאר אפעלירט מער נישט און עס איז קלאר אז קעמעראן דארף אינטערווענירן זאגט מען אים אז ער האט זיך דערמאנט צי שפעט?!
ראבערטס האט אויסגעפירט אז די קליניק רינגלט ארום קעמעראן און שטופט אים אריין אין א ווינקל אן קיין אפציעס ווייל אלעמאל איז אדער צי שפעט אדער צי פריה
יענער האט פרובירט אפצוטיילן יענע קעיס פון די איצטיגע זאגנדיג אז דאן איז קעמעראן קיינמאל נישט געווען פארמישט (אנדערש ווי איצט ווען ער האט צוגעשטעלט זיינע אדוואקאטן) אבער ראבערטס האט נישט אויסגעקוקט צו אקצעפטירן זיינע רייד זאגנדיג אז ער קען הערן אן ארגומענט אז בעת וואס דער העלט סעקרעטאר רעפרעזענטירט די סטעיט צוליב וואס תרי קלא לא משתמעי און מען קען נישט האבן צוויי מענטשן צו רעפרעזענטירן די סטעיט אין די זעלבע צייט אבער איינמאל דער ערשטער לייגט אראפ די וואפן איז צייט פארן אטוירני דזשענעראל אריינצוקומען