אינטערעסאנטע אויפשריפטן אויף מציבות

[קרעמער]

ברוך אתה ה' אלקינו וכו'

קרעמער, לערן זיי אויס ווען צו נוצן "און" און ווען "אין"..

איך כאפ נישט וואס דו מיינסט. אלע און'ס און אין'ס זענען פאסיג ביז גאר.

סארי איך זע נישט קיין איין "אין", לייען ביטע נאכאמאל די לעצטע שורה:

עס דארף צו מיינען אז זי האט געהאלפון דעם מאן מיט צדקה און חסדים.

אבי גערעדט. אלעס קלאפט ווי א שווייצער זייגער.

זי האט געפונען טרייסט "אין" איבערגעגעבנקייט צום מאן וכו'.

[יוסלמאן]

אבי גערעדט. אלעס קלאפט ווי א שווייצער זייגער.

זי האט געפונען טרייסט "אין" איבערגעגעבנקייט צום מאן וכו'.

פארשלאפן האסט א בילד פון די געפינטעלטע מקבל געווען מיט א ציירי?

[scy4851]

ר' שמחה, איר ספעלט נישט ריכטיג אייער נאמען... גיט א קוק:

איין מינוט נאר!....און וויא אזוי האט איר עס געספעלט?

[בןהרחמן]

נעבעך אן אפגעהאקט ביימעלע (אזוי האט מען געמאכט ווען איינער איז ל"ע געשטארבן אינג האט מען געשטעלט א מציבה פון אן אפגעהאקט ביימעלע), יונג געשטארבן דינענדיג אין דער ארמיי, ביי וועלכער קריג איז ער אומגעקומען? מערקט דעם אמעריקאנער פאן ביים שפיץ.

מר. בוזי.
לויט די דאטום קוקט אויס אז ער איז ל"ע אימגעקומען אין די לעצטע חודש פונעם ערשטן וועלט קריג.
ARGON ON THE FOREST קען באדייטן אז ער איז געווען אין פראנקרייך ערגעצוואו.

דארט שטייט Argonne Forest און דאס איז טאקע געווען סוף פונעם ערשטען וועלט קריג (פון סוף סעמפטעמבער ביז אנהייב נאוועמבער יאר 918' למספרם, וואס דאס איז שוין לויטן אידישן יארגאנג געווען שנת תרע"ט), דאס איז געווען א חלק פונעם דרייפאכיגן גרויסן אפענסיווע וואס די אמעריקאנער און פראנצויזשע ארמייען האבן דורכגעבראכן דעם דייטשן ליניע אויפן מזרח פראנט, זעה דא אביסל אינפארמאציע, אדער פרעג אן ביי מיסטער גוגל איבער Argonne Forest

[בןהרחמן]

א זון נעבעך פארלוירן אינעם ערשטן וועלט קריג און שרה וואס איז "געשטארבען 25סטו אין כסלו" זעט אויס אז זיי האבן נישט געוואוסט פונעם ערשטן טאג חנוכה?!

דאס איז נישט אזא גרויסע קשיא, איך האב געזעהן אויף מציבות אין היימישע שטעט אין אייראפע ווי עס שטייט נאר דער דאטום פון כ"ה כסלו און עס ווערט נישט דערמאנט וועגן חנוכה, די סיבה דערפאר איז לכאורה ווייל אמאל האט נישט געגאנגען אזוי ווי היינט אז מען שרייבט מגילות וויפיל עס גייט ארויף און וויפיל עס איז דא פלאץ אויפן שטיין און עס ווערט געמאכט דורך מאשינען, נאר מענטשן האבן דאס געדארפט אויסקריצן ממילא איז געווען אויסגערעכנט יעדע אות און מען האט נישט געלייגט קיין איבריגע אות, רוב אדער גאר אסאך מציבות אינדערהיים האבן נאר דעם נאמען און טאטענס נאמען און דער טאג פונעם פטירה, און ביי פרויען מציבות זייער אסאך מאל שטייט אפילו נישט דער נאמען פונעם מאן.

[משיח]

איך גלייב אז די לעבער רעדט מען פון סעודת שבת...

[קארל]

ביי די Deaths-אפטיילונג אין דעם "ניו יארק טיימס" האב איך מיט עטליכע יאר צוריק געזען א מודעה איבער איינעמ'ס פטירה, שרייבנדיג אז דער נפטר ז"ל האט גאר שטארק ליב געהאט צו שיפלען און צו עסן טשאקלאד טשיפ קוקיס, די מודעה האט אויסגעפירט אז די לויה וועט פארקומען אין טעמפל אהבת שלום אין מאנהעטן.

[שוועמל]

כאטשיג עסטרייכערס קוקיס?

אדאנק פארשלאפן און בוזי און אלע אנדערע פאר די אינטערעסאנטע אויפשריפטן, עס מאכט נעבעך ממש לאכן פון די אמאליגע אמעראצעס.

[קארל]

כאטשיג עסטרייכערס קוקיס?

דעם פרט איז מיר נישט קלאר. ס'איז אבער אנצונעמען אז א איד מאנ"ש טעמפל אהבת שלום וואלט נישט צוגערירט עפעס אנדערש.

[אינטעליגענט]

דאס איז טאקע נישט קיין אמעריקאנער מציבה, אבער מצחיק ביז גאר..

[קרעמער]

אוטש.
--

איך קלער צי דער זוהן איז נישט פארפאלן געגאנגען צו די סאטמארע חלילה..

[קארל]

דאס איז טאקע נישט קיין אמעריקאנער מציבה, אבער מצחיק ביז גאר..

איי עם סארי, ר' אינטעליגענט. אבער מיר האט וויי געטאן דאס הארץ אז א מענטש איז נעבעך אוועק פון דער וועלט מיט אזא ביטערניש.
לאך נישט פון א צווייטנס צער.

[lebediger berel]

איך זע אין די פיצעלע אותיות ווי מען רופט עס "מצבת המריבה" דער איד איז נעבעך געווען זייער זייער דערביטערט.

[מיללער]

אוי איז דאס א רחמנות, ער האט געקעמפט פאר א לאנד וואס איז נאך היינט אומסטאביל,און געבליבען א קאליקער לעולם דוד, דאס טוט אים נישט וויי, מיט דעם איז ער שטאלץ, זיין גרויס חכמה וואס זעהט זיך ארויס פון יעדע שורה אויף די מציבה האט ער 'באהבה' מנחיל געווען פאר זיין זון וועלכער האט בוגד געווען אין אים, טא וואס טראגסטו נאך מיין נאמען?....

און ווער עס אי נייגעריג צו וויסען וואס איז געווען זיין דיסעביליטי, גיט מען א קוק ביי די קאורט-פאפירען זעהט מען אז דער איד האט געהאט צוטאן מיט די וועטעראן-אפעירס מיניסטעריום האלטענדיג אז מ'האט אים נישט גענוג קאמפענסירט פאר זיינע מערערע ליידונגען, לבי לבי על חללהים, כי אתה ה' באש הצתה ובאש אתה עתיד לבנותה.

ברויך מען נאר וויסען צו דער זון קומט שטעלן א קראנץ בלומען אדער אפשר זאגט ער גאר א קדיש'ל און טרעפט זיך אן מיט'ן פסק פונעם פארביטערטער פאטער.

[lebediger berel]

וועל מיר זען צו דער זון וועט אויך שרייבן אויף די מצבה את הורי אהבתי וכבדתי

[יוסלמאן]

ס'קומט נישט אינגאנצן אריין דא, אפשר מער אין חסידישן אידן אשכול, אבער ס'געווען א איד, א פייערדיגער חסידישער איד, וואס אלץ קינד איז ער אריינגעפאלן אין א קליינעם לעיק און א איד איז מיט מסי"נ אריינגעשפרינגען און אים געראטעוועט. יארן שפעטער - נאכן קריג - איז דער רעטער נעבעך געווארן אקוראט אוואו אונזער מציבה שרייבער, א געפאלענער פון די מדינת ישראל מיליטער, און מ'האט אים געמאכט א מיליטערישער לויה ווי ס'פאסט...

דער איז וואס איז געראטעוועט געווארן דורך דעם האט דאן געווינט אין ארצה"ק און הערענדיג אז זיין רעטער איז נפטר געווארן איז ער געגאנגען צום לויה צערמאניע. ווען מ'האט געברענגט דעם קראנץ בלומען כחוקת הגוי ליידער ארויפצולייגן אויפ'ן ארון, האט זיך דער איד נישט געקענט איינהאלטן און ארויפגעשפרינגען, אראפגעטראסקעט די בלומען און זיך גענומען שרייען אז ס'זיין טאטע ווייל ער האט אים געראטעווע און ער וויל נישט מ'זאללייגן בלומען אויף זיין טאטען'ס ארון.

וואס דארט איז געבליבן, צו די צערמאניע האצעך געענדיגט ווייס איך נישט, אבער דער איד האט קיין בלומען אויפ' ארון נישט געהאט.

[ביקסאד]

מעמוד ג

היטלער ימ"ש האט נישט געהייסען היטלער, ער האט געהאט עפעס אן אנדערע נאמען (איך געדענק שוין נישט, קיק עס נאך). ער האט זיך געגעבן די נאמען היטלער שפעטער, ימ"ש.

שיקעלגרובער

[מיללער]

א כלה ביום חופתה

[בן בוזי]

ס'איז נאך אפשר שוין נאך פורים אבער דא אויפן בית עולם פונעם ארבעטערס רינג ווי עס ליגן די מיטגלידער פון די בונדיסטישע סאציאליסטישע און יידישיסטישע באוועגונג פון טאראנטא איז נאך פרייליך ביז גאר, דאס איז דער ערשטער מציבה -הארט ביים טויער- פון פילע אנדערע מציבות וואס האבן מיר און מיינע באגלייטער געמאכט אויפגעלייגט און גוטמוטיג, דער באזוך אין דער דאזיגער חלקה איז געווען א שעה של קורת רוח, און איך וועל אייך בל"נ אויך מיטטיילן מיט בילדער פון וואס מיר האבן געזעהן.

(די בילדער פון מקום מנוחתם והציונים של הרבנים והגדולים אשר מנו"כ אין יענער ביה"ח האבן מיר געשיקט קיין קברים דאט קאם און עס ווערט כידוע אין די טעג ארויף געשטעלט פאר אירע באזוכער)

[בן בוזי]

איך בין נישט זיכער אויב ער איז פון יענער חלקה אבער ס'דאך אינטערעסאנט

[פרעגער]

איך בין נישט זיכער אויב ער איז פון יענער חלקה אבער ס'דאך אינטערעסאנט

דאס איז אין די ארבייטערס רינג בית עלמין.

[בן בוזי]

וואנעט ווייסטו?

[פרעגער]

וואנעט ווייסטו?

כ'האב שוין באזוכט אמאל, אבער אהן א פאטא אפאראט.
דאכצעך אז רוב מציבות דארט שטייט אויף אידיש - אבער די ענגלישן דאטום.

[דארפסמאן]

איך האב קודם געמיינט אז די יכבד איז געשטארבען פורים, אבער NOV. איז נישט פורים

[בן בוזי]

זאל איהם/איהר דער ערד גרינג זיין........................