אדאבי אינדיזיין

[A-1]

איז דא א וועג צו מאכן א טעקסט באקס מיט א סטרויק, וואס מ'זאל זעהן נאר אויף איין זייט, למשל נאר אויבן אדער נאר אונטן? [אין ווארד איז דא אזא אפשן, קען מען עס אין אינדעזיין אויך מאכן?]

[ווארום]

ווייז א סעמפל פון ווארד

[A-1]

דא האט איר א סעמפל

[A-1]

נו קען מען עס טון?

ווי אויך וויל איך וויסן צו ווען מען מאכט א ליין העכער און אונטער טעקסט כזה:
_________________
אדאבי אינדיזיין
_________________

איז די וועג צו קריעטן א ליין אויבן און עס קאפיען און לייגן אויך אונטן, אדער ס'איז דא א גרינגערע וועג?

[צים פינטעל]

ווארום איך שטעל מיך אויך אין די ליין,
קען מען מאכן א בעקראונד אינטער טעקסט אליין, למשל א חלק שורה א שווארצע בעקראונד א חלק געלע, אין ווארד איז דאס א דבר פשוט

[האניג]

: איך וואלט אויך שטארק געוואלט וויסן א מהלך דערצו, ס'וואלט מיר גוט צוניץ געקומען ביידע. ווען דו באקומסט אן אנטווארט דא צי ערגעץ אנדערש ביטע זייט מודיע. שכוח!

[ווארום]

בנוגע די בארדערס, דארף מען קאנווערטען די טעקסט צו א טעיבל, און דאן קענסטו גראד זעהן אויבן די אפציעס צו סעלעקטן די זייטן, די מיטן, און אויך דערנעבן וועלכע סארט ליין און דיקקייט.

צום פינטעל, צו מאכן אז נאר די טעקסט זאל האבן א בעקגראונד און די איבריגע חלק שורה נישט, איז דא ביי די פערעגרעף סטיילס, דארט גיי צו PARAGRAPH RULES, צינד אן RULE ON, און דארט אונטען ביי WIDTH מאך TEXT און ביי די איבריגע נומבערס דארפסטו סעטן אז עס זאל לויפן ממש אינמיטן אונטער די טעקסט, (קליק PREVIEW צו זעהן די תוצאה בשעת מעשה).

[A-1]

הרב ווארום, גא-ט זאל דיר בענטשן!

[האניג]

זעהר שעהן! שכוח ווארום!

[ווארום]

אכי"ר.

איך שטיי גרייט אייך צוהעלפן, אומזינסט.

[A-1]

ווארום, איך בין ממש פארגאפט פון דיין אהבת ישראל, ממך ילמדו וכן יעשו!

[צים פינטעל]

קען מיר ביטע איינער העלפן מיט די נושא:
ווען מען מאכט א טעבל און מען מאכט געוויסע שורות העכער און געוויסע שורות נידריגער, אזוי מאכט מען עטליכע בלעטער, וואס יעדע בלאט האט אנדערע חילוקים, יעצט, קען איך זאגן פאר אינדעזיין אז ער זאל מסדר זיין די שורות אזוי אז עס זאל זיך שיין ענדיגן ביי די margins ווען איך צו אויס די טעקסט באקס ביז די margin

[ווארום]

זיי זיך בעסער מסביר, די זאגסט אז די ציסט אויס ביז צום מארדזין, און די ווילסט אינדיזיין זאל עס מאכן אוטומאטיש, ווער זאל? די צו אינדיזיין?

[צים פינטעל]

אה, כאב פארשטאנען אז ווארום וועט קומען צו הילף
די מעשה איז אזוי, איך צי אויס די טעקסט באקס ביז די מארגין, אבער די שורות פון די טעבל זענען דאך נישט קאסטומייזד אז ער זאל מאכן שורות פון אויבן ביז אינטען, דעריבער אויב ער האט נישט קיין פלאץ פאר נאך א שורה שפאצירט זיך די נעקסטע שורה אריבער צו די נעקסטע גע'לינק'טע בלעטל און ער לאזט מיך איבער מיט א ליידיגע שטיקל,

[צים פינטעל]

איך לייג צו א בילד, באטראכט אינטען וועסטו זען אז די רעכטע טעבל איז אביסל קלענער אפילו די באקס איז ביידע די זעלבע, דאס קומט צוליב וואס ער האט נישט פלאץ פאר נאך א שורה, לאזט ער עס ליידיג, מיין פראגע איז צו מען קען אים זאגן "צי אלעס אביסל אויס" אז עס זאל זיך אייניגען,
שקויעח ווארום

[הויכער]

פשוט אז ער קען נישט ווייל די זאגסט דאך אים פונקטליך ווי גרויס יעדע שורה זאל זיין ממילא אויף וועלכע שורה ווילסטו ער זאל דיר נישט פאלגן? טראכט אריין וועסטו דאס פארשטיין , עס איז פשוט

[צים פינטעל]

איך גיב אים נאך א משהו אויף יעדע שורה,
איך טראכט אז עס מוז זיין א וועג
גלייכצייטיג האב איך נאך א שאלה, איך קען נישט מאכן א footnote אין א טעבל, איז דא א עצה

[הויכער]

די גיסט אים נישט נאך א משהו ווייל די זאגסט אים דאך קלאר וויפיל די ווילסט "פינקטליך" די שורה זאל זיין

[צים פינטעל]

איך זיך נישט קיין לימוד זיכותים אויף אינדעזיין פארוואס זיי זענען גערעכט איך וויל וויסען צו זיי קענען מיר צופרידן שטעלן אויף א געוויסע וועג

[ווארום]

אנטשולדיגט איך האב נישט געקענט מעיין זיין אויף די שאילתא,

די ווארט איז, אז מען דארף עס איינשטעלן אזוי ווי די צייטונגען מאכן שטענדיג, אז אלע ליינס פון אלע קאלומס בלייבן די זעלבע הייעך.
און דאס ווערט געמאכט דורך וואס מען שטעלט איין א Baseline Grid, און אזוי בלייבן אלע שורות גראד.

רעסעפי:
שרייב אראפ אויף א פעיפער - אדער געדענק - דיין Leading (דהיינו די מרווח צווישן איין שורה מיטן צווייטן) ?
דריק CTRL K, און ביי גרידס שטעל איין די Increment every זאל זיין די אויבנדערמאנטע [געדענסקט נאך? ניין, מאך צו און קוק נאכאמאל, נעקסט מאל ווען מהייסט שרייבן, שרייב!] לידינג נומבער,OK

יעצט גיי צום פערעגרעף סטייל און שטעל איין דארט ביי Indents & spacing > Align to grid > All lines
שפיל דיר ארום צו זעהן די ענטגילטיגע תוצאות.

[צים פינטעל]

פארשטיי נישט קיין ווארט אבער כגיי קוקען

[הויכער]

דכצעך אז ווארום רעדט וועגן alignen פון אויבן, גערעכט?

[צים פינטעל]

ווי שטייט מיין Leading

[ווארום]

דא איז די לידינג
און ביי די זייט רעכטס, זעהט מען די בעיסליין גריד.

בעיסליין איז אונטן.

[צים פינטעל]

סגייט מיר נישט
האסט פארשטאנען מיין קשיא?
צו מען קען צווינגען אינדעזיין זיך צו ענדיגן ביים סוף פונעם טעקסט באקס