צים סוף איז געבליבען אז מען דארף זיין פרייליך

[ירא שמים]

בס"ד

אזוי שפאצירענדיג אין די ענדלאזע וועגען אין מיין קאמפיוטער שפאציר איך זיך אזוי געמיטליך אין איך טראכט דורעך די פארגאנגענע שבת קודש וויפעל געלונגענע זאכען האבען פאסירט אין וויפעל דורכפעלער
איך לייג ארויך די גיטע זאכען אויף איין זייט פינעם וואגשאל אין די דורכפעלער אויפען צווייטען זייט איך איך מאך דעם סך הכל צי איך דארף זיין פריילעך אדער ח"ו אנגעבלאזען
למעשה קען איך נישט דיסיידען וואס איך דארף זיין, די טשאלענט איז ב"ה געווען געראטען, אבער ס'געווען א פאר אנדערע דורכפעלער אין עס איז שווער צי קומען צי א מסקנה
די קאפ ארבעט פיבערהאפטיג די אויערען שוויצען מעןו מיז קומען צי א מסקנה
ביז איך בין געקומען צי א מסקנה אז איך קען נישט אליין דיסיידען אין איך מיז פרעגען א גיטען פריינט ,איך שפאציר ווייטער די וועטער איז ב"ה ווארים (אין מיין קאמפיוטער איז יעצט זימער) איך שפאציר אריין אין א "פארק" אין איך זיך א גיטען חבר די בענק זענען באזעצט מיט אלע ערליי בריאים שיינע יודען , ביזנעס לייט, שלעפערס, אין סתם ליידיג גייער'ס ,איך קוק זיך ארום ,אין זיך א גיטען חבר
פלוצלינג דעזעה איך, ווי איינער זיצט אין שפילט אויף א פידעל, עס קוקט אויס ווי ער האט קיין דאגה אויף דער וועלט נישט ,די אויגען זענען פארגלייזט ,מיט עפעס א העכערע שמייכעל אויף די לעפצען,
אין ער זיצט אין שפילט אויף סטרינעס פינעם פידעל ,אין א העכערע אטמאסטפער איז אויסגעגאסען אויפען גאנצען ארום ,איך שטעל זיך אפ אין קוק זיך איין, אין עס ווערט מיר לעכטיג פאר די אויגען ,
דאס איז דאך נישט קיין צווייטער ווי אינדזער באקאנטער קרעמער , שוין איך האב שוין מיט וועם זיך דורכצורעדען , איך גיי צי אין געב אים א קלאפ אויף די פלייצע אין זאג א גיטע וואך קרעמער וואס טוט זיך
בקיצור איך האב מיט אים געהאט א לאנגע שמועס אין איך בין זייער נתפאל געווארען פין זיין קלוגשאפט אין אויסגערעכענטקייט אסאך דורכפעלער האט ער מיר צינומען אין מיר אויפגעוויזען אז עס איז גארנישט קיין דורכפאל בקיצור צים סוף איז געבליבען אז איך דארף זיין פרייליך

סאו בין איך פריילעך

איך האב געמאכט א בילד פין קרעמער אינם פארק ,דא האט איר

[קרעמער]

האסט פארגעסן אנצוהייבן (מיטן באקאנטן ניגון):

א שיינעם חלום האב איך געזען
אין א פארק בין איך געווען
פלוצלינג באמערק איך א פרייליך אידל
קרעמער שפילט אויף א פידל
איך געב אים א קלאפ אויפן פלייצע
ר' איד - געב מיר אן עצה

קרעמער דרייט זיך צו מיר אויס
איך רעד זיך דאס הארץ ארויס
ער הערט מיר אויס מיט געדולד
מיין צער האט ער מיטגעפילט
ער דרייט זיך ימין ושמאל
און רופט אויס הויך אויפן קול

בסייעתא דשמיא!

[יאנאש]

ירא שמים;

הערליך, ווארעם, און קרעטשמעריש ארויסגעברענגט, א שאד נאר אז דו האסט מיר נישט געפרעגט צו וועמען זיך צו ווענדן, איך וואלט דיר גלייך געשיקט צו קרעמער'ן און דיר פארשפארט א שפאציר, אבער מאכט נישט, סוף האסטו אליינס געזעהן דעם ריכטיגן פארשוין.

קרעמער;

איי די גראמען פון אמאל.

[קרעמער]

יאנאש;

די גראמען פון אמאל,
אין אלט-שטאט אויפן טאל,
דאס וועל איך אלעמאל
געדענקן...

לאמיר דאס אויפפרישן,
דאס בלעטל צוריקמישן,
די טרערן אפווישן,
מיר בענקן

[מאשקע]

הממממ... דער קרעמער טויג!
אפשר עפנט מען טאקע אינעם שפראך פארום אן אשכול מיוחד צו גראמען?

[צייטליך]

ירא שמים, זייער גוט, האסט איין טעות נאר געמאכט, די בילד איז פון א קוסטיק גיטאר, נישט קיין פידל, אפשר קען דאס קרעמער אויך, אבער ער בעהאלט עס אויף ביזדערוויל,
קרעמער דיינע גראמען זענען זייער גוט, ס'קוקט אויס אז די האסט יעצט גענדיגט אויסהערן די טעיפ פון פינקי ביי די אקערמאן חתונה,
כ'מיין אז ביידע ניגונים זינגט ער דארט, די צווייטע זיכער.
עניוועי, צום ענין, אויף JUNE 15 ביסטו עוועליבעל ? ס'איז אין ויואל משה,

[קרעמער]

מאשקע נייג צו אן אויער,
הערשט יעצט ווערסטו געוואויר,
קוק אין אלט קרעטשמע ביים טויער,
אינעם "פאום" אשכול גענויער.

חרוזים און פאומס וועסטו געפונען,
מיט זאפטיגע גראמען דערינען,
איי איז די טינט אמאל גערינען,
די רייכע אמאל איז אבער אנטרינען.

[מאשקע]

אנטרינען איז טאקע דער רייכער אמאל,
אבער מיר ווייסן אז לא אלמן ישראל,
דער קוואל טרוקנט זיך אויס קיינמאל,
מ'קען דערפון שעפן אוצרות אן א צאל.

אלזא גארטל דיך אן די לענדן,
און טוה אלע דיינע כוחות אנווענדן,
עטליכע מינוטן א טאג טוה שפענדן,
ווייל אויב נישט יעצט, ווען-דען?

[ירא שמים]

בס"ד

קרעמער איז מקיים וישא משלו אין טוט אין א גראם ארויס גיין
פין זיין פענען טוט ווערטער ארויסרינען איינער צים צווייטען טוט פאסען אזוי שיין

פין דערווייטענס טוט ר' מאשקע קומען
אין צי גראמען האט ער זיך אויך גענומען

זיין קול'כל טוט אין די ליפט שפרייזען
אזש ער גייט ממש ארויס פין די גלייזען

צייטליך ווערט אינגאנצען באנומען
ער הייבט זיך אן אינטער ציברימען

ער ווערט שוין אינגאנצען צימישט
ער האט זיך דאך נאר פאר איין חתונה ציגערישט

אין דא זענען די גראמער'ס אזוי ציוואקסען
יעדער מאכט אנדערע פאקסען

וועם צי נעמען טוט ער נישט וויסען
פין אלע קען מען דאך אזוי געניסען

אוי טאטע וואס טוט מען יעצט
מען וועט דארפען יעדעם נעמען אויף א טעסט

אין ווער עס וועט ארויס קומען די בעסט
ער וועט מהנה זיין די געסט

[איך_הער]

סא, איז דער אשכול צו א גראמען אשכול געווארן פארדרייט?
אדער וועט זיך דאס נאך אזוי דרייען און דרייען, אז מ'וועט שוין נישט וויסן צו מען גייט אדער שטייט?

[קרעמער]

דער אשכול איז נישט פארדרייט
קוק וואס אויפן קעפל שטייט
מען דארף זיין פרייליך אלע צייט
אזוי איז געבליבן יעדער באשטייט

איינער ווערט פרייליך פון נאש
א צווייטער פון א פולע טאש

דער דריטער פון א וויצל מלא טעם
און ווער פון א שיינע חרוז אויפן גראם

[שוועמל]

איז אבער נאך אלץ דא איינער
א דארער און א קליינער
דרייט זיך מיט קרומע ביינער
אנע שמייכל אויף די ציינער

נישט דאס מאכט אים געהויבן
און נישט דאס טינט אויפן בויגן
דאס טוט אים נישט אפנויגן
כאילו ער זעהט דאס נישט מיט די אויגן

הוי די טאשן! וויל ער אנפילן
גענצליך געזונט! אראפ מיט די פילן
קינדערלעך מיט נחת! זיך שיין שפילן
בלעטער גמרא! טוט ער אזוי ווילן

הלואי, פאר אלע אידן

[איך_הער]

דער אשכול איז נישט פארדרייט
קוק וואס אויפן קעפל שטייט
מען דארף זיין פרייליך אלע צייט
אזוי איז געבליבן יעדער באשטייט

איינער ווערט פרייליך פון נאש
א צווייטער פון א פולע טאש

דער דריטער פון א וויצל מלא טעם
און ווער פון א שיינע חרוז אויפן חרוז

קרעמער, נצחתני.
ברוך אשר בחר בנו.

[קרעמער]

אינטערסאנט אז דו האסט נישט אנגעמערקט דעם טעות אינעם לעצטן שורה, וואו עס שטייט חרוז ביים סוף, אנשטאט גראם (איך האב עס שוין יעצט פארראכטן אינעם אריגינעלן תגובה)

[איך_הער]

אינטערסאנט אז דו האסט נישט אנגעמערקט דעם טעות אינעם לעצטן שורה, וואו עס שטייט חרוז ביים סוף, אנשטאט גראם (איך האב עס שוין יעצט פארראכטן אינעם אריגינעלן תגובה)

איך האב יא באמערקט, אבער איך בין געווענליך נישט פון דעי וואס מערקן אויף טעותים, נאר ווען ס'איז עפעס ספעשל'ס און מ'קען מאכן דערפון מטעמים. (איך רעד נישט פון די טעותים אשכול וואס דארט און אין יענע צייט איז געווען א פארמעסט ווער ס'קען טרעפן מער טעותים ביים צווייטן.)