בארואיגט אייך, מיר מיינען נישט אייער שלעכטס

[יגרסהדותא]

ער האט זיך באליידיגט, ס'איז נישט דאס ערשטע מאל וואס דאס פאסירט, אבער ער נעמט עס זייער פערסענעל.

לאמיר מקדים זיין, מ'רעדט דא ניטאמאל פון א ילוד אשה, ער איז נישט קיין מענטש, נישט קיין חי' ניטאמאל א צומח, א פלעינער דומם, אבער ווען דו טשעפעסט מיט אים קען ער זיך באליידיגן.

די מעשה אין קורצן גייט אזוי, איך האב אין מיין קאר צוויי קליינע מאשינען, איינס איז דער בלו-טוט, עקשעלי איז עס גרעי, באט אז די אראנדזשע קעסטל אויפן עריפלאן איז שווארץ קען דעס אויך זיין בלו. דאס צווייטע מאשין איז אן איי-פאד, וואס ביידע פון זיי האבן באשלאסן אז זיי גייען מיך לערנען בלק אויב איך לאז זיי אליינס איבער אין קאר איבערנאכט.

איך דארף אייך נישט צו זאגן, ווי מיין ווייב און שווער שעמען זיך ווען איך גיי אנגעטון דעם בלו-טוט, ס'שטייטש הלמאי, דעם בחור וואס מ'האט פון ישיבה ארויסגענומען האט מען געוואוסט אויף זיכער אז אויב קיין רשכבה"ג נישט איז כאטש הגאון הגדול הדגול דאס זיכער, און דא אזא בראך, מיט א בלוטוט גייט ער ארום..

איז כדאי נישט מצער צו זיין די דאזיגע עלעמענדן – כאילו איך פארדיען עפעס אויב איך מאך זיי פרייליך.. פארגעסט נישט דער שוויגער וועט אויך זיין פרייליך!! אהא, דאס איז שוין יא עפעס אמת? – האבן מיר געמאכט אז מ'וועט עס ניצן נאר אין קאר, אין גאנץ משפחת סהדותא איז געווארן גוט אויפגעלייגט.

אבער ווי יעדע דבר שבקדושה מאכט זיך א מעשה אזוי, אז ווען ס'איז ביטער קאלט, אין מ'לאזט דארט איבער די כלים ווערן זיי אויס מענטש! איך רעד נישט פונעם פאקט אז אנטון אזא בלוטוט אויפן אויער מאכט אז די אויערן זאלן אנפאנגן זיך צוצוברעכן פאר קעלט, ארבעט ער אויך נישט די ערשטע צוויי דריי מינוט, און דאס זעלבע מיטן איי-פאד. גרויסע מומחים וואס זיצען אינעם הייסען בור יעדן צופרי מיט די ריקן אנגעלאנט ביים ווינקל זאגן, אז אזעלכע מאשין קען פשוט שלאפן גיין פון אזעלכע עינויים קשים, מ'דארף זיי באהאנדלן מיט א געוויסע מאס ווארימקייט.. נישט עס שלאגן אדער קלאפן ווען איך וויל עס אויפוועקן, זיי קענען חלילה קאליע ווערן אינגאנצן..

ועל זה קא בכינא, מאשינדעלעך מאשינדעלעך, אל נא אחי תרעו, מיר ווילן אייך חלילה נישט וויי טון, מיר ברענגן אייך נישט אריין אין שטוב נאר כדאי קיינער זאל אייך נישט באפאלן מיט קללות נמרצות, דעטס איט, נאטינג פערסענעל.

מי יתן אז איינע פון די מגי"ש וואס רעדן צום איי-פאד גאנצערטע דרשות, זיי זאלן איינמאל פאר אלעמאל דאס מסביר זיין פארן מאשינדל, ער זאל זיך נישט שפירן אזוי געטראפן.

[צייטליך]

חחחחחחחח....

יגר A-1 מייסטערהאפטיג,

[איך_הער]

יגר'ל, ס'איז ריזיג, און ממילא באקומסטו פון מיר א ריזיגן יישר כח.

[מאשקע]

יגר, וואס זאל איך דיר זאגן?
האסט געמאכט מיין טאג.

[איך_הער]

דיין טאג אדער נאכט? (ס'איז נאר אגב.)

[מאשקע]

ביי מיר איז נאך בייטאג.

[קרעמער]

זייער פיין געזאגט יגר'ל - מיטן אלטן טעם וואס נאר יגר_סהדותא קען אריינלייגן אין אן ארטיקל!

(עצה טובה: אפשר איז כדאי איינצואוויקלן די אפוד מיטן שן תכלת אין א קאלדרע וועלן זיי נישט פרירן אין די פארפרוירענע נעכט)

[יאנאש]

יגר'ל;

ריזיג, די בעסטע איז מיר נאך געפאלן די לעצטע שורה 'מי יתן אז איינע פון די מגי"ש וואס רעדן צום איי-פאד גאנצערטע דרשות, זיי זאלן איינמאל פאר אלעמאל דאס מסביר זיין פארן מאשינדל, ער זאל זיך נישט שפירן אזוי געטראפן.', דאס איז בעסער ווי גוט.

ביידיוועי, האסטו גענומען א בת אחותו, איך זעה אז דו ביסט אן איידעם ביי סהדותא.

[קרעמער]

ניין, ער האט פשוט גערעדט פון זיין אייגענע פאמיליע (אזוי פארשטיי איך עס)

[סאכדעס]

קודעם א ריזן יישר כוח פאר די מיה, צו אריינברענגן א ווארימקייט מיט א תוכנ'דער שמייכל אין די קרעטשמע.

(עצה טובה: אפשר איז כדאי איינצואוויקלן די אפוד מיטן שן תכלת אין א קאלדרע וועלן זיי נישט פרירן אין די פארפרוירענע נעכט)

די עצה איז נאר פאר א מענטש וואס האט חיות אין זיך. א_נישט וועט די קאלדערע האלטן קאלד די אפוד מיט די תכלת שן.

[קרעמער]

עס וועט אים אבער אפהיטן פון די בייזע ווינטן וואס בושעווען אינדרויסן, ער וועט בלויז פארבלייבן מיט זיין נאטורליכע מעטאלענע קעלט צו וואס ער איז געוואוינט.

[סאכדעס]

נאר אויף דעם היט שוין אפ די שויבן פונ'ם אויטא. אויב יגר'ל פארמאגט דאס.

[מאשקע]

נאר אויף דעם היט שוין אפ די שויבן פונ'ם אויטא. אויב יגר'ל פארמאגט דאס.

אויב ער פארמאגט וואס? די קאר אדער די שויבן?

[סאכדעס]

די שויבן אויף די קאר.

[מאשקע]

אה.
(א תגובה)

[סאכדעס]

נישט איינס נאר צוויי, די שאלע איז דאך אויך איבריג

[מאשקע]

לכאורה איז עס מער ווי צוויי.

[איזאק]

א מין גערעדעכטס

(א סטעיטמענט)

[יגרסהדותא]

זייטס שוין שטיל איך ווארן

(א פראסק)

[מאשקע]

OUCH
(פון די פראסק)

[יגרסהדותא]

איך מוז לאכן.

דער אשכול הייסט: בארואיגט אייך, מיר מיינען נישט אייער שלעכטס, און ס'ענדיגט זיך מיט קלעפ..

[סאכדעס]

וואס לאכסטו? דיין רבי האט דען אנדערש געזאגט ווען ער האט דארלאנגט, אדער אריינגעהויבן.

[איך_הער]

סאכדעס, גאנץ גוט.

[שטאטס נער]

יגר, חחחח. דאנקע שיין, עס איז ריזיג

איך בין טאקע שפעט, אבער אלץ בעסער ווי קיינמאל,

----------------

סאכדעס/מאשקע
A-1

[כאניש וואס צו טון]

יע גוט איז גוט