עירוב תבשילין האט געשריבן:פאלגענד איז די פילע ליסטע פון מדינות ארום די וועלט וואס האבן סוספענדירט בריטישע פלי רייזעס אריין אין זייער לענדער:
אינדיע איז אצינד די לעצטע אין די רייע, אנגעהויבן פון מארגן דינסטאג 11:59 ביינאכט. אלע וואס קומען אהן ביז דעמאלטס דארפן אהערשטעלן א נעגאטיוו RTPCR טעסט ביים אנקומען אין עירפארט.
פראנקרייך
די פראנצויזישע טראנספארט מיניסטער דזשין-באַפּטיסטע דזשיבבאַרי האט נעכטן געמאלדן אז אנגעהויבן פון זונטאג 12 אזייגער ביינאכט וועלן אלע בריטישע בירגער נישט אריינגעלאזט ווערן פאר 48 שעה. דאס רעכנט אריין פלי רייזעס, שיף און באן רייזעס.
אירלאנד
אנגעהויבן פון זונטאג 12 אזייגער ביינאכט. פארט וועלן קארגא שיפן צווישן די צוויי ווייטער אפערירן.
דייטשלאנד
אנגעהויבן פון זונטאג 12 ביינאכט. ביז מינימום דעצעמבער 31. קארגא עראפלאנען וועלן ווייטער אפערירן. ארטיגע מידיע באריכטעט אז בערלין באטראכט שוין צו סוספענדירן די פלי רייזעס ווייטער אריין אין יאנואר, אבער ס'איז דערווייל נאכנישט באשטעטיגט.
בעלגיע
אנגעהויבן זונטאג 12 אזייגער פאר מינימום 24 שעה. דאס רעכנט אריין באנען אויך.
עסטרייך
אנגעהויבן פון נעכטן זונטאג 12 אזייגער פאר מינימום 48 שעה.
רומעניע
אנגעהויבן פון היינט מאנטאג נאכמיטאג.
לאטביע
פון היינט מאנטאג ביז ענדע יאר למס'.
בולגאריע
פון זונטאג 12 ביינאכט ביז ענדע יאר למס'.
קראאציע-croatia
פון היינט מאנטאג נאכמיטאג פאר מינימום 48 שעה.
פינלאנד
אנגעהויבן פון היינט מאנטאג נאכמיטאג פאר מינימום 2 וואכן.
האלאנד
אנגעהויבן פון זונטאג ביז ענדע יאר למס'.
דער שווייץ
אריינגערעכנט פלי רייזעס פון סאוט אפריקע. די רעגירונג האט נישט געמאלדן ביז ווען.
שוועדן
נאכנישט באשטעטיגט. די רעגירונג וועט דאס היינט נעמען אין באטראכט.
איטאליע
ביז קומענדיגע יאנואר 6. א קעיס פון די נייע ווערסיע איז שוין באשטעטיגט געווארן איז א שפיטאל אין רוים, האט די ארטיגע געזונטהייט מיניסטעריום געמאלדן נעכטן.
קאנאדע
פאר מינימום 72 שעה.
טערקיי
אזוי אויך זענען פלי רייזעס פון דענמארק, האלאנד, און סאוט אפריקע סוספענדירט.
איראן
לויט די IRNA נייעס אגענטור זענען בריטישע פלי רייזעס סוספענדירט פאר 2 וואכן. (גיי ווייס...)
על-סאלוואדאר
אריינגערעכנט די וואס זענען געווען אין ענגלאנד די לעצטע 30 טעג, זענען אויך סוספענדירט פון אריינקומען.
קווועיט-Kuwait
אנגעהויבן פון היינט מאנטאג, די באאמטע האבן נישט אנגעצייכנט א דאטום ביז ווען.
סאודי אראביע
פאר מינימום 1 וואך.
מאראקא
פון זונטאג ביז ענדע יאר למס'.
ואחרון אחרון... מדינת ישראל וועמענס "העכסט סאפיסטיקירטע און קוואליפיצירטע קארפן קעפ" מיניסטארן זענען (לכאו') געווען די ערשטע אין די וועלט צו סוספענדירן בריטישע טרעוול.
דאס איז עס פאר דערווייל, דארף מען נאר צו ווארטן און זעהן וואס זאכן וועלן זיך אויסלאזן די היינטיגע טאג.
נאך עטליכע לענדער
אין אייראפע:דענמארק, עסטאניע, ליטא, נארוועגיע, פולין, טשעכיי
שפאניע האט דערווייל נאכנישט געמאלדן.
אינדרויסן פון אייראפע:ארגענטינע, טשילע, קאלאמביע, האנג קאנג