סטיטשינער האט געשריבן:בד"ה הרב החסיד ר' יוסף ניימאן הי''ד
[align=center]סוסמאן פארלאנגט מפנה צו זיין און פּאלמעסטן ר' יוסף ניימאן הי"ד![/align]
מייקל סוסמאן, דער קאנטראווערסיאלער אדוואקאט וועלכער פארטרעט דעם אנטיסעמיטישן מערדער גרעפטאן טאמאס, וועלכער האט דורכגעפירט די ברוטאלע אטאקע אין מאנסי מוצ"ש חנוכה, וואו עס זענען פארוואונדעט געווארן 5 אידן, און איינער פון זיי, ר' יוסף ניימאן ע"ה הי"ד איז געשטארבן פאר יו"ט פון די וואונדן, האט אריינגעגעבן א געזוך אין געריכט, אז מ'זאל ח"ו מפנה זיין דעם נפטר ר' יוסף ע"ה, כדי מ'זאל קענען דורכפירן א פּאלמעסונג רח"ל!
סוסמאן האט אריינגעגעבן דעם געזוך אין סטעיט געריכט, און ער האט דאס דערמאנט אין א בריוו וואס ער האט פאריגע וואך צוגעשיקט צו די פעדעראלע ריכטער קעטי סייבעל, וואס טאמאס איז אויך אונטער א גאר ערנסטע פעדעראלע אנקלאגע, אז ער האט פארלעצט די פעדעראלע האס געזעצן, וואס אויב מ'וועט דאס איצט העכערן צו א מארד קלאגע, ווייל ר' יוסף איז דאך געשטארבן פון זיינע וואונדן, קען טאמאס באקומען א מאקסימום טויט שטראף.
לעצם ענין, גייט דורך אין היינטיגע בתי חיים, אנגעפירקלט מצבות מיט הונדערטער ווערטער, מען קען דערפון ארויסנעמען כדמסיק תעלא מבי כרבא. אלעס די זעלבע סארט חרוזים, ענדיגט זיך מיט "בורים, גבורים, דבורים וחורים" און יעדער האט די זעלבע סארט מעלות, בערך. איך מאך נישט אוועק חלילה קיינעם, אבער ווען עס וועט קומען אן אייניקל פופציג יאר שפעטער און פרובירן צו דערגיין "מיט וואס האט מיין זיידע ארויסגעשטארט פון אנדערע אידן?" וועט ער כמעט נישט טרעפן א חילוק צווישן די היינטיגע מצבות.
זיין מעשה פון 15 מינוט איז געווען א וועלט'ס געשעעניש פיל מער ווי זיין גאנצע 72 יאר לעבן. ווען איינער וועט קומען צו ר' יהוסף ניימאנ'ס מצבה הונדערט יאר ארום, וועט ער גלייך זען אז עפעס שוידערליך האט פאסירט וואס האט בשעתו אויפגעשאקלט די וועלט.
חוץ מזה האט עס זייער שיינע מעלות ארויסגעברענגט, קיינמאל נישט פארלוירן זיין שמייכל, געטיילט פיש פאר שבת, ווער רעדט נאך די אינטערעסאנטע חלק זייענדיג אין קאומא האט ער געקישט דברים שבקדושה וכו'
ער ליגט מסתמא אין א פארשעי חלקה און "רבינו" איז נאך עניטיים אזוי פאסיג ווי "דבוק לרביה"ק זי"ע" אויף יעדע צווייטע מצבה אין קרית יואל
עס איז אויך נישט קיין כתובה אדער א מגילה אז יעדע ווארט דארף שטימען עפ"י דקדוק. עס איז זייער גוט ארויסגעברענגט די געפילן פון די בני משפחה, ווי אויך דער מצב נורא וואס איז געווען ארום זיין רציחה ל"ע. אלא מאי, עס ענדיגט זיך נישט די שורות גלייך? אביסל אייגנארטיגקייט, אביסל יוניקנעס איז מער ווערד ווי אלע היינטיגע מדומה'דיגע קלאסישקייטן.