ביים מסיבת לחיים בבית אדמו"ר שליט"א תיכף נאך די חופה (נישואי בן חדב"ן הגה"צ ראי"י גלאנץ שליט"א אב"ד סאטמאר לעיקוואוד), האט דער אבי החתן דער רב שליט"א אויפגעטרעטן מיט קורצע רייד, ארויסברענגענדיג מיט התרגשות אז מען האט זוכה געווען צו ממנה זיין די חשוב'ע אינגעלייט מבני השכונה וועלכע זיצן און הארעווען על התורה ועל העבודה, צו דינען אלס מורי צדק.
דער רב שליט"א האט מבשר געווען אז מען וועט אויך ממנה זיין הרה"ג ר' משה בערקאוויטש שליט"א, וועלכער זיצט אצינד שבעה נאך זיין פאטער הרה"ג ר' מאיר ראובן ז"ל, דעריבער וועט מען אים אפיציעל ממנה זיין נאך די שבעה.
דער רבי שליט"א וועט אפיציעל מכריז זיין דאס התמנות בשער בת רבים ביי די גראנדיעזע מעמד חנוכת הבית ומסיבת שבע ברכות, זונטאג נאכט אי"ה, בבית המדרש הגדול אין לעיקוואוד.
פון דעם באזוך ביי ר' מרדכי פארהאנד באגלייט פון א רייכע מיטאג באנקעט, וואו מען האט פארהאנדלט און גומר געווען דעם מקח אויפן ענדיגן איבערבויען דעם בנין הביהמ"ד והמקוה טהרה, נאכפאלגענדיג פון דעם מסיבה ביי הר"ר ישעי' בנציון ענגלענדער הי"ו אינדערהיים, ווען אין א התרגשות'דיגע מאמענט האבן א גרופע תושבי לעיקוואד וועלכע זענען פון די גליקליכע עלטערן אין די הייליגע מוסדות ביינאזאם תורם געווען בערך הונדערט טויזנט דאלער פאר די מוסדות הק', ארויסברענגענדיג טרערן פון פרייד ביים רבי'ן שליט"א און די ארומיגע, און אוודאי ביי דעם גראנדיעזן מעמד חנוכת הבית און מסיבת שבע ברכות ווען דער געפאקטער ביהמ"ד האט גערעדט מער פון אלע בילדער וואס מען האט נאר געקענט פארשטעלן, דאס ברודערליכקייט און הארמאניע, מיטן להטות שכם אחד עדיטוד מיט וואס סאטמאר - לעיקוואוד איז ב"ה געבענטשט האט באוויזן צו איבערראשן די גרויסע קאלטע קאפיציטעטן אויף אן אבנארמאלן פארנעם ב"ה (הרה"ג ר' חיים יהושע באב"ד שליט"א האט קענטיג מרוגש'דיגערהייט בשער בת רבים מוותר געווען אויף א גרויסן טייל פון א חוב וואס די מוסדות איז אים שולדיג), און פארשטייט זיך מיט די זכי' צו ווערן ארויפגעלאזט צו נעמען פירות ביים חמשה עשר טיש אלס "תושב"....
געענדיגט שפעט ביינאכט מיט דעם באשיידענעם מסיבת לחיים בבית הר"ר דוד ניישטיין שליט"א לרגל התמנות הרה"ג המורי צדק בבית הוראה דקהלתינו שליט"א, ווען דער מרוגש'דיגער חבר הבד"צ הגה"צ ר' יקותיאל יהודה פילאפף שליט"א האט ארויסגעברענגט זיינע רגשי הלב זעענדיג ווי זיין חשוב'ער איידעם שליט"א איז עולה לגדולה.
אשרי עין ראתה קהל קדושים רוגשים, למשמע אוזן תאבה נפשינו. דער טאג האט ב"ה געלאזט א גוטן טעם אין מויל, וועלכע וועט בעז"ה זיין בלויז א התחלה צו א פרישע גאלדענע תקופה אין קורות הימים לבית סאטמאר.