פארשער האט געשריבן:ביסט גערעכט אז ער פארגלייכט עס צום אנדערן עקסטרעם פון הרבה אצל כולם אבער פון די אנפאנג פון זיינע ווערטער "ומפלאי סימני החכמה בהם שהם הרבה אצל קצת בני האדם, מצד שאינם ריקים מהם, והם מעט אצל רובם." זעט [מיר] אויס אז ס'איז דא א ספעציעלער טובה אין דעם וואס עס איז דוקא אויף דעם אופן אז רוב האבן ווייניג און ווייניג האבן אסאך.
לאמיר זיך דעריבער שטעלן ביי דעם, אז כאטש קיין ראיה לסתור איז טאקע נישט, ווייל מען קען מדייק זיין די רישא און זאגן אז די סיפא איז לאו דוקא, איז אבער אויך נישט קיין ראיה אויף יא, ווייל מען קען מדייק זיין די סיפא און זאגן אז די רישא איז לאו דווקא.
אבער באמת, אפילו עס וואלט נאר געשטאנען די רישא, וואלט מען זיך געדארפט מדחיק זיין אז ער מיינט צו זאגן לאפוקי אז אלע האבן אסאך, ווי די גמרא פרעגט אלעמאל והא קחזינא דלאו הכי הוא, וטוב דוחק בלשון מדוחק בענין (חזו"א).
נישט נאר אז עס איז נישט אזוי, נאר עס איז גאר פארקערט. אלאסקא האט געהאט העכערע אינפלאציע ווי גאנץ אמעריקע בעפארן איינפירן זייער קעש טרענספער, יעצט האבן זיי נידריגערע. קואוועיט האט געהאט רעקארד-הויכע אינפלאציע, און זיי האבן איינגעפירט א סעמי-UBI אין 2011 אויף די ראט פון עקאנאמיקער
כדי אראפצוברענגען אינפלאציע, און עס איז זיי געלונגען, עס איז אראפ צו אונטער 4%.
פארשער האט געשריבן:Yang2020 האט געשריבן:יעדע קאפל פארמאגט א קידושין רינגל. שטעל דיר פאר איין טאג וועלן האלב קאפלעך האבן צוויי קידושין רינגלעך, און די אנדערע האלב קיין איינס נישט, וואלט דער פרייז פאר קידושין רינגלעך ארויף?
אויב הערשט יעצט נישט קיין קידושין-רינגל-אינפלאציע, פארוואס זאל אונטער UBI יא זיין געלט אינפלאציע?
געלט אינפלאציע מעסט מען אין פארגלייך צו א קארב פון טויזענטער סארט אייטעמס, יעצט ווי געזאגט פריער קען זיין אינפלאציע מצד אחד און דעפלאציע מצד אחר דהייני אז פראדוקטן וואס די מאסן קויפן זאלן טייערער ווערן ווידער לוקסוסזיערע פראדוקטן וואס נאר די רייכע קויפן זאלן ביליגער ווערן וויבאלד די רייכע גייען דאך זיין נעט פארלירער פון UBI/VAT.
דו האסט געהאט געשריבן אז עס דארף ברענגען אינפלאציע, נאר כדי זיך נישט צו קריגן מיט די עקאנאמיקער איז געקומען די פשרה אז עס שרויפט נאר ארויף די פרייזן פון טעגליכע פראדוקטן. אויף דעם האב איך געברענגט דעם ביישפיל פונעם קידושין רינגל צו צייגן פארוואס די עקאנאמיקער זענען גערעכט, און פונקט ווי רינגלעך ווערן נישט ביליגער ווען עס איז דא פון זיי די זעלבע אסאך נאר מער אויסגעשפרייט אזוי איז אויך מיט געלט.
יעצט, די זעלבע עקאנאמיקער זאגן אויך און די זעלבע הונדערטער שטודיעס צייגן אויך, אז טעגליכע פראדוקטן ווערן נישט טייערער, דהיינו אז די קאסט אוו ליווינג פון א געווענליכע מענטש מיט נארמאלע הוצאות גייט נישט ארויף (נאכן אראפרעכענען די VAT, וואס ווערט צוריקגעצאלט פי כמה).
איך קען פרובירן צו ערקלערן פארוואס. אבער ערשט, דאס זענען די פאקטן. געווען אמאל אן אינדזשעניר וואס האט אויסגערעכנט אז בינען קענען נישט פליען. מה עשה הקב"ה, זיי זענען ווייטער געפלויגן, נישט וויסנדיג אפילו אז זיי קענען נישט. אז דיין מאדעל שטימט נישט מיטן מציאות דארפסטו טוישן דיין מאדעל, ווייל די מציאות איז היער טו סטעי.
איך וועל שרייבן היבש אויבערפלעכליך, אבער פרייזן זענען באזירט אויף סופליי און דימענד. דו טענה'סט אז פרייזן וועלן ארויף ווייל דימענד וועט שטייגן, לאמיר אננעמען אזוי אויף דער מינוט, אבער וואס פאלט דיר ביי אז סופליי וועט בלייבן שטיין וואו עס איז?
לאמיר זאגן אז סענדוויטשעס קאסטן יעצט, ווען העלפט מענטשן קויפן סענדוויטשעס, איין דאלער. וויבאלד מענטשן וועלן האבן מער געלט אין טאש וועלן אלע ווילן קויפן - דאפלטע דימענד, וועט עס אנהייבן קאסטן צוויי דאלער. דא ענדיגט זיך די מעשה? פארשטייט זיך אז נישט! א צווייטער וועט דא זען א גלענצנדע געלעגנהייט, און וועט עפענען א סענדוויטש ביזנעס וואו ער וועט בעטן נאר די אלטע פרייז, וועלן אלע קאסטומערס לויפן צו אים, וועלן אלע זיין געצווינגען אראפצולאזן דעם פרייז צוריק.
די זעלבע פרייע מארקעט קאמפעטישאן וואס גייט יעצט אן און שטעלט יעצט די פרייזן וועט ווייטער ארבעטן פונקט אזוי.
אין יעדן מארקעט כמעט עקזיסטירט די מעגליכקייט דראמאטיש צו פארגרעסערן דעם סופליי, און פאקטיש געשעט עס שוין אין די לעצטע צענדליגע יארן און וועט געשען נאך שנעלער מיט די אויטאמאציע און אנדערע אויפקומענדע טעכנאלאגיע. די זאך איז נאר אז עס דארף זיין גענוג קונים, און דאס וועט די UBI צושטעלן. עס וועט זיך גיסן א שפע, העכערע דימענד, העכערע סופליי, ביי די זעלבע פרייזן.
אבער אפילו אויב וועלן מיר האלטן די סופליי באגרעניצט, איז ווייט נישט פונקטליך צו זאגן אז פרייזן וועלן דווקא ארויפגיין. דו ווייסט וואס געשעט אין אלאסקא אינעם טאג וואס די טשעקלעך קומען אן? געשעפטן מאכן גרויסע סעילס. אין אנדערע ווערטער, פרייזן
פאלן. און דאס זעלבע איז אויך איבערן לאנד מיט טעקס ריטוירן.
וואס איז פשט? טאקע ווייל די געשעפטן ווייסן אז דו האסט יעצט געלט אין טאש וואס דו גייסט אויסגעבן, פארמעסטן זיי זיך צו זיין דער געשעפט וואו דיין געלט גייט אויסגעגעבן ווערן. זיי קענען זוכה זיין דערצו דורכן געבן בעסערס פאר די זעלבע פרייז, אדער די זעלבע פאר א ביליגערע פרייז.
יא, דו קענסט זיך טאקע ערלויבן יעצט צוויי דאלער פאר סענדוויטש, קיינער פארזיכערט זיי אבער נישט אז דו גייסט דאס טון. דו קענסט זיך פונקט אזוי אויסדרייען נאכן זען די פרייז און אנשטאט דעם קויפן א סידי פאר דעם געלט, און אויב יענער גייט אויך ארויף וועסטו קויפן א צייטונג ביים ניוס סטענד.
נאך מער, רוב פון די וואס גייען קויפן א ברויט מיט א מילך קויפן עס שוין יעצט, העכסטענס דורך פודסטעמפס אנשטאט געלט, און זיי גייען נישט אנהייבן צו קויפן צוויי. פרייזן וועלן אויב עפעס ארויף ביי אזעלכע אייטעמס וואס רוב מענטשן קויפן נישט
און די סופליי קען נישט ווערן גרעסער, ווי זעלטענע אנטיקן, דהיינו לוקסוסזיערע פראדוקטן וואס נאר די רייכע קויפן.
פארשער האט געשריבן:ס'איז זייער מסתבר אז דער לענדלארד וועט ארויפגיין מיט די רענט
אז מיין לענדלארד גייט ארויף, ווייל איך האב דאך א איבריגע טויזנטער, ווייסטו וואס איך וועל אים זאגן? א דאנק פארן מיר דערמאנען אז איך האב א איבריגע טויזנטער און מיר געבן דעם לעצטן שטופ צו קויפן מיין אייגענע הויז.
געוויס דערפאר גייט home ownership ארויף מיט א שיינע 6% גלייך ווען UBI פראגראמען ווערן איינגעפירט.
און אז דער לענדלארד פון א געווענליכע גוי גייט ארויף, ווייל ער האט דאך א איבריגע טויזנטער, ווייסטו וואס ער וועט זאגן? גודביי ניו יארק סיטי און נישט צום ווידערזען. איך פאר קיין מיסיסיפי וואו דער זעלבער טויזנטער געבט מיר אזוי סאך מער.
פארוואס האבן געוויסע פלעצער אזא הויכע רענט? ווייל מענטשן זענען דעספערעט צו וואוינען אינעם גרויסן סיטי וואו עס זענען דא מעגליכקייטן. פארשלאפענע פלעצער וועלן אויפלעבן מיטן UBI, סיי ווייל עס וועט אריינקומען מיליאנען יעדן חודש און נייע מעגליכקייטן וועלן זיך עפענען און סיי ווייל מענטשן וועלן נישט זיין אזוי דערשראקן צו גיין צו א פלאץ מיט ווייניגער מעגליכקייטן, ווייל סיי וואס זאל זיין האבן זיי דעם טויזנטער וואס געבט זיי כמעט די זעלבע וואס זיי האבן מיט א דזשאב אינעם סיטי.
מענטשן וועלן מער ארומפארן, ברענגען זייערע קינדער נאנט צו זיי, פארן צו קליינע שטעטלעך וואו זיי קענען זיך קויפן א רחבות'דיג הויז, אא"וו.
(דאס איז שוין חוץ פון יענג'ס באזונדערע פלענער צו מאכן מענטשן זיך ציען מער. מענטשן ציען זיך צווישן די סטעיטס די ווייניגסטע אין היסטאריע, וואס שלעפט איין די עקאנאמיע און לעבאר מארקעט צווישן אנדערע פראבלעמען. דער פרידאם דיווידענד און די אנדערע געדאנקען וועט אריינברענגען א פרישע דינאמיזם איבער גאנץ אמעריקע)
און דאס אלעס איז שוין חוץ פונעם הסבר וואס איך האב געשריבן אויבן איבער אנדערע פראדוקטן. נאך דעם אלעם וועלן די לענדלארדס דארפן האפן די פרייזן זאלן נישט צופיל
פאלן, פון ארויפגיין וועלן זיי שוין נישט אזוי שנעל חלומ'ען.
דאס איז זייער אנדערש ווי אזעלכע פראגראמען ווי סעקשאן 8, וואס געבן דיר נישט קיין אויסוואל. דו קענסט עס נאר נוצן אויף דעם און דו ביסט באגרעניצט אין פלאץ, דערפאר טרייבט עס טאקע ארויף די רענט. ווי רואיג האט קלאר מסביר געווען
אנהייב אשכול.
אפשר איז דאס טאקע די סיבה פארוואס רענט אין אלאסקא איז
אראפ פון 1982, ווען דער פאנד איז איינגעפירט געווארן.