טאטי, זעקס נעמען על שום מה??

א סוב-פארום ספעציעל פאר פאעזיע און פיוטים

די אחראים: אחראי, געלעגער

אוועטאר
קלאָצקאָפּ
שר האלפיים
תגובות: 2793
זיך איינגעשריבען אום: דינסטאג יולי 25, 2017 9:24 pm

תגובהדורך קלאָצקאָפּ » מיטוואך נובעמבער 06, 2019 7:42 pm

:lol:
שיגע + טארע!
קריך נישט צו הויך, ווייל אויב דו וועסט חלילה פאלן וועט דיין קלאפ זיין פיל שטארקער!

מיין אבזערוואציע ווינקל

חוח בין השושנים
שר חמש מאות
תגובות: 758
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 9:10 pm

פרק ו': מער טויט ווי לעבעדיג

ס'האט מיר געכאפט א שוואכע מינוט
איך פיל נישט אזוי גוט
כ'האב צופיל זאכן גענומען צום הארץ
ס'איבלט מיר אלעס ווערט שווארץ.
מען וויל א צעטל אויפהענגען
מיין נאמען ארויפברענגען,
יעדער זאל איינרייסן פאר חוח
אבער דער נאמען איז לענגער פון תיבת נח!
עס איז צו גרויס אין צאל
צו זען די גאנצע אויף איין מאל
אויף א געהעריגע סייז סקרין...
צו פּרינטן: מינימום עלעווען-ביי-סעווענטין...
עס קומט צו א באזונדערע טשאַרדזש
פאר א צעטל עקסטרע-לאַרדזש...

עס פילט זיך א טעם גאר זויער
טראכטנדיג מיט טרויער
אין בעט עלנד איך בין
מיין נאמען האט קיינער נישט אינזין.
מענטשן הייבן די ברעמען:
'דער פאציענט האט א ים מיט נעמען'
איך קען זיי נישט חזר'ן ס'איז צופיל
אוודאי נישט געדענקען אפילו אויב כ'וויל
דאס איז צו א שווערע קעיס
אינעם דזשעלי ס'נעמט אויף צופיל ספּעיס...

פון לויפן צו דאקטוירים מ'איז מיד
מ'גייט זיך מזכיר זיין ביי א גוטן איד
מיט א קוויטל מען וויל גיין פּראַווענען
דארף מען זיך מיטן גבאי ספּראַווענען.
ער טענה'ט: יעדער נאמען יעדע הזכרה
אין א באזונדערע שורה דערמאנען זיין צרה
נישט זעקס מענטשן אין איין ליין
פארצייכענען צוזאמען זייער פּיין!
איך טענה צוריק מיט א מליצה:
עס פעלט נישט אויס קיין מחיצה
אלע זעקס מענטשן האבן איין קאפ
קאם-אן! פּיק-איט-אפּ!
אין מיר געפינט זיך א גאנצע משלחת
א בחינה פון 'ששה מתכסין בטלית אחת'...

דער מצב טוט ערגער ווערן
די קינדער בעת צרתם קלערן
מ'שטייט ארום די בעט אין שפיטאל
דער מצב איז זייער שמאל
צו צולייגן א נאמען זיי ווילן
די געוויסן איינצושטילן
זיי זאגן טאקע 'אל תפתח פה'
אבער טראכטן פון 'ידינו לא שפכו את הדם הזה'
זיי ווילן וויסן מיט קלארקייט א פעסטע
'אונז האבן געטון דאס בעסטע'...
וועלכע נאמען? איז א גרויסע שאלה
פארזאמלען זיך די בני שלשים ורבעים אלע
ל'אלטר' ל'חיים' ול'שלום' טוט איינער פארפירן
אנדערע ווילן 'רפאל' ארויפשמירן
זה אומר בכֹה וזה בכֹה
יעדער וויל מקיים זיין וַיִּקְרָא שְׁמוֹ.
אינמיטן דעם גאנצן סומאטוכע
מערכה לקראת מערכה
כאפט מען אז דער טאטע איז נישט א בר הכי,
מיט א נאמען א זיבעטע כל מקדש שביעי
וועט מען אים אויפרופן נאר צו תשיעי...
מען קען אים נישט געבן אזא געשאנק
ווייל זיין נאמען-באנק
איז פונלאנג זייער פול
אלעס האט דאך א גבול.
א איידעם א פרייליכער פון נאטור
וויל הייבן דעם שטימונג ביז גאר
זאגט ער מיט ביטול
פון זעקסטן אויפן זיבעטן איז נאר ניטל...

ענדע קומט אי"ה
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
קו הישר
שר מאה
תגובות: 148
זיך איינגעשריבען אום: מיטוואך אוגוסט 27, 2014 5:42 pm

תגובהדורך קו הישר » מיטוואך נובעמבער 06, 2019 9:17 pm

כציטער. כהאף אז חוח גייט חס וחלילה נישט נפטר ווערן.
חוח בין השושנים האט געשריבן:יעדער זאל איינרייסן פאר חוח
שיעף גלייך איז אויך גלייך /___\

אוועטאר
מצב כללי
שר שלשת אלפים
תגובות: 3622
זיך איינגעשריבען אום: זונטאג אוגוסט 18, 2013 7:09 pm

תגובהדורך מצב כללי » מיטוואך נובעמבער 06, 2019 9:26 pm

דאס איז נישט נארמאל גוט

וויאזוי קומט מען אויף מיט אזאלעכע רעיונות?

חוח בין השושנים
שר חמש מאות
תגובות: 758
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 9:26 pm

קו הישר האט געשריבן:כציטער. כהאף אז חוח גייט חס וחלילה נישט נפטר ווערן.
חוח בין השושנים האט געשריבן:יעדער זאל איינרייסן פאר חוח

וואו ביסטו געווען צופרי ביים ברית? נישט געוואונטשן מזל טוב...
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

חוח בין השושנים
שר חמש מאות
תגובות: 758
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 9:31 pm

קו הישר האט געשריבן:כציטער. כהאף אז חוח גייט חס וחלילה נישט נפטר ווערן.

דאונט ווארי איים אקעי
עניוועי
איים היער טו סטעי
איטס דזשאסט עי פּלעי
העוו עי נייס דעי.
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

משה עסקן
שר מאה
תגובות: 106
זיך איינגעשריבען אום: מיטוואך נובעמבער 19, 2014 7:01 pm

תגובהדורך משה עסקן » מיטוואך נובעמבער 06, 2019 9:42 pm

די רעיונות, די מליצות, די גראמען, סופער סאליד! כ׳מוז נאכאמאל באדאנקן.

אוועטאר
מצב כללי
שר שלשת אלפים
תגובות: 3622
זיך איינגעשריבען אום: זונטאג אוגוסט 18, 2013 7:09 pm

תגובהדורך מצב כללי » מיטוואך נובעמבער 06, 2019 9:46 pm

לאמיר שרייען הויעך
אונזער פריינט חוח
זיין דמיון ארבעט אויף כח
מיט א שפרודעלדיגער מוח
ער איז זיכער נישט קיין בן נח
קיין גר אויך

אוועטאר
חושב מחשבות...
שר האלפיים
תגובות: 2258
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » מיטוואך נובעמבער 06, 2019 11:29 pm

;l;p- ;l;p- ;l;p-
יסוד החסידות: קודם זיי א "חסיד" פון דיר אליינס, גלייב אין דיינע כוחות!

אוועטאר
ווישוואש
שר חמשת אלפים
תגובות: 5036
זיך איינגעשריבען אום: דאנארשטאג סעפטעמבער 04, 2014 12:14 pm

תגובהדורך ווישוואש » מיטוואך נובעמבער 06, 2019 11:42 pm

מצב כללי האט געשריבן:לאמיר שרייען הויעך
אונזער פריינט חוח
זיין דמיון ארבעט אויף כח
מיט א שפרודעלדיגער מוח
ער איז זיכער נישט קיין בן נח
קיין גר אויך

העי.. אז דו קענסט יא, וואו איז דיין זעקס נעמען אשכול?
Make it idiot proof and someone will make a better idiot.

אוועטאר
ראפאט קראמפלי
שר האלפיים
תגובות: 2305
זיך איינגעשריבען אום: מאנטאג אוקטובער 07, 2013 12:16 pm
לאקאציע: אין טעלער.

תגובהדורך ראפאט קראמפלי » דאנארשטאג נובעמבער 07, 2019 1:32 am

א מין בייפאל
נישט נארמאל
געדאנקן און בליצן
וואס מ'טראכט נישט פון ניצן
א זיסע שפראך
צווינגט ארויס א לאך
דו פארמאגסט אין דיין האנט
גאר א גוטע טאלאנט
שרייטס אלע צוזאם
חוח, שרייב נאך א גראם
די ריכטיגע ווארט איז ראקאט קראמפלי, איך וויל פשוט מ'זאל נישט כאפן ווער איך בין ממילא רוף איך זיך ראפאט.

אוועטאר
סופר סתם
שר מאה
תגובות: 114
זיך איינגעשריבען אום: זונטאג דעצמבער 13, 2015 11:28 am

תגובהדורך סופר סתם » דאנארשטאג נובעמבער 07, 2019 3:47 pm

ווואאאאאאאאאאאאאאאאאאאף!!!!!!!!
סתם א שרייבער

אוועטאר
דניאל אויערבאך
שר האלף
תגובות: 1011
זיך איינגעשריבען אום: זונטאג ינואר 08, 2017 4:31 pm

תגובהדורך דניאל אויערבאך » דאנארשטאג נובעמבער 07, 2019 4:17 pm

חוח בין השושנים האט געשריבן:איך בין נישט א חומד לצון,
נאר פאר 'יהיו לרצון'
בין איך מקיים איינע פון די חוקים
איך זאג גאנצע זעקס פסוקים!
פאר אייך נישט געדאכט
איר וואלט דערפון געקראכט!
דעריבער דאווען איך א לאנגע שמונה עשרה
קיין פסוק אויסצולאזן חסורי מחסרא!


המשך יבוא אי"ה

דערמאנט עס נישט יענע מעשה פון דעם ליטווק וואס האט געזאגט פארן ווייב אז היינט קומט ער אהיים שפעטער פון שול ווייל מען הייבט אן ותן טל ומטר וואס נעמט אביסל לענגער????

:lol: :lol:

דערבארומדיג'ער
שר האלף
תגובות: 1958
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » דאנארשטאג נובעמבער 07, 2019 4:19 pm

חוחחחחחח וואס קראצט דא? חחחחחחחח סקראצט מיר אין האלז, ברויך מען זיך פארגארגלן.. חוח חוח חוח! חוח! חוח! חוח! חוח! וחוחחחח! אופס פארלוירן חשבון.


חוח ביסט געוואלדיג ! שכח פארן מהנה זיין!
דאס איז נאר מיין צייטוויליגע אינטערשריפט.

אוועטאר
סארקאזי
שר האלף
תגובות: 1016
זיך איינגעשריבען אום: מאנטאג פאברואר 08, 2016 8:49 pm

תגובהדורך סארקאזי » דאנארשטאג נובעמבער 07, 2019 4:27 pm

:lol: :lol: :lol: :lol: :lol: :lol: :lol: :lol: :lol: :lol: :lol: :lol:
What a topic א אישו פון טישו

פאטעטא קוגל
שר חמישים ומאתים
תגובות: 446
זיך איינגעשריבען אום: דאנארשטאג פאברואר 13, 2014 5:18 pm

תגובהדורך פאטעטא קוגל » דאנארשטאג נובעמבער 07, 2019 5:25 pm

ווי זאגט לאנגזאם:
ווי אזוי הייסטו?
שמעון נתן ברוך חיים יעקב בער יוסף יושע דוד
בן?
בן.................



אה....
בן דן

אוועטאר
הלשון
שר שלשת אלפים
תגובות: 3129
זיך איינגעשריבען אום: מיטוואך יולי 27, 2011 5:48 pm

תגובהדורך הלשון » דאנארשטאג נובעמבער 07, 2019 8:27 pm

נאך פרשת נח
ידידינו הרב חוח
גענומען שרייבן אויף כח
פאנטאנזיעס גאר הויעך
אזש ס'גייט א רויעך
רעיונות מיט קאפ און מח
להתענג לשחוק ולשמוח
הלשון הוא קולמוס הלב, והניגון הוא קולמוס הנפש (בעל התניא מליאדי)

אוועטאר
קו הישר
שר מאה
תגובות: 148
זיך איינגעשריבען אום: מיטוואך אוגוסט 27, 2014 5:42 pm

תגובהדורך קו הישר » דאנארשטאג נובעמבער 07, 2019 8:57 pm

וואס איז אים איינגעפאלן אז לאחר המעשה גייט ער נאך קענען קומען אהער דא און ציענדיגן די געשרייבאכטס??? אתמה. :roll:
חוח בין השושנים האט געשריבן:ענדע קומט אי"ה
שיעף גלייך איז אויך גלייך /___\

חוח בין השושנים
שר חמש מאות
תגובות: 758
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » דאנארשטאג נובעמבער 07, 2019 9:00 pm

קו הישר האט געשריבן:וואס איז אים איינגעפאלן אז לאחר המעשה גייט ער נאך קענען קומען אהער דא און ציענדיגן די געשרייבאכטס??? אתמה. :roll:
חוח בין השושנים האט געשריבן:ענדע קומט אי"ה

זעט אויס מהאט אים צום סוף אויסגעבעטן.
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

עושר וכבוד
שר מאה
תגובות: 240
זיך איינגעשריבען אום: זונטאג יולי 28, 2019 12:30 am

תגובהדורך עושר וכבוד » דאנארשטאג נובעמבער 07, 2019 9:15 pm

אלעס דא איז נישט נארמאל. צוקער זיס. איבערהויפט די גראמען זענען עפעס שרעקליך סאליד.
מיר מיינען נאר דיין כבוד, מיר דארפן האבן געלט, צו דינען דעם באשעפער פון די גאנצע וועלט!

אוועטאר
נו גוט נו שוין
שר האלף
תגובות: 1577
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » דאנארשטאג נובעמבער 07, 2019 9:47 pm

מי בן שיח שושן חוחים....
ווען דו וועסט מיר ווייזן וואס שטייט אויבן

העט מען רעדן פון אונטערשרייבן

חוח בין השושנים
שר חמש מאות
תגובות: 758
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » דאנארשטאג נובעמבער 07, 2019 11:46 pm

פרק ז': די אומגלויבליכע אנטוויקלונג

ווי שוין אויבן געשטויגן-פלויגן
האט דער זעקסער פארמאכט די אויגן
ביים בית דין של מעלה
פרעגט ער א מאדנע שאלה
זיי האבן אזוינס קיינמאל פריער געהאַט
א מענטש פון עולם הזה נאכנישט זאַט
ער וויל נאכאמאל וויילן אינעם בית אפל
דארט אונטן אין עולם השפל!
געווענליך איז דאס א שטראף פּאַראַלעל
מיט א גיהנום צעל...
אבער נישט-מער נישט-ווייניגער
ער האלט זיך ביים זייניגער:
איך ווייס אילין מיליא
עס איז דא א רזא דגלגוליא,
וויל איך דעריבער נאכאמאל
הערן 'ויקרא שמו בישראל',
דאס מאל מיט איין נאמען בלויז
נישט מער זיין קוריאָז.
ער נעמט זיך אויס א תנאי
ס'זאל זיין אָן די בינטל נעמען לגנאי.
איך וויל פילן דעם זיסן טעם ענדליך
ס'מוז זיין אויסערגעווענליך!
אזא רייזע איז דאך גאר ווייט
איך בין אבער אויף אלעס גרייט,
ס'לוינט זיך דאס מיטצומאכן
צו קענען דער לעצטער לאכן,
מיט איין נאמען זיך ארומדרייען
זיך קענען אויסטערליש פרייען,
דעם אלטן פלעק פארגלעטן
פון פינף נעמען זיך אפ'גט'ן.
נאך זיינע לאנגע מאטערנישן
וויל ער די אלטע פארווישן.
זיין בקשה מען זאגט נישט אפ
ער קומט נאכאמאל אראפ...
ענדליך איז ער א בן חורין
ער ווערט פונדאסניי געבוירן!

טייערע ליינער, וואס כ'גיי יעצט שרייבן
זאל צווישן אונז בלייבן.
ס'איז מיר דא לדא נקשן
אויף די קומענדיגע טוירעס לאקשן,
ס'טאר נישט ווייטער גיין
מ'וועט מיר דאך אויס'הקהה'ן די ציין.
עס איז פריוואט פאר אונזער געצעלטל
נישט ארויסצוליעקן פונעם וועלטל.
ס'קען נאך חלילה אנקומען צו מעכל
ער וועט עס וואַדע דערציילן פאר רעכל,
זיי וועלן דאס נישט אראפשלינגען
אוי וועלן זיי מיר באזינגען.
פאר די ידידים איז גענוג א הבהרה
מיט א הסברה א קלארע:
כ'געב איבער פאַרן פּיצל קינד דאס וואָרט
אבער אין מציאות האט עס נישט קיין אָרט...
ער רעדט חוצפה'דיגע ווערטער שלעכטע
אבער ס'איז פיקטיוו, נישט קיין עכטע...
זאל דאס דינען אלס קלאַריפיקאציע
אז ס'איז בלויז א פאַבריקאציע...
מיט די קורצע ווערטער כמלוא נימא
איז דַי לחכימא.

די בעיבי באקומט דא א שיינע אויפנאמע
אבער ער האט נאך א טראמא,
זיין דאגה איז גארנישט א קליינס
אז ער וועט באקומען נעמען מער פון איינס.
ער וויל זיכער מאכן און אינפאָרסירן
אזוינס זאל חלילה נישט פאסירן.
דאס פּיצל זאגט צום טאטן אזוי
תזל אִמְרָתִי כ'טוי':

כ'דארף נאך באקן די קוגל, וואס ער זאגט פון וויגל...
ס'וועט זיך אווערנייטן, מיט א פארזעצונג א גרייטן...
מ'וועט דאן ברענגען, זיין ווענדונג דעם שטרענגען.
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
מצב כללי
שר שלשת אלפים
תגובות: 3622
זיך איינגעשריבען אום: זונטאג אוגוסט 18, 2013 7:09 pm

תגובהדורך מצב כללי » דאנארשטאג נובעמבער 07, 2019 11:52 pm

צוקער זיס..

חוח בין השושנים
שר חמש מאות
תגובות: 758
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » פרייטאג נובעמבער 08, 2019 12:23 am

אלס חשש פון נותר און פיגול, זיך צוגעאיילט באקן די לאקשן-קוגל...

פרק ח': דאס קוויטש פונעם קינד

איך ליג שטיל אין בעטל
איך זע דו האלטסט א ליסטע-צעטל,
יעצט ערב מיין וואך-נאכט
נעם אין אכט, געב א טראכט:
אויב וואלט איך אין די יעצטיגע טעג
דיר געקענט אפן געבן א פרעג,
תכלית גערעדט וואס וועט דא זיין?
האסטו טאקע אזא בייזן פּלאן?
פארוואס טוסטו דאס צו מיר?
איז א נאמען פון די דברים שאין להם שיעור?
וואלסטו מיר געקענט קוקן אין די אויגן
און ערקלערן צו וואס עס טוט טויגן?
אויסצוליידיגן אויף מיר דיינע טאשן
מיט א הויפן נעמען מיר צו באוואשן?
ביסטו זיכער איך וואלט צוגעשטימט
צום לאנגען נאמען-באן וואס קומט
אין מיין דירעקציע צו פארן
אן א חשבון א קלארן?!

אויב נישט, קלער גוט דאס
וועסט איין טאג דארפן ענטפערן אויפן 'פארוואס?'
איך בלייב נישט אייביג פּיצל
איין טאג וועט עס מיר געבן א קיצל,
איך וועל דיר קאנפראנטירן:
פארוואס טרעטסטו אויף מיינע געהירן?
איך גיי דיר פאָרהאלטן:
האסט זיך נישט געקענט צוריקהאלטן?
ווי נאר איך קריך ארויס פון דיין שויס
ישאלך בנך מחר לאמר מה זאת?
איך וועל פרעגן: מַה לְּךָ פֹה?
און דערקלערן: אתה הִסְכַּלְתָּ עֲשׂוֹ!
געדענק, וועסט דארפן ענטפערן פראגעס!
מאך דיך נישט איבריגע דאגות!
טאטע, געדענק! ס'איז בידך תלוי
זיך צו שפּאָרן פון באקומען א מכתב גלוי!
כדי דאס צו פארמיידן
בעט איך לטובת אונז ביידן,
טאטע לעבן
ווען דו באקומסט ביים נאמען געבן
דעם רוח הקודש
שלעפ נישט ארויס במלוא הגודש
טויזנט שטיק פונעם נאמען-גמ"ח
ווייל צוויי איז מיר אויך צו סאך...

דו טראכסט פון דיינע אינטערעסן
אבער פון מיר ווילסטו פארגעסן?
דיין שמחה מיטן נאמען געבן איז א צייטווייליגע
פאר מיר שאפט עס א ווייטאג א אייביגע!
ווען ביי דיר טוט דער תענוג אויסוועפּן
דארף איך זיך מיט די נעמען ווייטער ארומשלעפּן!
עס טוט מיר נישט שמעקן
יענעמ'ס שמוץ אויפצולעקן!
אוי, א הימל-געשריי
ווי דאס טוט וויי!
ווילסט מאכן א חורבן?
דארף איך נישט זיין דער קרבן!
ווילסט באמת אפטון
דיין אייגן זון?
זיי זיך מתבונן
האב אינזין ביי 'אתה חונן'...

עפּילאָג
זון מיטן טאטן אין דיאַלאָג:

טאטע: ס'מיר א שטאלץ אז דו האסט אזויפיל נעמען!
קינד: אבער איך טו זיך שרעקליך שעמען!
טאטע: מיר איז עס זייער מהנה!
קינד: מיר איז אבער נישט צו זיין מקנא!
טאטע: כ'האב הנאה געטון אין הימל פאר א זיידן!
קינד: אבער איך וועל דארפן ליידן!
טאטע: ביסט מיין קינד, כ'האב אלע רעכטן!
קינד: פאר דעם דארפסטו מיר אפשעכטן?
טאטע: כ'האלט איך בין מיט דעם א גוטער טאטע!
קינד: דורכן מיר מאכן פילן ווי א שמאטע?!
טאטע: פונקט דא זאל איך זיין קאַרג?
קינד: ווארף נישט אויף מיין קאפ א באַרג!
טאטע: א גוטע זאך איז קיינמאל נישט צופיל!
קינד: רעכן זיך אבער אויך מיט מיין געפיל!
טאטע: אז ס'איז בחינם דארף מען כאַפּן!
קינד: נישט ווען ס'טוט מיין בלוט צאַפּן!
טאטע: ס'שטייט דאך 'ואגדלה שמך והיה ברכה'!
קינד: אברהם האט געהאט נאר איינס, אשרי שלו ככה!
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
הויעך
שר חמש מאות
תגובות: 771
זיך איינגעשריבען אום: זונטאג מארטש 03, 2019 11:50 am
לאקאציע: קוק ארויף דארט אויבן

תגובהדורך הויעך » פרייטאג נובעמבער 08, 2019 6:48 am

ריזיג חוח
שכויעך פארן מהנה זיין
ווען משיח וועט קומען וועט ער ווייזען מיט די פינגער דאס זענען די קינדער דאס זענען די קינדער וואס האבן מקרב געווען די גאולה השלימה


צוריק צו “פאעזיע און גראמען”

ווער איז אונליין

באנוצערס וואס דרייען זיך איצט דא: נישטא קיין איינגעשריבענע באנוצערס און איין גאסט