טאטי, זעקס נעמען על שום מה??

א סוב-פארום ספעציעל פאר פאעזיע און פיוטים

די אחראים: אחראי, געלעגער

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

טאטי, זעקס נעמען על שום מה??

תגובהדורך חוח בין השושנים » מיטוואך נובעמבער 06, 2019 2:57 pm

פרק א': מעמד קריאת השם

ביי מיין ברית געהאט א דאגה גרעסער
ווי דער פחד פונעם מעסער.
ביי קריאת השם מיין הארץ גייט אויס
הערנדיג ווי דער דיין זאגט ארויס
איין נאמען נאכן צווייטן
פון א ליסטע א גרייטן,
דער מכובד דער געערטער
געבט א דריטער און א פערטער,
דער מצב ווערט נאך מער ביטער
ער איז ברייטהארציג און א גוטער
לייגט צו א פינפטע און זעקסטע!
אוי, כ'האף ס'קומט נישט א נעקסטע!
איך הער דעם קול ענות חלושה,
געוואלד! אוי לי מאותה בושה!
איך קען מיינע אויערן נישט גלייבן
מיטן זאַק נעמען וועל איך פארבלייבן
דאס וועל איך פארמאגן
מיט מיר אייביג ארומטראגן,
נאך מיין אריכות ימים ושנים
עס לאזן אלס ירושה לבני בנים.
איך קען אפילו נישט פּראָטעסטירן 'ניין!'
נאר בעל כרחי אענה אמן.

למעשה דעם גאנצן בינטל מיר געגעבן
זיי זענען מיינע פאַרן גאנץ לעבן.
געשאנקען זעקס אומזיסט
איך וואלט פינף געלייגט אין מיסט.
אזויפיל שמות נרדפים באו אל קרבֶּנה
אבות אכלו בוסר ושיני בנים תקהֶינה.
זיי פארוויקלען מיר ווי שפין וועבעכץ
איך ווער נישט פטור פונעם קלעבעכץ.
נאך אלעם קען איך זיי נישט אויסמעקן
פאר בושות וועל איך זיך כסדר פארשטעקן.
די מציאות איז אַן אבנארמאלע
פאר איינעם צו געבן די נעמען אלע,
מעמד קריאת השם גייט אריבער בשתיקה
כאטש די נעמען זענען כדי חלוקה.
יעדער בלייבט גלייכגילטיג שטיין
נאר איך כליפע מיט געוויין,
איך וויל עס אנידערשטימען
אבער איך קען קוים ברומען.
ווי דער בעיבי וויינט יעדער זעט
קיינער כאפט נישט וואס דא געשעט
פאר א סיבה טו איך אזוי פארפירן
העלאו, איך וויל עס וועטאָאירן!
מיין הארץ שרייעט: אלקים אל דמי!
ווען מ'שטופט מיר אריין א צאָמי...

המשך יבוא אי"ה
לעצט פאראכטן דורך חוח בין השושנים אום מיטוואך נובעמבער 06, 2019 3:04 pm, מאל פאראכטן געווארן 1 סך הכל.
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
לעגאו מענטשעלע
שר חמש מאות
תגובות: 980
זיך איינגעשריבען אום: דאנארשטאג מאי 09, 2019 3:44 pm
לאקאציע: אויפן לעגאו בארד

תגובהדורך לעגאו מענטשעלע » מיטוואך נובעמבער 06, 2019 3:02 pm

;l;p- ;l;p- :lol: :lol: :lol: ;l;p- ;l;p- ;l;p- :lol: ;l;p- :lol: ;l;p- :lol: ;l;p-
שיגנער!!! הא הא הא! די לעצטע ליין איז נאך די בעסטע...
ווייל ער איז א דרשו איד!

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 3:13 pm

פרק ב: דעם טאטנ'ס החלטה

לאמיר אריינקריכן אין טאטנ'ס שיך
ער האט נישט געקענט מחליט זיין ביי זיך
קומען צו א קראנטע באשלוס:
זכות אבות איז דאך דא אַן איבערפלוס
עס הערשט אַן אינערליכע געראנגל
מיט 'נעמען' איז בכלל נישטא א מאנגל!
ער האט א ספק נאך וועלכע זיידע
ענדליך באשלאסן צו רופן נאך ביידע!
ער האט דערמיט נישט קיין פראבלעמען
כאטש יעדער פון זיי האט דריי נעמען!
די צרה איז אבער א מעכטיגע
די נעמען בכלל נישט פּרעכטיגע.
מען געבט מיר נעמען זעקס
אויף פינף לייג איך אַן עקס...
איך וואלט זיי אנגעקייטלט צוארך בחרוזין
ווען זיי זענען נעמען ווי די אושפיזין,
אויף נעמען שיינע החרשתי,
אבער זיי ענדלען מער אין ושתי
און אין אחשורוש טוען זיי אריינראָטן
אויף קיין איד אזוינס נישט געראָטן...

יארן שפעטער בין איך געוואויר געווארן גראדע
ווי מיין טאטע האט מיר געטון א גענאדע.
היות איך בין דער בן זקונים ביז אהער
איז געווען אן ערנסטע קלער
צו בויען אויף מיר געביידעס
מצרף זיין נאך זעקס אנדערע זיידעס...
עס וועלן שוין נישט קומען נאך קינדער
מוז מען אויסנוצן אלע נעמען אצינדער...
והריקותי נעמען עד בלי די
ווייל אם לא עכשיו אימתי...
ביי אים איז דאס א מהלך קלאר-קליפּ
אזוי איז ער, אזא תמימות'דיגער טיפּ.
א מין שילוב פון נעמען וואלט דאס געווען
וואס די וועלט האט נאכנישט געזען.
למעשה איז דער טאטע געווען וואויל
צום סוף דאס נישט אויסגעפירט אל הפועל,
צוליב די ערשטע זעקס נעמען שמא גָרים
מוותר געווען אויף די שמות הששה הנותרים...
עס פייניגט מיר אבער דאס געוויסן
ביז היינט וויל איך וויסן
פון וועלכע נעמען איז געווען די רעדע
ווייל ער האט דאך שוין אויסגענוצט יעדע
ביי די פריערדיגע זין האט ער יעדן באוואונדערט
דעקנדיג אלע זיידעס פון די לעצטע פינף יאר-הונדערט!
עס קען אנדערש נישט זיין
נאר עס איז געווען א פלאן
אויפן יחוס-בוים ארויפקריכן
אור-אלטע נעמען אפירזוכן
מיר צו רופן נאך פרץ און זרח
אדער גאר מהללאל און תרח...

המשך יבוא אי"ה
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

בלעכענער פנים
שר העשר
תגובות: 34
זיך איינגעשריבען אום: דאנארשטאג אפריל 04, 2019 12:51 pm

תגובהדורך בלעכענער פנים » מיטוואך נובעמבער 06, 2019 3:17 pm

;l;p- ;l;p- ;l;p-

אוועטאר
נישט פשוט
שר האלף
תגובות: 1913
זיך איינגעשריבען אום: דאנארשטאג ינואר 04, 2018 1:12 pm

תגובהדורך נישט פשוט » מיטוואך נובעמבער 06, 2019 3:18 pm

קומסט אריין קלאר ווי 6 מענטשן.
You only live one but if you do it right, once is enough

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 3:33 pm

פרק ג': אויפן סטעידזש ביים בימה

איך בין אין טאטנ'ס זכות תולה
יעדעס מאל ווען כ'בין עולה
הייבט דער גבאי אן שטאמלען
בשעת'ן מיינע אלע נעמען זאמלען,
טאקע דארט ברבים ביים בימה
פּרעקטיסט ער די גאנצע רשימה.
כדי צו שפּאָרן קולות הויכע
פונעם עולם וואס איז מוחה
מוז ער זיי אויפן סדר זאגן ארויס
כאילו עס מאכט עפעס אויס...
דער עולם די ציינער שארפט-זיך
ווען דעם גבאי'ס קול ווארפט-זיך
ער טוט קיינעם נישט אנטוישן
די נעמען טאקע געטון אויפטוישן,
יעדער טוט אים שנעל פאַררעכטן
אין וועלכן סדר עס אנרעכטן,
ער פילט זיך ווי א שוטה
גייט ארויס מיט באַקן רויטע.

צו פארמיידן דעם מישמאש
האב איך א צעטל אין טאש
מיט אלע נעמען זייער קלאר
לאנג ווי די גלות יאר
אויסגערעכנט ווי די בני המן עשרת
אדער ווי קרעץ שאת וספחת ובהרת
דער גבאי זאל עס מבפנים שילדערן
אזוי זיין ווייטאג עטוואס לינדערן.
אוי, כ'האב שיער פארגעסן צו פארציילן
מיין טאטע האט אויך דריי נעמען צו ציילן
ממילא נאכן ווערן פון זעקס נעמען צעדרייט
ווען מ'זאגט 'בן' איז מען נאכנישט באפרייט...
איך האב באקומען ברוחו פי שנים
פון דריי איז ביי מיר געווארן כפליים.
דער עולם טוט זיך פשוט דערקוויקן
מען פריידט זיך מיט מיינע גליקן.
דאס אלעס צו שפּאָרן,
בלויז איינמאל אין לאנגע יארן
האב איך די זכייה
צו באקומען אַן עלייה.
מיט דעם האב איך איינוועגס אויסגעמיטן
דעם פּיינפולן 'בעבור שיתן'...

המשך יבוא אי"ה
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
הויעך
שר חמש מאות
תגובות: 670
זיך איינגעשריבען אום: זונטאג מארטש 03, 2019 11:50 am
לאקאציע: קוק ארויף דארט אויבן

תגובהדורך הויעך » מיטוואך נובעמבער 06, 2019 3:36 pm

:lol: :lol: :lol: :lol:
ווען איר ליינט מיין תגובות בנוגע מדינת ישראל זאל איר וויסען איך בין מוחה אויף די התגרות באומות

אוועטאר
לפנות בוקר
שר חמישים ומאתים
תגובות: 380
זיך איינגעשריבען אום: מאנטאג פאברואר 04, 2019 7:58 pm

תגובהדורך לפנות בוקר » מיטוואך נובעמבער 06, 2019 3:53 pm

;l;p- ;l;p-
חוח בין השושנים איז נישט דיין גאנצע נאמען????
די חתם סופר גיבט צו פארשטיין,
אז א מענטש דארף הויעך גיין,
-בעל כרובים עליונים

אחד מהחבורה
שר מאה
תגובות: 217
זיך איינגעשריבען אום: דינסטאג אוקטובער 16, 2018 6:51 pm

תגובהדורך אחד מהחבורה » מיטוואך נובעמבער 06, 2019 3:58 pm

לפנות בוקר האט געשריבן:;l;p- ;l;p-
חוח בין השושנים איז נישט דיין גאנצע נאמען????

ווי באלאנגט די צוויי נעמען מער אנפאנג אדער מער צום סוף אדער גאר ארויסגעשלעפט פון אינמיטן
.don't meet with negative people. because they have a problem,for every solution

נו גוט נו שוין
שר האלף
תגובות: 1431
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » מיטוואך נובעמבער 06, 2019 3:59 pm

@חוח
ס'גייט א רויעך
טראגסט אונז הויעך
א גרויסן יישר כח
. . . . . . .

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 4:03 pm

איטס ווערי ווערי נייס
פון יעדן וואס לייגט צו ספייס
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 4:06 pm

פרק ד': אונטערן משגיח'ס פּאַסיק

דער משגיח מיטן בארד ריזיג
קוקט מיר אן שפיזיג
ער הייבט זיך אויף פון שטול
קומט-צו צו מיר אין שול
אין אויער טוט ער מיר בויערן
פארוואס שמונה עשרה טוט דיר דויערן
פון יעדן אזויפיל לענגער?
פרעגט ער מיט א טאן א שטרענגער.
דא איז ישיבה, נישט חדר
מען הייבט שוין באלד אָן עיון סדר!
מען דארף די בחורים איינצוימען
מ'קען זיך נישט אזוי פארזוימען!
דער פחד אויף מיר מען דערקענט
בהבל פיו שיער געווארן פארברענט...
ער טוט מיר זייער דערנידערן
עס ציטערן אלע גלידערן.
מיין הארץ קלאפט ווילד
כאטש ס'איז מיר קלאר מיין אומשולד.
ער מיינט טאקע?
כ'כאפ כמעט א הארץ-אטאקע!

פתחו לי פתח מיט א שליסל
ענדליך כ'נעם צוזאם מוט אביסל
צו אים איך טו זיך ווענדן
כאטש עס טרייסלען מיינע לענדן
איך זאג ארויס מיט הכנעה:
דאס איז צוליב מיין טאטנ'ס השפעה!
איך בין נישט א חומד לצון,
נאר פאר 'יהיו לרצון'
בין איך מקיים איינע פון די חוקים
איך זאג גאנצע זעקס פסוקים!
פאר אייך נישט געדאכט
איר וואלט דערפון געקראכט!
דעריבער דאווען איך א לאנגע שמונה עשרה
קיין פסוק אויסצולאזן חסורי מחסרא!
אויב יא קען מען דעם נאמען פארגעסן
ווען אין ישיבה של מעלה מ'טוט זיך זעסן.
בעסער און בעסער עס ווערט
זיך כאפנדיג וואס איז מיר באשערט
אויף יענע וועלט וועל איך ווייטער ליידן
מיטשלעפּן אלע נעמען אין גן עדן...

המשך יבוא אי"ה
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
עקבי הצאן
שר האלפיים
תגובות: 2687
זיך איינגעשריבען אום: דאנארשטאג מארטש 14, 2013 11:44 am

תגובהדורך עקבי הצאן » מיטוואך נובעמבער 06, 2019 4:15 pm

פיינע גראמען! זיסע איידיעס! כ'האף אז ס'איז פיקציע..
אם לא תדעי לך היפה בנשים צאי לך בעקבי הצאן: התבונני בדרכי אבותיך הראשונים שקבלו תורתי ושמרו משמרתי ומצותי ולכי בדרכיהם, (רש"י שיר השירים).

אוועטאר
ענדע צדיק!
שר חמשת אלפים
תגובות: 5658
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » מיטוואך נובעמבער 06, 2019 4:24 pm

צי שמייכלען און הנאה האבן! יעדע גראם, שורה, און מליצה איז אריינצובייסן מיט 6 ציין.
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
גיב א שמייכל
שר מאה
תגובות: 184
זיך איינגעשריבען אום: מיטוואך יוני 12, 2019 2:27 pm

תגובהדורך גיב א שמייכל » מיטוואך נובעמבער 06, 2019 4:32 pm

ווארט נאר ווען זיינע קינדער וועלן קומען צו זיין ציון און זאגן קאפיטל קי"ט פאר אלע נעמען..... גאט זאל באהיטן....
איך שמייכל נישט ווייל איך בין פרייליך...
איך בין פרייליך ווייל איך שמייכל!

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 4:40 pm

גיב א שמייכל האט געשריבן:ווארט נאר ווען זיינע קינדער וועלן קומען צו זיין ציון און זאגן קאפיטל קי"ט פאר אלע נעמען..... גאט זאל באהיטן....

לאמיר אויסווארטן מיט געדולד...
יענס איז אין איינע פון די לעצטע פרקים...
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

טוט זיך...?
שר מאה
תגובות: 105
זיך איינגעשריבען אום: מיטוואך סעפטעמבער 21, 2016 8:36 pm

תגובהדורך טוט זיך...? » מיטוואך נובעמבער 06, 2019 5:14 pm

זייער שיין ישר כח!!

אוראייניקל
שר מאה
תגובות: 182
זיך איינגעשריבען אום: דאנארשטאג פאברואר 21, 2019 9:05 am

תגובהדורך אוראייניקל » מיטוואך נובעמבער 06, 2019 5:24 pm

טוט זיך...? האט געשריבן:זייער שיין ישר כח!!

ס'איז א סגולה דיינע קינדער זאלן בעטן פאר אריכות ימים בשיבה טובה, ווען נישט העטן זיי מוזן צו לייגן דיין טאטע'ס 3 נעמען צו דיינע זעקס!

באקסער בוים
שר חמישים ומאתים
תגובות: 289
זיך איינגעשריבען אום: דינסטאג ינואר 31, 2017 12:41 pm

תגובהדורך באקסער בוים » מיטוואך נובעמבער 06, 2019 5:37 pm

זייער זיס ראביי חוח!

וויאזוי גייט נאר די מעשה פון א אידענע וואס האט אויפגעהאלטן דעם רב וואס האט זיך געיאגט צו כאפן דעם באן וואספארא נאמען צו געבן פאר איר ניי געבוירן אייניקל, דער רב האט איר אויסגערעכענט א רייע פון נעמען, און זי האט ערליך געפאלגט און געגעבן אלע נעמען, למעשה א דאנק וואס זי האט אים אויפגעהאלטן האט ער פארשפעטיגט די באן וואס האט געהאט א שווערע עקסידענט.
כ'האב באמת נישט קיין מיינונג אויף די נושא, ס'איז זשאסט געשריבן אין די וועלט אריין.

שטומפיג
שר מאה
תגובות: 131
זיך איינגעשריבען אום: מיטוואך יולי 11, 2018 8:30 pm
לאקאציע: צווישן קענט און בראדוועי

תגובהדורך שטומפיג » מיטוואך נובעמבער 06, 2019 5:56 pm

וויפיל פרקים גייט די סעריע האבן?
אפשר זעקס? איינס קעגן יעדע נאמען?

חוח בין השושנים
שר חמש מאות
תגובות: 697
זיך איינגעשריבען אום: זונטאג מאי 19, 2019 12:30 pm

תגובהדורך חוח בין השושנים » מיטוואך נובעמבער 06, 2019 6:01 pm

פרק ה': אָפּהאַקן דעם שפיץ נאז

ביים ארבעט ס'קלינגט דאס גלעקל
דער באלעבאס געבט מיר מיין טשעקל.
ענדליך קען איך ארויסלויפן
א נייע טלית בייטל קויפן.
כ'האב חשק ארויפצושטעלן
נאר איין נאמען וואס מיר טוט געפעלן,
איך וויל זיך אביסל באפרייען
נישט דעם גאנצן שם המפורש ארויפנייען.
עס דארף נישט קלוני ווערן נתגלה
זעקס נעמען איז גארנישט א מעלה.
דערצו דארף איך באצאלן פאר יעדע אות
כ'אָניש גענוג געלט באקומען פונעם באָסס...
ענדליך גייט מען זיך אַפּערירן
די נעמען גייען נישט פיגורירן!
זיי וועלן מיר שוין נישט נאכיאָגן
מיין בלוט אויסצונאָגן!

איז מיר אבער מיין פאטער מודיע צייטלעך:
זאלסט וויסן קלאר און דייטלעך,
די הייליגע נעמען זענען כולם אהובים,
זאלסט צייגן אלע, כמנהג בעלי בתים חשובים.
איך לייג פאר מיין טענה פון הכסף יענה,
אבער ער ענטפערט א מענה:
כאטש עס איז קאסטבאר,
דאך איז עס אַן אוצר אומשאצבאר.
איך זאג: אי אפשר לפורטם כי רבים הם,
זיין אנטווארט: הבה נעשה לנו שם!
ווי מער אלס בעסער
עס מאכט די שמחה גרעסער!
בלויז פאַרן וועלן א נאמען אראפציפּן
זאלסטו זיך בייסן די ליפּן...
'אויף קיין נאמען וועסטו פארציכטן!'
אזוי טוען מיר די טענה'ריי שליכטן.
מיט יראת הכבוד טו איך זיך פארנויגן
ער קוועלט מיט זיינע אויגן.
בלייב איך מיט מיין מציאה
אויסצושפּרייטן מיין גאנצע מדרש פליאה,
אט די לאנגע מגילה
וועט דארפן מילה במילה
מיין בייטל אנפירקלען
מיר שטעכן ביים טלית ארומוויקלען.

די ליפּן מען פארבייסט
כ'געב זיך אבער א טרייסט
איך טרעף דעם חסד שבגבורה
בחשיכה להאירה,
עפעס קומט ארויס א גוטס
אז דער מיטן לאנגען נאז-שפיץ
ווען ער וועט עס אריינשטעקן
מיין נאמען צו דערשמעקן,
וועט ער ווערן גוט צומישט
האבנדיג קיין אנונג נישט
אויב ס'איז א מין סגולה א נייע
אדער שמות פון אַן אלטע קמֵיע.
ער וועט בלייבן א צולייגער
און זיך פארשטעקן מיט זיין נייגער.
ער האט געמיינט ער איז א k9 הינטל
יעצט פליעט ער אוועק מיטן ווינטל,
נאכן שרייען 'אוי באשעפער'
וועט ער אָפּיאָגן צו די שווארצע פעפער...

המשך יבוא אי"ה
נישט יעדער וואס דרייווט איין מפ"ש שטייטער פון מיר, איז א גולם. נישט יעדער וואס דרייווט איין מפ"ש שנעלער פון מיר, איז א חיה רעה. נישט יעדער וואס האלט אנדערש פון מיר, איז אומגערעכט.

אוועטאר
הויעך
שר חמש מאות
תגובות: 670
זיך איינגעשריבען אום: זונטאג מארטש 03, 2019 11:50 am
לאקאציע: קוק ארויף דארט אויבן

תגובהדורך הויעך » מיטוואך נובעמבער 06, 2019 6:28 pm

אויף די טלית בייטל מילא
אבער וויאזוי האט עס געפיט אויפן תפילין בייטעל?

דיין לעצטע נאמען איז כאטשיק אויך א מינימום פון 13 אותיות?
ווען איר ליינט מיין תגובות בנוגע מדינת ישראל זאל איר וויסען איך בין מוחה אויף די התגרות באומות

אוועטאר
ווישוואש
שר ארבעת האלפים
תגובות: 4971
זיך איינגעשריבען אום: דאנארשטאג סעפטעמבער 04, 2014 12:14 pm

תגובהדורך ווישוואש » מיטוואך נובעמבער 06, 2019 6:50 pm

חוחחחחחחחחחח!

געוואלד! :lol: :lol: :lol:
Make it idiot proof and someone will make a better idiot.

אוועטאר
הלשון
שר שלשת אלפים
תגובות: 3124
זיך איינגעשריבען אום: מיטוואך יולי 27, 2011 5:48 pm

תגובהדורך הלשון » מיטוואך נובעמבער 06, 2019 6:56 pm

סופער!!!!

בליציגע פראזן און רעיונות!

יעדע שורה צו באלעקן!
הלשון הוא קולמוס הלב, והניגון הוא קולמוס הנפש (בעל התניא מליאדי)

משה עסקן
שר מאה
תגובות: 106
זיך איינגעשריבען אום: מיטוואך נובעמבער 19, 2014 7:01 pm

תגובהדורך משה עסקן » מיטוואך נובעמבער 06, 2019 7:21 pm

גאר גוט! וויפיל איך האב דא צאמגעלאכט!

גיי אן.


צוריק צו “פאעזיע און גראמען”

ווער איז אונליין

באנוצערס וואס דרייען זיך איצט דא: נישטא קיין איינגעשריבענע באנוצערס און איין גאסט