שדה ורוד האט געשריבן:איך וויל אייך זאגן א וויכטיגער עניין. סאיז דא אסאך מענטשן, בפרט ביי אונז אין בני ברק, וואס די גאנצע בחירות גייט זיי אהן אזוי ווי דער פאר א יאהרן'דיגער שניי. נישט אלע האבן ליב חסידות גור, און נישט מאיר פרוש, און דאס גאנצער גישעפט איז יש לעיין וליישב בדוחק. אסאך טענה'ע'ן אז זיי (די חברי כנסת) מאכן אגרעסערער נזק מער ווי א תועלת, און וואס פעלט דאס אויס, און סאיז אלעס אינטערעסן וכו', ובפרט א ריזיגער חסידישער עולם וואס זייער רבי הייסט נישט גיין צו בחירות, כגון, לעלוב, קרלין, סטאלין ופינסק, סלאנים ראחמאסטריווקא שטערנאביל ועוד רבים, אבער סאיז דא איינע פון די זאכן וואס דאס גופא שטופט זיי צו די בחירות באופן חזק ביותר. דאס איז די נארישע ''תעמולה'' פון קנאי ירושלים.
אין לכם שמץ של מושג וויפל דאס רעגט אויף דעם ריזיגן נייטראלער עולם. אסאך קלוגער וואלטן זיי גיטאהן, לשיטתם, ווען מאיז נאר מפרסם דער איסור פון בית דין און דער איסור פון סאטמער רב ללא שום הוספה.
איך האב דאס גיהערט שוין פון גאר אסאך אינגעלייט וואס זיי האבן בכלל נישט געקלערט צו גיין וועלן, האבער די קיצונישע מודעות און קללות און ביטויים מוזרים (עבודה זרה גילוי עריות שפיכות דמים וכו') האט זיי געשטופט בכוח צו וועלן.
דו ברענגסט גראדע ארויס א פארשטענדליכע נקודה, אבער מען קען זיך שטארק דינגען דערויף ווייל באמת אין די אמאליגע יארן איז טאקע די מערכה פון די קנאים צוגעגאנגען טאקע וויאזוי די שילדערסט, ווידעראום אין די לעצטע בחירות האבן זיי בעיקר קאנצענצטרירט די מערכה אויפצואווייזן די פאלשקייט און לעכערליכקייט פון די נציגים - און ווי דו קענסט זיך אליין איבערצייגן אז 85% פון די צעטלעך קעגן די יעצטיגע בחירות זענען פאקטן און סטאטיסטיקס וועלכע ווייזן אויף ווי די נציגים פארראטן דעם צבור הבוחרים און גלייכטצייטיג פארפירן זיי אויך די אייגענע גדולי ישראל שליט"א חברי המועצות און טוען גארנישט אויף פאר אידישקייט - דעריבער גלייך איך שווער אז עס זענען פארהאן צופיל - אויב עפעס בכלל - פונעם נייטראלן צבור החרדי וואס דאס זאל זיי באוואויגן צו גיין וועלן. ובפרט ווען איינער פון די נציגים שעמט זיך נישט אפען צו מעלדן אין זיין צייטונג אן אפיציעלן אפמאך וואס זיי האבן געשלאסן מיט די מזרחי וואס צווישן אנדערע גייען זיי "מכיר זיין אין די רבנות הראשות", א פרעצעדענט וואס לויט אלע יודעי דבר איז דאס א שרעקליכער פריצת גדר מצד אגוד"י וואס די גדולי ישראל פון אגודה וואלטן קיינמאל נישט צוגעלאזט, און דער זעלבער נציג האט זיך אפען געלאזט הערן שפעטער אז דער בונד מיט די מזרחי וועט אנהאלטן אויך נאך די בחירות.
כך הבנתי בדעתי העני', און ווער עס קען אויפווייזן אנדערש זאל דאס זיכער טוהן, אבער נישט ח"ו זיך אריינלאזן אין געפעכטן נאר רעדן שיין כדרכה של תורה.