קערעסטירער טאג בוך

[אורחים בורחים דורכים]

ווייטערדיגע באריכט גענומען פון דא:

[אורחים בורחים דורכים]

נאטיצן און באריכטן מהיכלא דמלכא, "רבי ישעי'לעס הויז" אין שטאט קערעסטיר אונגארן יצ"ו, אנגעפירט דורך די בארימטע "הכנסת אורחים קערעסטיר", אין שפיץ פון משפחת רובין שליט"א נכדי רבי ישעי'לע זי"ע, ליינט און האט הנאה.

בס"ד

[אורחים בורחים דורכים]

פרשת מטות מסעי

זונטאג:

אריינגייענדיג אין א נייע וואך אינעם הייליגן הויז, האט מען בכבוד הראוי אנטפאנגען הרב שלום נח לאנדא שליט"א ראש ישיבת ווערעצקי אין פלעטבוש. נאכמיטאג איז אנגעקומען א גרופע פון אר"י אנגעפירט דורך דאסקאל טורס. עקסטער איז געקומען א גרופע פרויען און מיידלעך אנגעפירט דורך ר' מענדל לאק פון מעלה טורס.


מאנטאג:

מען גרייט זיך צו גאר א פארנומענע וואך אינעם הייליגן הויז, בעת עס ווערט ערווארטעט א גרויסע פלייץ פון אורחים לרגל די הילולא קדישא פון הרה"ק בעל ישמח משה זי"ע וואס חלקת מחוקק ספון אין די שכינות'דיגע אוהעל, דעריבער איז ספעציעל געקומען צו פארן הרב בנש"ק יחזקאל לעוו שליט"א נכד רבינו, ארויסצוהעלפן מיט די גרויסע ווירטשאפט לכבוד די ערווארטערטע אורחים.

צו תפלת מנחה און מעריב איז אנגעקומען א גרופע חסידי וויזניץ בני ברק, ובתוכם הרב בערל פינקוס שליט"א. ביינאכט איז אנגעקומען הרב דוד מאיר ווייס שליט"א פון די ראשי משגיחי הכשרות אין די עדה החרדית מיט בני משפחתו. די חשוב'ע אורחים האבן זיך דערקוויקט מיט די היימישע ברייטע סעודות כיד המלך.


דינסטאג:

אין אלע אפטיילונגען אין די הייליגע הויז און די גאנצע הייליגע הויף ארום, גייען אן העפטיגע הכנות אויפצונעמען מאסן חסידים ואנשי מעשה מקצוי תבל ובתוכם פילע אייניקלעך כ"י וואס קומען אט אט אן לרגל די הילולא פונעם ישמח משה זי"ע. אלע צימערן אינעם בנין הכנסת אורחים ווערן הערליך צוגערישט, גרייט צו אקאמאדירן די פילע אורחים, דאס זעלבע אין צוצושטעלן די מקוה פארן ברייטן באנוץ, עס ווערן געקאכט סעודות אין גרויסע קוואנטומען גרייט צו ווערן אפגעשיקט קיין אוהעל. אלע צימערן ובפרט די הייליגע קוויטל שטוב ווערן צוגערישט פאר מנינים בציבור אויף א גרעסערע פארנעם, ווי פארשטענדליך איז אויפצונעמען אזא גרויסע ציבור אויפאמאל אן עבודה קשה שבמקדש.

אין די צופרי שעה'ן האט מען אויפגענומען ביותרת הכבוד כ''ק אדמו''ר מ'דאראג שליט''א ופמלייתו פון איבער 30 חסידים, זייענדיג אינמיטן א נסיעה אויף די מקומות הקדושים. דער רבי מיטן ציבור האבן געדאווענט שחרית אינעם הייליגן קוויטל שטוב מיט גרויס התעוררות. עס איז געווען נאך 4 מנינים שחרית.

נאכ'ן דאווענען איז פארגעקומען א גרויסער לחיים לזכר נשמת הרה"צ ר' מנחם מענדל רובין זצ"ל לרגל די יארצייט, א זוהן פון לעצטען רבי'ן פאר'ן קריג כ"ק מרן רביה"ק ר' מאיר יוסף זי"ע, הי"ד -דער טאטע פון די מייסדים וממשיכים פונעם הייליגען און ברייט פארצווייגטען- הכנסת אורחים קערעסטיר, וועלעכעס ווערט געפירט כימות רביה"ק ר' ישעי'לע זי"ע, -עס איז צום באטאנען אז הרה"צ ר' מענדל זצ"ל הנ"ל איז געוועהן פון די ערשטע וועלעכע זענען צוריקגעקומען קיין קערעסטיר נאך די ביטערע מלחמה און אנגעהויבען צוריקצושטעלען די הייליגע יסודות.- און מען האט ארום גערעדט פון זיינע מעשים טובים יהא זכרו ברוך, אמן.

כ"ק אדמו"ר מדאראג שליט"א

[אורחים בורחים דורכים]

איינע פון די פילע געפאקטע מנינים שחרית - די מודעה איבער די יארצייט פון הרה"צ ר' מענדל זצ"ל בנו של האדמו"ר האחרון רביה"ק ר' מאיר יוסף זי"ע הי"ד

[אורחים בורחים דורכים]

נאכמיטאג איז אנגעקומען א גרופע בחורי חמד תלמידי ישיבת בעלזא בראשות זייער מגי"ש הרה''ג ר' אליעזר שווארץ שליט''א. שפעטער האט מען אנטפאנגען בכבוד הראוי הגה"צ רבי שלום אליעזר טייטלבוים שליט"א אבד"ק סאטמאר 15'טע עוו. אויך איז ערשינען הגה"צ רבי יעקב דוב טייטלבוים שליט"א אבד"ק סיגעט בן כ"ק מרן אדמו"ר מסאטמאר שליט"א, וואס נאך תפלת מנחה איז צוגעשטעלט געווארן א פון פריער באשטעלטע פריוואטע סעודה פאר הגה"צ אבד"ק סיגעט ופמלייתו.

[אורחים בורחים דורכים]

הגה"צ אב"ד סאטמאר 15 שליט"א

[אורחים בורחים דורכים]

הגאוה"צ אב"ד סאטמאר 15 און אב"ד סיגעט שליט"א ביי תפילת מנחה אין מקום מקור הישעות "די הייליגע קוויטל שטוב"

[אורחים בורחים דורכים]

מיט יעדע פארבייגייענדע שטונדע איז דער הייליגער הויז געווארן אלץ מער באלאגערט פון די פלייץ פון אורחים מכל קצוי תבל כ"י, וואס איז בלעה"ר אריבער העכער אלע פאראויסדיגע שאצונגען. עס האבן זיך געשטעלט פילע מנינים מנחה. צווישן די חשוב'ע אורחים האט מען אנטפאנגען הרה''ג רבי שלום ווידער שליט"א דומ''ץ בקהל מחזיקי הדת בעלזא ירושלים.

הרה"ג רבי שלום ווידער שליט"א דומ"ץ בק"ק בעלזא אין ירושלים

[אורחים בורחים דורכים]

ביים זמן מעריב האט הגה"צ רבי שלום אליעזר טייטלבוים שליט"א אבד"ק סאטמאר 15'טע עוו. געדאווענט מעריב פארן עמוד אינעם הייליגן קוויטל שטוב בהשתתפות מיט א שיינעם ציבור. דערנאך איז געפראוועט געווארן א רייכע סעודת הילולא פון ישמח משה זי"ע ווי הרב שמואל גרויס שליט''א האט פארציילט סיפורי קודש פונעם בעל הילולא.

אין די שפעטערע אווענט שעה'ן האט מען אנטפאנגען בכבוד הגה"צ רבי יוסף האראוויץ שליט''א ראה''כ חיים ושלום מונקאטש חדב"נ כ''ק אדמו''ר מ'מונקאטש שליט''א ובני משפחתו, ובתוכם בנו הרב חיים אלעזר שליט"א חתן כ''ק גאב''ד אודווארי שליט''א נכד רבינו, לרגל חתונת בתו החשובה, ווי עס איז געווען צוגעשטעלט א רייכע סעודה לכבודו.

די פלייץ פון אורחים האט אנגעהאלטן במשך די נאכט בלי הרף, וועלכע האבן פארמירט מערערע מנינים מעריב אינעם הייליגן הויז.

איינע פון די יארצייט סעודת לרגל הילולת הרה"ק הישמח משה זי"ע וועלעכע זענען פארגעקומען אין די שכינות'דיגע "קערעסטיר" אין "ר' ישעי'לעס הייליגע הויז"

[אורחים בורחים דורכים]

מיטוואך:

עס איז בליעה"ר געווען 6 געפאקטע מנינים צו תפלת שחרית דורך דעם גרויסן ציבור חסידים ואנשי מעשה כ"י, בתוכם הגה"צ אבד"ק סיגעט שליט"א און הגה"צ רבי יוסף הורוויץ שליט"א הנ"ל. איבערן טאג האט מען געהאט דעם כבוד אויפצונעמען אינעם הייליגן הויז צענדליגער אייניקלעך פונעם בעל הילולא הרה"ק הישמח משה זי"ע ובתוכם הגה"צ רבי ליפא טייטלבוים שליט"א מקיוויאשד אין באגלייטונג פון בנו הרב לייביש שליט"א נכד כ"ק אדמו"ר מסקווירא שליט"א.

הגה"צ רבי יוסף האראוויץ שליט"א ראה"כ חיים ושלום מונקאטש

[אורחים בורחים דורכים]

מניני תפילת שחרית בעצם יום הילולת הרה"ק בעל ישמח משה זי"ע אין הייליגען קוויטל שטוב - בהתעוררות רב

[אורחים בורחים דורכים]

שיקט א קוויטל קיין קערעסטיר 24 שעה אין טאג

דרוקט דא:
www.kerestir.com

קוויטל 1.PNG (265.55 KiB) געזען 1328 מאל

קוויטל 2.PNG (314.02 KiB) געזען 1328 מאל

קוויטל 3.PNG (447.62 KiB) געזען 1328 מאל

[אורחים בורחים דורכים]

הגה"צ רבי ליפא טייטלבוים שליט"א מקיוויאשד

[אורחים בורחים דורכים]

צווישן די אנשים נכבדים איז געווען מערקבאר די אנוועזנהייט פון מו''ה ר' חיים פריעדמאן הי"ו מהנהלת מוסדות סאטמאר ב"פ ומשפחתו, ובתוכם בנו ספרא וסייפא הרב אלחנן זאב יוסף פריעדמאן שליט''א יו"ר כולל תולדות אלעזר שע"י כולל חבת ירושלים, בנו הרה"ג רבי אברהם הערש פריעדמאן שליט"א דומ''ץ גאלאנטא ומח"ס אוצר הלכות, חתנו מו''ה ר' יוסף שוויממער הי"ו חבר הנהלת מוסדות יטב לב.

נאכמיטאג איז ערשינען א גרויסע קבוצה בחורים תלמידי ישיבת וויזניץ-לאנדאן וועלכע האבן געפראוועט געהויבענע שעה'ן אינעם הייליגן הויז, מיט תפלת מנחה און א הערליכע סדר הלימוד, ווי אויך איז צוגעשטעלט געווארן א ברייטע סעודה לשובע ולא לרזון.

אין לויף פונעם טאג האט מען כסדר אריבערגעליפערט קיין אוהעל די געשמאקע מאכלים און מידי דטעימה וואס איז געקאכט געווארן אין רבי ישעי'לעס הייליגע קאך, וואס דערפון איז צוגעשטעלט געווארן די פילע סעודות הילולא וואס איז געווארן באשטעלט דורך די הכנסת אורחים אין אוהעל, אנגעפירט דורך בנש''ק הרב איתמר מייזליש שליט"א און הרה"ח ר' יוסף ווייס הי"ו מראשי חברא קדישא ד'סאטמאר. עס איז מיטגעשיקט געווארן אלע צרכי סעודה, די גיגאנטישע "ווארמער'ס" צו האלטן די עסן הייס און געשמאק, אא"וו.

די געקאכטע עסן אין אוהעל וועלכער איז געקומען פון רבי ישעי'לעס קאך

[אורחים בורחים דורכים]

נאכמיטאג איז פארגעקומען אינעם הייליגן הויז 9 מנינים מנחה פון די מערערע אורחים כ"י, ובתוכם א גרעסערע קבוצה חסידי סאטמאר בראשות פונעם מגיד מישרים הרה"ג ר' צבי אלימלך טייטלבוים שליט"א מח"ס פתגם המלך ונכד בעל הילולא, עס איז צוגעשטעלט געווארן א רייכע סעודת הילולא, ווי בראש המסובין האט אויך באשיינט אביו הגה"צ רבי ליפא ט"ב שליט"א מקיוויאשד.

ביינאכט איז אנגעקומען א קבוצה בחורים פון ישיבת חיי עולם פון ציריך בראשות הרה''ג ר' שמואל אונדארסקי שליט''א ר''מ הישיבה און הרב מנחם קאלמאן שליט"א ווי זיי האבן לאנג פאברענגט מיט שירה וזמרה מיט התרוממות הנפש אין איינע פון די צימערן בבית רבינו. שפעט ביינאכט האט מען אנטפאנגען ביותרת הכבוד הגה''צ רבי פייבל סופר שליט''א אב''ד קהל חרדים בואנעס איירעס ארגענטינא מיט א קבוצה פון איבער 30 אידען מבני קהילתו פון ארגענטינא (וואס האבן פריער געפראוועט א גרויסע סעודת הילולא אין אוהעל, וואס איז צוגעשטעלט געווארן די רבי ישעי'לעס קאך אזוי ווי אלע סעודת דארט כנ"ל).

צוליב די מערערע געסט איז אינאיינעם געווען 7 גרויסע מנינים פאר מעריב.

תלמידי ישיבת חיי עולם פון ציריך

[אורחים בורחים דורכים]

די קבוצה פון באונעס איירעס ביים שרייבען קוויטלעך אין "הייליגען קוויטל שטוב" בראשות הגה"צ רבי פייביל סופר שליט"א רב הקהילה

[אורחים בורחים דורכים]

.

[אורחים בורחים דורכים]

דאנערשטאג:

פארטאגס איז אנגעקומען האדמו''ר מ'ביטשקוב שליט''א פון ארה"ק. צוליב די הונדערטער אידן וואס זענען געווען אויף די יארצייט אין אוהעל, און האבן גענעכטיגט אין אלע גלילות ארום קערעסטיר האבן זיך געשטעלט 6 מנינים צו שחרית כוותיקין און דערנאך 7 מנינים כסדרן, וועלכע האבן געהאט די זכי' אריינצוכאפן א דערהויבענע תפלת שחרית אינעם הייליגן הויז אין דעם עת רצון פון ערב ראש חודש. סך הכל איז געוועהן 13 מנינים שחרית נאך שחרית איז סערווירט געווארן א ברייטע פת שחרית פארן גאנצן ציבור.

פון די ערשטע אדמורים ורבנים נכדי ר"ר מרדכי'לע זי"ע, וואס האבען באזיכט אין די הייליגע הויז, זייענדיג אויף די וועג קיין בישטנא מקום מנוחת קודשו של הרה"ק ר' מרדכי'לע נודבורנא זי"ע צו מתפלל זיין דארט אין די 9 טעג, ווי מען וועט זעהן באריכות אין די קומענדיגע נייעס באריכט די באקאנטע "קערעסטירער טאג בוך"

האדמו"ר מביטשקוב שליט"א

[אורחים בורחים דורכים]

האדמו"ר מביטשקוב שליט"א ביים פירען טיש עם חסידיו ומעריצים

[אורחים בורחים דורכים]

צווישן די געסט האט מען אנטפאנגען בכבוד הרה"ח רבי אליעזר קעסטנבוים שליט"א נשיא כולל דמשק אליעזר.

נאכמיטאג איז אנגעקומען א גרופע פון שווייץ פון הרב ברייש'ס קהילה באגלייט דורך הרה''ג ר' זאב גרינוואלד שליט''א משפיע רוחני אין די קהילה. עס איז געווען עטליכע מנינים פאר מנחה.

ארויסגייענדיג פון די אנגעפולטע וואך שרייט זיך ארויס דער "גדולים צדיקים במיתתן", צוזעהנדיג ווי די הייליגע הויף איז שוקק חיים בלי הרף, וואס אין די עטליכע מעת לעת האט די הייליגע הויז געהאט אפענע טויערן רונדע דעם זייגער, זייענדיג די הויפט סטאנציע פאר די טויזענטער אידן כ"י וועלכע זענען געקומען לרגל די הילולא פון הרה"ק הישמח משה זי"ע, וואס די אלע אורחים האבן זיך דערקוויקט מיט די אלע צוגעהערן פון "ר' ישעי'לעס הייליג הויז" וואס איז געווען דער תל תלפיות פאר מנינים כסדרן, פרישע מקוה, א היימיש פלאץ פאר לימוד התורה, געשמאקע סעודות מיט היימישן טעם, אא"וו, וואס איז געווען א מחזה הוד מיטצולעבן אין דעם מקום קדוש מקור הישועות.

עש"ק-שב"ק:

מען האט העפליך אנטפאנגען די שובתי השבת אינעם הייליגן הויז, ובתוכם א חשוב'ע משפחה מחסידי סאטמאר ב''ב וואס זייענדיג אויפן וועג צוריק פון די יארצייט אין אוהעל האבן זיי פארפאסט די פליגער און האבן שוין נישט עספייעט אנצוקומען אהיים אויף שב"ק, דערפאר האבן זיי אומגערישט געפראוועט א הערליכע שב"ק אין קערעסטיר, וויסענדיג אז דא וועט מען זיי העלפן טרעפן אכסניות און אש"ל מלא אויפן שענסטן פארנעם.

צווישן די אורחים אויף שבת האט אויך געוויילט הרב זונדל סאמעט שליט"א משב"ק כ"ק מרן הרה"ק מטאהש זצ"ל.

גרופע פון שווייץ ביי תפילת מנחה דארנישטאג

[אורחים בורחים דורכים]

.

[אורחים בורחים דורכים]

אנגעגרייט פאר איינע פון די די פילצאליגע חבורת

[אורחים בורחים דורכים]

.

[אורחים בורחים דורכים]

האלט מיט די ווייטערדיגע באריכטען בקרוב אי"ה אין די אשכול

[אורחים בורחים דורכים]

צו זיך אויפשרייבען כדי צו באקומען די נייעס אויף אימעיל, ביטע שיקט א אימעיל צו:
[email protected]