- דעבאטע - קען מען צווינגען צאלן שכר לימוד?

גריסן און שמועסן

אחראי: אחראי

HelpMe
שר חמישים ומאתים
תגובות: 479
זיך איינגעשריבען אום: מיטוואך סעפטעמבער 07, 2016 1:57 pm

תגובהדורך HelpMe » מיטוואך יולי 03, 2019 5:44 pm

מיינונג האט געשריבן:עטליכע נקודת למחשבה:
צום אלעם ערשט א מוסד איז נישט קיין ביזנעס.
על פי הלכה והמנהג, פאדערט זיך פון א קהילה צו האבן א מוסד החינוך, עי' שולחן ערוך חושן משפט הלכות תלמוד תורה סימן רמה סעיף ז "מושיבין מלמדי תינוקות בכל עיר ועיר"
און ווי אויך ווערט געפסקנט אז מען מאנט איין די סארט קהילשה חובות לפי ממון דאס הייסט לויט די פארדינסט פון די מענטש עיין שולחם ערוך חושן משפטסימן קסג סעיף ג ברמ"א "במקום שבני העיר מושיבין ביניהם מלמד תינוקות, ואין אביהן של תינוקות יכול לשכור לבניהם, ויצטרכו הקהל ליתן השכר, גובין לפי ממון"
דער מנהג איז אויך אזוי געווען סיי אינדערהיים ביי די גרעסערע שטעט וואס האבן געהאט תלמוד תורה'ס און אזוי אויך דאהי ביז עטליכע יאר צוריק ווען קהלהישע אנפירער זענן געווען פארצייטישע אידן מיט געפיל.
די מושג אז א תלמוד תורה זאל זיך פירן ווי א פריוואטע ביזנעס, איז א נייע באגריף וואס איז נישט געווען אפילו אין געדאנק ביז אפאר יאר צוריק.
היינט אין די מוסדות איז דא מער ווייניגער צווי סארטן פרייזן איינס פאר א פארדינער די פול פרייז, און א צווייטע מיט א שטיקל הנחה עס טוט ווייט נישט רעפלעקטירען די חילוק פון דע גרויסע עושר אדער ברייטע פארדינער ביז די שווערע ארבייטער.
מען וואלט געדארפט טראכטן וויאזוי וויל מען אז דער ארבייטער ביי "בי ענד עדזש" צו ענדליך זאל קענען בכלל באצאלן די טויזענטער דאלער וואס מען פארלאנגט פון איהם. עס קאסט א קינד א יאר אין די מוסדות כאטש פינעף טויזנט דאלער א יאר נאך אלע הנחות אויף דער בליגסטער אופן. א ארבייטער מיט אפילו פיר קינדער, ווי אזוי קען ער באצאלען די צוואנציג טויזנט א יאר? מען דארף נישט לעבן ברייט נישט צו איבער בלייבן מיט דער סכום.
און די וואס שרייבן אז די מוסדות רעכנען זיך מיט די מצב, עס איז ווייט נישט אזוי. אפשר ווען עס איז עפעס גאר א טראגישע פאל ווי א אלמנה וכדומה וועלן זיי זיך רעכענען אבער דער יונגערמאן וואס סתם פארדינט נישט ברייט, און האט נישט קיין עסקן וואס קומט משוגע מאכן, ער וועט נישט קענן באקומן מער ווי די קליינע סטאנדערט הנחה, און וועט נאך אלץ דארפן צאלן כאטש פינעף טויזענט א יאר.
נאך א נקודה למחשבה א מוסד פירט זיך נישט ווי א ביזנעס ווען עס איז נוגע זייער אייגענע הוצאות.
זיי פארדינן א געוואלד פון די ציבור, נישט נאר וואס מען גייט נאך געלט דערפאר, וואס דאס נעמן צדקה געלט ברענגט א התחייבות זיך צו פירען על פי הלכה און מיט געפיל. אזוי אויך באקומן זיי פון פארשידענע שטאטישע הילף אויף דעם חשבון פון די שטימע פון ציבור ביי די וואלן, לדוגמה פארשידענע סעקיוריטע גרענטס, געלט פאר מענדעטי"ט סערויסעס, וואס ווערט געשתדלט דורך פארשידענע שתדלנים און וואלט געדארפט גיין צו גרינגער מאכן די עולם מיט שכר לימוד, און נישט צו גרינגער מאכן פאר די אדמינסטראטערס. ליידער זענן די נייע אדמינסטראטערס א נייע סארט, רוב זענן שוין געקומען נאך די שפע פון וואוטשערס און ווילען האבן די פאך איזי אן קיין גרויסע געלט שאפן. זיי וועלן ענדערש מאכן א חשבון פון א פרייז פער סטודנט און פארלאנגן פולע שכ"ל ולהבדיל ווי מען טוט ביי א פריוואטע עליטע סקול, אהיימשיקן דער וואס קען נישט באצאלן. עס איז אלעמאל גרינגער צו דערשטיקען די ארימע ווי איידער בעטן און שנארן ביי די רייכע.
לאמיר טראכטן פון די אלע פארשידענע צוועקן וואס מען גייט נאך געלט לעצטענס מיט די אלע קאמפעינס, סיי פאר מוסדות און ארץ ישראל און סיי פאר אלע אנדערע מוסדות, און וויפיל געל האט מען געשאפן. צו וואלטן נישט די אדמינסטראטערס געקענט שאפן מער געלט פאר די לאקאלע אייגענע עניי עירך מוסדות, פאר א חיוב פון א קהילה מתקנת ר' יהושיע בן גמלא על פי תורה צוצושטעלן א תלמוד תורה. וואלטן זיי נישט געקענט העכרן די נדבות און פארמיידען דאס העכרן כסדר די שכ"ל דירעקט אדער אומדירעקטט דורך די אלע סורטשדארטשע"ס ווי קרן הבנין, אינשורנס, טראנספערטאציע, וכו' וכו'
א לעזונג האב איך נישט, אבער א געדאנק וואלט געווען קודם אז די מוסדות זאלן נישט זיך פירען בעיקר דורך איין אדמינאסטראטער מיט גאר ווייניג איבערזיכט. נאר מיט א ועד פון ערענסטע מענטשען וואס זאלן זיכען צו העלפן אידען און גרינגער מאכן פארן ציבור, און טרעפן געדאנקן ווי אזוי צו קענן צושטלן א חינוך פאר די היימישע עולם נישט ווייניגער ווי מען זיכט צו העלפן רוסישע בוכארישע אדער אפילו ארץ ישראל'דיגע אידען.
נאך א געדאנק אויב עס קען זיך מאכן א ארגענעזאציע פון דרויסען פון די תלמוד תורות וואס ואלטן געהאלפן מיט שכ"ל אזוי ווי סקאלערשי"פ, אבער צו דעם וועט מען דארפן אכט געבן אז עס זאל נישט סתם העכרן די שכ"ל און נאר גרינגער מאכן די ארביט פון די אדמינסטראטער אזוי ווי וואוטשער"ס וואס העט דאכט זיך מיר קאליע געמאכט פאר דער וואס קען עס נישט באקומן.
נאר עטליכע געדאנקן, נישט פערזענטליך.


תמצית היוצא די האסט נאך אין דיין לעבן נישט אריינגעלייגט קיין פינגער אינערהאלב א מוסד

שמוליקעל
אנשי שלומינו
תגובות: 1
זיך איינגעשריבען אום: דאנארשטאג יולי 05, 2018 5:06 pm

תגובהדורך שמוליקעל » מיטוואך יולי 03, 2019 5:47 pm

רוב תגובות וואס איך האב געליינט איז געשריבן געווארן דורך עמך אידן וואס שיקן זייערע קינדער אינעם מוסד און נישט דורך איינגעשטעלטע אינעם מוסד איך פיל אלץ אן איינגעשטעלטער אין א מוסד (נישט ויאל משה ק"י) זיך אנצונעמען שטארק פארן אדמיניסטראטער פונעם מוסד און איהם קאנגראדולירן פאר זיין שטארקע אקט וואס ער האט געטון און איך וועל פראבירן אביסל ארויסברענגען די נקודות פארוואס איך האלט אזוי, איך פלעג ארבעטן אין א פראוואטע ביזנעס און אלץ א אינדרויסנדיגער האב איך שטענדיג ג'האט א קרומע קוק אויף די מוסדות שכ"ל איינגעשטעלטע וואס מאנען זיי פון מיר א גאנצע צייט מיין קארגע פארדינטע געהאלט און איך ווער פון זיי קיינמאל נישט פטור דא איז עס רעגיסטרעישן און דא חודשליך שכ"ל און דא דעי קעמפ קרן הבנין און דינער געלט און אזוי ווייטער יעדע פאר מינוט א נייע נאמען און מ'קען מיט זיי נישט ענדיגן, אבער אלעס האט זיך געביטן זייט איך האב באקומען א פאזיצע אין א מוסד און איך בין נישט דירעקט אינוואלווד אין קאלעקטן שכ"ל אדער דעקן דעם בודזעט אבער אלץ א אינעוויינגיסטער האלט איך מיט וואס גייט פאר אין די קארידארן פונעם אדמיניסטראטער און איך וועל אייך פראבירן אריינברענגען אינעווייניג איהר זאלט אביסל פארשטיין וואס דא גייט פאר, מיר אלע ווייסן נאר אז מ'שיקט דעם קינד אין חדר און ער האט א מלמד אדער א מיידל האט א טיטשער און דאס אלעס ס'איז דא וואס די קינדער זענען אביסל מער אקטיוו און צווינגען די עלטערן צו וויסן אז ס'איז אויך דא א מנהל וואס האט א קאנטראל אויף יעדע קינד, אבער צו ווייסט איהר אז ס'איז דא צענדליגע און צענדליגע הוצאות ווי למשל פעי ראול טעקס אינשורענס ארטס און קרעפטס מענעדזער'ס אפיס איינגעשטעלטע אפיס סופלייעס און צענדליגע און צענדליגע אנדערע הוצאות זאכן צוברעכן זיך כסדר און מ'דארף פארעכטן און איבערמאכן בקצור פירן א מוסד איז א גרויסע און שווערע הוצאה איך האלט מיט ווי דער אדמיניסטראטער וואו איך ארבעט רופט ארום אלע עלטערן וואס האבן באלאנסעס און זיי ענטפערן אלע סארט תירוצים און דרייען א קאפ אז זיי ווארטן אויף געוויסע אינקאם און די באלאנס וועט ווערן זיראו און בו בזמן דרייען זיך די עלטערן ארום אין טייערע קארס פארן אויף טייערע וויקעישנס און מאכן רייכע שמחות ווי די גרעסטע עשירים און דער מנהל המוסד דארף אנהייבן ארום צו רופן די נייע ליסטע פון נדיבים וואס האבן געגעבן שיינע נדבות ביים דינער און בעטן פון זיי אויסבארגן אז די פעיראול טשעקס וואס ער גייט אויסשטעלן קומענדיגע וואך וואס וועט באצאלן די געהאטלט פאר פיר וואכן צוריק זאל האבן דעקונג און די ליסטע פון די נדיבים ווערט קלענער און קלענער ווייל מ'איז זיי שוין שולדיג א שיינע פאר חדשים וואס ס'איז נישטא פון וואו צו באצאלן, טייערער חשובער אייוועלט שרייבער מאך אביסל היים ארבעט וויפיל דיין קינד וואס דו שיקסט אין חדר קאסט פאר די מוסד וואו דו שיקסט איך קען אביסל די נומערן דיין קינד קאסט פאר די מוסד בערך צוווישן זיבן הונדערט און פינעף הונדערט חודשליך דאס איז אויב דו רעכנסט דיין קינדס קאסט אן נעמען אין באטראכט אז די מוסד וואו דו שיקסט האט א שיינע צאל מלמדים וואס צאלן גארנישט און א שיינע פאר כולל יונגעלייט וואס פון זיי קען מען נאר בעטן אויפן צעטל אא"וו במילא אויב די מוסד באקומט נישט פון דיר לכה"פ פינעף הונדער דאלער פער קינד פער חודש האסטו נישט אנגעהויבן צו באצאלן דיין קאסט און די טענה וואס דו האסט אז ס'איז ציבור'ס און זיי דארפן דיר געבן פאר אומזינסט, אפשר די בוטשער דארף דיר אויך געבן אומזינסט ס'איז אויך ציבור'ס און אפשר די מצות דארף אויך זיין אומזינסט וואס פאלט דיר איין אז דו וועסט לעבן א לאגזערי לעבן ארום דרייווען א 2020 סיענע, שפאנצירן מיט א שיינע באגאבו און אנגעטוהן אלע דיינע טייערע שעפעלעך די טייערסטע, מעטשינג און דער מנהל המוסד זאל זיך איבערארבעטן אז דו זאלסט קענען שעפן נחת פון דיין זונאקל ער איז דיר גארנישט מחוייב קיין איין מוסד איז נישט קיין מאני מעיקינג ביזנעס זיין מאכן קוים אויף זיך צו דעקן, און די אלע שרייבערס וואס שרייבן אז ס'איז דא פראגראמען זענען אומויסנדיג ס'איז דא זייער זייער ווייניג פראגראמען וואס קען אנגערופן ווערן פראגראמען אין אפסטעיט לאנטש איז נישט קיין פראגראם ס'איז א ריאינבורעסמענט זיי געבן צוריק די מוסד וואס די מוסד געט צו עסן דיינע קינדער היינטיגע צייטן איז פעטער שמואל זייער וואך און די קינדער עסן צום זעהט ס'קאסט אוצרות מיט געלט און פעטער שמואל געט צוריק די מוסדות וואס זיי לייגן אויס און אזוי אויך טראנספארטעישן ס'קאס די מוסדות אוצרות מיט געלט די באסעס און די דרייווערס און אלע אינספעקשנס אויף די באסעס די גאז און פיקסן די באסעס און פעטער שמואל גיט צוריק א חלק, אדרבע גיי ארויס און פרעג ביי די מער מאדערנע עולם צו ס'איז דא א פרייוועט סקול וואס בעט פון עלטערן די קליינע סכומים וואס מ'בעט אין סאטמאר וועסט אין ערגעץ נישט טרעפן א מוסד וואס בעט אונטער צען אלפים א קינד און שאר ירקות וועסטו צאלן אריבער צוועלעף טויזנט אויב נישט מער , איך ווייס נישט ווער דער אדמיניסטראטער איז אבער איין זאך איז זיכער אז נאר אדאנק אזעלכע אדמיניסטראטערס וועט מען קענען פירן מוסדות און אזויווי דו פארשטייסט אז דיין מקוה איד האט געשטעלט א דרייער און נאר ווער ס'צאלט די איינגאבע קען אריין גיין אזוי דארף זיין אין יעדע מוסד נאר ווער ס'צאלט זאל קענען שיקן (פארשטייט זיך די וואס האבן נישט באמת דארף מען זיך רעכענען ) אבער צו די אלע פון וועמען איך רעד זאלן אנהייבן צו לעבן מיט א חשבון אז שכ"ל פאר די מוסדות וואו דו שיקסט דיינע קינדער דארף באצאלט ווערן איידער די אלע לוקסוס וואס דו לעבסט מיט און פארשטייט זיך אז ווען די מוסד מאכט א דינער איז א מצוה זיי צו העלפן און געבן ווי מער מ'קען אן קיין מוסדות איז נישטא קיין צוקונפטיגע דורות די אלע וואס רייסן אראפ אדער באצאלן נישט זייער התחייבות זיי ברענגען אונטער אידישקייט ס'איז דא היינט אסאך צוועקן וואס שנארן אוצרות מיט געלט זייער אסאך פון די אלע צוועקן קען כלל ישראל אן גיין אפילו זייערע טירן וועלן זיך פארמאכן אויב ח"ו מוסדות זאל פארמאכן זייערע טירן זענען מיר אלע אויף געהאקטע צרות איך וויל מחזק זיין די אלע וואס האבן שכל און שטיצן מוסדות און צאלן זייער שכ"ל אין צייט זיי האבן א זכות קיום און די אלע וועלן שטענדיג זעהן נחת פון זייערע קינדער עד מאה ועשרים שנה געזונטערהייט

אוועטאר
חושב מחשבות...
שר האלפיים
תגובות: 2202
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » מיטוואך יולי 03, 2019 6:11 pm

שמוליקעל האט געשריבן:.

ביטע מאך ענטער נאך יעדע פאראגראף - מ'קען נישט ליינען קיין איין ווארט אזוי
שכח למפרע


אגב עפענען א נייע ניק אין אזעלכע פעלער קען גורם זיין בייז בלוט...
יסוד החסידות: קודם זיי א "חסיד" פון דיר אליינס, גלייב אין דיינע כוחות!

אוועטאר
חושב מחשבות...
שר האלפיים
תגובות: 2202
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » מיטוואך יולי 03, 2019 6:14 pm

HelpMe האט געשריבן:
מיינונג האט געשריבן:.


תמצית היוצא די האסט נאך אין דיין לעבן נישט אריינגעלייגט קיין פינגער אינערהאלב א מוסד


סארי ראביי איך בין שטארק אינוואלווד אין א מוסד, און אזאנע אקטן האבן נישט קיין שום זין, סיי מצד התורה און סיי ס'ברענגט נאר די פארקערטע ריזאלטאטן
פארנטפערן אזא אקט שמעקט פון רציחה
יסוד החסידות: קודם זיי א "חסיד" פון דיר אליינס, גלייב אין דיינע כוחות!

אוועטאר
חושב מחשבות...
שר האלפיים
תגובות: 2202
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » מיטוואך יולי 03, 2019 6:16 pm

איך שעם מיך צו זיין א איד ליינענדיג די אלע זינלאזע תגובות דא.
יסוד החסידות: קודם זיי א "חסיד" פון דיר אליינס, גלייב אין דיינע כוחות!

אוועטאר
חושב מחשבות...
שר האלפיים
תגובות: 2202
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » מיטוואך יולי 03, 2019 6:18 pm

בבל האט געשריבן:מיין ווייב האט מען געטיען אזוי אין שילע אין קרית יואל 30 יאר צוריק אלץ קליין קינד מען האט ציזאמגעריפן א גרופע מיידליך אין אפיס און אהיים גערופן אינדערהיים די מיידליך האבן מיטגעהאלטן

two wrongs don't make a right
יסוד החסידות: קודם זיי א "חסיד" פון דיר אליינס, גלייב אין דיינע כוחות!

אוועטאר
אפשר דאך?
שר מאה
תגובות: 215
זיך איינגעשריבען אום: זונטאג אוקטובער 11, 2015 5:22 pm

תגובהדורך אפשר דאך? » מיטוואך יולי 03, 2019 6:27 pm

איך פארשטיי אויך אז מ`מוז זיך דעקן, פונקט ווי א ביזנעס קען נישט אנגיין אויב קאסטומערס באצאלן נישט קען א מוסד אויך נישט אנגיין אזוי. אין קען זיין איך בין אפילו צופרידן אז מ`טוט אזוינע דראסטישע שריט. אזוי ווייס איך אז די מוסד וואס וואקעלט זיך האט אפשר א שאנס זיך ארויסצוזען פונעם קריזיס...

אבער....
מער וויל איך נישט הערן פון קיין דינערס אדער שטורמישע שנאר קאמפיינס! איך וויל נישט הערן פון "די זכי` פון שטיצן דעם רעבינ'ס הייליגע מוסדות" איך וויל נישט ליינען קיין קמפיין בלעטלעך, אז "מיר ווילן זיך דורכשמועסן מיט אונזערע געטרייע אייניגע שותפים, די עלטערן" אין כאן לא זכי' ולא שותפים! אבל יש כאן א סוקסעספול מוסד.

בעטס טאפ דאלער שכר לימוד, קיין פענני נישט ווייניגער וויפיל א קינד קאסט, אז מ`באצאלט נישט זאל זיין גארדס. איינמאל מ'צוואונגט מיט גארדס איז עס אויס "אייניגע שותפים". מ'קען נישט טאנצן אויף ביידע חתונות.

נאך איינער
שר חמישים
תגובות: 75
זיך איינגעשריבען אום: מאנטאג אפריל 13, 2015 1:15 pm

תגובהדורך נאך איינער » מיטוואך יולי 03, 2019 7:04 pm

Cp

שטעלט אייך פאר אזא ארגאניזאציע ווי תומכי שבת,
געגרינדעד געווארן מיט א ריינע כוונה צו גיבן צו עסן פאר נויטיגע משפחות אומזיסט. וכך הוה, יעדע וואך פארט ארויס אומזיסטע עסן אין די ווערט פום טויזנטער דאלארן, און עס ווערט געדענקט דורך שנאר.

ויהי היום, א אייניקל פונעם גרינדער פירט היינט די ארגאניזאציע און ער טרעפט זיך אין א שווערע פראבלעם, נעמליך די ליסטע פון מקבלים וואקסט אויף הייוון, די נדבנים גיבן שוין נישט ווי אמאל, און יעדע וואך בלייבט ער מיט א ריזיגע לאך, און די סופלייערס ווילן שוין נישט שיקן קיין סחורה.

וואס טוט מען? פארמאכן די ארגאניזאציע מיינט אז אסאך משפחות וועלן הונגערן, אנגיין ווי ביז איצט איז אויך נישט שייך, איז וואס יא?

קומט איינער אויף מיט א געניאלן איינפאל, מען וועט ווייטער טיילן עסן, אבער מען וועט בעטן א מינימאלע אפצאל וועלכע וועט נאכאלץ זיין ביליגער פי כמה ווי די גראסעריס, די אפצאל וועט בכלל נישט דעקן די פולע קאסט און מען וועט נאכאלץ מוזן שנארן צו דעקן די איבעריגע אבער אזוי וועט עס כאטשיג פארזיכערן די עתיד פון די ארגאניזאציע.

די נאטיצן זענען ארויסגעשיקט געווארן מיט די פונקטליכע פרייזן פון יעדע אייטעם, מיט א קלארע מעלדונג אז פון היינט און ווייטער מוז מען צאלן. עטליכע משפחות האבן זיך פארבינדן אז זיי קענען דאס אויך נישט ערלויבן און מען האט זיך אראפגעזעצט מיט יעדעם איינעם באזונדער און אויסגעארבעט א פרייז אז עס זאל זיך אויסארבעטן פאר ביידע צדדים.

א טייל משפחות האבן אבער איגנארירט אלע ווארענונגען, אפגעמאכט ביי זיך אז איך האב ביז היינט באקומען אומזיסט און אזוי וועט ווייטער זיין, ווען די פעקלעך זענען נישט אנגעקומען צו זיי זענען זיי אראפגעגאנגען צו די תומכי שבת קווארטיר און אליינס גענומען זייערע פעקלעך, אנדערע האבן געשיקט די קינדער כאפן, וליהודים היתה אורה.

זעענדיג אז עס איז נישטא קיין ברירה האט ער געמוזט דינגען שומרים צו באוואכן די פלאץ, די טאטעס, מאמעס און קינדער וואס זענען געקומען כאפן אומזיסטע פעקלעך האבן זיך דערשראקן און אהיים מיט ליידיגע הענט. און אין שול האט מען באוואשן די בעל הארגאניזאציע אז היתכן, דיין זיידע האט געגרינדעט א ארגאניזאציע צו טיילן אומזיסט, ווי שעמסטו זיך נישט צו טשארדזשן געלט, און די קינדער האבן זיך דאך נעבעך אזוי דערשראקן.

אוועטאר
סארקאזי
שר חמש מאות
תגובות: 973
זיך איינגעשריבען אום: מאנטאג פאברואר 08, 2016 8:49 pm

תגובהדורך סארקאזי » מיטוואך יולי 03, 2019 7:19 pm

דער זיידע ז''ל וואס האט געפענט די ארגאנעזאציע וואלט אים געהייסן זאפארט שפארען
אחוץ דעם איז משל אינו דומה לנמשל כבהמות נדמו.

נאך איינער
שר חמישים
תגובות: 75
זיך איינגעשריבען אום: מאנטאג אפריל 13, 2015 1:15 pm

תגובהדורך נאך איינער » מיטוואך יולי 03, 2019 7:21 pm

סארקאזי האט געשריבן:אחוץ דעם איז משל אינו דומה לנמשל כבהמות נדמו.

אפשר ביסטו מסביר פארוואס?

כשרע טעלעפאן
שר חמש מאות
תגובות: 503
זיך איינגעשריבען אום: זונטאג יולי 15, 2018 1:35 pm

תגובהדורך כשרע טעלעפאן » מיטוואך יולי 03, 2019 7:32 pm

נאך איינער האט געשריבן:
סארקאזי האט געשריבן:אחוץ דעם איז משל אינו דומה לנמשל כבהמות נדמו.

אפשר ביסטו מסביר פארוואס?

ביי דיר איז א קינד די זעלבע לעוועל ווי א תומכי שבת פעקל?, איך האף אז דו פארשטייסט
דער צמח צדק האט אמאל געזאגט: טראכט גוט, וועט זיין גוט.

אוועטאר
סארקאזי
שר חמש מאות
תגובות: 973
זיך איינגעשריבען אום: מאנטאג פאברואר 08, 2016 8:49 pm

תגובהדורך סארקאזי » מיטוואך יולי 03, 2019 7:38 pm

נאך איינער האט געשריבן:
סארקאזי האט געשריבן:אחוץ דעם איז משל אינו דומה לנמשל כבהמות נדמו.

אפשר ביסטו מסביר פארוואס?

א ארגענעזאציע וואס בעט דריי פערטל פון די קאסט פונעם ארימאן (אזוי ווי שכר לימוד) איז נישט קיין תומכי שבת ער איז א גאר ביליגע גראסערי
און אויב שנארט ער נאך פאר דעם און ער שטעלט גארדס אז די אלמנות און יתומים זאלען נישט כאפען איז ער א אכזר

עפל קאמפאוט
שר חמש מאות
תגובות: 699
זיך איינגעשריבען אום: דינסטאג מארטש 17, 2009 12:24 pm

תגובהדורך עפל קאמפאוט » מיטוואך יולי 03, 2019 7:46 pm

"נאך איינער" דברים כדרבונות!, און סארקאזי זאלסט מיר מוחל זיין, שכר לימוד איז בכלל נישט דריי פערטל פון די קאסט, און בעצם הייבט דאס נישט אן צו דעקן די קאסטן, וועגן דעם מיז מען צושנארן, און ווי איינער האט דא געשריבן אז די אלע שרייער'ס דא זענען נאך קיינמאל נישט דורך קיין מוסד קאסע חשבונות, און פון דיינע ווערטער סארקאזי זעהט זיך טאקע שטארק אן אזוי. גראדע איז די זאך מובן פאר זייער אסאך - אפילו פון די וואס זענען קיינמאל נישט געווען ביים מוסד שיסל, היות די זאך איז פשוט ומפושט מאוד.

און עס קומט נישט דא אריין קיין געפילן, לשיטתם פון די אלע וואס "בארחמנות'ן" די אהיימגעשיקטע קינדער, זאל זיך די מוסד פארמאכן און פארטיג, לשיטתם פון די אלע זאל מען לאזן די מוסד גיין פייפן, מען זאל גארנישט טוהן בכלל, אפשר זאל מען בכלל נישט בעטן קיין שכר לימוד צוליב "רחמנות" אויף די עלטערן....?
ביי די מוסדות איז שוין געווען סטרייק'ס און עס איז שוין געווען צייטן ווי מען האט נישט באצאלט קיין חדשים לאנג, ביז דער רבי שליט"א האט געמיזט אינטערנעמען עמערזשענסי אקציע'ס צו פארן קיין לאנדאן-קאנאדא צו "ראטעווען" די מוסד, עס איז דא א שיעור וויפיל מען קען ראטעווען און ראטעווען אן קיין שום וועג צו קענען אנגיין, א מוסד קען זיך בשום אופן נישט אזויפיל באדן אין קריזיס'ן און ארויסקוקן אז ווען מען באצאלט שוין נישט א האלבע יאר זאל מען שנעל גיין עפעס טוהן.
ממילא פארשטיי איך זייער גיט די אדמיניסטראטאר פון די מוסד וואס האט באשלאסן, אז אנשטאט דא זאל ווערן נאכאמאל א "געפערליכער" קריזיס, אזאנס וואס האט זיך שוין עטליכע מאל אפגעשפילט אין די מוסד, אנשטאט דעם זאל מען פשוט נעמען שטרענגע און בארעכטיגטע שריט קעגן די עלטערן וואס איגנארירן, און זיי פשוט נישט אריינלאזן אין די מוסד.

די אדמיניסטראטאר פון די דאזיגע מוסד האט באשלאסן, אז ווי איידער עס זאל דא ווערן א קריזיס און מען זאל נישט באצאלן קיין חדשים לאנג און מען זאל סטרייקן, און "אלע קינדער" זאל מיזן בלייבן אינדערהיים צוליב וואס די מלמדים גייען נישט ווערן באצאלט, אנשטאט דעם זאלן נאר א קליינע פראצענט קינדער בלייבן אינדערהיים, און די מוסד זאלן ווייטער אנגיין.

די אלע וואס פארשטייען דא אנדערש צוליב זייער "געפיל" וואס פארשטייט נישט וויאזוי מען קען אהיימשיקן די קינדער, קען איך נישט העלפן, אבער די פאקט איז אז עס איז פשוט אבסורד פון די עלטערן פשוט און פראסט צו איגנארירן ביל'ס שוין יארן לאנג, און ווייטער שיקן די קינדער און די מוסד, און די מוסד זאל זיך מיזן מיטשענען צו דעקן די קאסטן פון די קינדער בשעת די עלטערן געבן גארנישט פון זייער חלק.
לעצט פאראכטן דורך עפל קאמפאוט אום מיטוואך יולי 03, 2019 7:53 pm, מאל פאראכטן געווארן 1 סך הכל.

נאך איינער
שר חמישים
תגובות: 75
זיך איינגעשריבען אום: מאנטאג אפריל 13, 2015 1:15 pm

תגובהדורך נאך איינער » מיטוואך יולי 03, 2019 7:47 pm

כשרע טעלעפאן האט געשריבן:
נאך איינער האט געשריבן:
סארקאזי האט געשריבן:אחוץ דעם איז משל אינו דומה לנמשל כבהמות נדמו.

אפשר ביסטו מסביר פארוואס?

ביי דיר איז א קינד די זעלבע לעוועל ווי א תומכי שבת פעקל?, איך האף אז דו פארשטייסט

ניין, ביי מיר איז א כל שכן א מוסד וואס יעדער פארשטייט אז מדארף באצאלן פאר די סערוויס, אז מקען נישט אביאזען אין זיך נישט וויסענדיג מאכען פין אימצאלגיע ריפען,

ביי מיר איז די טאטע די זעלבער אכזר, אויב שיקט ער זיין קינד אין דעי קעמפ, ווען ער ווייסט אז מגייט עם נישט אריינלאזן, ווייל ער האט נישט באצאלט, ווי ער וואלט געשיקט זיין קינד זאל עם גיין בארויבן א באנק,

בארואיגט-אייך
שר חמש מאות
תגובות: 653
זיך איינגעשריבען אום: דאנארשטאג יוני 15, 2017 11:53 am

תגובהדורך בארואיגט-אייך » מיטוואך יולי 03, 2019 7:48 pm

סארקאזי האט געשריבן:הרב שפיגליצקי
איך זעה איר האט אינפארמאציע. אז דער רבי זי''ע דער רועה נאמן. האט געהייסען אהיימשיקען די מיידלעך ווען עלטערן צאלן נישט קיין שכ''ל
איך וואלט זייער געקענט באשטיין אויב איר קענט מיר ברענגען א מקור צו דעם בכתב אדער מפי השמועה דעמאלטס הייב איך הענט.
ווייל דאס אז מהאט אזוי געטוהן קען זיין אז די אידן האבען נאך געדענקט די סעלעקציעס אין לאגער און סאיז נישט אזוי געפערליך.
דאס אז ר' אלי' שלמה (וואס איז א איש החסד) האט דאס געטאהן. איז אויך נישט קיין ראיה ווייל די הנהלה האט אים געצווינגען דאס צו טאהן
די יעצטיגע פרשה ווייזט נאר ווי ראנג מאיז געגאנגען בכלל צו אריינמישען די קינדער מיט די טאטעס חובות אז מאיז אנצוקומען צו טוען אזא שריט.


פיינעלי ברענגט איינער ארויף די נקודה צו ניצן קינדער פאר א שטעקן צו אין שכר לימוד אדער אנדערע עוולה'ס וואס דער טאטע האט געטאן.

נישט קיין שום וועג דאס צו טאן,

אוועטאר
ק.נ.א. וועטער
שר עשרת אלפים
תגובות: 14202
זיך איינגעשריבען אום: דאנארשטאג ינואר 06, 2011 9:23 am

תגובהדורך ק.נ.א. וועטער » מיטוואך יולי 03, 2019 7:54 pm

עפל קאמפאוט האט געשריבן:די אדמיניסטראטאר פון די דאזיגע מוסד האט באשלאסן, אז ווי איידער עס זאל דא ווערן א קריזיס און מען זאל נישט באצאלן קיין חדשים לאנג און מען זאל סטרייקן, און "אלע קינדער" זאל מיזן בלייבן אינדערהיים צוליב וואס די מלמדים גייען נישט ווערן באצאלט, אנשטאט דעם זאלן נאר א קליינע פראצענט קינדער בלייבן אינדערהיים, און די מוסד זאלן ווייטער אנגיין

מה הודו אצל כוש?
די מלמדים ווערן באצאלט פון די דעי קעמפ געלט?

אוועטאר
שפיגליצקי
שר חמש מאות
תגובות: 836
זיך איינגעשריבען אום: מיטוואך דעצמבער 19, 2018 1:23 pm
לאקאציע: אין ספרים/דזשודעיקא געשעפט

תגובהדורך שפיגליצקי » מיטוואך יולי 03, 2019 7:56 pm

סארקאזי האט געשריבן:הרב שפיגליצקי
איך זעה איר האט אינפארמאציע. אז דער רבי זי''ע דער רועה נאמן. האט געהייסען אהיימשיקען די מיידלעך ווען עלטערן צאלן נישט קיין שכ''ל
איך וואלט זייער געקענט באשטיין אויב איר קענט מיר ברענגען א מקור צו דעם בכתב אדער מפי השמועה דעמאלטס הייב איך הענט.

איך האב נישט געזאגט אז דער רבי האט 'געהייסן', ווען מ'האט אים געפרעגט צי מ'מעג האט ער געענטפערט כנ"ל, איך דארף איבערטשעקן מיט ר' בנימין הערש'ן די מקור פון די מעשה.

און נאכאמאל: ס'איז נישט רציחה צו פאדערן, און אינפארסירן שטרענג דאס צאלן שכר לימוד פון די וואס מאכן זיך נישט וויסנדיג.
אויב דו זוכסט שלימות ביי מענטשן, וועסטו עס טרעפן נאר אין שפיגל (קרעדיט: מעלות).

עפל קאמפאוט
שר חמש מאות
תגובות: 699
זיך איינגעשריבען אום: דינסטאג מארטש 17, 2009 12:24 pm

תגובהדורך עפל קאמפאוט » מיטוואך יולי 03, 2019 7:58 pm

ק.נ.א. וועטער האט געשריבן:
עפל קאמפאוט האט געשריבן:די אדמיניסטראטאר פון די דאזיגע מוסד האט באשלאסן, אז ווי איידער עס זאל דא ווערן א קריזיס און מען זאל נישט באצאלן קיין חדשים לאנג און מען זאל סטרייקן, און "אלע קינדער" זאל מיזן בלייבן אינדערהיים צוליב וואס די מלמדים גייען נישט ווערן באצאלט, אנשטאט דעם זאלן נאר א קליינע פראצענט קינדער בלייבן אינדערהיים, און די מוסד זאלן ווייטער אנגיין

מה הודו אצל כוש?
די מלמדים ווערן באצאלט פון די דעי קעמפ געלט?


איך פארשטיי נישט דיין שאלה בכלל, די מוסד איז איין מוסד מיט אסאך אפטיילונגען, די אלע מענטשן וואס שיקן אין דעי קעמפ שיקן אין די מוסד א גאנץ יאר אויך, און די דעי קעמפ מיט די מלמדים וכו' ווערט אלעס באצאלט פון איין קאסע.

אוועטאר
ק.נ.א. וועטער
שר עשרת אלפים
תגובות: 14202
זיך איינגעשריבען אום: דאנארשטאג ינואר 06, 2011 9:23 am

תגובהדורך ק.נ.א. וועטער » מיטוואך יולי 03, 2019 8:08 pm

אזוי גאר? איין קאסע?
די צעטלעך האבן געלויטעט אז די דעי קעמפ איז א באזונדערע אונטערנעמונג און האט נישט קיין שייכות מיט די שכר לימוד
ס'איז ניטאמאל געווען געבילט אויף די שכר לימוד סטעיטמענט
ס'איז געווען א עקסטערע אפיס וואס האט זיך אפגעגעבן נאר מיט דעי קעמפ

עפל קאמפאוט
שר חמש מאות
תגובות: 699
זיך איינגעשריבען אום: דינסטאג מארטש 17, 2009 12:24 pm

תגובהדורך עפל קאמפאוט » מיטוואך יולי 03, 2019 8:16 pm

אפשר דאך? האט געשריבן:איך פארשטיי אויך אז מ`מוז זיך דעקן, פונקט ווי א ביזנעס קען נישט אנגיין אויב קאסטומערס באצאלן נישט קען א מוסד אויך נישט אנגיין אזוי. אין קען זיין איך בין אפילו צופרידן אז מ`טוט אזוינע דראסטישע שריט. אזוי ווייס איך אז די מוסד וואס וואקעלט זיך האט אפשר א שאנס זיך ארויסצוזען פונעם קריזיס...

אבער....
מער וויל איך נישט הערן פון קיין דינערס אדער שטורמישע שנאר קאמפיינס! איך וויל נישט הערן פון "די זכי` פון שטיצן דעם רעבינ'ס הייליגע מוסדות" איך וויל נישט ליינען קיין קמפיין בלעטלעך, אז "מיר ווילן זיך דורכשמועסן מיט אונזערע געטרייע אייניגע שותפים, די עלטערן" אין כאן לא זכי' ולא שותפים! אבל יש כאן א סוקסעספול מוסד.

די אלע וואס באצאלן אדער על כל פנים רעכענען זיך מיט די קאסטן פון שכר לימוד, זיי זענען טאקע שותפים אין די מוסד, די אנדערע זענען טאקע נישט קיין שותפים

בעטס טאפ דאלער שכר לימוד, קיין פענני נישט ווייניגער וויפיל א קינד קאסט, אז מ`באצאלט נישט זאל זיין גארדס. איינמאל מ'צוואונגט מיט גארדס איז עס אויס "אייניגע שותפים". מ'קען נישט טאנצן אויף ביידע חתונות.
ווען מען זאל בעטן טאפ דאללער איז איין זאך, מען בעט בכלל נישט קיין טאפ דאלער, ממילא זענען טאקע די עלטערן שותפים, דהיינו זיי צאלן א חלק און די מוסד שנארט צו דעקן די איבריגע חלק

אגב עצה טובה קמשמע לן אז מען זאל בשום אופן נישט לאזן וואקסן די שכר לימוד ביל נאר באצאלן ווילאנג עס איז נאך קליין, ווייל ווען עס קומט אן א ביל צו די הויכע טויזענטער נומער'ן איז שוין טאקע שווערער אפירצוקראצן אזויפיל געלט אויף אמאל

עפל קאמפאוט
שר חמש מאות
תגובות: 699
זיך איינגעשריבען אום: דינסטאג מארטש 17, 2009 12:24 pm

תגובהדורך עפל קאמפאוט » מיטוואך יולי 03, 2019 8:25 pm

ק.נ.א. וועטער האט געשריבן:אזוי גאר? איין קאסע?
די צעטלעך האבן געלויטעט אז די דעי קעמפ איז א באזונדערע אונטערנעמונג און האט נישט קיין שייכות מיט די שכר לימוד
ס'איז ניטאמאל געווען געבילט אויף די שכר לימוד סטעיטמענט
ס'איז געווען א עקסטערע אפיס וואס האט זיך אפגעגעבן נאר מיט דעי קעמפ


די מציאות איז אז עס איז איין מוסד, און ווער עס האט נישט באצאלט א גאנץ יאר האט נישט געקענט באצאלן בלויז פאר דעי קעמפ. ווי אויך איז די מציאות אז מען האט באצאלט אין די זעלבע אפיס מיט די זעלבע סעקרעטערי'ס און עס איז אלעס איין גרויסע מוסד מיט עטליכע אפטיילונגען, וואס די דעי קעמפ איז א אפטיילונג פון די גרויסע מוסד, והוא פשוט.

אוועטאר
סארקאזי
שר חמש מאות
תגובות: 973
זיך איינגעשריבען אום: מאנטאג פאברואר 08, 2016 8:49 pm

תגובהדורך סארקאזי » מיטוואך יולי 03, 2019 8:57 pm

שפיגליצקי האט געשריבן:
סארקאזי האט געשריבן:הרב שפיגליצקי
איך זעה איר האט אינפארמאציע. אז דער רבי זי''ע דער רועה נאמן. האט געהייסען אהיימשיקען די מיידלעך ווען עלטערן צאלן נישט קיין שכ''ל
איך וואלט זייער געקענט באשטיין אויב איר קענט מיר ברענגען א מקור צו דעם בכתב אדער מפי השמועה דעמאלטס הייב איך הענט.

איך האב נישט געזאגט אז דער רבי האט 'געהייסן', ווען מ'האט אים געפרעגט צי מ'מעג האט ער געענטפערט כנ"ל, איך דארף איבערטשעקן מיט ר' בנימין הערש'ן די מקור פון די מעשה.

און נאכאמאל: ס'איז נישט רציחה צו פאדערן, און אינפארסירן שטרענג דאס צאלן שכר לימוד פון די וואס מאכן זיך נישט וויסנדיג.

מיט ר בנימין הערש. דאכט זיך קענט איר עס שוין נישט איבערטשעקען .אבער ברענגט ביטע דעם מקור.

עפל קאמפאוט
שר חמש מאות
תגובות: 699
זיך איינגעשריבען אום: דינסטאג מארטש 17, 2009 12:24 pm

תגובהדורך עפל קאמפאוט » מיטוואך יולי 03, 2019 10:01 pm

רבי בנימין הערש לעבט שוין נישט ליידער

https://www.ivelt.com/forum/viewtopic.p ... tart=12075

אוועטאר
שפיגליצקי
שר חמש מאות
תגובות: 836
זיך איינגעשריבען אום: מיטוואך דעצמבער 19, 2018 1:23 pm
לאקאציע: אין ספרים/דזשודעיקא געשעפט

תגובהדורך שפיגליצקי » מיטוואך יולי 03, 2019 11:12 pm

איך ווייס איך ווייס, כ'האב נאר געשריבן אזוי צחות'דיג, אין מיין צו זאגן צו איבערטשעקן מיט איינעם וואס האט דאס געהערט פון אים.
אויב דו זוכסט שלימות ביי מענטשן, וועסטו עס טרעפן נאר אין שפיגל (קרעדיט: מעלות).

עפל קאמפאוט
שר חמש מאות
תגובות: 699
זיך איינגעשריבען אום: דינסטאג מארטש 17, 2009 12:24 pm

תגובהדורך עפל קאמפאוט » דאנארשטאג יולי 04, 2019 12:06 am

ווען די זאמד גייט זיך זעצן דא, ברויך מען פון פריש דעבאטירן וויאזוי דארף באמת זיין די צוגאנג פון די הנהלה פון איינעם וואס איז באמת באמת אן ארימאן און האט נישט קיין לחם לאכול, וויאזוי דארף זיין די צוגאנג צו אזעלכע סארט זעלטענע פעלער.


צוריק צו “היימישע פארברענגן”

ווער איז אונליין

באנוצערס וואס דרייען זיך דא: מה שמו און 5 געסט