מיגו האט געשריבן:לעגאו מענטשעלע האט געשריבן:צווייטנס: איך וויל באמת פארשטיין די חשבון דערפון, פארוואס דארף אונזער לאנד קעיר נעמען פון יענעמס פראבלעמען? מען רעדט נישט דא פון עפעס א מיטל-מזרח לאנד וואס איז צעריסן און צעפליקט פון אינעווייניג צווישן צענדליגע פראקציעס און רעליגיעס, דאס זענען סך הכל ארימע פארברעכן-געפלאגטע לענדער, אבער מיט א רעלאטיוו-נארמאלע רעגירונג. איז אויב זיי נעמען נישט קעיר פון זיך אליין פארוואס זאל איך קעיר נעמען... כ'מיין, מה פשט?!. דו ווילסט זיך סתם אנליינען אויף מיר? איך בין עפעס די וועלטס פארזארגער?... [און אויב איך וועל ווילן איינעם א טובה טון וועל איך שוין יענעם לאזן וויסן... אבער איך קום דיר "גארנישט"...]
נאכמער, קוק וואס טראמפ האט יעצט געטון מיט מעקסיקאו. ער האט זיי שיינערהייט געלאזט וויסן: ערעב איד! דו האסט די מעגליכקייט צו זיך קעיר נעמען פון דיינע גרעניצן... זיי מוחל און שאר ארויף די ארבל! גיי טו דיין ארבעט [איך גיי נישט יעצט אריין צו ער האט עס געטון אויף א ריכטיגע וועג צו נישט, איך ברענג ארויס די פוינט אז ווען זיי האבן זיך דערזען אין אן ערנסטע פראבלעם האבן זיי פלוצלינג געטראפן א סעלושן...].
נאכאמאל: ס'איז זייער א שיינע מידה צו האבן רחמנות אויף אנדערע. אבער וואס איז פשט אז טראמפ איז א בהמה פארן נישט לאזן אינוואדירן זיין לאנד מיט די מענטשן?
איך פארשטיי נישט די גאנצע טענה פון "אונזער לאנד" אדער "נישט לעגאל" פון א סאציאלען שטאנדפונקט. וואס א מחותן ביסטו מיט אמעריקע מער ווי א צווייטער? אמעריקע איז א פרייע מדינה וואס לאזט יעדן אריין, פארשטייט זיך אז ס'דארף גיין מיט א סדר אבער דער עצם זיין דא פון סיי ווער איז עפעס אן אינוואזיע? אויך אין אמעריקע זענען דא וואס "לייגן זיך אן" אויפן ציבור פון געבורט ביזן טויט און אויך פון די וואס קומען אריין זענען דא אסאך וואס געבן צו פאר די מענטשהייט.
נאכדעם דער טענה וואס אסאך זאגן אז דער אדער יענער "וואלט נישט גע'הרג'ט געווארען ווען דער אומלעגאלער ווערט ווען נישט אריינגעלאזט" איז לדעתי ממש שטותים ס'איז אזא תחילתו בפשיעה וסופו באונס כאילו, דער טענה האלט נאר אויס אויב פערצענטואל זענען דא מער רוצחים ביי די אומלעגאלע אבער מ'הערט אט די טענה דוקא ווען זיי ווילן זאגן אז אפי' איינס איז צופיל.
די ערשטע זאך וואס מ'דארף איז צו פארגרינגערען צו עמיגרירן לעגאל, און אויב איינער איז שוין דא זאל ער זיך קענען מעלדן און ווערן א בירגער אדער א דאקומענטירטער און דאס וועט אראפברענגען די שווערצן און די סכנות ביים גרעניץ.
אבער פון א פאליטישען שטאנדפונקט קען מען טון אסאך מער, מ'מעג בויען א וואנט, און מ'דארף ווייל עס טאר נישט זיין אזא זאך אז מענטשן זאלן זיך דרייען אומדאקומענטירט ווייל דענסמאל איז נישטא קיין מוראה של מלכות. און אויך ווייל אן א וואנט קען מען דאך שמוגלען אומלעגאלע סחורה וכדו' בקיצור א וואנט איז די נארמאלסטע זאך.
אויך קען מען סטראשען אנדערע מדינות כדי צו נידערען די צאל אומלעגאלע אדער לעגאלע אימיגראנטען ווייל עס נישט קיין עוולה צו האלטן אז פאליטיש אדער עקאנאמיש לוינט פאר אמעריקא בעסער אז ווינציגער דערויסענדיגע זאלן דא אריינקומען, ממילא איז שכל'דיג צו טון סיי וואס צו זען אז מעקסיקא זאל וועלן צוליב טון אמעריקא און עטוואס אפשטעלן דעם פלייץ.
אזוי קען זיין בדרך אפשר
איך הער וואס דו זאגסט אבער נישט אינגאנצן. קודם כל וואס הייסט אמעריקא איז א פרייע לאנד און יעדער קען אריינקומען?... אוודאי קען מען אריינקומען, אבער מיט א סיסטעם! צווייטנס: די פראצענטן פון פארברעכנס קומט נישט אריין דא, די טענה איז פשוט אז עס איז שוין איבערגענוג די פארברעכנס וואס קומען פון אמעריקאנע פארברעכער, און יעדע צוגעקומענע פארברעכן פון אינדרויסן וואס מען וואלט געקענט פארמיידן איז א עוולה [משל: מער קאר עקסידענטן קומען פון דרייווערס מיט לייסענס ווי מיט אן, אבער די אויפברויז אויף - און די שטראף פאר - א דרייווער אן לייסענס איז פילפאכיג מער... אפגעזען פראצענטן.]