נאך פונדערהיים האט געשריבן:שטאלצער יוד האט געשריבן:איך פארשטיי נישט די שאלה.
עס ווענט זיך ווען און עס ווענט זיך ווער.
ביים געבורט (און נאך פון פריער) דארף אוודאי זיין די רצון, שאיפה און תפילות אז דא זאל וואקסן א ר' עקיבא איגר און א חפץ חיים.
שפעטער אין לעבן דארף מען שוין אפשאצן די כשרונות, שאיפות, ערענסקייט, און פעהיגקייטן פון דעם קינד, ולא הרי זה כהרי זה.
דער וואס לכתחילה שטעלט ער נישט צו די מעגילכקייט אז ביים עם אינדערהיים זאל קענען וואקסן א גדול בישראל בתורה וביראה, איז צריך בדיקה אחריו.
(היילגיע באשעפער, איך האב נישט באשטעלט אזא צדיק'ל, מ'קען עס עקסטשעדנשין פאר א מער פשוטע אבער א טיכטיגע...)
נאך דא קלוגע אידן צווישן אונז
און פאר די וואס זאגן אז זיי 'ווילן' גארנישט. פארוואס נישט ווילן? וויל נישט פאר דיינעט וועגן, וויל פאר גאט'ס וועגן. וויל נישט נאר פאר דיין קינד, וויל פאר כלל ישראל'ס קינדער. אבער וויל און וויל. רצון איז א שליסל פאר הצלחה, ס'הייסט פאר די ריכטיגע השתדלות. נישט זאג כ'לאז עס לויפן כ'מאך נאר נישט קאליע. אז דו וועסט נישט 'ווילן' דאס בעסטע פאר דער קינד, וועסטו זיך אויך נישט אנשטרענגן דערפאר. און פון זיך אליין האט דער באשעפער אויסגעשטעלט אז בדרך כלל געשעהט עס נישט.
רצון עבדך לעשות נחת רוח, לך יוצר הכל ולערוך שיח, מי יתן ותשמח בפועל כפיך, אדון הכל.