היסטארישע “VV Expo” אין וויליאמסבורג

אלעס איבער נייע היימישע געגנטער

די אחראים: יאנאש,אחראי,געלעגער

דאבעליו
שר מאה
תגובות: 110
זיך איינגעשריבן אום: דאנערשטאג אקטאבער 13, 2016 4:00 pm

היסטארישע “VV Expo” אין וויליאמסבורג

  • ציטיר
  • צו לייגן א דאנק דארפט איר זיין אריינגעלאגט

תגובה דורך דאבעליו »

ווי ברייט געמאלדן אין די צייטונגען און אויף די גאסן, גייט פארקומען א היסטארישע האוזינג עקספאו אין וויליאמסבורג, גערופן די VV Expo ע"ש הפסוק ו'יסעו ו'יחנו, וואו עס וועט פארגעשטעלט ווערן "אלע" היימישע דעוועלאפמענטס וואס שטייען יעצט עוועילעבל פאר היימישע אידן אין אלע היימישע ישובים און געגנטער אינדרויסן פון וויליאמסבורג.

די עקספאו וועט פארקומען זונטאג פר' אמור, ולמס' May 12, אין "עדן פעלעס", ווען עס איז ערווארטעט א "פולע טאג פראגראם" מיט פאנעלן מיט עסקנים, דעוועלאפערס, מארטגעדזש בראוקערס, א.א.וו.

די עקספאו דינט פאר יעדער יחיד אין וויליאמסבורג וואס 'באטראכט די מעגליכקייט' איבערצולאזן וויליאמסבורג און זיך אוועקציען צו אן אנדערן אידישן געגנט. עס וועט צוגעשטעלט ווערן אלע אינפארמאציע וואס א מענטש קען נאר וועלן וויסן איבער יעדע געגנט, די פלענס, פרייזן, ענווייראמענט, און אלע דעטאלן וואס מען דארף וויסן דורכצופירן אזא פראצעדור.

אונטער דעם עקספאו שטייט די בארימטע ארגאניזאציע "קרן עזר", וואס שטייט און שרייט אז רוב פראבלעמען היינט אין וויליאמסבורג טרעפן זייער שורש אינעם "דירות קריזיס", וואס אסאך מענטשן קענען זיך נישט ערלויבן די הימל שרייענדע פרייזן וואס עס קאסט די סיטי-לייף.

כדי אנטיילצונעמען ביים עקספאו דארף מען זיין רעגיסטרירט פון פאראויס, און צאלן א מינימאלע סומע פון $15 א מענטש, אדער $20 א פארפאלק. (דאס קומט צו פארזיכערן אז עס זאל נישט זיין סתם אן אנלויף פון מענטשן, נאר זאל טאקע זיין דעזעגנירט בלויז פאר מענטשן וועלכע זענען ערנסט מיט'ן אוועקמופן.)

דא קענט איר זיך רעגיסטרירן צום עקספאו


אינעם פרעסע-ריליס פון די עקספאו-ארגאניזירער שרייבן זיי ווי פאלגענד:

[align=center]
ברוקלין נישט; וואו יא?
[/align]



אויב איז נאך אין די נישט ווייטע פארגאנגענהייט געווען א דעבאטע צו ברוקלין שטעלט צו אן עתיד פאר'ן שנעל-וואקסענדן ציבור חרד'ישע אידן; אויב האט מען אמאל בלויז געקענט קרעכצן אויף די ענגשאפט און הימל-שרייענדע הויכע רענט/מארטגעדזש קאסטן; אויב האט מען אמאל בלויז געקענט ווייטאגן אבער מ'האט גארנישט עכט געקענט טון אויף למעשה, שטייט מען שוין היינט ב"ה ביי אין נייע זמנים, די רעוואלוציע איז שוין געשען; יא! ס'איז שוין היינט דא לעזונגען! ס'איז שוין היינט דא א וועג ארויס; נייע אפציעס וואס מ'האט אמאל נישט געקענט זעהן אלס דורכפירבאר אדער רעאליסטיש.

אין די לעצטע פאר יאר האבן זיך אנגעהויבן אנטוויקלען אזויפיל נייע היימישע ישובים און געגנטער, וועלכע בליען ב"ה מיט אן אויסערגעווענליכע הצלחה. עס האט זיך אנגעהויבן מיט קוראזשפולע משפחות וועלכע זענען אריינגעשפרינגען אין די פארשידענארטיגע מעגליכקייטן, און האבן אויפגעשטעלט בתי מדרשים, מוסדות התורה, און אלעס וואס פעלט זיך אויס פאר א היימישע געגנט, און מען האט שוין בדרך כלל דורכגעשטיפט דעם כל התחלות קשות פאזע.

הונדערטער אדער זאגאר טויזנטער משפחות בליעה"ר פון ברוקלין האבן זיך במשך די לעצטע פאר יאר ארויסגעצויגן צו די אלע היימישע אידישע ישובים. ס'איז שוין היינט א נארמאלע ערשיינונג, אז מ'הייבט זיך אויף פון די קליינטשיגע לעכער און מ'מופט ארויס וואו ס'איז דא מער הרחבת הדעת און מער מעגליכקייטן פאר א נארמאלע פינאנציעלע לעבנסשטייגער.

די אלע משפחות וואס האבן למעשה זיך ארויסגעצויגן, כמעט אלע ווי איינער, רעדן צוריק מיט הנאה און צופרידנהייט אויפ'ן קלוגן באשלוס וואס זיי האבן געטון. דאס גאנצע לעבנסשטייגער האט זיך געטוישט פון א אנגעצויגענע אטמאספערע צו א רואיגע ליבליכע נארמאלע לעבנסשטייגער. די פרימארגן טוט אויפשיינען יעדן טאג, און נאכ'ן אפשיקן די זיסע נשמה׳לעך אין חדר און אין סקול אריין דערזעט מען זיך אין א רחבות׳דיגע דירה, מען האט מנוחת הנפש ברוחניות ובגשמיות, די קינדער קומען אהיים נאכמיטאג און האבן וואו צו פארברענגען, דער מאן קומט אהיים ביינאכט און מען קען אים רואיג אפווארטן און אויפנעמען ווי עס באדארף צו זיין. דער ראש המשפחה שפירט זיך פארלייכטערט אז אפילו נאכן צאלן די חודש׳ליכע רענט/מארגעדזש בלייבט ער נאך מיט אפאר דאלער אין טאש צום לעבן.

טרעפט אייער ווינקל!


די ערשטע כוואליע איז שוין פאריבער און יעצט זענען פאראן נאך טויזנטער משפחות וועלכע באטראכטן ערנסט די מעגליכקייט זיך ארויסצוציען, מען אנערקענט אז עס איז דא א ברייטע האריזאנט פון מעגליכקייטן און אפציעס, און מען איז ערנסט פאראינטערעסירט צו כאפן א בליק אויף די אויסוואלן און פאסן א באשליס.

די ערשטע פראגע וואס קומט אויפ'ן געדאנק פון רוב משפחות איז "וואו גייט מען?" וועלכע פלאץ איז די פאסיגסטע פאר מיין משפחה, וועלכער ישוב איז די מערסטע פראקטיש, מעגליך און אויספירבאר, און אין וועלכע געגנט וועט זיין די בעסטע עתיד צו מגדל זיין די משפחה בנים ובני בנים עוסקים בתורה ובמצות.

עס איז זעלבסטפארשטענדליך אז דער ענטפער איז "לא הרי זה כהרי זה". יעדער מענטש האט זיינע אומשטענדן און מצבים ארום, געוואנדן לויט זיין חסידות, משפחה, קרובים, פרנסה, יארגאנג, און נאך פילצאליגע פאקטארן. אסאך מענטשן האלטן זיך צוריק פון נעמען דעם קומענדיגן שריט צוליב די פילע ספיקות און שאלות וואס מען האט, און מען קען נישט מחליט זיין וואו עס איז די בעסטע פלאץ, און וואס איז באמת פאר די בעסטע טובה פון די אייגענע משפחה.

דער ענטפער פאר אט די משפחות קומט צו גיין מיט גרויסע טריט און וועט פרעזענטירט ווערן אויף א הערליכע און פראפעסיאנאלע פארנעם ביי דעם “VV Expo” וואס וועט פארקומען אין די זאלן פון "עדן פעלעס" קומענדיגן זונטאג אמור הבעל"ט, וואו עס וועט צוגעשטעלט ווערן אלע אינפארמאציע וואס קען נאר זיין נויטיג פאר איינעם וואס איז גרייט צו פארלאזן ברוקלין.

אין די צענדליגער "בוטס" לענגאויס דעם זאל וועלן אלע האוזיניג-דעוועלאפמענט פירמעס וועלכע שטעלן צו אן אפציע פאר היימישע אידן פארשטעלן זייער אויסוואל, פלענס, פרייזן, א.א.וו. און ווי אויך אלע נויטיגע אינפארמאציע איבער דעם ספעציפישן געגנט, כדי צו קענען מאכן אן אינפארמירטע החלטה.

דער עקספאו וועט זיך ציען דורכאויס א פולן טאג, און עס איז ערווארטעט שווערע טויזנטער ברוקלינער איינוואוינער, וועלכע וועלן אנטדעקן א וועלט פון מעגליכקייטן אינדרויסן פון דער שטאט, און בעז"ה צוטרעפן דעם אייגן ווינקל וואס איז צוגעפאסט פאר די משפחה.


מיר האפן אייך צו האלטן אפדעיטעד איבער די ווייטערדיגע פרטים.
אוועטאר
קלאָצקאָפּ
שר עשרת אלפים
תגובות: 10225
זיך איינגעשריבן אום: דינסטאג יולי 25, 2017 9:24 pm
לאקאציע: ערגעץ אנדערש

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלאָצקאָפּ »

וויאזוי איז שייך פארצושטעלן לעבעדיג מער ווי אויפ'ן פאפיר? גייט מען אראפברענגען די הייזער און פאסיליטיס קיין עדן פעלעס?

איך פרעג ווייל איך וויל וויסן.
אוועטאר
אויפגעפרישט
שר האלף
תגובות: 1897
זיך איינגעשריבן אום: מאנטאג יולי 18, 2016 8:24 pm
לאקאציע: שטורעם אין גלעזל וואסער

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויפגעפרישט »

ס'גייט זיין באסעס פון אלע געגענטער?
לשנה הבאה בירושלים
לשנה טובה תכתב ותחתם לאלתר לחיים טובים ולשלום
אוועטאר
שמע בני מוסר
שר חמישים
תגובות: 65
זיך איינגעשריבן אום: פרייטאג מאי 11, 2018 5:54 pm

דירות עקספאו - VV EXPO

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמע בני מוסר »

א האוזינג עקספאו ווערט געפלאנט אין וויליאמסבורג צו פרעזענטירן אלע אפציעס פון געגענטער פאר די פילע משפחות וואס זוכן ארויסצומופען פון די רוישיגע שטאט
b]...To make money OVERNIGHT work in a NIGHT SHIFT[/b]
דאבעליו
שר מאה
תגובות: 110
זיך איינגעשריבן אום: דאנערשטאג אקטאבער 13, 2016 4:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דאבעליו »

.
אטעטשמענטס
2019-04-15.jpg
2019-04-15.jpg (70.03 KiB) געזען 10448 מאל
דאבעליו
שר מאה
תגובות: 110
זיך איינגעשריבן אום: דאנערשטאג אקטאבער 13, 2016 4:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דאבעליו »

2
אטעטשמענטס
2019-04-15 (1).jpg
2019-04-15 (1).jpg (79.63 KiB) געזען 10448 מאל
דאבעליו
שר מאה
תגובות: 110
זיך איינגעשריבן אום: דאנערשטאג אקטאבער 13, 2016 4:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דאבעליו »

3
אטעטשמענטס
2019-04-15 (3).jpg
2019-04-15 (3).jpg (79.51 KiB) געזען 10357 מאל
לעצט פארראכטן דורך דאבעליו אום דינסטאג אפריל 16, 2019 2:59 pm, פארראכטן געווארן 1 מאל.
דאבעליו
שר מאה
תגובות: 110
זיך איינגעשריבן אום: דאנערשטאג אקטאבער 13, 2016 4:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דאבעליו »

4
אטעטשמענטס
2019-04-15 (2).jpg
2019-04-15 (2).jpg (82.61 KiB) געזען 10444 מאל
אוועטאר
אויפגעפרישט
שר האלף
תגובות: 1897
זיך איינגעשריבן אום: מאנטאג יולי 18, 2016 8:24 pm
לאקאציע: שטורעם אין גלעזל וואסער

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויפגעפרישט »

וויפיל באטס וועט זיין?
לשנה הבאה בירושלים
לשנה טובה תכתב ותחתם לאלתר לחיים טובים ולשלום
משה בעלז
שר האלף
תגובות: 1253
זיך איינגעשריבן אום: מאנטאג פעברואר 20, 2017 2:26 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה בעלז »

געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)
יישר כח! פאר @את פתח לו @עלינו @ישראל_הלוי @אזוי גאר! @שנעלער און @אלטרא וואס האלטן שטענדיג די בלויז נייעס א"י אשכול אקטיוו!
צולייגער
שר שלשת אלפים
תגובות: 3772
זיך איינגעשריבן אום: מיטוואך אוגוסט 04, 2010 11:08 am
לאקאציע: איבערגעלייגט

  • ציטיר
  • צו לייגן א דאנק דארפט איר זיין אריינגעלאגט

תגובה דורך צולייגער »

דיין צווייטע שורה פארפולקאמט די ערשטע שורה. (די חלק פון נישט געבן קרעדיט פאר אייוועלט איז טאקע א געפערליכע חוצפה, אבער טעיקען אין קאנסידערעישן אז דאס איז א ביכל וועלכע איז געווארן אומגעשיקט צו די גאנצע שטאט אויף פאסט איז דאס אפשר יא געווען א ריכטיגע שריט)

עס איז זיכער אז נישט יעדער קען און דארף מופן, פון איינעם וועלכער האט זיבן קינדער צוועלף יאר נאך די חתונה און זיין ווייב האט קלענערע שוועסטערס וועלכע קומען כסדר צולייגן א האנט, ער האט וואוטשערס און סעקשאן 8 און האט עניוועי נישט גענוג אפילו פאר זיין עלטסטן קינדס בר מצוה, און כמובן גייט אים ארויסמופן נישט העלפן, ווייל צווישן די בענעפיטן און זיינע שוועגערינס העלפ גייט ער ענדיגן דעם חודש מיט די זעלבע אמאונט געלט און הרחבת הדעת. און מאידך גיסא א איד וועלכער האט גענוג געלט פאר א גרויסע אייגענע דירה, און האט א פלאן וויאזוי צו קויפן דירות פאר זיינע קינדער איז דאך ווייטער נישט קיין מציאה. אבער אפילו ביי די וועלכע עס וואלט יא געווען א סאלושן צו אן פראבלעם וואס זיי האבן, אויב אבער איז די מאמעס פארטוך טאקע די אפהאלט, איז לכאורה נישט פארהאן קיין שום סאלושן, און קיינער זוכט ח"ו נישט צו ריפלעיסן א מאמע לאוי"ש.

ביי אזוינע וועלכע האבן יא פייגלעך אין קאפ צו מופן, נאר קומען נישט אן צו טראכטן און באשלוסן / זענען אומקלאר אויב/וואו צו מופן / ווייסן נישט וואס די בענעפיטן און טשאלאנדזשעס איטליכער ישוב פארמאגט, איז פאקטיש ביז היינט נישט געווען קיין וואן סטאפ שאפ וואו צו קומען, זעהן, קאמפעירן, פרעגן קשיות און קלארשטעלן אויפריכטיגע ספיקות און זיך איבערצייגן אויב און וואו צו מופן.

נאך א וויכטיגע פאקטאר וועלכע איך האב אויפגעפאסט, ווען אן אגענט, בראקער אדער אפילו אן עסקן פאר א ספעציפישע ישוב אדער דעוועלאפמענט, איז משכנע א מענטש און לייגט פאר זיין קעיס, וועט ער נאטורליך באהאלטן חסרונות און אויפבלאזן מעלות, דער מענטש האט א סובקאנטשעס פילינג אז דאס איז די קעיס דא, און וועט אים אויפנעמען מיט סקעפטיציזם, און נישט נעמען זיינע רייד פאר ריעל. ווען עס קומען זיך צוזאם תחת קורת גג אחד פארשטייער און דעוועלאפער פון מערערע געגנטער, וועט יעדער פראבירן צו פארשטעלן זיין קעיס דאס בעסטע מעגליך, און וועט גלייכצייטיג אוימערקזאם מאכן יעדעם - שיינערהייט שטייצעך - אויף זיין אפאנענט ישוב'ס חסרונות, כמובן מיטן ארויסברענגען אז ער קעיטערט דעם ניעד און קיינער אנדערש נישט. דאס קען שאפן ביי מענטשן א געלעגנהייט צו האבן ריינע און אויפריכטיגע אינפארמאציע, סארווירט כשלחן הערוך ומוכן לאכול, און אנהייבן מאכן א באשלוס אקארדינגלי. און אויב וועט ער זעהן אז סוף פסוק קומט ער אהן צו די מסקנא פון בלייבן אין ברוקלין, מה טוב ומה נעים, ווייסט ער כאטש אז ער טוט ריכטיג.
געשטימט פאר ראשעק הול
אוועטאר
סעטינגס
שר חמש מאות
תגובות: 833
זיך איינגעשריבן אום: דאנערשטאג אוגוסט 13, 2015 2:59 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סעטינגס »

משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)

כ'האב געליינט די אויסגאבע, ס'קוקט אויס ווי זיי רעדן צו 1 קהילה נאר, אזא אויסגאבע פאסט פאר דער איד
רצון טוב
שר האלפיים
תגובות: 2288
זיך איינגעשריבן אום: מיטוואך מארטש 02, 2016 3:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך רצון טוב »

סעטינגס האט געשריבן:
משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)

כ'האב געליינט די אויסגאבע, ס'קוקט אויס ווי זיי רעדן צו 1 קהילה נאר, אזא אויסגאבע פאסט פאר דער איד

פארוואס רעדט עס נישט אויך צו א חסיד מהרא
רצון טוב
שר האלפיים
תגובות: 2288
זיך איינגעשריבן אום: מיטוואך מארטש 02, 2016 3:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך רצון טוב »

צולייגער האט געשריבן:
און מאידך גיסא א איד וועלכער האט גענוג געלט פאר א גרויסע אייגענע דירה, און האט א פלאן וויאזוי צו קויפן דירות פאר זיינע קינדער איז דאך ווייטער נישט קיין מציאה.


עס איז פאר זיי ערשט א מציאה
גייט פרעגט א איד א נגיד, וואס פארמאגט אסאך קרקע און נישט צופיל קעש, ווי איז אים לייכטער צו קויפן פאר די קינדער, אין ווילי אדער מחוץ לעיר.
אוועטאר
וויל נישט
שר חמישים ומאתים
תגובות: 283
זיך איינגעשריבן אום: דינסטאג יולי 17, 2018 11:49 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויל נישט »

משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)

ווי קען מען זעען די ביכל?
ר' יום טוב
שר שלשת אלפים
תגובות: 3540
זיך איינגעשריבן אום: זונטאג סעפטעמבער 20, 2015 12:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ר' יום טוב »

עס איז אלעס געוואנדן אין די פשוטע פראגע; וויפיל דארף מען פארדינען - בריוח און גראדערהייט - צו קענען האדעווען א פאמיליע בעיר הבירה וויליאמסבורג לויטן היימישן תורה וגדולה סטאנדארט, זיי חתונה מאכן, און אויסלעבן לאורך ימים מתוך נחת דקדושה?

און וויפיל פראצענט פארדינען אזויפיל?

איי נישט יעדער קען פאקטיש אוועקמופן מחמת איזה סיבה שהוא. איך הער. אבער דאס איז די פראבלעם, נישט די ענטפער פארן פראבלעם.
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)


איך מיין אז איך בין דער בעלמחבר פון דעם נאמען, און עס איז נישט קאפירייט
ווי האט רבינו הקדוש געשריבן אין ויואל משה, אויב ס'וועט העלפן אפילו נאר פאר איין איד וכו'
בערלע מבארא פארק.....
אז מ'לעבט דערלעבט מען
רעסטאראנט
שר האלף
תגובות: 1849
זיך איינגעשריבן אום: דינסטאג יוני 06, 2017 6:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך רעסטאראנט »

סעטינגס האט געשריבן:
משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)

כ'האב געליינט די אויסגאבע, ס'קוקט אויס ווי זיי רעדן צו 1 קהילה נאר, אזא אויסגאבע פאסט פאר דער איד


פארוואס זאגסטו אזוי ?
משה בעלז
שר האלף
תגובות: 1253
זיך איינגעשריבן אום: מאנטאג פעברואר 20, 2017 2:26 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה בעלז »

lebediger berel האט געשריבן:
משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)


איך מיין אז איך בין דער בעלמחבר פון דעם נאמען, און עס איז נישט קאפירייט
ווי האט רבינו הקדוש געשריבן אין ויואל משה, אויב ס'וועט העלפן אפילו נאר פאר איין איד וכו'
בערלע מבארא פארק.....

יא רבי בערל - גערעכט.
מיר האבן טאקע געטראכט פון אייך ביים ליינען דעם אויסגאבע...

(געהאט אפילו א קלער צו איר זענט נישט געוועהן די שרייבער פון יענעם ארטיקל)
יישר כח! פאר @את פתח לו @עלינו @ישראל_הלוי @אזוי גאר! @שנעלער און @אלטרא וואס האלטן שטענדיג די בלויז נייעס א"י אשכול אקטיוו!
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

משה בעלז האט געשריבן:
lebediger berel האט געשריבן:
משה בעלז האט געשריבן:געליינט דעם אויסגאבע, כ'זעה נאכנישט ווי אזוי דאס קען מאכן מענטשן אוועקמאפן פון וויליאמסבורג.

(אגב, זיי נוצן דעם אויסדרוק "מאמע'ס פארטוך קריזיס" אהן געבן קרעדיט פאר אייוועלט.)


איך מיין אז איך בין דער בעלמחבר פון דעם נאמען, און עס איז נישט קאפירייט
ווי האט רבינו הקדוש געשריבן אין ויואל משה, אויב ס'וועט העלפן אפילו נאר פאר איין איד וכו'
בערלע מבארא פארק.....

יא רבי בערל - גערעכט.
מיר האבן טאקע געטראכט פון אייך ביים ליינען דעם אויסגאבע...

(געהאט אפילו א קלער צו איר זענט נישט געוועהן די שרייבער פון יענעם ארטיקל)


ניין ב"ה
אבער
דער שרייבער האט געליינט מיינע ארטיקלען און אסאך גענאשט פון דארט גם ברוך יהי'
אז מ'לעבט דערלעבט מען
אוועטאר
lebediger berel
שר חמשת אלפים
תגובות: 5249
זיך איינגעשריבן אום: דינסטאג יוני 17, 2008 11:17 am

פראגראם פון עקספאוי?

  • ציטיר
  • צו לייגן א דאנק דארפט איר זיין אריינגעלאגט

תגובה דורך lebediger berel »

ליסטע פון עקסיביטערס?
וויפיל אזייגער וועט מען רעדן?
אז מ'לעבט דערלעבט מען
אוועטאר
טיכטיגער
שר האלף
תגובות: 1915
זיך איינגעשריבן אום: זונטאג יולי 03, 2016 2:28 pm
לאקאציע: אין עולם הדמיון
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך טיכטיגער »

"ס'דא מענטשען וואס גייען צו פרנסה/ביזנעס אווענט'ס, און ס'איז דא מענטשען וואס מאכן עכט ביזנעס!"
Working
שר חמישים ומאתים
תגובות: 258
זיך איינגעשריבן אום: דינסטאג יוני 28, 2016 3:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך Working »

טיכטיגער האט געשריבן:https://www.arkmortgage.com/vvexpo?utm_campaign=VV%20Expo&utm_source=hs_automation&utm_medium=email&utm_content=72258066&_hsenc=p2ANqtz-__A68smempDdg5lAPg4VMlqazInf1Cjh_nHXXOUmo1GdRzleenMFIAFdzVpCZsoSFql3V_5Eih2_VAWp5OvWvWB2kcbg&_hsmi=72258066

קודם האבן זיי אלע דיינע אינפארמאציע, וואס איז זיכער איז זיכער...
אוועטאר
כאפצעם
שר עשרת אלפים
תגובות: 18240
זיך איינגעשריבן אום: דאנערשטאג יולי 10, 2014 9:28 am
לאקאציע: לויפט

  • ציטיר
  • צו לייגן א דאנק דארפט איר זיין אריינגעלאגט

תגובה דורך כאפצעם »

טיילווייזע ליסטע פון די רעדנער:
ר' יצחק אליקים שווארץ
ר' יונה כהן
ר' יואל פעלזן
ר' חיים יחזקאל ניימאן
ר' מנחם הארטמאן
ר' שלום משה עקשטיין
ר' יואל ליבערמאן
ר' יואל שרייבער
ר' יואל טובי רייך
ר' טבי ניימאן
ר' אליעזר קרויס
ר' שלום שרגא פאפלאנאש
יונה
שר האלפיים
תגובות: 2003
זיך איינגעשריבן אום: זונטאג סעפטעמבער 19, 2010 11:45 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יונה »

אין בעפארגרייטונגן צום גרויסן עקספאו איז ר' משה דייטש מנהל המוסד 'קרן עזר' געווען אויף א באזוך אין קרית יטב לב בלומינגבערג צו זעהן דאס פלאץ פון די נאנט, צען קען הערן א שמועס איבער דעם באזוך אויף מערכת סאטמאר
די נומער צו רופן איז:
718-831-7000
#115
שרייב תגובה

צוריק צו “ישוב העולם - דירות און ישובים”