מיין צייט איז ענג היינט וההכרח לא להאריך בכל פרט
'חלב ישראל' צו אייך רעד איך נישט איצטערט, מיין מח איז נאך צו קליין צו פירן א דין ודברים מיט די ראשונים, אבער ווייזט אויס אז מאנכע מיינען אז זיי קענען יא...
---
'מאירים' נאר להבהיר לעיני הקהל (ווייל דו גייסט דאך סייווי נישט הערן)
דער חתם סופר זאגט טאקע גענוי ווי איך האב געשריבן. וזהו סדר דבריו.
ער ברענגט ארויס אז מ'נעמט אהן שיטת ר"ת "אפילו לגבי מילה בשבת", און וויבאלד ס'איז נישט מפורש אין שו"ע אז לגבי מילה בשבת נעמט מען אהן שיטת ר"ת ברענגט ער א רשימה פון פוסקים וואס האבן יא קלאר ארויס געשריבן אז א קינד וואס ווערט געבוירן שב"ק קודם זמן בין השמשות דר"ת מאכט מען די ברית אין שבת. דער ערשטער פוסק וואס שרייבט אזוי קלארע דיבורים איז דער מנחת כהן (דאס האט גארנישט קיין שייכות מיטן שיטת המנח"כ הנודע), און דער מג"א אין של"א ברענגט איהם צו להלכה ולמעשה, און אזוי פסקנ'ט אויך דער אלי' רבה און דער תוספת שבת.
נאך דעם איז דער חת"ס מוסיף, אז היות אונז נעמען אהן כשיטת ר"ת "אפילו לקולא ערב שבת" אזוי ווי מ'זעהט טאקע אז דער עולם פירט זיך צו טוהן מלאכות נאך די זמן צאה"כ לשיטת הגאונים, קומט דאך אויס אז מ'האלט לגמרי ווי ר"ת, ולכן וועט מען אזוי טוהן אויך לגבי מילה בשבת.
בקיצור, דאס וואס דער חת"ס ברענגט צו דעם מנח"כ און שרייבט אז כל האחרונים הסכימו כן רעדט ער לגבי "מילה בשבת", ס'האט נישט קיין שום שייכות צום נידון פון שיטת המנח"כ בזמן רבינו תם, והדברים פשוטים וברורים עד מאד לכל בר דעת.
יעצט וועסטו דאך אוודאי פרעגן פארוואס שרייבט נישט דער חת"ס אז מ'טוהט מלאכות ערב שבת ביז א שעה נאכן שקיעה? אויף דעם האמיר שוין געשריבן אז ער"ש איז מען חושש לשיטת המנחת כהן "לחומרא", אבער מוצ"ש האלט מען צוויי און זיבעציג.
יעצט מר. מאירים זיי מוחל און ברענג א לשון פון חת"ס ווי ער שרייבט אז ער טוהט מלאכות מוצאי שבת פאר צוויי און זיבעציג, אויב דו טרעפסט נישט אזא לשון אין חת"ס (ווייל ס'איז נישטא) איז נישטא מעהר וואס דן צו זיין בדבריו.
---
מיט דיין פרישע 'באמבע' קשיא ביסטו נאר א הילף אפצופרעגן דיינע אייגענע סלאגאנען
מאירים האט געשריבן:און אויך, פון ווי די האסט פארשאפט דעם נייעם סלענג "להקל כהמנחת כהן" וואס איך האב נישט געטראפן אינערגעץ בדברי הפוסקים אזא לשון. ולשיטתך וואס דער מנחת כהן האט געמאכט עפעס א נייער קולא בדעת רבינו תם - וואלט דאך איינער געדארפט רעדן פון דעם, צו מען מעג מקיל זיין כהמנחת כהן אדער נישט... איך האב געזען אז אלע פריערדיגע אחרונים ברענגען דעם מנחת כהן, ואין פוצה פה! אזא נייע קולא, קעגן רבינו תם והמחבר... קיינער איז נישט מוחה.
ווייזט אויס אז ס'איז זיי נישט איינגעפאלן צו נוצן דעם מנחת כהן לקולא! ממילא איז דער שיטת המנח"כ טאקע נאר געווען א חומרא און נישט קיין קולא!
וזהו כדברינו לעיל, אז נאכן חידוש פון מנחת כהן האבן רוב נוהגים כהר"ת מעהר מחמיר געווען ערב שבת, אבער נישט מקיל געווען מוצאי שבת קעגן דעם פסק פון שו"ע, והכל צח וברור לכל מי שרוצה לבקש האמת.
אגב, אפילו דער פוסק פון ליטא בעל ערוך השולחן שרייבט ארויס מיט קלארע דיבורים אז מוצאי שבת ווארט מען אויף צוויי און זיבעציג מינוט נאכן שקיעה, (ווער ס'וויל קען עס נאכקוקן ערוה"ש סי' רצ"ג סעי' א), ולא עלה על דעתו להקל בזה.
---
די רשימה פון פוסקים העמיר צאמשטעלן בעז"ה, אבער נישט פון אויסנווייניג.
ס'דארף אבער זיין קלאר אז ערב שבת האט רוב כלל ישראל זיך געפירט צו מקבל שבת זיין במוקדם האפשרי, און ווען איך שרייב וועגן די אלע פוסקים וואס האלטן כשיטת הר"ת "בין להקל בין להחמיר" מיינט דאס נישט אז זיי האבן געזאגט אז מ'זאל טוהן מלאכות ער"ש ביזן זעכציג, ניין, כלל וכלל לא, ערב שבת האט מען נישט געזוכט קיין קולא, (דלא כהמחפשים קולא במוצ"ש להקל בספק איסור סקילה נגד השו"ע), ועכ"ז האבן זיי געהאלטן אז די הלכה איז כר"ת וסייעתו.
---
התנצלות: חלילה ארויס צו נעמען פון מיינע ווערטער א זלזול כלפי די קהלות וואס זענען יא נוהג כשיטת המנח"כ אויך מוצאי שבת, און די אידן וואס זענען דארט אויפגעוואקסן און זענען נוהגים כמנהג מקומם מזמן לידתם. דארט ווי ס'איז א מסורה מדור דור איז א צווייטע ענין, אונז רעדן פון די וואס מדעת עצמם ווילן זיי באשליסן ווי איין און ווי אויס פאר זיך און פאר אנדערע, דאס איז קלות און פוסטקייט וכו'.
בכלל אפילו אין די קהלות וואס זענען יא מקיל אפיציעל איז דא א שיינע ריבוי עם פון יראים ואנשי מעשה וואס זענען מחמיר אי משום ספיקא דאוריתא אי משום תוס' שבת כידוע.