הערה לבעל קורא: מגלת אסתר

די אחראים: אחראי, גבאי ביהמד

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

הערה לבעל קורא: מגלת אסתר

תגובהדורך בעל קורא » מיטוואך פאברואר 20, 2013 1:15 pm

שלום עליכם בעלי הקריאה שליט"א

מיט אומגעפער א האלב יאר צוריק האבעך דא אביסל געשריבן הערות לבעל קורא, ווער געדענקט נאך, נאר כאב זיך עפעס געפילט ווי א שליח ציבור שאינו מרוצה לקהל, כאטש כאניש געזען ווי מלאכט פון מיר האט מען אבער נישט מיטגעזינגען,
יעצט ווי עס קומט פורים און קריאת מגילה האט אסאך בעלנים אי אין שטוב אי אין בהמ"ד אי אין גלוסטעניש האבעך געקלערט אפשר וועט מען אנטשולדיגן מיין עקזיסטענץ און יא אויסהערן עפעס א הערה, און כדי נישט אנצולייגען קיין שווערע זאכן וועליך בע"ה דאס מאל שרייבן גאנץ א אינטרעסאנטע שאלה, וואס איז נישט ממש קיין דקדוק ענין

איז אזוי די עשרת בני המן דארף מען ליינען בנשימה אחת, וי"א אז סאיז אפילו מעכב עי' ב"ח ס"ס תרצ"א ועוד,
וועט מען זיך אבער איינקוקען אין די טראפן וועט מען זעהן אז יעדע נאמען פון די רשעים האט א טעם מפסיק,
און נאכמער יעדע ואת האט נאך זיך א פסיק,
דאס מיינט אז אויב ליינט מען די עשרת בני המן מיט די טעמים וועט מען דארפן מפסיק זיין נאך יעדע ווארט,

שטעלט זיך אויב אזוי די שאלה צו די חיוב צו ליינען בנשימה אחת מיינט בכלל נישט מפסיק זיין, אדער מיינט עס נאר מזאל נישט אטעמען אבער ממעג זיך אפשטעלן, (אזוי ווי די פוסקים רעדן וועגן דעם ביי תקיעות), און אפשר מעג מען זיך אפשטעלן פחות מכדי נשימה

זוכענדיג אויף דעם האבעך געפונען אין ירושלמי איז די לשון אז מדארף עס זאגן בנפיחה אחת, לכאורה נפיחה וואס מיינט ארויסבלאזן מיינט זיכער נאר אהן אפשטעלן אינגאנצען, אנדערש ווי נשימה וואס מיינט אריינאטעמען וואס מקען נאך טייטשען אז ווי לאנג מען אטעמט נישט אריין איז עס איינס,
און אין סדר רב עמרם דערמאנט ער נישט בכלל קיין ווארט פון נשימה נאר אז מדארף עס ליינען בבת אחת ולא יפסיק בהם כלל,

אין לקט יושר זעהט מען אבער נאך אסאך מער ווי דאס, אז מען זאל ניטאמאל זינגען מיט א נגינה וואס איז מפסיק, און דאס מסביר צו זיין דארפעך אבסיל מאריך זיין בעה"י
מזעהט אין זייער אסאך ראשונים אז זייער מנהג איז געווען אז מהאט נישט מפסיק געווען בי מגילה צווישן די פסוקים נאר אינמיטן די פסוקים (ואכהמ"ל עי' בבית יוסף סי' תרץ ד"ה לרב נתן ועוד), דער הגהות מיימונית פרעגט אויף דעם אז די גמרא זאגט נאר צו ליינען די עשרת בני המן בנשימה אחת און לויט דעם מנהג וואלט מען געדארפט אנהויבן פון פריער פון סוף דעם פריערדיגן פסוק פון איש אדער פון חמש מאות איש, און ער פירט אויס אז לפי המנהג פירט מען זיך טאקע אז מהויבט אן פון חמש מאות (די פוסקים ברענגען אויף דעם נאך א טעם בשם דעם רוקח ווייל די עשרת בני המן זענען געווען שרי חמשים אויף די חמש מאות, און דאס איז די סיבה פ"וו אונז הויבן אן פון דארט כאטש מיר זענען יא מפסיק צווישן די פסוקים), דער לקט יושר וועלכער גייט יא מיט דעם מנהג נישט צו נושם זין צווישן די פסוקים, עד כדי כך אז ער דארף אויסרעדן (אין עמוד 158) אז אויב א מענטש האט געמאכט א טעות און ער גייט צוריק צו אנהויב פסוק מוז ער נישט צוריקגיין צום סוף פון די פריערדיגע פסוק כאטש דאס איז גורם א הפסק צווישן די פסוקים. האט דער לקט יושר דעם פראבלעם פונעם הגהות מיימונית און ער זאגט אזוי וצריך לקרות חמש מאות איש ואת פרשנדתא וגו' הכל בנשימה אחת כדי שאינו מפסיק בין פסוק לפסוק מ"מ צריך להפסיק בנגון בין איש לואת כדי שיהא נראה שהחמש מאות איש אינם נתלים, ד"ה אז מזאל ליינען פון חמש מאות כדי נישט מפסיק צו זיין צווישן די פסוקים אבער מזאל זינגען איש מיט א נגון וואס איז מפסיק כדי נישט צו אריינלייגען די גאנצע חמש מאות אין די נשימה אחת פון די גמרא (און ער נעמט אן אז די יצאה נשמתן כאחד איז געווען בשעת מהאט זיי געהאנגען וכלשון הרמב"ם להודיע שנתלו ונהרגו כאחד, ועי' מנות הלוי, דעריבער זאגט דער לקט יושר אינם נתלים), זעהט אויס אז ער האט אפגעלערנט דעם דין נשימה אחת צו ליינען אהן קיין נגינות מפסיקות, און אויב אזוי דארף מען ליינען די עשרת בני המן אהן די טעמים, ווי דער מנהג פון דאכט זיך רוב בעלי קריאה
און געדענקען יא צו ליינען איש פון חמש מאות איש מיט א נגינה מפסקת

1x1
שר האלפיים
תגובות: 2825
זיך איינגעשריבען אום: מיטוואך מאי 27, 2009 6:15 pm

תגובהדורך 1x1 » מיטוואך פאברואר 20, 2013 4:08 pm

זייער שיין, ייש"כ.
http://www.teoria.com/ Music Theory

בליץ
שר מאה
תגובות: 165
זיך איינגעשריבען אום: דאנארשטאג ינואר 17, 2013 5:08 pm
לאקאציע: אמאל דא און אמאל דארט, פלעקסעב״ל בלע״ז

תגובהדורך בליץ » מיטוואך פאברואר 20, 2013 6:22 pm

ילמדיני רבינו' וויאזוי איז דאס מעגליך??

אויב וויל מען האלטן קאפ אז מען זאל זאגען א יעדע 'את' פון אינעווייניג מאכט מען אטאמאטיש אן אפשטעל צווישען איין נאמען און די אנדערע... די צייט וואס מען זיכט ווי מען האלט ביי די נאמען..

און איין אטעם איז עס מעגליך, אבער אן זיך אפשטעלן?????????????

אוועטאר
לוי יצחק
שר ארבעת האלפים
תגובות: 4221
זיך איינגעשריבען אום: מוצ"ש דעצמבער 01, 2012 11:20 pm
לאקאציע: זאג אמר רבי בנימין...

תגובהדורך לוי יצחק » מיטוואך פאברואר 20, 2013 10:54 pm

נאכנישט אנגעיאגט צו ליינען. אבער אויף דיינע ערשטע שורות בין איך מוחה.
איך בין שוין געווען א ליינער אויף אייוועלט בשעתו, און ס'האט מיר געשטערט אז דו האסט זיך אפגעשטעלט.
שרייב ווייטער.
א דאנק פאר אלע וואס טוען אונז אפדעיטן כסדר.

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

תגובהדורך בעל קורא » דאנארשטאג פאברואר 21, 2013 7:34 am

בליץ האט געשריבן:ילמדיני רבינו' וויאזוי איז דאס מעגליך??

אויב וויל מען האלטן קאפ אז מען זאל זאגען א יעדע 'את' פון אינעווייניג מאכט מען אטאמאטיש אן אפשטעל צווישען איין נאמען און די אנדערע... די צייט וואס מען זיכט ווי מען האלט ביי די נאמען..

און איין אטעם איז עס מעגליך, אבער אן זיך אפשטעלן?????????????


ערשטענ'ס פסקנט שוין ר' משה פיינשטיין אז סאיז גענוג אז מהאט געזעו די ווארט תוך כדי דיבור, ממילא ליינענדיג פרשנתא קען מען שוין קוקען אויף ואת, אא"ו. און ר' משה זאגט אז סאיז מסתבר אז אפילו מער ווי א כדי דיבור העלפט אויף דעם, (ווילאנג עס איז כדרך הקריאה, ולכאורה הגדר בזה ווילאנג עס בלייבט ביי איהם גרייט צו זאגן אנדעם וואס ער זאל פראבירן עס אריינצונעמען אין קאפ, ולמעשה איז עס זייער דקות'דיג).
צווייטענ'ס אפילו אהן דעם ר' משה איז מוכרח אז עכ"פ ברגע מהאט שוין אנגעהויבן זאגן א ווארט מעג מען ווייטער קוקען ווייל די גאנצע קריאה איז ווערטער און נישט אותיות, און מה"ט מוז מען זעהן דעם גאנצען ווארט איידער מהויבט אהן עס ארויסצוזאגען, ואכהמ"ל בזה. כהאב ערגעץ פארשריבן וועגן דעם מער באורך, אפשר וועליך שרייבן וועגן דעם דא אין א געלעגענהייט
און דריטענס שוין יארן וואס כליין די מגלה און בפועל זעה איך נישט קיין שום פראבלעם מיט דעם מתוך הכתב, אויב די מגלה שטייט גלייך פאר מיר, (דהיינו בציבור מאכט זיך אמאל אז עס שטייען ארום אפאר אידען און דער בע"ק דארף שטיין שיעף בערך ווי ביי קרה"ת דעמאלטס דארף מען שוין האלטן חשבון, און סדא פלעצער ווי איינער וואס שטייט אין דער זייט ווייזט מיטן פינגער אויפן ריכטיגען ואת).

און צו אייך ר' לוי יצחק, וואס כאב דעמאלטס געשריבן האסטע יא אנגעיאגט צו ליינען, אדער האסט פשוט הנאה געהאט אז סטוט זיך דא (דארפסט נישט ענטפערן. יעך וועל אי"ה ווייטער שרייבן לויט די צייט און די מעגליכקייט)
לעצט פאראכטן דורך בעל קורא אום דינסטאג פאברואר 26, 2013 1:00 pm, פאראכטן געווארן 2 מאל סך הכל.

אוועטאר
גוגל
שר האלף
תגובות: 1875
זיך איינגעשריבען אום: דינסטאג יוני 19, 2012 2:35 pm
לאקאציע: אויף אייוועלט

תגובהדורך גוגל » דאנארשטאג פאברואר 21, 2013 2:26 pm

וואס איז מיט די ווערטער וואס מען זאגט איבער צוויי מאל, שרייב באריכות וועגן דעם

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

תגובהדורך בעל קורא » דינסטאג פאברואר 26, 2013 11:36 am

אזוי ווי פורים איז שוין אריבער - צוגעקומען, עכ"פ די זאכן זענען נישט נוגע ביז א יאר ארום, וועלמיר יעצט לאזן די שמועס וועגן די פסוקים וואס מזאגט איבער, און אפשר איבער א יאר פאר פורים שרייבן דערוועגן.

כ'פיל נאר פאר וויכטיג מעורר צו זיין אויף זאכן וואס ווערן יעדעס יאר נתעורר אז מדארף עס לאזן וויסן דעם עולם, ווען מהערט שאלות וואס מאכן זיך ביי מענטשען, דערפאר שרייב עך עס יעצט ווען די טעמע איז נאך הייס, נאכ'ן הערן עטליכע שאלות וואס האבן זיך געמאכט דאס יאר ווי אלע יארן. - און דאס ווערט געזאגט באופן שלא תמות כדרך שמת פלוני.
און דאס איז נישט דוקא פאר בעלי קריאה
דאס ערשטע זאך דארף מען וויסן: אויב האט מען זיך נישט געגרייט די מגלה און מ'איז נישט זיכער אז מקען ארויסזאגן יעדעס ווארט אן א טעות אין ניקוד האט מען נישט וואס צו אויסהערן פון א כשרע מגילה, בעסער נוץ א חומש, ממנ"פ וועסטו הערן יעדעס ווארט הרי טוב, און אויב דארפסטו עפעס משלים זיין קענסטו נאך מיט די מגילה ארויסזאגן א ווארט אזוי פארדרייט אז אפילו בדיעבד זאלסטו נישט יוצא זיין - אויף אלע גוים געזאגט. - א חוץ דער וואס דאווענט אין א פלאץ וואס ער איז ממש בטוח אז ער וועט קענען גוט הערן און ער האלט די מגילה נאר מיטצוזאגן מיט'ן בעל קורא כדי אז דאס מיטזאגן זאל איהם דארט האלטן אז ער זאל זיך נישט פארטראכטן (- דאס איז בפשטות אויך נישט אזוי גלייך צו טוהן, ואכהמ"ל, אבער יש נוהגים כך).

צווייטענ'ס: ווען מ'ליינט פאר נשים, אויסער דעם וואס מ'זאגט זיי צו מאכן די ברכות, און צו זאגן לשמוע מגלה (אדער לשמוע מקרא מגלה) אנשטאט על מקרא מגלה, און בייטאג צו מכוון זיין מיט שהחיינו אלע מצוות היום מקרא מגלה, משלוח מנות, מתנות לאביונים, ומשתה ושמחה. איז זייער וויכטיג זיי אנצוזאגן אז אויב זיי באמערקן אין די געדרוקטע מגילות וואס זיי נוצן שטייט עפעס אנדערש, אויב די ווארט איז אינגאנצן אנדערש, אדער אפילו א טעות אין ניקוד (חוץ צווישן קמץ און פתח, אדער צירי און סגול, וואס ס'ממש נישט שכיח אז מ'זאל מאכן א טעות אין דעם ביי פלעצער ווי עס איז א שינוי ענין און געווענליך איז עס א מחלוקת הספרים\המסרות) זאלן זיי נישט צעגערן און זיך שעמען זיך אנצורופן כראוי להן וכדרך בנות ישראל הצנועות, נאר זיי זאלן אריינשרייען, עס פאסט טאקע נישט, און עס איז טאקע גרויסע בזיונות, וכבר אמרו במשנה אבל אמרו תבא מארה למי שאשתו ובניו מברכין לו, אבער ההכרח לא יגונה, א יעדעס יאר הערט מען מעשיות פון מענטשען וואס האבן געליינט אין שטוב פאר א גאנצע עולם נשים, און נאכדעם זאגן עטליכע נשים אז א געוויסע ווארט האט מען געליינט נישט ריכטיג, באופן וואס מ'ברויך איבערליינען אמאל מיט א ברכה און אמאל אהן א ברכה, און בדרך כלל איז שוין צו שפעט ווייל מ'ווייסט אפילו נישט פונקטליך ווער עס איז אלץ דארט געווען.
און אין שטוב אליין איז כדאי און וויכטיג צו שיקן צו א פלאץ וואס מ'ווייסט אז דער בעל קורא איז א מומחה, וואס קען גוט ליינען אנע טעויות, און איז רגיל צו ליינען.

דריטענ'ס: איז די זעלבע סארט זאך, נאר אין ביהמ"ד, דהיינו אז אפילו אין בהמ"ד קען זיך מאכן א טעות, וכבר היו דברים לעולמים, און בדרך כלל איז דא וואס באמערקן עס, און מ'רופט זיך אפילו אן, אבער נישט גענוג הויך, ובפרט אין א גרויס'ן בהמ"ד, וואס ס'איז נישט אזוי לייכט אפצושטעלן דעם בעל קורא. דארף מען וויסן די זעלבע זאך, אויב באמערקט מען א טעות, צו ווייל דו קענסט די מגילה, צו ווייל דו קוקסט אין א חומש, שריי הויך אריין, איינמאל און נאכאמאל ביז דו זעהסט אז עס ווערט שטיל און נאכדעם שריי נאך איין מאל, ביז יעצט האט דער בעל קורא נאך נישט געהערט וואס דו שרייסט דארט ווייל ער האט ווייטער געליינט, יעצט אז ער האט זיך אפגעשטעלט קען ער הערן, אויב דו וועסט אויך שטיל ווערן קען ער אין א סעקונדע ווייטער גיין אנדעם וואס ער זאל כאפן וואס מ'האט געוואלט פון איהם האבן, דערפאר יעצט ווען עס איז שוין שטיל געב נאך א שריי הויך און קלאר די ריכטיגע ווארט (פארשטייט זיך אויב האסטו שוין מסייעים איז די מעשה אביסל אנדערש, דער עיקר מאך זיכער אז מ'ליינט איבער).

און אז מ'רעדט שוין איז נאך א קליינע הערה, פאר די וואס ליינען פאר נשים, אסאך ליינען פאר'ן דאווענען, דארף מען געדענקן די הלכה וואס דער מחבר און דער רמ"א פסקנען אין סי' תר"ץ סי"ח אז לכתחילה זאל מען נישט ליינען אהן מנין איידער מ'האט שוין געליינט דארט אין שטאט מיט מנין, דערפאר איז כדאי צו ווארטן ביז לפחות 20 מינוט נאכן הנץ החמה אז די ותיקין מנינים זאלן אנהויבן ליינען פאר ער ליינט ביחידות. און אפילו אויב האט מען דארט 10 נשים און מער ברענגט דער רמ"א א ספק אויב נשים זענען זיך מצטרף לענין זה.

יעצט וועלמיר קומענדיגס יאר נאר דארפן איינער זאל ארויפברענגען דעם אשכול
לעצט פאראכטן דורך בעל קורא אום מיטוואך פאברואר 27, 2013 1:06 pm, פאראכטן געווארן 2 מאל סך הכל.

אוועטאר
farshlufen
שר עשרים אלפים
תגובות: 20850
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג פאברואר 26, 2013 12:02 pm

מיטזאגן מיטן בעל קורא כדי זיך נישט צו פאר'חלום'ן איז א יסוד ושורש העבודה וכן אני נוהג אינדערשטיל און כמובן פארגעקוקטערהייט, וביותר לפי דברי הפוסקים בברכות יוצר קידוש ועוד איז מען נישט יוצא קיין שומע כעונה אויף אזא אופן.

איבער אריינשרייען, פאר מיר הקטן איז דאס שווער צו טאן, סיי א גאנץ יאר און סיי ביי די מגילה, די עיקר סיבה ווייל ע"פ רוב וועט יענער בכלל נישט וויסן וואס איך וויל פונעם האבן און ס'איז אומעגליך אים - און די דעה זאגער - צו לערנען על רגל אחת, און די צווייטע סיבה ווייל צומאל קען מען טרעפן עפעס א שיטה אין די מדקדקים ופרשנים וואס וועט עס מכשיר זיין אז עס נישט משנה משמעות.



דערפאר ווער איך טאקע שווער צופרידנגעשטעלט פון די סארט געליינעכצער.
סימן דלא ידע כלום, שבוחי.

אוועטאר
farshlufen
שר עשרים אלפים
תגובות: 20850
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג פאברואר 26, 2013 12:05 pm

גוגל האט געשריבן:וואס איז מיט די ווערטער וואס מען זאגט איבער צוויי מאל, שרייב באריכות וועגן דעם

האב איך נישט קיין אמת הבנין און אודאי נישט הלל'ס געדולד.
"
סימן דלא ידע כלום, שבוחי.

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

תגובהדורך בעל קורא » דינסטאג פאברואר 26, 2013 12:32 pm

א גרויסן יישר כח.

איר זענט מיר יעצט מחייב מאריך צו זיין אביסל אין דעם ענין פון מיטזאגן, און ווער עס האט נישט קיין געדולד איז נישט מחויב צו ליינען.
דאס וואס איהר ברענגט פון די פוסקים אין סי' נ"ט, קכ"ד, קפ"ג, רסי' קצ"ג, וסי' תקצ"א, איז באמת א גרויסע קשיא ווייל דארט שטייט אז מיר זענען נישט בכח אויסצוהערן ריכטיג, און אז דאס איז לעיכובא, און אויב אזוי ווי איז בכלל מעגליך יוצא צו זיין מגילה אהן מיטזאגען. - ולכאורה התירוץ על זה איידי דחביבא יהיב דעתיה ושמע - ונשמע מזה שחיוב הוא מעיקר הדין להיות במצב שהמגילה וקריאתה חביבין עליה - סיידען אויב מ'זאגט מיט.

אבער זאגן אז דאס איז די עיקר הדין אז מ'דארף מיטזאגן קאן נישט זיין, ראשית ווייל נישט יעדער האט א מגילה ובפירוש מבואר בסי' תר"ץ ס"ד אז דער וואס האט נישט קיין כשרע מגילה זאל נישט מיטזאגן. און אדרבה לויט ווי עס שטייט דארט אז ווען מ'זאגט מיט קען מען נישט אויסהערן דעם בעל קורא - כלשון המשנה ברורה שם אינו משגיח למה שאומר הש"צ כיון שהוא עסוק בקריאתה, און אויב אזוי קומט אויס פונקט פאקערט אז לשיטת הגרי"ז מבריסק אז די דין קריאה בציבור לכתחילה איז דוקא מתקיים מיט הערן פונעם ש"צ פארלירט מען דאס דארכן מיטזאגן.
ואה"נ אז פונעם יסוד ושרש העבודה איז מוכח כשיטת החז"א אז דאס הייסט יא בציבור (און אזוי ווי תפלה בציבור וואס יעדער דאווענט אליין).

און דער מטה משה (לפי זכרוני הביאו באליה רבה וכבר חלק עליו) איז דער איינציגער וואס זאגט אז אפילו מיט א חומש זאל מען מיטזאגן כדאי זיך נישט צו פארטראכטן, ולתשובת הרשב"א אדרבה דאס זיין פארנומען מיט מיטזאגן אליין איז שוין פארטראכט כנ"ל.

כ'פארשטיי אז איהר מיינט אויך נישט אז עס איז א חיוב מעיקר הדין, אבער אויב אזוי מוז מען ממילא האבן א תירוץ אויף די דין פון סי' נ"ט וכו', וממילא הדר דינא גם לכתחילה.

אבער מכלל הדברים האלה מובן שכל זה אז מ'איז געגרייט - און ווי איהר האט זיך באווארענט אז איהר מאכט עס געגרייטערהייט, אבער זיך פארלאזן אז מ'וועט זאגן לויט וואס מהערט פונעם בעל קורא אנדעם וואס מאיז געגרייט -וואס אויף דעם האבן מיר דן געווען , צו מקען טוהן ווי דער יסוד ושרש העבודה אן זיין געגרייט - איז א פרצה דחוקה, ווייל להמבואר בהרשב"א אז מ'הערט שוין נישט ריכטיג ווען מ'איז פארנומען מיטצוזאגן קען זיך א וודאי מאכן אז מ'זאל זיך טועה זיין.
ועובדא ידענא - און טאקע פון דאס יאר - ווי איינער האט זיך טועה געווען אין גרויסן מיטזאגענדיג פון א מגילה.


ולענין אריינשרייען, אויב רעדט איהר פון דקותדיגע זאכן ווי מלעיל ומלרע וועט ער ע"פ רוב טאקע נישט וויסן וואס איהר ווילט פון איהם האבן, אבער אויף דעם איז שוין טאקע אויך דא גענוג זיך צו סומך זיין.
כ'רעד דא פון גראבע טעויות - ווי למשל קרי וכתיב, אדער פשוטע טעויות אין ניקוד, וואס איז לדאבוננו אויך א אפטע ערשיינונג, און דאס קען מען לכאורה יא מתקן זיין מיט אביסל עקשנות.

און ווי פארשטענדליך וועט איינער וואס האט עפעס א מגע ומשא מיט וויסן ווי מזאגט ארויס א ווארט פון מויל לכתחילה נישט גיין צו א פלאץ וואס סאיז עלול אז סזאל זיך דארט מאכן ערנסטע טעויות, אם לא היכא דאי אפשר לו. ואין דברינו אמורים נאר פאר די וואס די השגחה האט צוגעפירט אז זיי זאלן זיך יא געפינען אין אזוינע פלעצער, אדער ווען עס מאכט זיך עפעס א אויסטערלישע זאך - אנשים אנחנו און ס'קען זיך אלעמאל מאכן.

אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » דינסטאג פאברואר 26, 2013 4:52 pm

נאך בעפאר איך ליין די אריכות וואס דו שרייבסט, וואטעווער די קעיס זאל נאר זיין, בין איך קודם רעדי מיט די מחאה.. ס'אי זנישטא קיין סאך וואס קענען אריינרעדן אין די ליין פון בעלי קורא (וויפיל בעלי קורא מומחים קענסטו?), אבער ליינען און הנאה האבן , אהה דאס איז דא אסאך!

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

תגובהדורך בעל קורא » מיטוואך מארטש 13, 2019 5:02 pm

ארויפגעברענגט לכבוד יום הפורים הממשמש ובא

אוועטאר
קאמענטאטאר
שר חמש מאות
תגובות: 728
זיך איינגעשריבען אום: דאנארשטאג אוגוסט 07, 2008 10:07 am
לאקאציע: אין ביבילאטעק

תגובהדורך קאמענטאטאר » דאנארשטאג מארטש 14, 2019 11:15 am

אז מ'רעדט שוין, אינטערסאנט מיין בחור'ל קוקט זיך אזוי פאר די מגילה לכבוד יום הפורים הבעל"ט און מערקט מיר אויף אז ער האט למעשה נישט מצליח געווען צו מברר זיין וויאזוי מ'זאגט ריכטיג דעם איינעם ירח בן יומו אין די מגילה און אויף די טעיפס וואס בעלי קורא מומחים גיבן ארויס זאגן זיי עס גלאט אפ, זעמיר געבליבן אז היות דער בעל קורא ביי אונז אין שוהל איז באקאנט (ביי אונז אין שוהל...) אלס א מומחה לייענענדיג שוין יארן אין מערערע און גרעסערע בתי מדרשים אלזא וועלמיר אים אנפרעגן, למעשה עפענט ער אויף צוויי אויגן, ירח בן יומו? נישטא אין די מגילה, פינטל. מיין צדיק שטייט אבער גרייט מיט צוויי באזונדערע דרוקן פון תיקון קוראים אונטער די האנט וועלכע ווייזן באשיינפערליך אז עס איז יא פארהאנען איינס, זאגט ער אינטערסאנט כ'האב עס קיינמאל נישט באמערקט מוז זיין אז מען זאגט עס טאקע נישט...

לאמיר זעהן צו ס'איז פארהאן עמיצער דא וואס ווייסט קען צוצייגן דעם ירח בן יומו
קאמענטארן זענען איבריג

אוועטאר
ווייזער
שר חמישים ומאתים
תגובות: 282
זיך איינגעשריבען אום: מיטוואך מאי 17, 2017 10:50 am
לאקאציע: על אדמת נכר

תגובהדורך ווייזער » דאנארשטאג מארטש 14, 2019 11:37 am

קאמענטאטאר האט געשריבן:אז מ'רעדט שוין, אינטערסאנט מיין בחור'ל קוקט זיך אזוי פאר די מגילה לכבוד יום הפורים הבעל"ט און מערקט מיר אויף אז ער האט למעשה נישט מצליח געווען צו מברר זיין וויאזוי מ'זאגט ריכטיג דעם איינעם ירח בן יומו אין די מגילה און אויף די טעיפס וואס בעלי קורא מומחים גיבן ארויס זאגן זיי עס גלאט אפ, זעמיר געבליבן אז היות דער בעל קורא ביי אונז אין שוהל איז באקאנט (ביי אונז אין שוהל...) אלס א מומחה לייענענדיג שוין יארן אין מערערע און גרעסערע בתי מדרשים אלזא וועלמיר אים אנפרעגן, למעשה עפענט ער אויף צוויי אויגן, ירח בן יומו? נישטא אין די מגילה, פינטל. מיין צדיק שטייט אבער גרייט מיט צוויי באזונדערע דרוקן פון תיקון קוראים אונטער די האנט וועלכע ווייזן באשיינפערליך אז עס איז יא פארהאנען איינס, זאגט ער אינטערסאנט כ'האב עס קיינמאל נישט באמערקט מוז זיין אז מען זאגט עס טאקע נישט...

לאמיר זעהן צו ס'איז פארהאן עמיצער דא וואס ווייסט קען צוצייגן דעם ירח בן יומו


ביי "המן". ביים פסוק:
גם הנה העץ אשר עשה המן.

מגילת אסתר ז' ט.

אוועטאר
קאמענטאטאר
שר חמש מאות
תגובות: 728
זיך איינגעשריבען אום: דאנארשטאג אוגוסט 07, 2008 10:07 am
לאקאציע: אין ביבילאטעק

תגובהדורך קאמענטאטאר » דאנארשטאג מארטש 14, 2019 11:38 am

פיין
קאמענטארן זענען איבריג

אוועטאר
ווייזער
שר חמישים ומאתים
תגובות: 282
זיך איינגעשריבען אום: מיטוואך מאי 17, 2017 10:50 am
לאקאציע: על אדמת נכר

תגובהדורך ווייזער » דאנארשטאג מארטש 14, 2019 11:51 am

לאמיר פרובירן ארויפלייגן דעם פסוק געליינט דורך א בעל קורא מפורסם.
ער לאזט נישט אטעשירן קיין MP3 פיילס.

עמיר פראבירן אן אנדערע מהלך:
גם הנה העץ אשר עשה המן. - קרני פרנה

אוועטאר
ווייזער
שר חמישים ומאתים
תגובות: 282
זיך איינגעשריבען אום: מיטוואך מאי 17, 2017 10:50 am
לאקאציע: על אדמת נכר

תגובהדורך ווייזער » דאנארשטאג מארטש 14, 2019 11:56 am

רב בעל קורא אפילו גוטע זאגן דעם "המן" כאילו לא היה, דער עולם קלאפט און שטויסט ביי המן, און קיינער כאפט בכלל נישט אז עפעס "פעלט דא".

איך האב מערערע קריאת המגילה פון גאר אסאך פראמינענטע בעלי קורא - נאר ממש געציילטע זענען מדייק.

סאטמארע ווארטזאגער
שר העשר
תגובות: 21
זיך איינגעשריבען אום: דאנארשטאג יוני 04, 2015 3:08 pm

תגובהדורך סאטמארע ווארטזאגער » דאנארשטאג מארטש 14, 2019 1:19 pm

שוין יארן וואס יעך זיך דעם ניגון אויף דעם קרני פרה, דאנקע שעהן. כ׳וואלט געקענט באשטיין צו וויסן די מקור דערויף, און וואס טוט זיך מיט די קרני פרה פון פרשת מסעי???

אוועטאר
farshlufen
שר עשרים אלפים
תגובות: 20850
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דאנארשטאג מארטש 14, 2019 1:36 pm

ווייזער האט געשריבן:לאמיר פרובירן ארויפלייגן דעם פסוק געליינט דורך א בעל קורא מפורסם.
ער לאזט נישט אטעשירן קיין MP3 פיילס.

עמיר פראבירן אן אנדערע מהלך:
גם הנה העץ אשר עשה המן. - קרני פרנה

אה, דאס איז ר' הערשל קליין זז"ג.

זאג איך אויך ענדליך, אבער אויסזינגען דאס גאנצע בציבור איז קיין מציאות, מ'קלאפט דאך שוין פעסט.
סימן דלא ידע כלום, שבוחי.

אוועטאר
ווייזער
שר חמישים ומאתים
תגובות: 282
זיך איינגעשריבען אום: מיטוואך מאי 17, 2017 10:50 am
לאקאציע: על אדמת נכר

תגובהדורך ווייזער » דאנארשטאג מארטש 14, 2019 1:58 pm

סאטמארע ווארטזאגער האט געשריבן:שוין יארן וואס יעך זיך דעם ניגון אויף דעם קרני פרה, דאנקע שעהן. כ׳וואלט געקענט באשטיין צו וויסן די מקור דערויף, און וואס טוט זיך מיט די קרני פרה פון פרשת מסעי???


נישט יעדער בעל קורא זאגט אקוראט אזוי, אבער דאס איז בערך די ריכטיגע תנועה, א דריי-ארויף, א דריי-אראפ. זהו.

דעם קרני פרה פון פרשת מסעי איז א שטיקל פראבלעם, ווייל ס'נישטא קיין רעקארדירונגען ביינונז שבת קודש. (אונטער נארמאלע אומשטענדן).

אוועטאר
אדער יא
שר האלפיים
תגובות: 2202
זיך איינגעשריבען אום: דאנארשטאג ינואר 11, 2018 11:00 am

תגובהדורך אדער יא » דאנארשטאג מארטש 14, 2019 2:00 pm

קרני פרה, זאגן בעלי קורא'ס: תלישא גדולה תלישא קטנה. אדער פזר ת"ג ת"ק (או ת"ק פזר ת"ג).

אוועטאר
ליידיג גייער
שר חמישים ומאתים
תגובות: 255
זיך איינגעשריבען אום: דאנארשטאג מאי 09, 2013 4:31 pm

תגובהדורך ליידיג גייער » דאנארשטאג מארטש 14, 2019 2:40 pm

זייער שיין, דאנקע פיהל.
וואס טוהט זיך מיט די ובמלואת/ובמלאות?
שורר/שורר?
לעצטענס האב איך געהערט א טעיפ פון איינע פון די גרויסע רביס (וואס איך האלט ער ווייסט וואס ער טוהט...) וואס ליינט ובמלואות מיט צוויי חולמ'ס, איינמאל און שוין.
נאכדעם איז דא וואס לייענען איבער קרי און כתיב.
אין פאפא ווימס הענגט א צעטל פון מנהגים וועלכע ווערטער די רבי ז''ל פלעגט איבערזאגן.

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

תגובהדורך בעל קורא » דאנארשטאג מארטש 14, 2019 2:46 pm

זעה איך דער עולם מאכט שוין ריהערסעל"ס מיט די גלעזער, טענו בירח בן יומו והודו לו בקרני פרה.

דער ירח בן יומו איז איין ווארט פריער, הנה-העץ.
די צוויי טראפן ירח בן יומו און קרני פרה ווערן געליינט בציבור סך הכל אין צוויי פלעצער, דא אין די מגילה, און אין פרשת מסעי, אויף אלפים באמה.

די ירח בן יומו ליינען רוב בעלי קריאה אפ כאילו עס איז גארנישט, ווייל דיקבלה איז פארגעסן געווארן.
אחינו יוצאי מדינת אשכנז המכונים יעקעס האבן א קבלה דערויף, א שיינע געדרייטע נגינה. א ענליכע קבלה איז דא ביי א טייל ירשולימע, שמעתי מיחסים אותה מסרה עד להגר"א, אבל לא ברירא לי מילתא.
דאס איז סיי ביי מגילה און סיי חומש מיט א שטיקל שינוי לפי הבדל רוח הנגינה שביניהם.

אין די קרני פרה איז דא שוין אין פריערדיגע ספרים וואס שרייבן עס איז ענליך צו א תלישא קטנה גדולה פזר, נישט אלע זענען אייניג פונקטליך צו וואס עס מדמה צו זיין.
די בעלי קריאה ביי וועמען יעך האב געלערנט בצעירותי ליינען עס ווי א פשוטע תלישא קטנה און נאכדעם א פשוטע תלישא גדולה. דאס איז אבער זיכער נישט ריכטיג, ערשטענס ווייל די קדמוני הקדמונים רופן די קרני פרה פזר גדול, צווייטנס לפי מנהגם צו אויסליינען די גאנצע תלישא קטנה פארט עס נישט אריין אין די תלישא גדולה, עס איז סתם געליינט צוויי באזונדערע זאכן נאכאנאנד, אהן קיין טעם און קיין ריח.

עס לאזט זיך פארשטעלן אז זיי האבן עס אזוי געליינט זעהענדיג אינעם חומש א תלישא קטנה מיט א תלישא גדולה אויפן ווארט.
לאמתו של דבר איז עס אבער בכלל נישט דאס, ווייל אין די כתבי יד פלעגט מען עס שרייבן ענליך צו א V, נאר אביסל מער געבויגן, דערפאר הייסט עס קרני פרה, נאר ווען מען האט אנגעהויבן דרוקן האט מען נישט געגאסן א אות פאר דעם קרני פרה וואס איז דא סך הכל 16 מאל אין גאנץ תנ"ך, נאר אנשטאט דעם גענוצט די תלישא גדולה און קטנה וואס האבן אזעלכע עוקצין פון אונטן וואס וועט עס מדמה זיין צו א V.
ועוד יותר, אין גאר אלטע כתבי יד פלעגט מען שרייבן די תלישא קטנה און גדולה ביידע מיט א פשוטע רינגעלע, און כדי צו וויסן וועלכע עס איז, האט מען געשטעלט די תלישא קטנה (וואס איז עס מחבר צו ווייטער) סוף ווארט, און די תלישא גדולה (וואס איז מפסיק און האקט אפ פון ווייטער) אנהויב ווארט. די גאנצע זאך אז זיי האבן עוקצים איז א שפעטער המצאה (נאך איידער די דפוס).
ובקיצור, ביי די תלישא איז דער רינגעלע די עיקר, און ביים קרני פרה איז דער עוקץ דער עיקר. און די צוויי טראפן קומען אין אמת'ן נישט אויסצוזעהן די זעלבע בכלל.

פארשטייט זיך אז מיר קומען נישט זיך קריגן מיט די מסרה שבידינו, און א ודאי נישט נאכדעם וואס ענדליך שטייט שוין פון פריערע, נאר מען דארף עס ריכטיג אפלערנען. עס איז נישט קיין ספק אז די גאנצע מעשה איז איין צאמגעגאסענע טראפ, מיט ענליכקייטן צו די תלישא ופזר, און נישט צוויי אדער דריי באזונדערע זאכן וואס קלעבן ווי (רויע) ארבעס צום וואנט.

און אז מען האט שוין דערמאנט די צורות הטעמים פונעם תלישא און קרני פרה, וועל איך מסיים מעין הפתיחה אויפן ירח בן יומו, אז דאס זעלבע האט פאסירט ביי איהם, בראשית תקופת הדפוס מען האט איהם נישא געגאסן א באזונדערע אות נאר געלייגט א איבערגעדרייטע אתנחתא, אבער אין אמת'ן איז די פיסל איבעריג, אויך קומט עס אביסל מער פלאך, וכשמו ירח בן יומו.
א בעכער מיט א פיסל, אהן א פיסל, עס זאל נאר זיין א כוס יין מלא ברכת ה' היא תעשיר בגשם וברוח לנא ולכל ביתישראל הדרים בעולם הזה

בעל קורא
שר מאה
תגובות: 103
זיך איינגעשריבען אום: דינסטאג יולי 24, 2012 11:42 am

תגובהדורך בעל קורא » דאנארשטאג מארטש 14, 2019 2:51 pm

ליידיג גייער האט געשריבן:זייער שיין, דאנקע פיהל.
וואס טוהט זיך מיט די ובמלואת/ובמלאות?
שורר/שורר?
לעצטענס האב איך געהערט א טעיפ פון איינע פון די גרויסע רביס (וואס איך האלט ער ווייסט וואס ער טוהט...) וואס ליינט ובמלואות מיט צוויי חולמ'ס, איינמאל און שוין.
נאכדעם איז דא וואס לייענען איבער קרי און כתיב.
אין פאפא ווימס הענגט א צעטל פון מנהגים וועלכע ווערטער די רבי ז''ל פלעגט איבערזאגן.


מנהגים - דארף יעדער וויסן זיין מנהג.

הנכון לפי רבותינו המדקדקים הקדמונים ובעלי המסרה.
ובמלאות - מיט א חולם למ"ד, די אל"ף הערט מען נישט.
שורר - מיט א סי"ן. דהיינו א שי"ן שמאלית.

קרי וכתיב
ביים חת"ס האט מען געליינט יהודיים יהודים ביידע וועגן, אנדערע זאכן נישט.
עס זענען פארהאן פלעצער ווי מען ליינט ויהי באמרם/כאמרם אליו יום ויום, מיט א בי"ת ווי די כתיב און א כ"ף ווי די קרי.
דאס גייט ווייטער צוריק צו מנהגים, די מנהגים האבן טעמים, ואעפ"כ היכא דנהוג נהוג

אוועטאר
אומאפיציעל
שר חמישים ומאתים
תגובות: 491
זיך איינגעשריבען אום: דאנארשטאג פאברואר 16, 2012 4:24 pm

תגובהדורך אומאפיציעל » זונטאג מארטש 17, 2019 1:05 pm

ייש"כ בעל קורא, עס איז מיר העכסט אינטערעסאנט וואס דו שרייבסט וועגן די קרני פרה און ירח בן יומו, דאכט זיך מיר אז איך האב קיינמאל נישט געהערט דערפון


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 0 געסט