יואל שרייבער האט געשריבן:אויב בערני וועט טאקע לויפן דאס מאל, וועט מען זיך היבש דארפן ברעכן קאפ אויף וואס עס מיינט א סאציאליסט.
מען וויל האבן ווארען וואס איז א זעלבסט דערקלערטע קאפיטאליסט, קעגן בערני , א סאציאליסט, אבער ווען עס קומט צו פאליסי זענען ביידע מער ווייניגער אייניג, סאו איינער זאגט דא ליגנט.
איך האלט אז צו זיין א סאציאליסט מוז מען עז א מינימום האלון אז רוב פון די עקאנאמי זאל זיין סאציאליסטיש, וממילא איז בערני דער שקרן.
דער חילוק פון סתם סאושעליזם ביז "דעמאקראטיק" סאושעליזם איז סתם געמאלן וואסער.
די אפיציעלע מיינונג פון "קאפיטאליזם" איז ווי פאלגענד:
"א סיסטעם אין וועלכע א לאנד'ס מסחר באלאנגט פאר יחידים, און ס'ווערט קאנטראלירט דורך זיי פאר א רווח.""אבסאלוטע קאפיטאליזם" איז לויט דעם ווען "אלעס" איז "אייביג" אינגאנצן אונטער די בעלות און פולע קאנטראל פון יחידים.
און די אפיציעלע מיינונג פון "סאציאליזם" איז ווי פאלגענד:
"א סיסטעם אין וועלכע א לאנד'ס מסחר באלאנגט אדער ווערט רעגולירט דורכ'ן ציבור.""אבסאלוטע סאציאליזם" איז לויט דעם ווען "אלעס" איז "אייביג" אינגאנצן אונטער די בעלות אדער די פולע קאנטראל פונעם ציבור.
אין פראקטיק איז נישט מעגליך צו האבן אבסאלוטע קאפיטאליזם אדער סאציאליזם, און קיין איין לאנד אין די וועלט האט זיי טאקע נישט.
די מיינונגען וואס מ'הערט אין טאג טעגליכן לעבן אין דעם ענין איז שטיצע/התנגדות צו "רעלאטיווע" קאפיטאליזם/סאציאליזם, און זינט אלעס וואס מענטשן שטיצן היינט האט עפעס פון "ביידע" איז נישט שייך צו זאגן אויב איינער זאגט דעם אמת אדער נישט ווען ער פאררופט זיך אז ער איז איינע פון זיי.
לעניננו, די אלע לינקע וואס פאררופן זיך אלס "סאציאליסטן" אדער "דעמאקראטישע סאציאליסטן" (א טערמין וואס זיי נוצן ארויסצודרוקן אז זיי שטיצן נישט אבסאלוטע סאציאליזם וואס ארבעט פיל מאל נאר דורכ'ן באצוואונגען די בירגער) מיינען ארויסצודרוקן דערמיט אז זיי שטיצן אז אמעריקע זאל ווערן "מער" סאציאליסטיש ווי ס'איז יעצט, משא"כ די אלע לינקע וואס פאררופן זיך אלס "קאפיטאליסטן" מיינען ארויסצודרוקן דערמיט אז זיי שטיצן אז אמעריקע זאל בלייבן "עפעס" קאפיטאליסטיש, און ס'מוז בכלל נישט מיינען אז דער וואס פאררופט זיך אלס "סאציאליסט" איז באמת מער סאציאליסטיש ווי דער וואס פאררופט זיך אלס "קאפיטאליסט".
און די זעלבע זאך איז אויך אויף די רעכטע זייט, די אלע רעכטע וואס פאררופן זיך אלס "קאפיטאליסטן" מיינען ארויסצודרוקן דערמיט אז זיי שטיצן אז אמעריקע זאל בלייבן - אדער ווערן מער - קאפיטאליסטיש, משא"כ די אלע רעכטע וואס רעדן נישט דערפון איז עס ווייל זיי האלטן אז אמעריקע איז גענוג קאפיטאליסטיש און איר קאפיטאליזם איז נשט אין א געפאר, אבער ס'מוז בכלל נישט מיינען אז דער וואס איז אייביג פארנומען אז ער איז א קאפיטאליסט איז באמת מער קאפיטאליסטיש ווי דער וואס מאכט נישט קיין בראַטל דערפון.