א עקסידענט האט פאסירט אין לאס וועיגעס נעוואדע, ווי א מענטש איז נישט אראפגעקלאפט געווארן דורך א דרייווער, און איז אומגעקומען אויפן פלאץ.
הע!?.. יאפ, האסט גוט געליינט. און די ״נישט״ גייט ארויף אויף ביידע, ס׳איז סיי נישט געווען קיין דרייווער, אזוי אויך איז נישט געווען קיין מענטש וואס מ׳האט אראפגעקלאפט.
מאנסע שהיה הך קאווע. א ראָובאַט
(האלבוועגס שטומט עס שוין, וואס?) וואס איז אין די טעג געווען צוגאסט אין וועיגעס צום גרויסן CSE פארשטעלונג, איז אראפגעקלאפט געווארן צום טויט בעת ער איז געשטאנען פארחלומט אויפן גאָדער, זייענדיג אויפן וועג צוריק צום זאַל זיך צו שטעלן ביים באשטומטן פלאץ אין זיין דיספּלעי באָאָט.
קיין דרייווער איז אויכניש געווען, ווייל דער קאר וואס האט אומגעברענט דעם שטיקל עץ ואבן איז געווען א טעסלע מאדעל X, וואס איז דאן געווען אויף אטאמאטיק מאוד.
דער אומגעברענגטער חפץ קומט ארגינעל פון פילידעלפיע פון די פירמע ״פראָמאָבאַט״. ער איז געווען א טייל פון א גרופע באַטס וואס האבן צוזאמען שפאצירט אויף די פאראדייס גאס, ווען ער ווי א אויבער חכם זיך פארקירעוועט פונעם קלאס, אראפ אויפן גאָדער ווי ער איז געבליבן פארקלאצט ביז ער איז גע׳הרג׳ט געווארן אפאר סקונדעס דערויף.
א ווארט זאגער פאר פראָמאָבאַט זאגט, אז דער ראָובאַט האט אין ריזאלטאטן פונעם עקסידענט געליטן שטארקע וואונדן אויפן קאפ, ארעם אין אנדערע ״גלידער״, אויף אזוי שטארק אז מ׳קען עס ממש נישט ״אויסהיילן״.
דער פאסאדזשיר וואס איז געזעצן אינעם טעסלע אלטס דער ״קא-פילאט״ דערציילט אז ער האט גראדע יא באמערקט דעם אוממענטש שטיין אויפן ראוד ווי א ליימענע גולם, ער האט אבער פארשטאנען אז די קאר גייט אים פון זיך אליינס אויסקראסן. סעדלי האט ער אים אבער אראפגעקלאפט.
״דער ראָובאַט האט אויסגעזעהן אזוי קיאָט״.. זאגט דער דרייוער. ״און איך שפיר זייער שלעכט פאר זיינע אינדזשאנירן״..
פראָמאָבאַט האט פארשפראכן א פולע אינטערנאל אינוועסטיגעשן מצדם, צו פארשטיין וואספארא חינוך דער ראָובאַט האט באקומען אינדערהיים וואס האט גורם געווען ער זאל זיך פארקירעוון פונעם וועג.
פון טעסלע האט מען דערווייל נאכנישט געהערט קיין אנטווארט, איך קלער אבער פשוט. זייערע קארס האט מען געלערנט אז מ׳האקט נישט אראפ קיין ״מענטשן״!
די פאליציי וואס זענען שנעל אנגעקומען אויפן צענע האבן גענומען בילדער, געשמייכלט און זיך שנעל צוריקגעקערט צום פאליס סטעישן.
קליפיטשל:
מערק די פאראמעדיקס קומען צו לויפן.
דראפבאקס —
גוגל דרייוו