שמאלציג האט געשריבן:קאנסילמאן האט געשריבן:
צום לעצט, איך האב דא רעאגירט נאך פיר בלאט ווי מען האט אטאקירט א יחיד א בילדער
אטאקירט, אטאקירט ? ווער אטאקירט? ווער אטאקירט וועמען, און ווער ווערט אטאקירט פון וועמען?הונטדערטער אדער גאר טויזענטער אידן וואס שפארן זיך אפ א דאלער נאך א דאלער יארן לאנג, און ווארטן שוין אויף זייער גליקליכע מינוט צו קענען האבן אן אייגענע דאך איבערן קאפ, קומען צו מיט די אייגענע אויגן ווי זייער יארן לאנגע חלום פליעט אוועק כחלום יעוף, זיי האבן נישט די געלעגענהייט וואס זייערע עלטערן האבן געהאט אין זייערע יארן, נעמליך א דירה, לויטן נארמאלן פרייז מיט א נארמאלע דאון פעימענט.
די דאזיגע אידן ווערן אטאקירט טעגליך! און נישט אויף אייוועלט, נאר 24/7 ווי זיי גייען און שטייען זענען זיי די אטאקירטע.
אטאקירט, אטאקירט ? ווער אטאקירט? ווער אטאקירט וועמען, און ווער ווערט אטאקירט פון וועמען?טויזענטער עלטערן מאכן נאס די קישענעס ביינאכט, ווען וועט שוין מיין קינד צוקומען צו א לייטישע דירה וואס ער קען זיך עפארדען,
זיי ווערן טעגליך אטאקירט.אטאקירט, אטאקירט ? ווער אטאקירט? ווער אטאקירט וועמען, און ווער ווערט אטאקירט פון וועמען?אידן וואס וואלטן ווען געדארפט ארבעטן לטובת הציבור, נישט קיין חילוק פון וועלעכע זיי טעגלאש וואסער, באדען זיך אין מיליאנען און טוען גארניטש צו העלפן די ארימע ברידער וואס לעכצעט נאך א דאך איבערן קאפ,
זיי זענען די אטאקירער,
די קאפ איז שוין אזוי פארדרייט היינט אז ווען איינער זאגט אויס דעם אמת אז עס איז היינט נישט דא א נארמאלע דירה צו קויפן אין די הייליגע שטעלטל וואס די רבי ז''ל האט אויפגעשטעלט בדם לבבו, הייסט דאס אטאקירט, ניין, דאס הייסט נישט אטאקירט, דאס הייסט ארויסגעשריגן דעם אמת וואס עס טוט וויי.
אטאקירט, אטאקירט ? ווער אטאקירט? ווער אטאקירט וועמען, און ווער ווערט אטאקירט פון וועמען?א איד קומט אהיים נאך א טאג ארבעט און האט נישט זיין הרחבת הדעת ווי אראפ צו לייגן זיין אויסגעמיטשעטע זעקל ביינער,
ער ווערט יעדן איינציגן טאג אטאקירט.[i]אטאקירט, אטאקירט ? ווער אטאקירט? ווער אטאקירט וועמען, און ווער ווערט אטאקירט פון וועמען?[/i]
אידן וואלטן געדארט זיין ביזי טאג אין נאכט ווי נאך קען מען העלפן זיך ארויסצוען צי די גלילות, צו העלפן אינגעלייט מיט א דאך איבערן קאפ, אנשטאט דעם גייט מען פארשפרייטן כל מיני לגיונות אלעס נאך וואס עס לוינט זיך לויט די אג'ענדע, דאס
הייסט אטאקירט.אידן וואלטן געדארפט לויפן גיסן געלט פאר מקוואות און שולן אין די גלילות, כדי נאך אינגעלייט זאלן האבן א דאך איבער'ן קאפ, דאס נישט טוען
הייסט אטאקירט.
דעוועלאפערס וואס בויען הייזער לויטן געשמאק פאר אידן פון די סיטי, און זיי צילן צו מארקעטן צו זיי, דאס הייסט
אטאקירט די אידן פון קרית יואל, אידן וואס האבן געשפיגן שווייס און בלוט אלע יארן 'צו העלפן' בויען כבוד בית סאטמאר, און דאס צאלט מען זיי צוריק, דאס הייסט
אטאקירט.דעריבער הויעכגעשעצטער קאנסילמאן בעפאר איר באשליסט צו רעדן צו די אטאקירער ביטע איבערטראכטן
ווער אטאקירט וועמען. 
