יעצט געזען איינער שרייבט דא viewtopic.php?p=1818855#p1818855
מקווה איד האט געשריבן:ווי האט נאר רבינו מסאטמער געזאגעט אז א גוי וואס האט פיינט די מדינה איז א שונא ישראל ווייל זיי ווייסען נישט קיין חילוק צווישען א ציוני און נישט
דאס איז איינע פון די שטארקסטע תורה שבע"פ וואס יעדער בר בי רב ווייסט און דאס איז כמעט פון די יסודות... אויב אזוי אפשר איז געקומען די צייט אראפצושרייבן די פרטים פון דעם כלל כדי אז עס זאל נישט פארדרייט ווערן אדער ח"ו פארגעסן ווערן היל"ת.
קודם, ווען און פארוועם האט עס דער רבי געזאגט?
האט עס עפעס א תוקף למעשה אדער איז עס סתם לידיעה בעלמא?
איז עס אויך נוגע נאכדעם וואס מ'איז מקיים דעם גרויסן חיוב פון מודיע זיין פאר די אומות אז זיי (די ציונים) פארטרעטן נישט כלל ישראל?
איך וויל נאר מציע זיין צו טוישן די אויבנדערמאנטע ווערסיע פונעם רבי'ן און די מעשה וועט האבן אביסל אן אנדער פנים
ווי האט נאר רבינו מסאטמער געזאגעט אז א גוי וואס האט פיינט אידן, האט געווענליך אויך פיינט די מדינה ווייל א שונא ישראל ווייסט נישט עפ"י רוב קיין חילוק צווישן א איד און א ציוני
און לפי"ז איז אפשר נישט יעדער אנטי ציוני א שונא ישראל און נישט יעדער פרא ציוני אן אוהב ישראל.
ס'קען גאר זיין אז וויבאלד הלכה בידוע שעשיו שונא ליעקב איז לייכט אנצונעמען אז זייער שנאה צו מדנ"י איז באמת שנאת ישראל, אבער עס איז נישט מוכרח עס קען מעגליך זיין אנדערע סיבות, ס'איז יתכן אז ער איז א שונא ישראל מחד און א שונא מדינת ישראל מאידך און ער ווייסט גאר יא דער חילוק ביניהם.
עכ"פ אויב אנדערע סימנים צייגן אז דער גוי פירט זיך נישט עפ"י הלכה האט נישט קיין פשט תולה צו זיין דעם גוי'ס קעגנערשאפט צו מדנ"י אין שנאת ישראל.
א פרייליכען חנוכה