מורי ורבותי, איך האב א שווערע שאלה וואס שטערט מיך - און אויך פילע אנדערע אידן ובפרט די וועלכע וואוינען אין ב.פ. - זייער די לעצטע שטיק צייט.
ווי באקאנט האט די שטאטישע .D.O.T לעצטנס איינגעפירט ביי די טרעפיק לעמפ [אין די מער פארנומענע גאסן] א "5 סעקונדע פוסגייער דורכגאנג" דאס מיינט אז ווען אימער עס דארף זיך טוישן פון רויט לייט אויף גרין לייט, וועט קודם עטליכע סעקונדעס בלייבן רויט פאר די קארס און בלויז פוסגייער וועלן דאן קענען אריבערגיין די גאס, און ערשט דערנאך וועלן די קארס באקומען א גרין לייט. וואס דאס איז געמאכט געווארן צו פארמיידן עקסידענטן און געבן א געלעגנהייט פאר די פוסגייער אריבערצוגיין די גאס בעפאר די איינדרייענדע קארס קומען צו גיין.
אבער וואס שטערט מיך זייער איז אז אויף די "סאמע פארנומענסטע" קראסינג אין וויליאמסבורג,
דאס איז ווען מען קומט פון ראטלידזש סט. [פון די גאס - און די זייט - וואו עס געפינט זיך די ריזיגע בנין ת"ת סאטמאר מהר"א] און מען וויל אריבערקראסן קענט עוו. - וואס אסאך אידן בעיקר תושבי ב.פ. גייען דורך דעם וועג אנצוקומען צום היטש פלאץ - איז נאך אזא זאך נישט איינגעשטעלט געווארן! דאס מיינט אז אין יענע ברייטע פארנומענע גאס איז נישט פארהאן קיין מעגליכקייט פאר א פוסגייער דורכצוגיין, ווייל ווי נאר ס'ווערט גרין קומען צו גיין א שטראם פון קארס אויף גאר א שנעלן ספיד, און ווען ס'איז רויט איז דאך רויט, [פאקטיש ווען איך וויל אריבער גיין יענע גאס ווארט איך אז ס'זאל זיין רויט, ווייל אויף קענט עוו. פארן די קארס שטאטער ווי אויף יענעם שטיקל וויליאמסבורג סט. כידוע]. איז פארוואס פארשטייען נישט די שטאטישע טאטעס [אדער די UJO וואס געפינט זיך דארט ארום די קארנער] די וויכטיגקייט פון אוועקשטעלן דארט אזוינס אז פאר 10 סעקונדעס זאלן בלויז פוסגייער קענען אריבערגיין דעם געפארפולן אינטערסעקשאן?
אדרבה אויב איינער איז מסכים מיט מיר ביטע לאזט אייך הערן!
בייגלייגט איז די לינק פון GOOGLE MAPS כדי מען זאל קענען בעסער פארשטיין פון וואס איך רעד:
https://www.google.com/maps/@40.6995276 ... 384!8i8192