מיסטעריעז האט געשריבן:עס גייט קומען א טאג וואס איך גיי קענען עפענען די אשכול איבער די רציחה וואס סאודיע אראביע האט געטאן אין זייער קאנסולאט, און עס זאל באשטיין נאר פון נייעס איבער די פרשה, און די איבערגעקייטע טענה'ריי צווישן די זעלבע 4 פארשוין איבער די באציאונגען צווישן די עכטע אמעריקע אדער פאלשע אמעריקע און סאודיע אראביע זאלן זיך געפינען דארט וואו עס באלאנגט?
עס גייט קומען א טאג וואס איך גיי קענען עפענען די אשכול איבער די מאסן מארש פון דרום אמעריקע צו די פאראייניגטע שטאטן, און עס זאל באשטיין נאר פון נייעס איבער די פרשה, און די איבערגעקייטע טענה'רייען צווישן די זעלבע 4 פארשוין איבער די צוגאנג פון די עכטע אמעריקע אדער פאלשע אמעריקע צו אימיגראציע און אימיגראנטן זאל זיך געפינען דארט וואו עס באלאנגט?
א.א.וו.
המחכה לתשובה
המכונה מיסטעריעז
בכל הכבוד פאר אזא חשובע ניק, האב איך א שאלה:
איך וויל פארשטיין פארוואס איר האלט אז איר דעזערווט צו האבן צוגעשטעלט א נייעס אגענטור אויפן היימישן מאמע לשון, אן דארפן הערן אדווערטייזמענטס, מיט אפ טו דעיט נייעס, באריכטעט פיר און צוואנציג שעה א מעת לעת?
די אלע וואס ברענגען דא נייעס טוען עס אומזיסט מיטן ציל מהנה צו זיין אנדערע, און א חלק פון די הנאה איז צו מיטהאלטן די דיסקוסיעס איבער די נייעס פון די אויסערגעווענליכע אינטעלעקטועל געלונגענע אייוועלט שרייבער און קאמענטירער, און אויב איינער פון די נייעס ברענגער באדערט די דיסקוסיעס האט ער די ברירה צו בעטן שיין אוואו @הבל האט געטון, און אז דער עולם קאאפערירט נישט זאל ער טרעפן א וועג וויאזוי דאס צו מאכן ארבעטן פאר אים, אדער בלית ברירה פארלאזן דעם וועלטל.
אבער ווילאנג פארן שרייבער שטערט עס נישט, און עפ״י רוב האט מען אויך הנאה, מיט וואספארא רעכט קענט איר פאדערן דאס אדער יענץ צו טון?
עס איז זיכער דא צומאל וואס א טענה׳רייגייט ארויס פון די פראפארצן, דאן איז צייט צו בעטן די דעבאטירער איינמאל און נאכאמאל דאס צו ענדיגן, אבער אז יעדע נייעס אשכול זאל באשטיין פון בלויז פליסיגע נייעס... איז דאס א געבוירענע רעכט צו וואס?