אחת ואחת האט געשריבן:איך האלט זייער פון די תקנות, און איך בעט עס זאל זיך איינגעבען אבער שרייבען כללות'דיגע נומערן איז נישט קיין קונץ, מען דארף ארויסשרייבען פרטים עס זאל קאנעקטען צום מציאות, טאקע צוליב דעם וועל איך נישט אריינרעדן אין די זאכן וואס האבן מיטען מאלל, ווייל זיי שטעלען דאך עס צו פארן באשטימטען פרייז אבער ביי די שטאפיר עס איז עפעס זייער אינטערגעשאצט
איך הייב אן מיט פרויען שטאפיר, קוקט אויס אז די וואס האבן אויסגעשטעלט די הונערן האבן נאך נישט חתונה געמאכט ווי איז מעגליך אז אלע פרויען קליידער\ דריי גוד\ קאפ צודעק\ שיך פאר $6000 איך זאג מינומם 10K
מענער מלבושים איז אויך היפש אינטערגעשאצט זיי שרייבען $3750
שטריימעל $1400
ביליגסטע קלאודינג פעקעדש $1200
דריי גוד $1000 זייער קאגערהייט
שיך $500
היטען $500
פארשידענס $200
=$4800
הכי קרא שמו 'אחת ואחת', ער דארף איינס און נאכאיינס....
איך קען נישט אלע פרייזן אויסעווייניג, אבער איך קוק וואס דו שרייבסט וועגן היטן און שיך, דו קענסט מיר מסביר זיין די אפטייטש פון די ווארט "היטן"? א אינגערמאן גייט שבת מיט א ביבער היט? אה! די תירוץ איז אז מ'קויפט צוויי היטן, פארוואס? דער בחור איז דאך ביז די חתונה געגאנגען מיט א היט, די היט איז נישט קיין בר מצוה בחור היט, ווייל ער איז דאך א בחור אין די יארן, ס'איז נאך גאנץ שיין עכ"פ עס צו האלטן פאר א רעגנדיגן טאג, שוין איך פארשטיי ווילסט קויפן א נייע היט צו די חתונה, ווי נישט ווי ער ווערט דאך א אינגערמאן, אבער פארוואס רבונא דעלמא 2 היטן?
אט דאס איז תקנות! קויף וואס דו דארפסט יעצט! נישט פאר צוויי יאר ארום! אפגערעדט פון דעם אז זייער אסאך מאל קען מען אפילו נישט נוצן די היטן עטליכע יאר שפעטער, ס'איז שוין צו שמאל די ברים וכו'
און די זעלבע איז מיט שיך, און מיט קלאדינג, אויסערליך איז קלאדינג פעקעזש 1200 דאלער היבש איבערגעטריבן, דארט ליגט א עקסטערע בעקיטשע אדער צוויי וואס גייט דיר סיי ווי נישט פיטן אין א יאר ארום
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.