דער טראמפ אדמינסטראציע האט גענומען א פרעצעדענטלאזע שריט פון אפהאקן פינאנצירונג צו די פאלעסטינער פליטים ארגאניזאציע אינערהאלב דעם יו.ען. און פארלאנגט צו טוישן די קריטעריע ווער עס ווערט אנגערופן א פליכטלונג און איז בארעכטיגט צו הילף.
אונרא - העלפט פליטים אדער שאפט פליטים?
דער UNRWA אגענטור איז אויסשליסליך געגרינדעט געווארן זיך צו אפגעבן מיט׳ן פראבלעם פון פאלעסטינע פליטים וועלכע זענען פארוואגלט געווארן פון זייערע היימען צוליב די גרינדונג פון מדינת ישראל און דער מלחמה וואס האט נאכגעפאלגט. דער ארגאניזאציע איז היינט דער פארזארגער פאר שפייז, וואוינונג, ערציאונג פון ארום 5 מיליאן פאלעסטינער וועלכע האלטן זיך אויף אין שטעטלעך אין די שטחים, ירדן, לבנון, און סיריע, די 5 מיליאן זענען קינדער און אייניקלעך פון ארום 700,000 פאלעסטינער וועלכע זענען אנטלאפן פון ארץ ישראל ביים גרינדונג פון די מדינה.
די שטעטלעך ווערן נאך אלס אנגערופן ״פליטים לאגערן״ טראץ וואס טייל פון די יעצטיגע איינוואוינער דארט זענען שוין די דריטע גענעראציע. וויבאלד די אלוועלטליכע פאלעסטינער אראניזאציעס זוכן צו אנהאלטן דעם פראבלעם פון פליטים אלס א וואפן אין די פארהאנדלונגען מיט מדינת ישראל.
די אפיציעלע שטעלונג פון די פאלעסטינער איז אז די קינדער און אייניקלעך פון די פליטים זענען בארעכטיגט צו ״זכות השיבה״ דאס הייסט זיך צו אומקערן צו זייערע ארגינעלע היימען, וועלכע זענען מיינסטס באוואוינט מיט אידן, און דאס איז איינס פון די הויפט שטרויכלונגען צו קומען צו א שלום אפמאך.
דער באשלוס פונעם טראמפ אדמיניסטראציע
דער ארגאניזאציע האט א בודזשעט פון איבער א ביליאן דאלער א יאר, און זי אפערירט די שולעס, שפיטעלער, און פארשידענע סערוויסעס אין די פאלעסטינער פליטים לאגערן און שטעט, א באדייטנדע טייל פון די פאנדינג פון די ארגאניזאציע קומט פון אמעריקע, אבער די טראמפ אדמינסטראציע האט דעם פרייטאג געמאלדן אז זי האקט אפ אלע געלטער צו די ארגאניזאציע ווילאנג זי גייט נישט אריבער א ערנסטע רעפארמירונג.
דער טראמפ אדמינסטראציע האט דערמיט אדאפטירט די ליניע פון די רעכטע אין מדינת ישראל וועלכע זאגט אז די יו-ען טוט פאראייביגן די פאלעסטינער טראגעדיע דורך שענקן פליטים סטאטוס לדורי דורות, א זאך וואס ברענגט דערצו אז עס לוינט זיך פאר פליטים בלייבן פליטים אנשטאט זיך איינגלידערן אין די פלעצער ווי זיי וואוינען.
אדמיניסטרציע באאמטע זאגן א טראמפ האט דערמיט גענומען א ענליכע סטראטעגיע ווי דאס דערקלערן ירושלים אלס הויפטשטאט פון מדינת ישראל, און זוכט צו ״אראפנעמען פון טיש״ די ברענענדיג נושאים פאר מען הייבט אן פארהאנדלונגען, און דאס אפשאפן UNRWA איז א סיגנאל אז דאס אומקערן פון מיליאנען פאלעסטינער קיין מדינת ישראל קומט נישט אין באטראכט.
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
טראמפ האט נעכטן אין א טוויט שטארק פארדאמט די אפענסיווע, ס'זעהט אבער נישט אויס דערווייל אז די רוסן זאלן זיך צוטוהן מאכן, בלייבט איבער צו זעהן צו די טראמפ אדמיניסטראציע וועט נעמען זאכליכע שריט.
טראמפ האט נעכטן אין א טוויט שטארק פארדאמט די אפענסיווע, ס'זעהט אבער נישט אויס דערווייל אז די רוסן זאלן זיך צוטוהן מאכן, בלייבט איבער צו זעהן צו די טראמפ אדמיניסטראציע וועט נעמען זאכליכע שריט.
ער דארף נישט נעמען קיין שום שריט.
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
די טראמפ אדמינסטראציע האט דעם שבת געמאלדן דאס אפשליסונג פון די ביוראען פונעם פאלעסטינער באפרייאונגס פראנט PLO וועלכע געפונען זיך אין וואשינגטאן, און דינט אלס אומאפיציעלע קאנסולאט פאר די פאלעסטינער אויטאריטעט.
זינט פרעזידענט טראמפ האט אנערקענט ירושלים אלס הויפטשטאט פון מדינת ישראל האבן די פאלעסטינער געלייגט א באיאקאט אויף אמעריקע און זיך אנטזאגט צו פארהאנדלן מיט אמעריקע אלס פארמיטלער אינעם סכסוך מיט מדינת ישראל, דאס האט געברענגט די אדמיניסטראציע צו נעמען א רייע שריט צו צווינגן די פאלעסטינער צו קומען צום טיש.
אמעריקע האט דעריבער אין די לעצטע וואכן אפגעשטעלט הונדערטער מיליאנען דאלער אין דירעקטע און אומדירעקטע הילף פאר די פאלעסטינער, און אצינד האט די אדמינסטראציע גענומען די אומגעווענליכע שריט פון אפשפארן די פאלעסטינער הויפטקווארטירן אין וואשינגטאן.
פרעזידענט טראמפ האט קלארגעשטעלט אז ער וועט נעמען מער שריט צו דרוקן אויף די פאלעסטינער צו קומען צום טיש, אבער דערווייל האבן די פאלעסטינער רעאגירט מיט שארפע רעטאריק און געזאגט אז זיי וועלן אפהאקן אלע באציאונגען מיט אמעריקע און זוכן אנדערע שטיצער אויפ׳ן אינטערנאציאנאלן ארענע
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש