טשיקאווע נייעס

[פריילעך אידל]

די וועלטסט 'שווערסטע' מענטש (אזוי זאגט מען heaviest?) א פרוי פון מצרים, איז נעכטן געשטארבן זייענדיג 36 יאר.

זי פלעגט וועגן 1100 פונט, לעצטנס איז זי דורך אפעראציעס און טריטמענטס, און געטראסקעט אין 3 חדשים צו 'בלויז' 660 פונט, אבער אינצווישן איז זי געשטארבן.

[ראפאט קראמפלי]

פאר 6 יאר צוריק האט א מאלפע געטראפען דעם פאטא אפעראט פון א פאטאגרפיסט
און געאפט א בילד פון זיך

selfie.jpg

דער פאטאגראפיסט האט דאס פארקויפט
די רשעים PETA ימ"ש האבען אים געקלאגט אין געריכט אז דאס איז דער רכוש פון די מאלפע
און ער טאר עס נישט פארקויפען

On September 11 , People for the Ethical Treatment of Animals announced a settlement with photographer David Slater, ending a lawsuit it filed on Naruto's behalf. Under the deal, Slater agreed to donate 25 percent of future revenue from the photos to groups that protect crested macaques and their habitat in Indonesia. Both sides also asked the 9th U.S. Circuit Court of Appeals "to dismiss the case and throw out a lower court decision that said animals cannot own copyrights," The Associated Press reports.

"PETA and David Slater agree that this case raises important, cutting-edge issues about expanding legal rights for nonhuman animals, a goal that they both support, and they will continue their respective work to achieve this goal," read a joint statement on the group's website.

ווער האט זיי ממנה געווען צו בעלבאטעווען מיט דעם געלט וואס קומט פאר די מאלפע?

קיקיון, האסט פארפאסט דאס?

[טראבל מעיקער]

טוויטער וועט ערלויבן צו שרייבן מעסעדזשעס מיט 280 לעדערס אנשטאטס די היינטיגע ערלויבטע 140

עס איז נישט טשיקאוו, די מצב איז ביטער, דער פרעזידענט גייט קענען שיקן צוויי מאל אזוי לאנגע מעסידזשעס ווי ביז יעצט, מען דארף זיך אנטאן אייזערנע הויזן.

מסתמא האבן זיי עס נאר געטאן וועגן אים זעה דא...

אנאליסטן זאגן אז טראמפ איז ווערט פאר טוויטער א געשאצטע 2 ביליאן דאללער.
געווען אין די נייעס נישט לאנג צוריק.

[קיקיון]

קיקיון, האסט פארפאסט דאס?

ניין נישט איך האב עס פערפטאסט שמאטע איז נישט מיין אנדערע ניק
די קענסט נאך נישט מיין סטייל? איך פריוו שרייבען ווי מער בקיצור

[דניאל אויערבאך]

טוויטער וועט ערלויבן צו שרייבן מעסעדזשעס מיט 280 לעדערס אנשטאטס די היינטיגע ערלויבטע 140

עס איז נישט טשיקאוו, די מצב איז ביטער, דער פרעזידענט גייט קענען שיקן צוויי מאל אזוי לאנגע מעסידזשעס ווי ביז יעצט, מען דארף זיך אנטאן אייזערנע הויזן.

כאן קודם התגובה וכאן לאחר , פאר מהאט געליינט דיין תגובה איז עס טאקע נישט געווען טשיקאוו , יעצט איז עס שוין יא

[פעיק ניוז]

א סענזאציע איז אנטשטאנען אין סאודי אראביע, נאכדעם וואס די ארטיגע רעגירונג האט געגעבן פולקאמע "בירגערשאפט" פאר א ראבאט!

דער ראבאט איז צוזאמגעשטעלט געווארן דורך דער "האנסאן ראבאטיקס" פירמע אין האנג קאנג, און איז אפגעליפערט געווארן קיין סאודי אראביע מיט עטליכע וואכן צוריק, וואס די סאודי אראביע רעגירונג זאגט אז זי וויל אז דער ראבאט זאל דינען אלס ביישפיל פאר דעם סאודיער פאלק איבער דעם פאטענציעל פון ראבאטן אין ביזנעס און אין פערזענליכן לעבן. דער ראבאט האט באקומען א ספעציעלע עהרנפולע צערעמאניע ביים באקומען בירגערשאפט, און מענטשן האבן זיך ארומגעשפילט דערמיט, אויספרעגנדיג פונעם ראבאט פארשידענע פראגעס, א שטייגער ווי: "צי זענען ראבאטן געפיליש און זיי פארשטייען געפילן פון אנדערע", אויף וועלכע דער ראבאט האט געענטפערט: "פון וואנעט ווייסטו בכלל אז מענטשן זענען יא געפיליש און פארשטייען צו אנדערע?".

דער ראבאט האט אבער אויך געברענגט גרויס אויפברויז ביי די עקסטרעמע מוסולמענער, וועלכע האבן געברויזט אויפ'ן פאקט אז... דער ראבאט גייט נישט אנגעטון מיט טראדיציאנעלע אראבישע מוסולמענער קליידונג...

 

[יאצמעך]

ער פרעפעלט כאטש?

[וואוילע שעפעלע]

ער קען נישט זינט ער פארמאגט מער ווי צוויי פיס

[קאמפיוטער עקספערט]

מאנטרעאל – א מאדנע געזעץ איז באשטעטיגט געווארן דורכ'ן פארלאמענט אינעם קוויבעקער פראווינץ אין קאנאדע, אז פון היינט און ווייטער וועלן געשעפטן מער נישט טארן באגריסן די קונדן מיט די ענגלישע ווארט "היי" (באדייט: העלא), נאר וועלן מוזן נוצן נאר די פראנצויזישע באגריסונג "באנזשור". אין קוויבעק, א פראווינץ וואו עס וואוינען געמישט א גרויסע צאל פראנצויזיש-רעדנדע בירגער און ענגליש-רעדנדע בירגער, ליידט מען זיך שוין לאנג צוזאם פון די אזוי-גערופענע "שפראך פאליציי", די ספעציעלע רעגירונג אויטאריטעטן וועלכע מאכן זיכער נישט צו באליידיגן די פראנצויזישע אינעם פראווינץ, און די פרישע אפשטימונג איז בלויז נאך אן עקזעמפלאר דערפון. ביז היינט האבן די אויטאריטעטן ערלויבט צו באגריסן קונדן מיט'ן צוזאמשטעל פון "באנזשור היי", א קאמפראמיס פון ענגליש און פראנצויזיש, אבער פון יעצט און ווייטער וועט מען נאר מעגן באגריסן מיט "באנזשור". האט נישט מורא, ס'איז נישטא קיין וועג וויאזוי צו אינפארסירן דאס נייע געזעץ און ס'איז נישטא קיין שטראף פאר פארלעצער...

[רה''ק דקהל פורים]

וואשינגטאן – "רויטערס" האט נעכטן באריכטעט אז ראבערט מוללער, דער ספעציעלער פראקוראר וועלכער פירט אן די טראמפ-רוסלאנד אויספארשונג, האט געשיקט א סובפינע פאר דער אייראפעאישער "דויטשע באנק", וועלנדיג באקומען פון זיי פארשידענע דאקומענטן, אין פארבינדונג מיט דער אויספארשונג. עקספערטן זאגן אז דאס צייגט אז מוללער קוקט אויך אריין אין טראמפ'ס פינאנצן און ביזנעס דיעלס וואס ער האט געמאכט אין אויסלאנד אין לויף פון די יארן, אריינגערעכנט דעם פאקט אז "דויטשע באנק" האט אים געבארגט מיליאנען דאלארן אין דער צייט וואס אנדערע בענק האבן נישט געוואלט האבן קיין שייכות מיט אים. די אנטוויקלונג האט פארשטערקערט די שפעקולאציעס אז מוללער האט שוין באוויזן צו לייגן א האנט אויף טראמפ'ס טעקס רעטוירן דאקומענטן, און באזונדער האט מען באהאנדלט צי טראמפ וועט נעמען שריט אפצושטעלן מוללער'ס אויספארשונג, וויבאלד ער האט אין פארגאנגענהייט געזאגט אז אויב מוללער וועט אויספארשן זיינע פינאנצן, וועט דאס זיין א "רויטע ליניע".

דעילי איד.

(כידוע האט די אמעריקאנער גאווערמענט נישט קיין שום וועג צו שאפן איינעמ'ס טעקס ריטוירן...)

[רה''ק דקהל פורים]

איך ווייס נישט וואו עס צו לייגן, לייג איך עס דא.

די ניו יארק טיימס און פאלטיקאו באריכטעט אז אין 2007 האט די פענטעגאן - אויף די דירעקטע פארלאנג פון דאן-סענאט מאיאריטעט פירער הערי ריעד - אנגעהויבן א מולטי מיליאן דאלער פראגראם צו פארשן.... יו עף אוס.

[גרויסע-גדולה]

עס מאכט סענס, ווייל זיי פארשן פליענדיגע חפצים, כדי צו וויסן אויב עס איז דא חפצים פון אנדערע לענדער וכדו'. עס איז נישט קיין אנדייטונג אז זיי האלטן אז עס קומט פון אוטער ספעיס.
סך הכל מיינט ufo unidentified flying object

[סאמעטוכע]

הייסט אז עס איז נישט פון זיי..אדער...אוי שפעקילאציעס

[קלאָצקאָפּ]

נישט נאר אין וויליאמסבורג...

Capture.JPG (24.45 KiB) געזען 3643 מאל

[ל. שווימער]

נישט נאר און וויליאמסבורג אדער מאנהעטן, נאר אין גאנץ אמעריקע איז דאס א שטארק שטייגענדע מארקעט. דער עולם איז מיד פון לויפן און אמערדשענסי רום יעדעס מאל מדארף א דאקטאר עפטער ביזנעס שעות. ווארטען דארט ווער וייסט ווי לאנג און באצאלן א מעדיקל ביל פון עוורידש 1500 דולר. ווען דו קענסט עס האבן אין א האלבע שעה און באצאלן די 170 דולר וואס סקאסט א עוורידש וויזיט אין אן ערדשינט קעיר צענטער.

[קליינטשיגער]

סייענטיסטן זאגן אז זיי האבן געטראפן א טיק וואס האט אין זיך בליט פון א דיינעסאור, זיי ניצן דאס כדי צו ווייזן אז זייערע חלומות איבער א באשעפעניש וואס האט אמאל עקזיסטירט איז אמת..

אה... כהאב פארגעסן די עיקר, די טיק איז אלט 99 מיליאן יאר, דאס מיינט אז נעקסטע יאר גייט עס זיין 99 מיליאן מיט איין יאר אלט.

[שאהן הענניטי]

פון וואו ווייסען זיי וועלכע בליט די דיינעסאור האט געהאט?

[יאצמעך]

אין משיבין על הדרש...

[איש האשכולות]

נעבראסקע – 2 פאליציי אפיצירן האבן פארנדיג אויף די אינטערסטעיט 80 שאסיי, אין יארק קאונטי, נעברעסקע, באמערקט ווי א טאיאטע דעקאטע קאר מאכט אן אומלעגאלע מאנעוורע און רוקט זיך אריבער צו אן אנדערער ליניע אן מאכן די סיגנאלן פאר די דרייווערס ארום, האבן די אפיצירן זאפארט אנגעצינדן די לעמפלעך און ארויסגעפלויגן נאך יענעם קאר, וואס האט זיך ארויסגעשטעלט צו ווערן געפירט דורך אן אכציג יעריגן פארשוין, מיט'ן נאמען פעטריק דזשעראן, וואס איז געזעסן מיט זיין ווייב, וועלכע איז אין די טיפע 70'ער יארן. ווען די אפיצירן האבן געבעטן די לייסנס און רעגיסטראציע, און געשטעלט פראגעס פון די קאר אייגנטימער, האבן זיי פלוצלינג אנגעהויבן שפירן א שטארקן גערוך פון מאריכואנא. קודם האבן זיי געטראכט אז דער דרייווער איז א דראג-צוגעבונדענער, אבער ביים אונטערזוכן די אויטא, האבן זיי געפונען העכער 60 פונט דראגס! ארויסגעשטעלט האט זיך אז דאס עלטערע פארפאלק האט נעבעך געוואלט פארטיילן דעם סם פאר די אייניקלעך אלס חאגע געשאנק...

קרעדיט: דער איד טעגליך.

[שטייגען]

אדער יא אדער ניין.

[elter-zeide]

סייענטיסטן זאגן אז זיי האבן געטראפן א טיק וואס האט אין זיך בליט פון א דיינעסאור, זיי ניצן דאס כדי צו ווייזן אז זייערע חלומות איבער א באשעפעניש וואס האט אמאל עקזיסטירט איז אמת..

אה... כהאב פארגעסן די עיקר, די טיק איז אלט 99 מיליאן יאר, דאס מיינט אז נעקסטע יאר גייט עס זיין 99 מיליאן מיט איין יאר אלט.

דער חשבון גייט אנדערש ווען מ'רעכענט מיליאנען, פאר א יאר איז עס אלט געווען 88 מיליאן יאר, היי יאר 99 מיליאן יאר אין איבער א יאר וועט עס אלט זיין 110 מיליאן יא

[רה''ק דקהל פורים]

דערמאנט מיר פון יענעם איינגעשטעלטן אין סייענס מוזעאום וואס האט געזאגט אז דער און דער געביין איז 350 מיליאן מיט 22 יאר. אויף די פראגע וויאזוי ער ווייסט אזוי פונקטליך האט ער מסביר געוועו אז ווען ער האט אנגעהויבן ארבעטן דארט 22 יאר צוריק האט מען אים געזאגט אז עס איז 350 מיליאן יאר אלט...

[ויתן לך]

אדער יא אדער ניין.

פארשטייט זיך א דזשאוק

[ענדע צדיק!]

:lol:

דערמאנט מיר פון יענעם איינגעשטעלטן אין סייענס מוזעאום וואס האט געזאגט אז דער און דער געביין איז 350 מיליאן מיט 22 יאר. אויף די פראגע וויאזוי ער ווייסט אזוי פונקטליך האט ער מסביר געוועו אז ווען ער האט אנגעהויבן ארבעטן דארט 22 יאר צוריק האט מען אים געזאגט אז עס איז 350 מיליאן יאר אלט...

[עין טובה]

אדער יא אדער ניין.

פארשטייט זיך א דזשאוק

די טוויטס לעבן נאך